မောင်စွမ်းရည် – ကဗျာဆရာအောင်ဒင်သို့ အလွမ်းစာ (မိုးမခ မီဒီယာ)

(Illustration – Maung Swan Yi)

 

မောင်စွမ်းရည် – ကဗျာဆရာအောင်ဒင်သို့ အလွမ်းစာ

July 7, 2014
http://moemaka.com/archives/38568

ကိုအောင်ဒင်တယောက် ပျောက်နေတာကြာပြီ။ မတွေ့ရတာကြာပြီလို့ ဆိုချင်တာပါ။ ဒါပေမဲ့ ကိုအောင်ဒင်ကို မပြတ်သတိရနေမိတယ်။ “ ဒီအဖိုးကြီးညာတာ” လို့ ကိုအောင်ဒင် ချက်ခြင်း တွေးလိုက်မလားမသိ။ ဒီလိုလေ- ဝါရှင်တန်မှာ ကိုအောင်ဒင်တို့ဆီသွားတော့ ကိုအောင်ဒင်ဟာ မောင်စွမ်းရည်ကို နာရီတလုံးပေးခဲ့တာကော။ ပေးသူကမေ့သွားနိုင်ပေမဲ့ လက်ခံသူက- လက်မှာပတ်ထားတာဆိုတော့ မေဖို့မလွယ်ဘူးပေါ့။ (ခေတ်သစ်ဥပဒေသက အခုတောင်ထုတ်ချင်သေး- “မေ့ရခက်အောင် လက်ဆောင်ပေးချင်ရင် တာရှည်မတွေးနဲ့ နာရီပေး” လို့)။

ဝါရှင်တန်ကိုသွားတော့ ကိုယ့်ကိုလာကြိုတာက ကိုအောင်ဒင်လေ။ ကိုအောင်ဒင်က ကိုယ့်ဆီက လက်ဆွဲအိတ်ကြီးကို ဆီးယူ။ ပခုံးပေါ်ထမ်း၊ ရှေကကလမ်းပြသွားခဲ့တယ်၊  မိုးသီးဇွန်၊ အောင်ဒင်၊ အောင်သူငြိမ်း-တဲ့။ သူပုန်ကျောင်းသား သုံးဦးအတူနေကြတယ်လေ။ ပုသိမ်သားကျောင်းသားခေါင်းဆောင် အောင်စောဦးနဲ့လဲ ဆုံရတယ်။ ဂျပန်ကလာတဲ့ ရဲထွတ်၊ ဆန်ဖရန်စစ္စကိုကလာတဲ့ ကျော်အောင်လွင်-ကိုအောင်ဒင်တို့ဆီမှာပဲ ဆုံခဲ့ကြရတာ။ နိုင်ငံရေးကိစ္စတွေက ထိပ်ရောက်နေတော့ စာကြောင်း ကဗျာကြောင်းတွေ မပြောခဲ့ရဘူး၊ ကိုအောင်ဒင် ကဗျာကိုခုလောက်ထိ ဝါသနာထုံမှန်းလဲမသိခဲ့ရ။

နောက်-၄-၅နှစ်လား ကြာလာတော့ မောင်စွမ်းရည်ရှိရာ နယူးယောက်ကို ကိုအောင်ဒင် ရောက်ချလာတယ်။ သောကြာသားဆိုပေမဲ့ ထုံးစံအတိုင်း စကားကို ဖွယ်ဖွယ်ရာရာ၊ ရယ်လားမောလား- မပြောဘူး၊
“ကဗျာစာအုပ်ထုတ်ချင်တယ်- အမှာစာရေးပေးပါ” တဲ့။ ကျနော်တို့တတွေ- (တင်မိုးတို့ မောင်စွမ်းရည်တို့) ဆိုတာက ဘာတောင်းတောင်း၊ ဘယ်လိုလူကတောင်းတောင်း၊ ဘယ်လိုအချိန်တောင်းတောင်း လွယ်လွယ်နဲ့ ပေးလေ့ရှိပါတယ်။ စာအုပ်လိုဟာမျိုးပေးဖို့ လက်ခက်ကောင်းခက်ပေမဲ့ ကိုယ့်လက်နဲ့ရေးပေးရတဲ့စာရွက်ကိုတော့ ဘယ်နှစ်ရွက်ပေးရပေးရပေါ့။ “ ရေးပေးမယ်” လို့ပဲ ချက်ခြင်းဖြေလိုက်တယ်။ ဒါပေမဲ့….

ဒါပေမဲ့- အဲဒီအခိုက်မှာ ကဗျာဝါသနာအိုးတဦးကစာအုပ်တအုပ် ထားတယ်။ သူကကဗျာတွေကို စပ်နည်းစပ်ထုံးနဲ့ အတော်အတန်ညီအောင် ရေးနိုင်တယ်။ ဥာဏ်ကောင်းတယ်။ လက်သွက်တယ်။ ကဗျာဥာဏ်၊ ကဗျာစိတ်ကူးကတော့ အထူးကြီးမဟုတ်လှပေမဲ့- အားပေးတဲ့အနေနဲ့ “အမှာစာ” ရေးပေးတာရှိတယ်။ သူ့နိုင်ငံရေးအယူအဆကလဲ “မှန်” တယ်လို့ ပြောနိုင်တယ်။ အဲဒီကာလမှာ စစ်အစိုးရကို ဆန့်ကျင်တာမှန်သမျှ မှန်တယ်။ ဒီမိုကရေစီရေးကို ထောက်ခံတယ်။ စာတရွက်ချင်း နံရံတွေကို လိုက်ကပ်ရတာတောင်ရှိသေးတော့ ခုလိုစာအုပ်ဖြစ်အောင်ရေးပြီး ဆန့်ကျင်တာဟာ စိတ်ပါလို့ပါပဲဖြစ်ဖြစ်၊ ကျော်ကြားချင်လို့၊ လူရာဝင်ချင်လို့ပဲဖြစ်ဖြစ်- စာဖတ်ပရိသတ်က ထိုက်တန်ရာနေရာကို ပေးသွားမှာပါ။ မောင်စွမ်းရည်ရဲ့မိတ်ဆက်စာက ဒီလူဟာဖြင့် အလွန်တော်တဲ့လူ- ရှေ့ဆုံးခုံတန်း (ဗွီအိုင်ပီခုံတန်း) မှာ တစ်နေရာပေးလိုက်ပါလို့ ရေးထားတာမှ မဟုတ်ပဲကလား။ (ဒါကတော့ အမှာစာရေးသူက သူ့ဘက်က “ဆင်ခြေဆင်လက်၊ ဆင့်နားရွက်” လို့ဆိုပါတော့)

ကိုအောင်ဒင်ကတော့ ရှင်းရှင်းနဲ့ပြတ်ပြတ်ပဲ။ သူ့ညီကဗျာဆရာ ရွှေဘုန်းလူ(တာရာမင်းဝေ) နဲ့ တွေ့ဖူးပါ့ဗျာ။ အဲသလို တုံးတုံးတိတိကြီးမဟုတ်ဘူးခင်ဗျ။ ကိုအောင်ဒင်က ဘာပြောတယ်မှတ်သလဲ။ “ ဆရာ-နေပါစေတော့။ သည်လိုစာအုပ်မျိုးအတွက် အမှာစာရေးထားတဲ့ လက်နဲ့ရေးထားတဲ့စာကို  ကျနော်ရဲ့စာအုပ်မှာ ကျနော်မလိုချင်ဘူး”တဲ့။ မှတ်ကရော။ သူ့ကဗျာကိုလဲ ကျနော်မဖတ်ရသေး၊ ကျနော့် အမှာစာကိုလဲ ကျနော်မရေးရသေး။ ကျနော်အမှာစာ မရေးရတာက ဘာမှမဖြစ်၊ သူ့ကဗျာစာအုပ်ကို မထုတ်ဖြစ်လိုက်ရတာကိုပဲ ဝမ်းနည်းမိလိုက်ပါရဲ့။

စာအုပ်သုံးအုပ်ကို တထုပ်တည်းပို့လိုက်တော့ တကယ့်ကို ဝမ်းသာမိတယ်။ စာအုပ်က “မြန်မာနိုင်ငံပြည်ထောင်စု လွှတ်တော် အနီးကြည့် အဝေးကြည့်” တဲ့။ နောက်တစ်အုပ်က အရေးတကြီးသိရှိထိုက်တဲ့ အကြောင်းအရာတွေပါ။ နောက်တစ်အုပ်ကတော့ ကဗျာစာအုပ်ကလေးပါ။ စာမျက်နှာ ၁၂၀လောက်၊ ကဗျာပုဒ်ရေ ၃၂ပုဒ်။ သစ္စာနီနဲ့ မောင်သိန်းဇော်- ကဗျာဆရာများရဲ့ အမှာစာတွေပါ။

သစ္စာနီက ခေတ်ပေါ်ကဗျာနောက်ခံသမိုင်းကို ခင်းကျင်းပြီး အောင်ဒင်ရဲ့ကဗျာကို မိတ်ဆက်ပေးထားပါတယ်။ မောင်သိန်းဇော်(ဇာတ်မင်းသား၊ မန္တလေးသိန်းဇော်) ကဗျာရှည်တပုဒ်နဲ့ ဂုဏ်ပြုမိတ်ဆက်ထားလေရဲ့။ “ကဗျာဆရာအောင်ဒင်ရဲ့ ငြိမ်းချမ်းရေးအလံ လွှင့်ထူထားတဲ့ ၊ အမှန်တရား ၃၂ ခု ဆိုပါတော့၊ အနာဂတ်ရဲ့၊ ရင်စတည့်တည့်မှာ၊ လှပစွာစိုက်ပျိုးခဲ့ပြီး” …တဲ့။ သစ္စာနီရဲ့အမှာစာဟာ အောင်ဒင်နဲ့ ဝေးနေခဲ့တဲ့ မြန်မာကဗျာပရိသတ်အတွက် အသုံးဝင်ပါလိမ့်မယ်။ အောင်ဒင်ဟာ ‘ဒထ္ထ’ ကလောင်အမည်နဲ့ မဂ္ဂဇင်းပေါင်းစုံမှာ ကဗျာတွေရေးနေခဲ့တဲ့ စက်မှုတက္ကသိုလ်ကျောင်းသားပါတဲ့။

သူကဗျာတွေရေးနေတဲ့ကာလဟာ ၁၉၈၀ခုနှစ်လောက်ကစတယ်။ အဲဒီကာလမြန်မာစာပေလောကမှာ “ခေတ်ပြိုင်” ဆိုတာ အယူဝါဒတစ်ခုမဟုတ်။ တစ်ခေတ်တည်းပြိုင်တူရှိနေကြတဲ့ ကဗျာဆရာများနဲ့ ကဗျာများရယ်လို့ပဲ ဖြစ်ပါတယ်။ “ခေတ်ပေါ်ဝါဒ” ဆိုတာကတော့ မြဇင်တို့ မောင်သာနိုးတို့တင်ပြနေကြတဲ့ အနောက်တိုင်းစာပေဝါဒက “ မော်ဒန်ဝါဒ”(မော်ဒန်နစ်ဇင်) ကို ဆိုလိုတာဖြစ်ပြီး၊ နောက်ပိုင်းမှာ ဇေယျာလင်းက အင်္ဂလိပ်ဘာသာဆောင်းပါးတွေကနေ ဘာသာပြန်ပြီး ဆက်လက်တင်ပြနေပါတယ်။ အဲဒီတော့မှ “ကောလာ့ခ်ျ၊ ဖလက်၊ ဒစ်ဂျစ်တယ်၊ ကွန်ဆက်ကျူရယ်ဆိုတဲ့ မော်ဒန်ကဗျာဝါဒဆိုင်ရာ စကားလုံးတွေဝင်လာတယ်။ ဗမာကဗျာဆရာတွေက အဲလောက်ထိရှုပ်ရှုပ်ထွေးထွေးမသိခဲ့၊ မလုပ်ခဲ့ဘူးလို့ပဲ ကျနော်သဘောရပါတယ်။ ဒီကြားမှာ မောင်သာနိုးဘာသာပြန်စိုက်ပျိုးထူခဲ့တဲ့ “ထင်းရှူးပင်ရိပ်” ကိုဖြတ်သန်းကြတာပဲရှိခဲ့ပါတယ်။ အဖတ်တင်ပြီး ကျန်ခဲ့တာ “ကာရန်မဲ့ကဗျာ” ပါပဲ။ (တကယ်တော့ ဗမာဘာသာစကားက ဧကဝဏ်တ ဘာသာစကားဖြစ်လို့ ကာရန်ကြွယ်လွန်းတာဟာ တမင်ရှောင်လို့တောင် မလွယ်ပါဘူး) ကာရန်မဲ့တဲ့ စာပြင်နားလည်ရခက်တဲ့ သင်္ကေတတွေ၊ နိမိတ်ပုံတွေနဲ့ သီကုံးလာကြပါတယ်။ ဆာရီယယ်လစ်ဇင်ဆိုတာက အလွန်ရှုပ်ထွေးတဲ့ အနုပညာဝါဒကရုပ်ပါ။ ဗမာပြည်မှာ ဝါဒတရပ်အဖြစ် မထူထောင်ခဲ့ပါဘူး။ ဆာရီယယ်လစ်ဇစ် သဘောပါတဲ့ အသုံးတချို့ ဆင်တူရိုးမှား ဖန်တီးနိုင်ခဲ့ကြတာပဲရှိပါတယ်။

အဲဒီလိုရှုပ်ရှုပ်ထွေးထွေးခေတ်မှာ ကဗျာတွေရေးခဲ့ပေမဲ့ “ရန်ကုန်-ငြိမ်းချမ်းရေးကဗျာစု (၂၀၀၀-၂၀၁၃)” မှာတော့ ရှုပ်ရှုပ်ထွေးထွေးတွေ မပါပါ။ ရှုပ်ထွေးတဲ့ မြို့ပြနိုင်ငံရဲ့ “မြို့ပြခံစားမှု” မျိုးကို- ကိုအောင်ဒင်က စိုးစဉ်းမျှပဲထုတ်ဖေါ်ပါတယ်။ ခေတ်ရှေ့ပြေးနေတဲ့ အမေရိကန်ပြည်ထောင်စုက မြို့တော်ဝါရှင်တန်မှာ ၁၀နှစ်ကျော်နေလာခဲ့ပြီး၊ ခေတ်ပေါ်စာပေတွေကြားမှာ လှုပ်ရှားသင်ယူလာခဲ့သူက မော်ဒန်ဝါဒတွေမပတ်သက် မစွက်ယှက်ခဲ့ပါကလား။ သစ္စာနီကမှတ်ချက်ချတယ်- “သူ့ကဗျာတွေက သူ့သဘာကိုဖော်ပြနေတယ်။ ရိုးရိုးရှင်းရှင်းနဲ့ ထိရောက်အောင်၊ နောက်သူရင်ထဲရောက်အောင် ပြောနိုင်တာက သူ့အစွမ်းပါ” တဲ့။ ရိုးရိုးရှင်းရှင်းနဲ့ထိရောက်တယ်ဆိုတဲ့ သစ္စာနီရဲ့မှတ်ချက်ကို ကျနော်လဲသဘောတူပါတယ်။ မှန်ပါတယ်။ “အထူးသဖြင့် ဆာရီယယ်လစ်ဆန်ဆန်၊ ဆင်ဘော်လစ်ဆန်ဆန်တွေကို စွန့်လွှတ်လာကြစေပါတယ်” လို့လဲဆိုထားပါတယ်။

“ရန်ကုန်တော့ဖြေးဖြေးပေါ့” ဆိုတဲ့ ကဗျာထဲမှာ “ခွပ်ဒေါင်းတွေအတောင်ဖြန့်တဲ့ တိုင်းပြည်မှာ” ဆိုတာ အလင်္ကာတခုပါ။ “ဘဝဆိုတာလည်း၊ သမုဒ္ဓရာထဲက ရေပွက်တပွက်မျှသာ” ဆိုတာလဲ အလင်္ကာပဲ။ “လက်ပံတောင်းတောင်ကြီးက၊ သူ့ရင်ဘတ်ထဲက၊ ကြေးနီတွေသွန်ချလိုက်တယ်” ဆိုတာ၊ “ရန်ကုန်ငြိမ်းချမ်းရေး” ကဗျာထဲမှာပါတဲ့ အလင်္ကာပါ။ ဒါဆိုရင် အလွန်အကျူးလဲပြော၊ သွယ်ဝိုက်လဲပြောထားလေတော့ ဝင်္ကဝုတ္တိအလင်္ကာမှာ၊ အတိသရဝုတ္တိအလင်္ကလာပါ မြောက်နေတဲ့အပြင်၊ သစ္စာနီပြောတဲ့ “ဆာရီယယ်လစ်” သဘောတွေတောင်ကဲနေပါသေးတယ်။

    

တကယ်တော့ အောင်ဒင်ရဲ့ကဗျာတွေမှာ သမားရိုးကျ “ကာရန်စနစ်”နဲ့ အလွန်ဝေးကွာခဲ့ပါပြီ။ ဒါပေမဲ့ ကဗျာသဘောတရားနဲ့ စကားပြော ခြားနားမှုမှာ ပုံသဏ္ဍာန်အရ ကာရန်ကအဓိကလို့ မြန်မာကဗျာသဘောတရားနဲ့ ပြောရပါလိမ့်မယ်။ ကဗျာကို ကာရန်နဲ့ “သီကုံး”ပါတယ်။ ကာရန်ကို “အသံ”တူရုံမျှနဲ့ ကိစ္စမကြီးပါဘူး။ အနိမ့်အမြင့်၊ အတက်အကျ၊ အလေးအပေါ့- ဂရုလာဟု၊ ဒီဃရသ- ဆိုတာတွေ ရှိပါသေးတယ်။ ဆိုချင်တာ ကာရန်ဟာ အသံစီးပုံစနစ်ဖြစ်တဲ့ “ရစ်သမ်”ကိုလဲ ဖန်တီးသမှု၊ ပြုရပါတယ်။ ဒီအချက်ကို ကျနော်တို့သဘောမပေါက်ခဲ့ကြဘဲ ကာရန်ကို အာခံခဲ့ကြတာမဟုတ်လား။ အစဉ်အလာကဗျာတွေကို ပြန်ကြည့်ရင် “ မဲဇာတောင်ခြေ”ရဲ့ ၄-၃-၂ ကာရန်ဟာ မဲဇာမြစ်ရေ၊ ရစ်ခွေ၊ စီးတွေဖြစ်နေပုံကို အသံနိမိတ်ပုံကိုပါ ဖြစ်ပေါ်စေပါတယ်။ ပျဉ်းမငုတ်တိုကဗျာမှာ စစ်ဘေးကြုံရပုံကို ၄-၂၊ ၄-၂ ကာရန်တွေနဲ့ဆက်ပြီး ဖွဲ့ထားတာဟာ စစ်မုန်တိုင်းသံကို ကာရန်နဲ့ဖန်တီးထားတာမဟုတ်လား။

   

 အောင်ဒင်က “အသက်တစ်နှစ်ပိုကြီးလာတဲ့နေ့မှာ” ဆိုတဲ့ကဗျာထဲမှာ သူဟာထပ်ကာထပ်ကာ အရုဏ်တွေကျ၊ ဘဝမောတွေကကြုံခဲ့ရပုံကို ကာရန်စနစ်မသုံးဘူး။” ထပ်ကြော့စနစ် (Repetation) နဲ့။ အထပ်ထပ်ကြုံခဲ့ရတဲ့ ဒုတ်ခတွေနဲ့ အမောကိုလဲ အသံနိမိတ်ပုံ၊ သဒ္ဒါလင်္ကာရ (အသံလင်္ကာ) နဲ့ဖွဲ့ထားပါတယ်။ ဒါဟာ ကာရန်မဲ့ “သဒ္ဒါလင်္ကာရ”ပဲဆိုရမှာပေါ့၊ ထပ်ခြင်း၊ ပြိုင်ခြင်း(ဝါကျတွေကို ဖြစ်ရပ်တွေကိုထပ်ပြောဖွဲ့ဆိုခြင်း) ဟာ အလင်္ကာပါပဲ။ “ရန်ကုန်ငြိမ်းချမ်း ကဗျာ”မှာ – စလျှင်စခြင်း-

ရန်ကုန်မှာ
တိုက်ပွဲတွေမရှိတော့ဘူး၊
အကြမ်းဖက်ဖြိုခွဲတာတွေ- မရှိတော့ဘူး
စွမ်းအားရှင်တွေ မရှိတော့ဘူး။
ရန်ကုန်မှာ လွတ်လပ်စွာပြောဆိုနေကြပြီ
ရန်ကုန်မှာ လွတ်လပ်စွာ ရေးသားထုတ်ဝေနေကြပြီ။

စသဖြင့် ရေးဖွဲ့ထားတာဟာ ကာရန်မပါမှန်းတောင်မသိလိုက်ရပါဘူး။ အသံတူ၊ စာလုံးရေတူ၊ ဖြစ်စဉ်ဆင်တူတွေ- “မရှိတော့ဘူး” “မရှိတော့ဘူး” ဖြစ်နေကြပြီ၊ “ဖြစ်နေကြပြီ” စသဖြင့် ဖွဲ့ဆိုထားပုံဟာ “ထပ်ကြော့ခြင်း” “ပြိုင်ခြင်း” တို့ကို အသုံးပြုပြီး ရစ်သမ်ဖန်တီးလိုက်တာပါပဲ။ ဒီအသံတွေ အဆင့်ဆင့်ကို အသံထွက်ပြီး ဖတ်သွားရင် ပြေပြစ်တာ၊ မပြေပြစ်တာတွေကို နားဝမှာပိုပြီး သိသာထင်ရှားလာပါလိမ့်မယ်။

ရန်ကုန်မြို့ကြီးမှာ အရင်ကမရှိခဲ့၊ မဖြစ်ခဲ့တာတွေအလျင်အမြန်အထပ်ထပ်၊ ဆက်ကာ ဆက်ကာဖြစ်ပေါ်နေပြီဆိုတာကိုလဲ အသံနဲ့တန်ဆာဆင်ထားလို့ သဒါလင်္ကာရ မြောက်နေတာကို တွေ့ရပါလိမ့်မယ်။ ဒါဟာ ခေတ်ပေါ်ကဗျာတွေရဲ့ အားမာန်တခုပါပဲ။ အသံကို အလင်္ကာပြု၊ နိမိတ်ပုံပြုပြီး ကာရန်စနစ်ကို ဖြုတ်မှန်းမသိ ဖြုတ်ခဲ့ပုံကို နမူနာတင်ပြနိုင်ပါတယ်။

ခေတ်ပေါ်ကဗျာဆိုတာ ခေတ်အခြင်းအရာ၊ ခေတ်ခံစားမှု၊ ခေတ်အတွေးတွေကို ခေတ်အသံနဲ့ ဖွဲ့ဆိုထားတာပဲမဟုတ်လား။ ဒါတွေဟာ တစ်ခုမကောင်းရင် အားလုံးကောင်းမှာ မဟုတ်တော့ဘူး။ အသံနဲ့သရုပ်ဖေါ်တွေကို အသံထုတ်ပြီး ရွတ်ဆိုမကြည့်ရင် သိပ်ပြီးသိသာပေမှာမဟုတ်ဘူး။ အသံထုတ်ဖတ်ကြည့်မှ အသံရဲ့အင်အားကို ပိုပြီးခံစားတတ်လာမှာပါ။ “နား” ကလဲကဗျာကို လမ်းပြသွားနိုင်လိမ့်မယ်။ အသံချင်း ထပ်ကြော့ခြင်း၊ နိမိတ်ပုံချင်း ထပ်ကြော့ခြင်းတို့မှာ ဝါကျတကြောင်းချင်း ထပ်ကြော့သွားတာတွေရှိသလို လေးငါးခြောက်ကြောင်းလောက်ပါတဲ့ စာပိုဒ်တပိုဒ်ချင်း ယှဉ်ပြိုင်ထပ်ကြော့သွားတာဟာလဲ  အောင်ဒ်ရဲ့ “ပညာ” တစ်မျိုးပါပဲ။ ဥပမာ- “မင်းတို့ပြန်ဆုံတွေ့ကြတဲ့အခါ” ဆိုတဲ့ကဗျာမှ စာပိုဒ်တွေကို ယှဉ်ပြိုင်ထပ်ကြော့ထားတာတွေ့ရပါမယ်။

သူငယ်ချင်းတို့ရေ…
မင်းတို့ပြန်လည်ဆုံတွေ့ကြတဲ့အခါ
ပြန်မမြင်နိုင်တော့တဲ့ကျောင်းနေဖက်များကို သတိရပါ။
မလာရောက်နိုင်တဲ့ ငါတို့ကိုလွမ်းဆွတ်ပါ။
မပြည့်ဝသေးတဲ့ အိပ်မက်များကို တမ်းမက်ပါ၊
ဒီကျောင်းတော်ကြီးရဲ့ လှပတဲ့ရင်ခွင်ထဲမှာ။

သူငယ်ချင်းတို့ရေ-
မင်းတို့ပြန်လည်ဆုံတွေ့ကြတဲ့အခါ
စွယ်တော်ပွင့်များကို နမ်းရှိုက်ပါ
သြဘာလမ်းကို ဖြတ်လျှောပါ
ကာတွန်းဘောက်စ်ကို ထောင်မတ်ပါ
ပင်မအဆောက်အအုံကြီးရဲ့ နဖူးစည်းမှာ
သမိုင်းအစစ်အမှန်ကို ရေးထိုးပါ၊
ဒီကျောင်းတော်ကြီးရဲ့ ခန့်ညားတဲ့ ရင်ခွင်ထဲမှာ၊

အထက်ကစာပိုဒ်နှစ်ပိုဒ်ဟာ နမူနာအဖြစ် ဖြတ်တောက်တင်ပြလိုက်တာပါ။ နောက်ထပ်အဲဒီပုံစံ စာပိုဒ်သုံးပိုဒ်ပါရှိပါတယ်။ အားလုံးငါးပိုဒ်ကို ဒီပုံစံပဲ ထပ်ခါထပ်ခါ ဖွဲ့ဆိုထားတဲ့အတွက် အပိုဒ်လိုက်ယှဉ်ပြိုင်၊ အပိုဒ်လိုက်ထပ်ကြော့ထားတယ်လို့ ဆိုနိုင်ပါတယ်၊ စာပိုဒ်ငါးပိုဒ်လုံးမှာ တပိုဒ်ချင်းရဲ့ ဖွဲ့စည်းပုံကို ပြန်ကြည့်ရင်လဲ စာပိုဒ်ထဲမှာ ဝါကျတွေ- တပိုဒ်ချင်း အသံတွေထပ်ကြော့၊ အနက်တွေ ယှဉ်ပြိုင်ထားတာ တွေ့ရမှာပါ။ လှပတဲ့ ဖွဲ့ဆိုပုံကို အသံထွက်ဖက်ကြည့်ရင် အရသာပိုပြီးရှိမယ်လို့ ယုံကြည်ပါတယ်။ အောင်ဒင်ဟာ သူ့ကဗျာတွေကို အသံထွက်ပြီးဖက်ကြည့်မယ်လို့ ထင်ပါတယ်။ ခုတစ်ကြိမ်အသံထွက်ပြီး ဖက်မကြည့်ခဲ့ဖူးဆိုရင်လဲ နောက်ထပ်သူစပ်တဲ့ ကဗျာတွေမှာ သတိတရ အသံထွက်ဖတ်ကြည့်သွားရင် သည့်ထက်တောင် ကောင်းလာမယ်ထင်ပါတယ်။ သူ့မှာ ကဗျာဗီဇမှန် ရိုးရိုးအမှန်ဖြစ်တယ်လို့ ထင်ပါတယ်၊ ဒီလိုစာပိုဒ်ချင်းပြိုင်ယှဉ် ဖွဲ့စည်းပုံကို ‘ မင်းကိုနိုင်’ ကဗျာတိုမှာလဲ သိသိသာသာ တွေ့နိုင်ပါတယ်။ ဒီလိုကဗျာတိုမျိုးကိုတော့ ကဗျာဆရာအများအပြားရေးဖူးကြပါတယ်။

ကျနော်တွေ့ဖူးသမျှ လူငယ်ကဗျာသမားအတော်များများဟာ အားထုတ်မှုအလွန်ကောင်းကြတယ်၊ စိတ်အားထက်သန်ကြတယ်၊ ဒါပေမဲ့ကဗျာတွေ များများဖက်ပြီး အရသာခံ စံနမူနာယူဖို့ထက် ကဗျာအတတ်ပညာ တစွန်းတစကို နားစွင့်ပြီး စမ်းသပ်ဖို့ကို စိတ်ဝင်စား ထက်သန်နေခဲ့ကြတာများပါတယ်။ အောင်ဒင်ကို ကျနော်အကဲခတ်ရသမျှ အဲဒီအထဲမှာ သူမပါဘူး။ သူ့ကဗျာတွေဟာ သစ္စာနီမှတ်ချက်ချသလို ‘ရိုး’ တယ်လို့ဆိုတာကို ကျနော်က သံယောင်လိုက်ခဲ့ပါတယ်။ ဒါပေမဲ့ ကျနော်ဆိုလိုတာက ‘ရိုးစင်း’ တယ်လို့ဆိုချင်တာမဟုတ်ဘဲ၊ ရိုးသားတယ်လို့ဆိုတဲ့ အဓိပ္ပါယ်ပဲ ပါတယ်။ ကဗျာဆရာအစရှိတဲ့ အနုပညာရှင်များဟာ ကိုယ့်ခံစားမှု ကိုယ့်အလုပ်အပေါ်မှာ ရိုးသားဖို့၊ ရိုးဖြောင့်ဖို့ လိုပါတယ်။ ကိုယ့်ခံစားမှု ကိုယ့်ခံယူချက်တွေကို အလေးမထားဘဲ ဟိုလိုအစွမ်းပြချင်၊ ဒီလို အစွမ်းပြချင်၊ ဆန်းပြားမယ်၊ သစ်ဆန်းမယ်ထင်ရဲ့ “ခြေထောက် ပန်းပန်ပြချင်”သူ မျိုးဟာ ကဗျာတိုးတတ်မှုနှောင့်နှေးတတ်တာကို တလျှောက်လုံး စူးစမ်းကြည့်လာခဲ့တဲ့ အတွေ့အကြုံအရ သိလာရပါတယ်။ ကဗျာဝါသနာပါရင် ကဗျာများများဖတ်ဖို့ အရေးကြီးပါတယ်။ “ကဗျာသဘောတရား”တွေထက် “ကဗျာ”က အရေးကြီးပါတယ်။ ကဗျာသဘောတရားတွေက အစာမကြေရင်- တဖက်က ကဗျာလမ်းကြောင်းကို သွားရောက်ပိတ်ဆို့တတ်ပါတယ်။

ကိုအောင်ဒင်က ကဗျာအလုပ်ပေါ်မှာ စူးစူးစိုက်စိုက်နေရ တာဟာ ပြည်တွင်းမှာလို ကဗျာအုပ်စုတွေကြား ရောက်မသွားဘဲ ပြည်ပမှာ ကိုယ့်အလုပ်ကိုသာ ဂရုစိုက်နေခဲ့ရခြင်းဟာ- အဖေါ်နည်းပေမဲ့ ကံကောင်းခြင်းတမျိုးပါပဲ။ သူဟာ ၁၉၈၀ ခုနှစ်များအတွင်းက ကဗျာနယ်ပယ်အတွင်းကို ခြေချခဲ့တယ်လို့ဆိုတယ်။ ကျနော်တို့က ၁၉၅၃မှာ ပုံနှိပ်ကဗျာဖြစ်လာခဲ့လား တကယ်တော့ ၁၉၆၀လောက်မှာပဲ ကဗျာလောကထဲကို အမှန်တကယ် ခြေချခဲ့တာပါ၊ ဒါကြောင့်ကို အောင်ဒင်နဲ့ ကျနော်တို့နဲ့ဟာ ခေတ်ပြိုင်။ ဒါမေမဲ့ ရှေ့ပိုင်းနဲ့ နောက်ပိုင်းလို့လို့ ဆုရမယ်ထင်ပါတယ်။ နှစ်ပေါင်း ၂၀လောက်အတွင်းမှာ ကြားက ကဗျာအုပ်စုတစ်စု ဝင်ရောက်သွားခဲ့ပါသေးတယ်။ အဲဒါက ကိုအောင်ဒင်တို့အပေါ် လွှမ်းမိုးနိုင်ခဲ့တယ်လို့ ကိုအောင်ဒင်ကိုယ်တိုင် ရေးသားဝန်ခံထားတဲ့ (၇)ယောက်အုပ်စုဝင် ကဗျာဆရာအတော်များများပါပဲ။ အောင်ချိမ့်၊ မောင်ချောနွယ်၊ ဖော်ဝေး၊ မြေချစ်သူ၊ သုခမိန်လှိုင်၊ ပိုင်စိုးဝေ၊..စတဲ့ စတဲ့.. ကဗျာဆရာများပါပဲ၊ သူတို့ကဗျာများကို ကျနော်အတော်အတန်ရင်းနှီးခဲ့ပါတယ်။ ဒါပေမဲ့ သူတို့ကဗျာတွေ့ရဲ့ သြဇာအရိပ်အငွေ့မျိုးကို ကိုအောင်ဒင်ရဲ့ ကဗျာတွေထဲမှာ သိသိသာသာ တခုမှ ရှာလို့မတွေ့ပါ။ အစပိုင်းက ပျောက်ဆုံးသွားတာတွေထဲမှာ ပါသွားကောင်းပါသွားနိုင်ပါတယ်။ ဒါဆိုကံကောင်းတာပါပဲ။ ထောင်ကျလိုက်ခြင်းနဲ့ ပြည်ပရောက်သွားခြင်းဆိုတာကလဲ သူတို့ခုနှစ်ယောက်ရဲ့ သြဇာပျက်သွားခဲ့တာဖြစ်နိုင်ပါတယ်။ တကယ်တော့ ဒီအုပ်စုသုံးခုလုံးဟာ ခေတ်ပြိုင်တွေပါပဲ။

ကျနော်တို့မန္တလေးတကသိုလ်အစုဟာ ခေတ်စမ်းကဗျာအရိပ်ဟာ ရုန်းထွက်လာခဲ့ရတာပါ။ ကျနော်တို့အားလုံးဟာ ဇော်ဂျီ၊ မင်းသုဝဏ်ကဗျာတွေအားလုံးလောက်ကို အာဂုံဆောင်နိုင်ခဲ့ကြပါတယ်။ ဒါကြောင့် ရုန်းထွက်ရတာ ခက်ခဲပါတယ်။ ကျန်လူတွေက ကျနော်တို့လောက် ခေတ်စမ်းကို မစွဲခဲ့လို့ ခေတ်စမ်း သြဇာရှင်းသွားခဲ့ရပါတယ်။ ဒါပေမဲ့ မဂ္ဂဇင်းကဗျာတွေလောက်ကိုပဲ အချင်းချင်းပြန်ဖတ်ပြီး ကြီးပြင်းခဲ့ကြလို့ သူတို့မှာ စု-တု-ပြု အဆင့်သုံးဆင့်အတွင်း ‘စု’ ကို ကျော်ဖြတ်တာ မြန်လွန်းပြီး  တုကြ ပြုကြခြင်းက အခြေယိုင်သွားစေတယ်ထင်ပါတယ်။ အခြေယိုင်တာတွေများနေချိန်မှာ ကိုအောင်ဒင်က ကဗျာလောကထဲ ခေါင်းပြူဝင်လာတယ်။ 

ဒါပေမဲ့ ရှစ်လေးလုံးအရေးတော်ပုံကြီးရဲ့  မုန်တိုင်းထဲမှာ လွင့်ပါသွားတဲ့အတွက် အုပ်စုတွေအပြင်ဖက်ဝေးရာမှာ ကိုယ့်ဝါသနာကို ကိုယ်ဖာသာပျိုးထောင်ခဲ့ရပါတယ်၊ ဒါကြောင့် နောင်တော်တွေရဲ့ သြဇာကင်းဝေးခဲ့တယ်လို့ ယူဆပါတယ်၊ တကယ်တော့ ခေတ်ပြိုင်ချင်း အကြိုက်ချင်း သိပ်မကွာကြပါဘူး၊ အောင်ဒင်ရဲ့ “ကိုယ်အကြောင်းကိုယ်ရေးတဲ့ကဗျာ’’ ထဲမှာ စာပိုဒ်အမှတ်(၃)က- ဒီလိုရှိထားပါတယ်။

ငယ်ငယ်ကတော့
အိုမာခရမ်ဖြစ်ချင်တယ်။
ကဗျာတပုဒ်စပ်လိုက်၊ ဝိုင်တစ်ခွက်သောက်လိုက်။
ပင်လယ်ဓားပြလဲဖြစ်ချင်တယ်။
ပျောက်ဆုံးနေတဲ့ ရတနာသိုက်ကိုရှာဖွေဖို့
ရော်ဘင်ဟုလဲ ဖြစ်ချင်တယ်
လူတွေကိုကယ်တင်ချင်းခဲ့တာကို။

နည်းနည်းသိတတ်လာတော့
အောင်ဆန်းဖြစ်ချင်တယ်
သန်းထွန်းဖြစ်ချင်တယ်၊
ဒေါက်တာရေချမ်းဖြစ်တယ်၊
ရဲဘော်အောင်ဒင်ဖြစ်ချင်တယ်၊
ရှယ်လီဝေလင်ရဲ့ ကွိလဲဖြစ်ချင်တယ်
ခုတော့…ဘီလ်ဂိတ်ပဲပဲ ဖြစ်ချင်တော့တယ်။’’

ကျနော် ငယ်ရွယ်စဉ်က ဖြစ်ချင်တာတွေကို ကဗျာဖွဲ့ဖြစ်မယ်ဆိုရင် ဒီလိုပဲထပ်တူနီးပါးဖွဲ့ဖြစ်မယ်ထင်ပါတယ်၊ ဒါဟာ “ ခေတ်ပြိုင်ပါပဲ” ကျနော်တို့တတွေဟာ သစ္စာနီရဲ့ အမှာစာ အမှာပြောသလို “ကဗျာ ဆရာနဲ့နိုင်ငံရေးသမားဟာ အမှန်တရားကို မြတ်နိုးတာရယ်၊ အဖိနှိပ်ခံပြည်သူဘက်ကရပ်တည်တာရယ်မှာတူတယ်။ ပြီးတော့ နိုင်ငံရေးသမားနဲ့ ကဗျာဆရာဟာခွဲလို့မရဘူး” စသဖြင့်။ 

ခုကာလက“ နိုင်ငံရေးဆိုတဲ့ယုံကြည်ချက်” က အားလုံးမှာ ရှေ့တန်းကို တက်လာနေတော့ ကဗျာဆရာတွေအားလုံးဟာ တစ်ခြားလူတွေထက် စည်းလုံးလာတယ်လို့ ဆိုချင်ပါတယ်။ ကဗျာမှာတော့ တစ်ယောက်နဲ့တစ်ယောက်မတူကြတာဟာ “အလှ” ပါ။ တူရင်သွားပြီ။ အောင်ဒင်ဟာ တစ်သီးတစ်သန့်ပွင့်လန်းလာတဲ့ “ ခေတ်ပြိုင်” ကဗျာပန်းတွေထဲက “ခေတ်ပေါ်ကဗျာပန်း” တပွင့်ပါပဲ။

ကျနော်တို့မှာ စုပေါင်းလေ့လာအားထုတ်ခြင်းဟာ “အလှ”ဖြစ်ခဲ့ပါတယ်။ အောင်ဒင်က “ သင်းကွဲ” အလှပါ။ တစ်မျိုးတစ်ဖုံ ဂုဏ်တင့်တယ်တဲ့ “အလှ”ပါ။

မောင်စွမ်းရည်

(၂၀၁၄ မေ)

Aung Din and Zarganar (The Observer by France 24)

U Aung Din (The Observer by France 24)
http://observers.france24.com/en/profile/20080625-u-aung-din

I was born and grew up in Burma. I took part in the 1988 uprising and when the authorities regained control I went into hiding for four months. I was then captured and detained for being the Vice Chairperson of the All Burma Federation of Student Unions (ABFSU), the largest national student organization and outlawed by the regime. I spent four months in an interrogation centre being tortured and then four years in prison. When I was let out in July 1993 I was followed and harrassed all time. They made it impossible for me to get a job. In 1995 I fled to Singapore. I now live in the US and work as the executive director of the US Campaign for Burma and am also country representative of the Thai-Burma border based “Assistance Association for Political Prisoners-Burma” (AAPP). I doubt I will ever be able to return to Burma.

• City : Washington DC
• Country : United States
• Languages : Burmese, English
• Date of birth :
• Profession : Executive director for the US Campaign for Burma
• Blog or Web site : U.S. Campaign for Burma

----------------

• 26/06/2008 / BURMA (The Observer by France 24)

  Burmese comedian Zarganar paying a high price for straight talk
  
  Three weeks after his arrest on June 4, a Burmese comedian known as "Zarganar" remains in an interrogation centre in Rangoon. The junta has as yet given any explanation as to why they arrested Zarganar, but it is assumed that his critical attitude towards the government in the aftermath of the Nargis cyclone has something to do with it.

  The Burmese comedian, film director and political activist has already been detained three times in the past 20 years. He is an avid and outspoken activist, and his comedy often contains references to the ruling regime. Last year he brought attention to himself by handing out food to the protesting monks in September's clashes.

  This time, he was arrested after carrying out a humanitarian aid project that brought together some 400 writers, artists and activists to deliver aid to victims of the cyclone that struck almost two months ago. When asked by the media about his reasons, the comedian spoke openly. He told them that the government wasn't doing anything to help. It has now been three weeks since the 47-year-old was arrested, when ten policemen turned up at his home without warning at 10 pm.

  Contributors

  

  U Aung Din

  "I was blindfolded with my hands tied, put in a small room and hit by many people"

  U Aung Din is a long-time friend of Zarganar. He was arrested by the Burmese government in 1988 for student activism and spent four years in jail. He fled the country in 1995 but remains in contact with Zarganar. He now works for the US Campaign for Burma.

  They just came round, picked him up and threw him in prison. It's how they do it. But it wasn't a surprise. They don't like him because he does a very noble job. The people love him very much, and they hate the government.

  He's a very courageous person. He's been tortured every time he's been in prison — this is the fourth time. I myself have spent four months in a military interrogation centre. I was blindfolded with my hands tied, put in a small room and hit by many people. Sometimes I became the football on a soccer field. And I couldn't do anything because I was tied up. Then there was being hung upside down from a ceiling. Water torture, too. And the standing up for many hours. Sometimes we would be told to kneel down on the floor, but the floor was made of pieces of glass. Then they'd tell you to crawl and shout and beat you. After all this you'd be left in an empty room with no food for seven days. It was the routine. And when one group's released, another comes in.

  Me, I'm scared to go back. That's why I fled. But I believe he'll never leave. He wants to, but he never would. This is someone who could change the country."

The Face of Burma 2005, Aung Din

The Faces of Burma 2005

By The Irrawaddy
December 2005
http://www.irrawaddy.org/aviewer.asp?a=5284&z=102



Aung Din [Exiled Activist]

When Burmese opposition groups claim that the country’s ruling junta holds its population of some 54 million as hostages, skeptics may dismiss it as little more than exaggerated rhetoric. For Aung Din, a former political prisoner and co-founder of a Washington-based lobby group, the claim carries more weight; particularly after hearing the news that the junta had arrested every member of his family, except his octogenarian grandfather.

In the aftermath of deadly bomb attacks in Rangoon last May, the government—having no clues to the identities of the bombers—began interrogating the families of exiled dissidents who were outspoken critics of the military government. Aung Din’s family quickly became targets of Burma’s revamped intelligence agency, which detained his mother, sister and brother in an undisclosed location for several days. They were later released after foreign media organizations reported on the arrests.

According to information received by The Irrawaddy, members of Burma’s thuggish Union Solidarity and Development Association distributed posters with Aung Din’s picture throughout Rangoon, identifying him as a suspect in the bomb attacks. The posters also included the names of his family members, who were thus implicated with Aung Din as suspects without any supporting evidence. As a result, their safety—as well as their reputations—was put at considerable risk

“I felt so bad for my family members,” said Aung Din, the policy director at US Campaign for Burma. “But I hope they would understand that I never get involved in violent activities. This is the military’s hostage-taking harassment.” Given his past affiliations in Burma, it is not surprising that the junta has targeted him. Now in his early 40s, Aung Din was once a student union leader and colleague of prominent student leader Min Ko Naing during the 1988 uprising.

Aung Din was arrested in early 1989 and spent more than four years in prison. Following his release in 1993, he completed his studies in engineering and left Burma. He spent several years in Singapore before moving to the Thai-Burma border in 2000 to join the Assistance Association for Political Prisoners. A year later, he arrived in the United States to work with the Free Burma Coalition.

A dispute with FBC founder Dr Zarni over the group’s policy on Burma led Aung Din and American activist Jeremy Woodrum to leave the group in 2003 and form their own organization, the US Campaign for Burma. Zarni would later reverse his previous position on Burma by coming out against economic sanctions, criticizing democratic opposition leader Aung San Suu Kyi and traveling to Rangoon to meet with the country’s ruling generals.

USCB efforts—particularly its international campaign to celebrate Suu Kyi’s 60th birthday—have demonstrated how coordinated action around the world can make the Burmese junta vulnerable and focus media attention on opposition activities. Aung Din, considered by many to have close ties with the political establishment in Washington, often appears on short wave radio broadcasts. While some critics have branded him a hardliner, Aung Din says that he is simply a “principled activist” working in exile for the benefit of the opposition movement in Burma.