မှာတမ်း
-
-- နှုတ်ဆက်သီချင်း
ညင်းသီဆိုဖွဲ့ ချန်ထားခဲ့မယ်။
နှင်းစက်များဖြင့်၊ ကြွားဝင့်ပျိုလွင်
ရာသီပင်တို့၊ မျက်ရည်စို့ဝဲ
အေးစက်ဆဲည၊ ထာဝရမတည်
နာရီရွေ့လျား၊ တံခါးညောင်းပိတ်
ဆောင်းအိပ်တော့မယ် ---။
ဘယ်လို---
အပူကိုကြောက်
ရွက်ခြောက်ရင်ခွင်၊ မခုံမင်ဘူး
ပန်းဦးပွင့်ဝေ၊ မကြွေချင်ဘူး
ရည်စူးသမျှ၊ ဘဝပုံပြင်
သင်္ခါရ နိမိတ်
လန့်ထိတ်သတဲ့ --- လား။
အားနာလိုက်တာ ---
ကံက္မြာနဲ့၊ ကာလခရီး
ဖန်တီးမရ၊ တစ်ဒင်္ဂတွေ
ဝေကြ ကြွေကြ
နေကြ သေကြ
ဒါ --- ဘဝ --- တဲ့။
မမုန်းနဲ့လေ ---
နွေမှာနေရဲ၊ မြေမှာခြေမြဲ
အံခဲသ္တိ၊ ပကတိနုပျို
ပင်အိုမာန၊ သည်မှာပြစို့
ပန်းတချို့တော့ ကြွေလိမ့်မယ်။ ။
အောင်ဒင်
ရှုမဝရုပ်စုံမ္ဂဇင်း၊ ၁၉၈၄ ခုနှစ်၊ ဧပြီလ
