Burma's Parliament Watch Part 21

(ပြည်သူ့ခေတ်ဂျာနယ်၊ အတွဲ ၃၊ အမှတ် ၁၄၅၊ မေလ ၁၆ ရက်၊ ၂၀၁၃၊ စာမျက်နှာ ၁၈/၃၂)

မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့်

အောင်ဒင်

အပိုင်း (၂၁) လွှတ်တော်နှင့် မတရားသောဥပဒေများ ဖျက်သိမ်းရေး (က)

တရားဥပဒေစိုးမိုးရေးဆိုတာ နိုင်ငံတိုင်းအတွက် မရှိမဖြစ်လိုအပ်ချက်ဖြစ်ပါတယ်၊ တရားဥပဒေစိုးမိုးမှ၊ တရားဥပဒေရဲ့ အထက်မှာ မည်သူမှမရှိမှ၊ အဂတိလိုက်စားမှုကင်းမဲ့ပြီး လွတ်လပ်မျှတပွင့်လင်းသော တရားစီရင်ရေးစနစ်ရှိမှ နိုင်ငံတစ်ခုဟာ တည်ငြိမ်အေးချမ်းမှာဖြစ်ပါတယ်၊ တိုင်းပြည်တည်ငြိမ်အေးချမ်းမှပဲ စီးပွါးရေး၊ ပညာရေး၊လူမှုရေးဖွံ့ဖြိုးတိုးတက်မှာပါ၊

"တရားဥပဒေ" ဆိုရာမှာလဲ "ဥပဒေ" ဆိုတဲ့စကားလုံးကို "တရား" ဆိုတာနဲ့ အထူးပြုထားတဲ့အတိုင်း တရားမျှတတဲ့ ဥပဒေတွေဖြစ်ဖို့လိုပါတယ်၊ "ဥပဒေ" ဆိုတာ နိုင်ငံတစ်နိုင်ငံ၊ လူ့အဖွဲ့အစည်းတစ်ခုကို ထိန်းကြောင်းကြပ်မတ်တဲ့ စည်းမျဉ်းစည်းကမ်းတွေဖြစ်ပြီး အာဏာရှင်အစိုးရများအတွက်တော့ ပြည်သူလူထုက နိုင်ငံရေးနိုးကြားပြီး သူတို့ရဲ့ အာဏာကို မဖီဆန်အောင် ကန့်သတ်ချုပ်ချယ်မှုတွေဖြစ်ပါတယ်၊ ၁၉၆၂ခုနှစ်က စလို့ တော်လှန်ရေးကောင်စီစစ်အစိုးရ၊ မဆလပါတီအစိုးရ၊ နဝတစစ်အစိုးရ နဲ့ နအဖစစ်အစိုးရတွေလက်ထက်မှာ နိုင်ငံရေးအမြင်ကွဲပြားသူတွေ၊ အတိုက်အခံတွေကို ဖိနှိပ်ချုပ်ချယ်ဖို့ ဖန်တီးခဲ့တဲ့ ဥပဒေတွေ၊ ဥပဒေကဲ့သို့ အာဏာတည်သောအမိန့်တွေ အများအပြားရှိခဲ့ပါတယ်၊ အချို့ဥပဒေတွေဆိုရင် ဗြိတိသျှကိုလိုနီအစိုးရလက်ထက်ထဲက ရှိခဲ့ပြီး အာဏာရှင်စနစ်ကို အထောက်အကူပြုတာမို့ ပြင်ဆင်ပြီး ဆက်လက်သုံးစွဲကြတာပါ၊ အဲဒီ မတရားတဲ့ ဥပဒေတွေ၊ ပြည်သူလူထုရဲ့ အခြေခံလူ့အခွင့်အရေးကို ကန့်သတ်ချုပ်ချယ်တဲ့ ဥပဒေတွေဟာ ဒီမိုကရေစီစနစ်ကို ပြောင်းလဲ အကောင်အထည်ဖော်နေပြီဆိုတဲ့ ဒီကနေ့အချိန်ကာလမှာတောင် ဆက်လက်တည်ရှိနေတာတွေ့ရပါတယ်၊ နှစ်နှစ်သက်တမ်းရှိလာပြီဖြစ်တဲ့ ပြည်ထောင်စုလွှတ်တော်မှာလဲ ဒီဥပဒေတွေကို ဖျက်သိမ်းဖို့ ပြင်ဆင်ဖို့တင်ပြဆွေးနွေးတာတွေ မရှိခဲ့ပါ၊

၂၀၁၃ခုနှစ်၊ ဧပြီလ ၂၉ ရက်နေ့မှာ ရန်ကုန်မြို့မှာရှိတဲ့ လွှတ်တော်ရုံးခွဲအဆောက်အအုံမှာ "ခေတ်စနစ်နဲ့ မကိုက်ညီသော တည်ဆဲဥပဒေဟောင်းများပယ်ဖျက်ခြင်း၊ ပြင်ဆင်ခြင်းနှင့် ခေတ်စနစ်နှင့် ကိုက်ညီသော ဥပဒေသစ်များပြဋ္ဌန်းခြင်း ညှိနှိုင်းအစည်းအဝေး" ကို ပြည်သူ့လွှတ်တော် ဥက္ကဋ္ဌ ဦးရွှေမန်းက ဦးဆောင်ပြီးကျင်းပတယ်လို့ သိရပါတယ်၊ အဲဒီအစည်းအဝေးမှာ ဦးရွှေမန်းက "ဥပဒေအထက်တွင် မည်သူမျှမရှိကြောင်း၊ ဥပဒေအောက်တွင် အားလုံးတပြေးညီဥပဒေအတိုင်းလိုက်နာ ဆောင်ရွက်ရမည်ဖြစ်ကြောင်း၊ မိမိတို့နိုင်ငံတွင် ပြောင်းလဲပြုပြင်လိုက်သည့် ဒီမိုကရေစီစနစ်နှင့် လိုက်လျောညီထွေသော ဥပဒေများ ရှိနေပြီလား၊ မရှိဘူးလားဆိုတာကို ပြန်လည်သုံးသပ်ရမည်ဖြစ်ကြောင်း၊ ထို့ကြောင့် မိမိတို့အနေဖြင့် ယနေ့ခေတ်စနစ်နှင့်လျော်ညီသော ဥပဒေများ ဖြစ်တည်နေအောင် တည်ဆဲဥပဒေများကို ပြန်လည်သုံးသပ်ပြီး ပြင်ဆင်ရန်၊ ပယ်ဖျက်ရန်၊ အစားထိုးရန် သို့မဟုတ် ဥပဒေများသည် မလုံလောက်သေးပါကလည်း ဥပဒေများအသစ် ပြဋ္ဌန်းပေးရန်လိုအပ်ကြောင်း ၊ ပြဋ္ဌန်းပေးပြီးသောဥပဒေများကို နိုင်ငံအတွင်းရှိပြည်သူများလိုက်နာရန်ဖြစ်သကဲ့သို့ သက်ဆိုင်ရာဋ္ဌာနများကလည်း ဥပဒေအတိုင်း လိုက်နာဆောင်ရွက်ရမည်ဖြစ်ကြောင်း၊ သို့မှသာ ယနေ့ပြောဆိုနေသည့် တရားဥပဒေစိုးမိုးမှုရှိမည်ဖြစ်ကြောင်း" ပြောဆိုသွားတာ ကြားလိုက်ရပါတယ်၊ ပြီးတော့ ဦးရွှေမန်းက လာမည့် ဇူလိုင်လနှင့် ဩဂုတ်လ များတွင် ပြန်လည်ကျင်းပမည့် ပြည်ထောင်စုလွှတ်တော် သတ္တမပုံမှန်အစည်းအဝေးတွင် ဥပဒေကြမ်းပြဋ္ဌန်းနိုင်ရန် မေလကုန်နောက်ဆုံးထား၍ ဝိုင်းဝန်းအကြံပြုပြင်ဆင်ပေးရန် ပြောဆိုတယ်လို့လဲ သိရပါတယ်၊

ဒီလိုပြောတာကြားရတော့ မတရားတဲ့ ဥပဒေများဖျက်သိမ်းရေးအတွက် အားတက်မိပါတယ်၊ လာမည့် ဇူလိုင်လမှာ ပြန်လည်ကျင်းပမည့် ပြည်ထောင်စုလွှတ်တော်အစည်းအဝေးက စလို့ ဦးရွှေမန်းရဲ့ အခန်းကဏ္ဏက ပိုပြီးမြင့်မားလာပါပြီ၊ ၂၀၀၈ ဖွဲ့စည်းပုံအခြေခံဥပဒေအရ ပြည်သူ့လွှတ်တော်နဲ့ အမျိုးသားလွှတ်တော်နှစ်ရပ်ပေါင်းအဖွဲ့အစည်းဖြစ်တဲ့ ပြည်ထောင်စုလွှတ်တော်ရဲ့ နာယကတာဝန်ကို အမျိုးသားလွှတ်တော်ဥက္ကဋ္ဌက ပထမ နှစ်နှစ်ခြောက်လ၊ ပြည်သူ့လွှတ်တော်ဥက္ကဋ္ဌက ဒုတိယ နှစ်နှစ်ခြောက်လ၊ တာဝန်ယူရတာမို့ ၂၀၁၃ခုနှစ် ဇူလိုင်လကစပြီး ဦးရွှေမန်းဟာ ပြည်သူ့လွှတ်တော်ဥက္ကဋ္ဌတာဝန်အပြင် ပြည်ထောင်စုလွှတ်တော်နာယကတာဝန်ကိုပါ ၂၀၁၅ခုနှစ် ပထမအကြိမ်လွှတ်တော်သက်တမ်းကုန်တဲ့အထိ တာဝန်ယူရမှာဖြစ်ပါတယ်၊ တခါ နိုင်ငံတော်သမ္မတဦးသိန်းစိန်က ကြံ့ခိုင်ရေးပါတီ ဥက္ကဋ္ဌတာဝန်က နှုတ်ထွက်လိုက်ပြီမို့ ဦးရွှေမန်းဟာ လွှတ်တော်မှာ အများစုပါတီဖြစ်တဲ့ ကြံ့ခိုင်ရေးပါတီရဲ့ ဥက္ကဋ္ဌလဲ ဖြစ်လာပါတယ်၊ ဒီတော့ မတရားတဲ့ ဥပဒေတွေကို ဖျက်သိမ်း၊ ပြင်ဆင်ဖို့ လိုအပ်တဲ့ ထောက်ခံမဲအရေအတွက်ရအောင် ဦးဆောင်စီမံနိုင်တဲ့အနေအထားမှာရှိနေပါတယ်၊ ဦးရွှေမန်းဟာ ၂၀၁၅ ရွေးကောက်ပွဲကနေ နိုင်ငံတော်သမ္မတဖြစ်လာနိုင်တဲ့ အလားအလာလဲ ရှိနေတော့ ဒီနှစ်နှစ်ခွဲသက်တမ်းအတွင်း သူ့ရရှိထားတဲ့ အခွင့်အာဏာတွေကို မှန်မှန်ကန်ကန်အသုံးချလို့ သူပြောသလို "ပြည်သူ့အတွက်၊ နိုင်ငံအတွက် အကျိုးစီးပွါးမဖြစ်တဲ့ ဥပဒေတွေကို ပယ်ဖျက်ဖို့၊ အကျိုးစီးပွါးဖြစ်ထွန်းမည့် ဥပဒေများကို အသစ်ပြဋ္ဌန်းဖို့" အမှန်တကယ် ဆောင်ရွက်နိုင်လိမ့်မယ်လို့ မျှော်လင့်မိပါတယ်၊

ဒါကြောင့်မို့ ဖျက်သိမ်းဖို့၊ ပြင်ဆင်ဖို့လိုအပ်နေတဲ့ ဒီမိုကရေစီစနစ်နဲ့ မကိုက်ညီတဲ့ တည်ဆဲဥပဒေများကို ဒီဆောင်းပါးမှာ ဆွေးနွေးတင်ပြချင်ပါတယ်၊

နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့်ဥပဒေ

ပထမဆုံးပြောချင်တာက ၁၉၇၅ခုနှစ်မှာ မဆလအစိုးရရဲ့ ပထမအကြိမ်ပြည်သူ့လွှတ်တော်ကနေ ပြဋ္ဌန်းခဲ့တဲ့ ပြည်သူ့လွှတ်တော်ဥပဒေ အမှတ် (၃) " နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရယ်မှ ကာကွယ်စောင့်ရှောက်သည့်ဥပဒေ" ပါ၊ ဒီဥပဒေဟာဖြင့် "မည်သူမဆို တရားရုံးတစ်ခုခုမှ နည်းလမ်းတကျ စစ်ဆေးပြီး အပြစ်ရှိသည်ဟု မဆုံးဖြတ်မခြင်း အပြစ်မဲ့သူဟုယူဆရမည်" ဆိုတဲ့ တရားစီရင်ရေးဆိုင်ရာအခြေခံမူဝါဒကို ဆန့်ကျင်ပြီး လူတစ်ယောက်ကို အန္တရာယ်ရှိတယ်လို့ သံသယရှိရုံနဲ့ တရားရုံးရဲ့ ခွင့်ပြုချက်မလိုပဲ ဖမ်းဆီးထိန်းချုပ်နိုင်အောင် ဖန်တီးထားတာပါ၊ ဒီဥပဒေအရ နိုင်ငံတော်လုံခြုံရေးနဲ့ ပြည်သူလူထုရဲ့ တည်ငြိမ်အေးချမ်းရေးကို အန္တရာယ်ပြုတဲ့ ပြစ်မှုကျူးလွန်သူ (ဒါမှမဟုတ်) ကျူးလွန်ရန်ကြံစည်အားထုတ်နေသူလို့ ကာကွယ်ရေးဝန်ကြီး၊ နိုင်ငံခြားရေးဝန်ကြီး၊ ပြည်ထဲရေးဝန်ကြီးစတဲ့ ဝန်ကြီးသုံးပါးပါဝင်တဲ့ ဗဟိုအာဏာပိုင်အဖွဲ့က ယုံကြည်တယ်ဆိုလို့ရှိရင် ယင်းစွပ်စွဲခံရသူကို ဗဟိုအာဏာပိုင်အဖွဲ့ရဲ့ ညွှန်ကြားချက်အရ ဖမ်းဆီးချုပ်နှောင်ခြင်း၊ နေအိမ်အကျယ်ချုပ်ဖြင့်တားဆီးအရေးယူခြင်းများ လုပ်နိုင်ပါတယ်၊ ဖမ်းဆီးဖို့၊ တားမြစ်ကန့်သတ်ဖို့အတွက် တရားသူကြီးရဲ့ ခွင့်ပြုချက်မလိုပါ၊ ဗဟိုအာဏာပိုင်အဖွဲ့ရဲ့ ညွှန်ကြားချက်ပဲလိုပါတယ်၊ ပြန်လွှတ်ဖို့၊ တားမြစ်ချက်တွေရုပ်သိမ်းဖို့ကိုလဲ ဗဟိုအာဏာပိုင်အဖွဲ့ကပဲ ဆုံးဖြတ်ပါတယ်၊ ရုံးတင်တရားစွဲစရာမလိုတဲ့အတွက် အရေးယူခံရသူမှာ ဥပဒေအကျိုးဆောင်နဲ့ ခုခံချေပခွင့်လဲ မရှိပါ၊

ဒီဥပဒေမှာ အရေးယူတဲ့ ပြစ်ဒါဏ်တွေကို ပုဒ်မ ၁၀ (က) နဲ့ ၁၀ (ခ) မှာ ပြဋ္ဌန်းထားပါတယ်၊ ၁၉၇၅ ခုနှစ်မှာ မူလပြဋ္ဌန်းစဉ်က ပုဒ်မ (၁၀) (က) အရ အရေးယူခြင်းခံရသူအား တစ်ကြိမ်လျင်ရက်ပေါင်း ၆၀ ထက်မပိုပဲ စုစုပေါင်း ရက်ပေါင်း ၁၈၀အထိ  (၆လ) ဖမ်းဆီးချုပ်နှောင်ထားနိုင်ပြီး ပုဒ်မ (၁၂) အရ ဝန်ကြီးအဖွဲ့ရဲ့ ခွင့်ပြုချက်နဲ့ ခြောက်လထက်ပိုပြီးလဲ အကျဉ်းထောင်ထဲမှာ ချုပ်နှောင်ထားနိုင်ပါတယ်၊ ပုဒ်မ (၁၀) (ခ) အရ အရေးယူခြင်းခံရသူအား တစ်နှစ်အထိ တားဆီးမှုပြုလုပ်နိုင်ပြီး ပုဒ်မ (၁၃) အရ ဝန်ကြီးအဖွဲ့ရဲ့ ခွင့်ပြုချက်နဲ့ တစ်နှစ်ထက်ပိုပြီး တားဆီးနိုင်ပါတယ်၊ ပုဒ်မ (၁၁) အရ တားဆီးမှုဆိုတာကို (က) မည်သည့်နေရာတွင်မနေထိုင်ရဟု သတ်မှတ်ခြင်း (ခ) မည်သည့်နေရာဒေသတွင်သာ နေထိုင်ရမည်ဟု သတ်မှတ်ခြင်း (ဂ) သွားလာမှုကိုလိုအပ်သလို တားဆီးခြင်း နဲ့ (ဃ) သတ်မှတ်ထားသောအရာဝတ္ထုများကို လက်ဝယ်ထားရှိခြင်း သို့မဟုတ် အသုံးပြုခြင်းကို ပိတ်ပင်တားဆီးခြင်း လို့အဓိပ္ပါယ်ဖွင့်ဆိုပါတယ်၊ လွယ်လွယ်နဲ့ ရှင်းအောင်ပြောရရင်တော့ ဝန်ကြီးသုံးပါးအမိန့်နဲ့ ဖမ်းနိုင်တယ်၊ ပုဒ်မ (၁၀) (က) အရ ထောင်ထဲမှာ ၆ လအထိဖမ်းဆီးထိန်းသိမ်းနိုင်တယ်၊ ပုဒ်မ (၁၀) (ခ) အရ နေအိမ်အကျယ်ချုပ်နဲ့ တစ်နှစ်အထိတားမြစ်နိုင်တယ်၊ ပုဒ်မ (၁၂) နဲ့ (၁၃) အရ ဝန်ကြီးအဖွဲ့ရဲ့ ခွင့်ပြုချက်နဲ့ ပုဒ်မ (၁၀) (က) နဲ့ ပုဒ်မ (၁၀) (ခ) က ပြစ်ဒါဏ်ကာလတွေကို တိုးမြှင့်နိုင်တယ်လို့ ဖြစ်ပါတယ်၊

ပုဒ်မ (၁၄) မှာ "ဝန်ကြီးအဖွဲ့သည် ဆက်လက်ဖမ်းဆီးချုပ်နှောင်ရန်ဖြစ်စေ၊ ဆက်လက်တားဆီးမှုပြုလုပ်ရန်ဖြစ်စေ ကြိုတင်ခွင့်ပြုချက်ပေးရာတွင် တစ်ကြိမ်လျင် တစ်နှစ်ထက်မပိုစေပဲ စုစုပေါင်း ၃နှစ်အထိ ခွင့်ပြုနိုင်သည်" လို့ ဖမ်းဆီးချုပ်နှောင်ခွင့်၊ တားမြစ်ခွင့်သက်တမ်းကို သတ်မှတ်ထားပါတယ်၊ ၁၉၉၁ ခုနှစ်မှာ နဝတအစိုးရက နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ ဥပဒေအမှတ် ၁၁/၉၁ နဲ့ ပုဒ်မ (၁၄) အရ ဆက်လက်ဖမ်းဆီးခွင့်၊ တားမြစ်ခွင့်ကို သုံးနှစ်ကနေ ၅နှစ်အထိ တိုးမြှင့်လိုက်ပါတယ်၊ 

ဒီဥပဒေကို အသုံးချပြီး မဆလအစိုးရခေတ်က နိုင်ငံရေးအတိုက်အခံတွေ၊ စီးပွါးရေးသမားတွေကို ဖမ်းဆီးချုပ်နှောင်ခဲ့ပါတယ်၊ နဝတ၊ နအဖစစ်အစိုးရတွေလက်ထက်မှာလဲ ဒီဥပဒေကို သုံးပြီး နိုင်ငံရေးအတိုက်အခံတွေ၊ ကျောင်းသားခေါင်းဆောင်တွေကို ဖမ်းဆီးထိန်းသိမ်းခဲ့ပါတယ်၊ နဝတ၊ နအဖခေတ် ဒီဥပဒေရဲ့ သားကောင်တွေထဲမှာ အထင်ရှားဆုံးကတော့ ဒေါ်အောင်ဆန်းစုကြည်၊ ဦးတင်ဦး၊ ဝန်ကြီးချုပ်ဟောင်းဦးနု၊ ဗိုလ်မှူးအောင် စတဲ့ နိုင်ငံရေးခေါင်းဆောင်များနဲ့ မင်းကိုနိုင်၊ ကိုကိုကြီးစတဲ့ ၈၈မျိုးဆက်ကျောင်းသားခေါင်းဆောင်များဖြစ်ကြပါတယ်၊ ဒေါ်အောင်ဆန်းစုကြည်ဟာ ၁၉၈၉ ခုနှစ် ဇူလိုင်လကနေ ၁၉၉၅ခုနှစ် မတ်လအထိ တစ်ကြိမ်၊ ၂၀၀၀ခုနှစ် စက်တင်ဘာလကနေ ၂၀၀၂ ခုနှစ် မေလအထိ တစ်ကြိမ်၊ ၂၀၀၃ခုနှစ် မေလကနေ ၂၀၀၉ခုနှစ် မေလအထိ တစ်ကြိမ်၊ သုံးကြိမ်တိုင်အောင် ပုဒ်မ (၁၀) (ခ) နဲ့ နေအိမ်မှာ တားမြစ်ခံခဲ့ရပါတယ်၊ 

၂၀၀၉ခုနှစ် မေလကနေ နောက်ဆုံးပြန်လွတ်တဲ့ ၂၀၁၀ နိုဝင်ဘာလအထိကတော့ ပုဒ်မ (၁၅) အရ ကန့်သတ်တားဆီးမိန့်ကို ချိုးဖောက်လို့ဆိုပြီး နေအိမ်အကျယ်ချုပ် ၁၈လကျခံရတာပါ၊

မင်းကိုနိုင် ဆိုရင်လဲ ၁၉၈၉ခုနှစ် မတ်လမှာအဖမ်းခံရပြီး ပုဒ်မ (၁၀) (က) နဲ့ အင်းစိန်အကျဉ်းထောင်ထဲမှာ ဖမ်းဆီးထိန်းသိမ်းခံရတာပါ၊ ၁၉၉၀ခုနှစ် ဒီဇင်ဘာလကျမှ စစ်ခုံရုံးတင် တရားစွဲပြီး ပြစ်ဒါဏ် (၁၅) နှစ် ချမှတ်တာပါ၊ အစိုးရရဲ့ လွတ်ငြိမ်းချမ်းသာခွင့်များ၊ ပြစ်ဒါဏ်လျှော့ပေါ့ပေးမှုများကြောင့် သူ့ရဲ့ ပြစ်ဒါဏ်ကာလဟာ ၁၉၉၉ ခုနှစ် ဇူလိုင်လမှာပြည့်မြောက်ခဲ့ပေမည့် နအဖအစိုးရက ပြန်လွှတ်မပေးပဲ ပုဒ်မ (၁၀) (က) နဲ့ ထပ်မံထိန်းသိမ်းခဲ့ပါတယ်၊ ဒါကြောင့်မို့ ပုဒ်မ (၁၄) အရအမြင့်ဆုံးထိန်းသိမ်းနိုင်တဲ့ကာလ ၅နှစ်ခွဲပြည့်မြောက်ပြီး ၂၀၀၄ခုနှစ် နိုဝင်ဘာလကျမှ ပြန်လည်လွတ်မြောက်ပါတယ်၊ ကိုကိုကြီးကိုလဲ စစ်အစိုးရက ၁၉၉၀ခုနှစ် နိုဝင်ဘာလမှာ ဖမ်းဆီးပြီး ထောင်ဒါဏ်အနှစ် ၂၀ ချမှတ်ခဲ့ပါတယ်၊ လွတ်ငြိမ်းချမ်းသာခွင့်များ၊ ပြစ်ဒါဏ်လျှော့ရက်များကြောင့် သူ့ရဲ့ ပြစ်ဒါဏ်ကာလဟာ ၁၉၉၉ခုနှစ်ကုန်ပိုင်းမှာ ပြည့်ပါတယ်၊ ဒါပေမည့် အစိုးရက ပြန်လွှတ်မပေးပဲ "နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့်ဥပဒေ" ဖြင့် ရုံးမတင်၊ တရားမစွဲပဲ နောက်ထပ် ၅နှစ်ခွဲ ထပ်မံချုပ်နှောင်ခဲ့လို့ ၂၀၀၅ခုနှစ် မတ်လကျမှပဲ အကျဉ်းထောင်က ပြန်လွတ်ပါတယ်၊

နောက်ကြောင်းပြန်မလှဲ့မှာကို သေချာစေချင်လို့ပါ

ဒီလောက် ရက်စက်ကြမ်းကြုတ်တဲ့ ဥပဒေကြီးက ဒီမိုကရေစီလမ်းကြောင်းပေါ် ရောက်နေပါပြီဆိုတဲ့ ကျနော်တို့မြန်မာနိုင်ငံမှာ ဒီကနေ့အထိ ဆက်လက်တည်ရှိနေဆဲပါ၊ “ရှိပေမည့် အာဏာပိုင်တွေက ဒီဥပဒေကို အသုံးမချရင် ပြီးတာပဲ” လို့ ဆင်ခြေပေးလို့မရပါ၊ ဒီလိုမတရားတဲ့ ဥပဒေတွေကို အပြီးတိုင်ဖျက်သိမ်းနိုင်မှ "နောက်ကြောင်းပြန်လှည့်မှာ မဟုတ်ဘူး" ဆိုတာကို စိတ်ချယုံကြည်ရဲမှာပါ၊

တခါ ၂၀၀၈ ဖွဲ့စည်းပုံအခြေခံဥပဒေ၊ အခန်း (၈) နိုင်ငံသား၊ နိုင်ငံသားများ၏အခွင့်အရေးနှင့် တာဝန်များအခန်းမှာပါတဲ့ ပုဒ်မ ၃၇၆ ပြဋ္ဌန်းချက်တွေကလဲ စိတ်မချမ်းသာစရာပါ၊ ပုဒ်မ ၃၇၆ မှာ "နိုင်ငံတော်လုံခြုံရေး၊ တရားဥပဒေစိုးမိုးရေး၊ အများပြည်သူ အေးချမ်းသာယာရေးနှင့် အများပြည်သူအကျိုးငှါ ဥပဒေနှင့်အညီ ကြိုတင်ကာကွယ်ထားရှိရန်လိုအပ်သော ကိစ္စ သို့မဟုတ် တည်ဆဲဥပဒေတစ်ရပ်ရပ်က ခွင့်ပြုသည့် ကိစ္စမှတစ်ပါး စီရင်ပိုင်ခွင့်ရှိသော တရားသူကြီး၏ ချုပ်မိန့်မရပဲ မည်သူ့ကိုမှ ၂၄နာရီထက်ပို၍ ချုပ်နှောင်ခြင်းမပြုရ၊" လို့ပြဋ္ဌန်းထားတော့ လက်ရှိအစိုးရက ဒီ "နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့်ဥပဒေ" ကို မဖျက်သိမ်းသ၍ တည်ဆဲဥပဒေအဖြစ်နဲ့ လိုရင်လိုသလို အသုံးချနိုင်တဲ့ အခွင့်အာဏာရှိနေပါတယ်၊ 

ဒါကြောင့်မို့ ပြည်ထောင်စုလွှတ်တော်ကနေ "နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့်ဥပဒေ" ကို အမြန်ဆုံး ဖျက်သိမ်းသင့်ပါကြောင်းနဲ့ အလားတူဥပဒေမျိုးကိုလဲ ဥပဒေအသစ်အဖြစ်မပြဋ္ဌန်းသင့်ကြောင်း နှိုးဆော်လိုက်ရပါတယ်၊

ဆက်ရေးပါဦးမယ်၊

လေးစားစွာ၊

အောင်ဒင်
မေလ ၂ရက်၊ ၂၀၁၃

 

Obama, Burmese President to Discuss Reform Progress, Challenges; VOA

Obama, Burmese President to Discuss Reform Progress, Challenges

Dan Robinson

May 17, 2013
http://www.voanews.com/content/obama-and-burmese-president-discuss-reform-progress-and-challenges/1663509.html

WHITE HOUSE — Obama, Burmese President to Discuss Reform Progress, Challenges
Burma's President Thein Sein holds talks on Monday with President Obama at the White House. The discussions will focus on progress in reforms, barriers toward greater democratization and next steps in the changing U.S. - Burma relationship.

November 2012. Barack Obama becomes the first serving U.S. president to visit Burma. He meets with President Thein Sein, who has led a bold but cautious reform process since 2011 after decades of military rule. Obama also meets with Aung San Suu Kyi who had visited the White House a few months before.

Now, Thein Sein reciprocates - the first Burmese president to visit the White House in nearly 50 years.
Retired diplomat Priscilla Clapp, chief of mission in Rangoon from 1999 to 2002, calls Thein Sein's visit “a piece of history.”

"There has been only one other occasion when the head of state from Burma at that time, Myanmar now, visited here and this was Ne Win in 1966,” she said.

After decades of political upheaval in Burma, the Obama administration continues to press for more progress on human rights and political and economic reforms.

Aung Din is a former political prisoner in Burma. Now living in the United States, he continues to advocate for full democracy. “They [the U.S.] believe their best option for further improvement in Burma is to continue to engage with President Thein Sein and to continue to encourage him to do more.”

The ability of Burma’s government to fully resolve ongoing ethnic tensions and religious violence will have a major bearing on success. Retired diplomat Clapp identifies two other keys to stable democracy and a free market economy.

“Dealing with corruption and instituting transparency everywhere, not only in government but in the economic system.  The biggest problem right now is that everything is opaque and that is just a ready-made situation for corruption of the worst sort, and they recognize it,” she said.

Aung San Suu Kyi spoke about the reform process last year. "The most difficult time in any transition is when we think that success is in sight. Then we have to be very careful that we are not lured by a mirage of success,” said Suu Kyi.

Ahead of the Thein Sein visit, the Burmese government released some political prisoners. Activist Aung Din is hopeful for the future of his country but urges Obama to press for full unconditional release of all political prisoners.

“I believe that on this visit Obama will take the opportunity to press President Thein Sein more and more to move forward with significant results, significant outcomes,” said Aung Din.

The White House says Thein Sein's visit underscores Obama's commitment to supporting and assisting governments that embrace reform and helping Burma's people realize the full potential of their country.

 

Aung Din's View on the Visit of President U Thein Sein to the United States

သမ္မတဦးသိန်းစိန်ခရီးစဉ် ဦးအောင်ဒင်အမြင်

Published 17.05.2013

မြန်မာအစိုးရ သမ္မတဦးသိန်းစိန်ရဲ့ အမေရိကန်ပြည်ထောင်စု ခရီးစဉ်အတွင်း၊ သမ္မတဦးသိန်းစိန်နဲ့ တွေ့ဆုံတဲ့အချိန် မြန်မာနိုင်ငံ ငြိမ်းချမ်းရေး၊ နိုင်ငံရေးအကျဉ်းသားတွေ အရေး၊ တရားဥပဒေ စိုးမိုးရေးနဲ့ အရပ်ဖက် လူမှုအဖွဲ့အစည်တွေ အားကောင်းလာရေး ကိစ္စတွေကို အဓိက ဆွေးနွေးမယ်လို့ မျှော်လင့်တဲ့ အကြောင်း မြန်မာ့ အရေး တက်ကြွလှုပ်ရှားသူ ရှစ်ဆယ့်ရှစ်မျိုးဆက် ဗကသ ခေါင်းဆောင်ဟောင်း ဦးအောင်ဒင်က သုံးသပ်ပါတယ်။ ဦးအောင်ဒင်ကိုVOA မြန်မာပိုင်း အစီအစဉ်က သိန်းထိုက်ဦးက တွေ့ဆုံမေးမြန်းထားပါတယ်။ 

http://burmese.voanews.com/media/video/1662588.html?z=0&zp=1

 

 

Burma's Parliament Watch Part 20

(ပြည်သူ့ခေတ်ဂျာနယ်၊ အတွဲ ၃၊ အမှတ် ၁၄၄၊ မေလ ၉ ရက်၊ ၂၀၁၃၊ စာမျက်နှာ ၁၈/၃၂)

မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့်

အောင်ဒင်

အပိုင်း (၂၀) လွှတ်တော်နှင့် နိုင်ငံရေးအကျဉ်းသား

၂၀၁၃ ခုနှစ် ဧပြီလ ၂၃ ရက်နေ့မှာ နိုင်ငံတော်သမ္မတ ဦးသိန်းစိန်ရဲ့ အမိန့်နဲ့ အကျဉ်းသူအကျဉ်းသား ၉၃ ယောက်ကို အကျဉ်းထောင်များကနေ လွတ်ငြိမ်းချမ်းသာခွင့်ပေးပြီး ပြန်လွှတ်လိုက်ပါတယ်၊ အဲဒီ ၉၃ ယောက်ထဲမှာ နိုင်ငံရေးအကျဉ်းသား ၅၉ ယောက်ပါဝင်တယ်လို့လဲ သိရပါတယ်၊ ပြန်လည်လွတ်မြောက်လာတဲ့ နိုင်ငံရေးအကျဉ်းသား (နိုင်/ကျဉ်း) များအတွက် ဝမ်းသာကြည်နူးရပြီး ကျန်ရှိနေသေးတဲ့ နိုင်/ကျဉ်းများလဲ အမြန်ဆုံးပြန်လည်လွတ်မြောက်ကြဖို့ မျှော်လင့်မိပါတယ်၊ ပြည်သူလူထုရဲ့ အကျိုးစီးပွါးအတွက် နိုင်ငံရေးစနစ်ကို ပြောင်းလဲဖို့ကြိုးစားကြသူများ အကျဉ်းထောင်ကြီးများထဲမှာ ဘဝနိဂုံးမချုပ်စေချင်ပါ၊

ဦးသိန်းစိန် နိုင်ငံတော်သမ္မတတာဝန်ယူတဲ့ အချိန်ကစပြီး လွတ်ငြိမ်းချမ်းသာခွင့်တွေ အကြိမ်ကြိမ်ပေးခဲ့လို့ အကျဉ်းသားထောင်ပေါင်းများစွာ အကျဉ်းထောင်ကြီးများထဲက ပြန်လည်လွတ်မြောက်ခဲ့ကြပါတယ်၊ အဲဒီလိုလွတ်မြောက်ကြသူတွေထဲမှာ နိုင်ငံရေးအကျဉ်းသား တစ်ထောင်လောက်ပါဝင်ခဲ့ကြပါတယ်၊ ရဲဘော်ရဲဘက် နိုင်ငံရေးလှုပ်ရှားသူတွေ အကျဉ်းထောင်ထဲက လွတ်မြောက်လာတာကို ကြိုဆိုဝမ်းမြောက်ပေမည့် သူတို့ကို ပြန်လွှတ်ပေးတဲ့ပုံစံကို သဘောမကျပါ၊ ဘာကြောင့်လဲဆိုတော့ (၁) အစိုးရက မင်းကိုနိုင်၊ ကိုကိုကြီး၊ ကိုဇာဂနာ၊ ဦးခွန်ထွန်းဦး၊ အရှင်ဂမ္ဘီရ၊ စုစုနွေး၊ နီလာသိန်း အပါအဝင် နိုင်ငံရေးလှုပ်ရှားသူတွေကို နိုင်ငံရေးအကျဉ်းသားအဖြစ် အသိအမှတ်ပြုပြီး ပြန်လွှတ်ပေးတာမဟုတ်ပါ၊ ရာဇဝတ်မှုနဲ့ အကျဉ်းကျတဲ့ သာမန်အကျဉ်းသားများအဖြစ်နဲ့ပဲ လွတ်ငြိမ်းချမ်းသာခွင့်ပေးတာပါ၊ (၂) လွှတ်ပေးတာကလဲ ချွင်းချက်မရှိလွှတ်ပေးတာမဟုတ်ပါ၊ ပြစ်မှုဆိုင်ရာကျင့်ထုံးဥပဒေ ပုဒ်မ (၄၀၁) ပုဒ်မခွဲ (၁) အရ လက်ရှိပြစ်ဒါဏ်မှ ကြွင်းကျန်ကာလများကို အကန့်အသတ်နဲ့ သက်သာခွင့်ပြုတာပါ၊ ဒီတော့ လွတ်မြောက်လာတဲ့ နိုင်ငံရေးအကျဉ်းသားတွေဟာ အစိုးရမကြိုက်တာလုပ်မိလို့ရှိရင်၊ သမ္မတက စိတ်တိုင်းမကျရင် ရဲက ဝါရမ်းမပါပဲ ပြန်ဖမ်းခွင့်ရှိပြီး ထောင်ထဲမှာ အရင်ကျွေးကျန်ပြစ်ဒါဏ်ကာလကို ပြစ်ဒါဏ်အသစ်နဲ့ပေါင်းပြီး ဆက်လက်ခံစားရမှာပါ၊ ဒါကြောင့် မင်းကိုနိုင်တို့လို ၂၀၀၇ ခုနှစ်မှာ ထောင်ဒါဏ် ၆၅နှစ်နဲ့ ၆လကျပြီး ၂၀၁၂ခုနှစ်မှာ လေးနှစ်ကျော်ကျော်ထောင်ထဲမှာနေပြီး ပြန်လည်လွတ်မြောက်လာတဲ့ ၈၈ မျိုးဆက်ကျောင်းသားခေါင်းဆောင်များရဲ့ ပုခုံးပေါ်မှာ ကျွင်းကျန်ပြစ်ဒါဏ်ကာလ နှစ် ၆၀ကျော်က လေးပင်စွာတင်ကျန်နေပါသေးတယ်၊

မြန်မာနိုင်ငံဟာ ဒီမိုကရေစီလမ်းကြောင်းပေါ်မှာ လျှောက်လှမ်းနေပြီ၊ နိုင်ငံရေးသဘောထားမတူညီသူများကိုလဲ ညှိနှိုင်းဆွေးနွေးပြီး တူညီတဲ့ကိစ္စတွေမှာ ပူးပေါင်းဆောင်ရွက်နေပြီလို့ နိုင်ငံတကာလှည့်ပြီး ကြွေးကျော်နေတဲ့ အစိုးရက နိုင်ငံရေးအကျဉ်းသားတွေရှိကြောင်း အသိအမှတ်မပြုတာ ကျေနပ်စရာမရှိပါ၊ နိုင်ငံရေးအမြင်မတူသူတွေကို ဖိနှိပ်ချုပ်ချယ်ဖို့ ဖန်တီးထားတဲ့ မတရားတဲ့ဥပဒေတွေ၊ လူတစ်ယောက်ရဲ့ မွေးရာပါလူ့အခွင့်အရေးတွေကို ကန့်သတ်ချုပ်ချယ်တဲ့ ဥပဒေတွေရှိနေသ၍၊ ယင်းဥပဒေများကို အသုံးချပြီး ဖမ်းဆီးထောင်ချထားသူတွေရှိနေသ၍ နိုင်ငံရေးအကျဉ်းသားဆိုတာ ရှိနေမှာပါ၊ 

ဒီတော့ ခေတ်အဆက်ဆက်က အာဏာရှင်အစိုးရတွေ ဖန်တီးခဲ့တဲ့ မတရားတဲ့ ဥပဒေတွေ ဆက်လက်အသက်ဝင်နေဆဲဖြစ်ပြီး နိုင်ငံရေးအကျဉ်းသားများရှိတာကို ဝန်မခံသေးသ၍၊ နိုင်ငံရေးအကျဉ်းသားများကို ရာဇဝတ်အကျဉ်းသားများနဲ့ရောပြီး အကန့်အသတ်နဲ့ လွှတ်ပေးတာကိုလဲ နိုင်ငံတကာအရေးယူမှုလျှော့ချရေး နည်းပိရိယယ်တစ်ခုအဖြစ် ကျင့်သုံးနေသ၍၊ မြန်မာနိုင်ငံ ဒီမိုကရစီလမ်းကြောင်းပေါ်ရောက်နေပြီဆိုတာ အပြည့်အဝယုံကြည်နိုင်စရာ ရှိမှာမဟုတ်ပါ၊

အစိုးရက နိုင်ငံရေးအကျဉ်းသားများကို နိုင်ငံရေးအကျဉ်းသားအဖြစ် အသိအမှတ်ပြုဖို့နဲ့ နိုင်ငံရေးအကျဉ်းသားများအားလုံးကို ချွင်းချက်မရှိ ပြန်လွှတ်ပေးဖို့ တွန့်ဆုတ်နေချိန်မှာ ပြည်သူလူထုကို ကိုယ်စားပြုတယ်ဆိုတဲ့ ပြည်ထောင်စုလွှတ်တော်က နိုင်ငံရေးအကျဉ်းသားများရှိကြောင်းဝန်ခံအသိအမှတ်ပြုရေး၊ နိုင်ငံရေးအကျဉ်းသားဆိုတာကို တရားဝင်အဓိပ္ပါယ်ဖွင့်ဆိုသတ်မှတ်ရေး၊ နိုင်ငံရေးအကျဉ်းသားများအားလုံးကို ချွင်းချက်မရှိပြန်လွှတ်ပေးဖို့ သမ္မတကို တောင်းဆိုရေး၊ နိုင်ငံရေးအကျဉ်းသားများ နောင်မှာမရှိတော့အောင် မတရားတဲ့ ဥပဒေတွေ၊ လူတစ်ယောက်ရဲ့ မွေးရာပါလူ့အခွင့်အရေးတွေကို ကန့်သတ်ချုပ်ချယ်တဲ့ ဥပဒေတွေကို ဖျက်သိမ်းရေး၊ စတာတွေကို ဆောင်ရွက်ဖို့ တာဝန်ရှိကြောင်း ထောက်ပြချင်ပါတယ်၊

လက်ကျန်နိုင်ငံရေးအကျဉ်းသားများ စိစစ်ရေးကော်မီတီ

နိုင်ငံတော်သမ္မတရုံးကနေ ၂၀၁၃ခုနှစ် ဖေဖော်ဝါရီလ ၇ရက်နေ့နေ့စွဲနဲ့ "လက်ကျန်နိုင်ငံရေးအကျဉ်းသားများ စိစစ်ရေးကော်မီတီ" ကို ပြည်ထောင်စုဝန်ကြီးဦးစိုးသိန်းခေါင်းဆောင်ပြီး အစိုးရဝန်ကြီးဋ္ဌာနများမှ ကိုယ်စားလှယ်များ၊ အရပ်ဘက်လူမှုရေးအဖွဲ့အစည်းများမှ ကိုယ်စားလှယ်များနှင့် နိုင်ငံရေးပါတီအချို့မှ ကိုယ်စားလှယ်များဖြင့် ဖွဲ့စည်းဆောင်ရွက်သွားရန် နိုင်ငံတော်သမ္မတရုံးမှ ညွှန်ကြားကြောင်း သတင်းထုတ်ပြန်ပါတယ်၊ အဲဒီသတင်းကို ဖတ်ရတော့ ဝမ်းသာမိပါတယ်၊ ဝမ်းသာရတာက ဒီသတင်းမှာ "နိုင်ငံတစ်ဝှမ်းရှိ အကျဉ်းထောင်အသီးသီးတွင် ပြစ်ဒါဏ်ကျခံနေရသော နိုင်ငံရေးအကျဉ်းသားများအားလုံး ပြန်လည်လွှတ်ပေးနိုင်ရေးအတွက် ရည်ရွယ်ပြီး” ဒီကော်မီတီကို ဖွဲ့စည်းတယ်လို့ ဖော်ပြထားလို့ပါ၊ ပြီးတော့ နိုင်ငံရေးအကျဉ်းသားဆိုတဲ့ စကားလုံးကို သတင်းထုတ်ပြန်ချက် မြန်မာဘာသာနဲ့ အင်္ဂလိပ်ဘာသာ နှစ်ခုစလုံးမှာ သုံးစွဲထားလို့ပါ၊ အင်္ဂလိပ်ဘာသာနဲ့ သတင်းထုတ်ပြန်ချက်မှာ နိုင်ငံရေးအကျဉ်းသား (Political Prisoners) ဆိုတဲ့ စကားလုံးအပြင် ယုံကြည်ချက်ကြောင့်အကျဉ်းကျနေသူများ (Prisoners of Conscience) ဆိုတဲ့ စကားလုံးကိုပါ သုံးစွဲဖော်ပြပါတယ်၊ ဒါဟာဖြင့် မြန်မာအစိုးရက  နိုင်ငံရေးအကျဉ်းသားဆိုတဲ့ စကားလုံးကို ပထမဆုံးအကြိမ် တရားဝင်သုံးစွဲတာဖြစ်ပါတယ်၊ တစ်ခါ အဲဒီသတင်းထုတ်ပြန်ချက်မှာပဲ "နိုင်ငံရေးအကျဉ်းသား အဓိပ္ပါယ်ဖွင့်ဆိုခြင်း၊ လွတ်ခွင့်ပြုခြင်းဆိုင်ရာ သတ်မှတ်ချက်များ ညှိနှိုင်းရေးဆွဲခြင်း၊ လက်ရှိနိုင်ငံရေးအကျဉ်းသားများအား စိစစ်၍ လွှတ်ပေးသင့်သူများအား လွှတ်ပေးရေးညှိနှိုင်းဆောင်ရွက်ခြင်းတို့ကို ဆောင်ရွက်ပြီး စိစစ်တွေ့ရှိချက်များအား နိုင်ငံတော်သမ္မတထံ တင်ပြသွားရမည်" ဆိုပြီး ကော်မီတီရဲ့ လုပ်ငန်းတာဝန်များကို ရှင်းလင်းဖော်ပြထားပါတယ်၊

ဒါပေမည့်လည်း သိပ်မကြာခင်မှာပဲ ဒီကော်မီတီနဲ့ ပါတ်သက်ပြီး သံသယဖြစ်စရာတွေ စတင်တွေ့ရှိလာရပါတယ်၊ ပထမဆုံး သံသယဖြစ်စရာက အဖွဲ့ဝင်များရဲ့ အမည်စာရင်းကို တရားဝင်ထုတ်ပြန်ကြေညာခြင်းမပြုတာပါ၊ ဒီကော်မီတီမှာ အဖွဲ့ဝင် ၁၆ ယောက်ပါဝင်ပါတယ်၊ အစိုးရဘက်က ဥက္ကဋ္ဌ ဝန်ကြီးဦးစိုးသိန်း၊ အတွင်းရေးမှူး သမ္မတရုံး ဒု-ဝန်ကြီး ဦးအောင်သိန်း၊ အဖွဲ့ဝင်များအဖြစ် ရဲချုပ် ဗိုလ်မှူးချုပ် ကျော်ကျော်ထွန်း၊ ဒုတိယ ရှေ့နေချုပ် ဦးထွန်းထွန်းဦး၊ အထူးစုံစမ်းစစ်ဆေးရေးဦးစီးဋ္ဌာန ညွှန်ကြားရေးမှူးချုပ် ဦးအောင်စောဝင်း၊ အကျဉ်းဦးစီးဋ္ဌာန ညွှန်ကြားရေးမှူးချုပ် ဦးသန်းဋ္ဌေး၊ မြန်မာနိုင်ငံလူ့အခွင့်အရေးကော်မရှင် အတွင်းရေးမှူး ဦးစစ်မြိုင်၊ မြန်မာနိုင်ငံကြက်ခြေနီအသင်းမှ ဦးကြည် နဲ့ မြန်မာအီးဂရက် (Myanmar Egress) မှ ဦးလှမောင်ရွှေ အပါအဝင် ၉ ယောက်ပါဝင်ပါတယ်၊ အရပ်ဘက်အဖွဲ့အစည်းများဘက်က ဦးဘိုကြည် (နိုင်ငံရေးအကျဉ်းသားများ စောင့်ရှောက်ကူညီရေးအသင်း)၊ ဦးညိုထွန်း (နိုင်ငံရေးအကျဉ်းသားဟောင်းများအဖွဲ့ချုပ်)၊ ဦးရဲအောင် (နိုင်ငံရေးအကျဉ်းသားဟောင်းများအဖွဲ့)၊ ဦးကိုကိုကြီး (၈၈ မျိုးဆက်ကျောင်းသားများ) နဲ့ ဦးဇာဂနာ တို့ ၅ ဦးပါဝင်ပြီး နိုင်ငံရေးပါတီများဘက်က ဦးညဏ်ဝင်း (အမျိုးသားဒီမိုကရေစီအဖွဲ့ချုပ်) နဲ့ ဦးခွန်ထွန်းဦး (ရှမ်းတိုင်းရင်းသားများဒီမိုကရေစီအဖွဲ့ချုပ်) တို့ ၂ဦးပါဝင်ကြပါတယ်၊ ဒီအဖွဲ့ဝင်စာရင်းကို အခြားကော်မရှင်များလို အစိုးရက တရားဝင်ထုတ်ပြန်ကြေညာခြင်းမပြုပါ၊ ဒီလို အဖွဲ့ဝင်အမည်စာရင်းမကြေညာတာကိုက ဒီကော်မီတီအပေါ် အစိုးရရဲ့ အလေးအနက်ထားမှုအပေါ် သံသယရှိစရာ ဖြစ်လာပါတယ်၊

သတင်းထုတ်ပြန်ပြီး နှစ်ပါတ်ကျော်အကြာမှာ ကော်မီတီရဲ့ ပထမဆုံးအကြိမ်အစည်းအဝေးကို ဖေဖော်ဝါရီလ ၂၃ရက်နေ့မှာ ရန်ကုန်မြို့ မြန်မာနိုင်ငံငြိမ်းချမ်းရေးပြန်လည်ထူထောင်ရေးလုပ်ငန်းဗဟိုဋ္ဌာန (Myanmar Peace Center) မှာ ကျင်းပပါတယ်၊ ဒုတိယအကြိမ်အစည်းအဝေးကို မတ်လ ၁၆ရက်နေ့မှာကျင်းပပါတယ်၊ အဲဒီအစည်းအဝေးတွေ ကျင်းပမှာကိုလဲ သတင်းထုတ်ပြန်ခြင်းမပြုပါ၊ သက်ဆိုင်သူကော်မီတီဝင်တစ်ဦးချင်းဆီကို ဖိတ်စာပို့အကြောင်းကြားတာပဲရှိပါတယ်၊ အစည်းအဝေးကျင်းပတာကို သတင်းထောက်တွေ တက်ရောက်သတင်းယူခွင့်မရှိသလို ဘာတွေဆွေးနွေးတယ်ဆိုတာကိုလဲ အစိုးရမှ သတင်းထုတ်ပြန်ခြင်းမရှိပါ၊ ဒါဟာဖြင့် အစိုးရဟာ ဒီကော်မီတီရဲ့ လုပ်ငန်းဆောင်ရွက်ပုံနဲ့ပါတ်သက်ပြီး ပွင့်လင်းမြင်သာမှုမရှိတာကို ဖော်ပြနေပါတယ်၊

ပထမအစည်းအဝေးမှာ "နိုင်ငံရေးနှင့် ဆက်စပ်၍ပြစ်ဒါဏ်ကျခံနေရသူများအားလုံးကို နိုင်ငံရေးအကျဉ်းသား” ဟု အကြမ်းအားဖြင့်သတ်မှတ်ခဲ့ကြပြီး ပိုပြီးတိကျတဲ့ အသေးစိတ်အဓိပ္ပာယ်ဖွင့်ဆိုချက်ကို နောက်အစည်းအဝေးမှာ ဆွေးနွေးမယ်လို့ သဘောတူခဲ့ကြပါတယ်၊ ဒုတိယအစည်းအဝေးမတိုင်ခင် မတ်လ ၁၃ရက်နေ့မှာ ကော်မီတီမှာပါတဲ့ အရပ်ဘက်အဖွဲ့အစည်းများက အခြားလူထုအခြေပြုအဖွဲ့အစည်းများမှ ကိုယ်စားလှယ်များ၊ ဥပဒေပညာရှင်များပါဝင်တဲ့ နိုင်ငံရေးအကျဉ်းသားဆိုင်ရာ အလုပ်ရုံဆွေးနွေးပွဲတစ်ခုကို ရန်ကုန်မြို့မှာပဲ ကျင်းပခဲ့ပြီး အဲဒီဆွေးနွေးပွဲကနေ နိုင်ငံရေးအကျဉ်းသား အဓိပ္ပာယ်ဖွင့်ဆိုချက်တစ်ရပ်ကို အများသဘောတူ သတ်မှတ်နိုင်ခဲ့ပါတယ်၊ အဲဒီအဓိပ္ပာယ်သတ်မှတ်ချက်ကို မတ်လ ၁၆ရတ်နေ့မှာ ကျင်းပတဲ့ ကော်မီတီ ဒုတိယအကြိမ်အစည်းအဝေးမှာ အရပ်ဘက်အဖွဲ့အစည်းကိုယ်စားလှယ်များက တင်ပြပေမည့် အစိုးရကိုယ်စားလှယ်များက လက်ခံဆွေးနွေးခြင်းမပြုပါ၊

ပထမအစည်းအဝေးမှာ အရပ်ဘက်အဖွဲ့အစည်းများက သူတို့ပြုစုထားတဲ့ လက်ကျန်နိုင်ငံရေးသမားများအမည်စာရင်းကို သူတို့ရှိနေတဲ့ အကျဉ်းထောင်များရဲ့ အမည်နဲ့တကွ အစိုးရဘက်မှ စိစစ်နိုင်အောင် တင်ပြကြပါတယ်၊ စုစုပေါင်း ၄၁၀ ဦးရှိတယ်လို့ သိရပါတယ်၊ ဒုတိယအစည်းအဝေးမှာ အကျဉ်းဦးစီးဋ္ဌာန ညွှန်ကြားရေးမှူးချုပ် ဦးသန်းဋ္ဌေးက ၄၁၀ ထဲက ၂၁၉ ဦးကိုသာ အကျဉ်းဦးစီးရဲ့ စာရင်းများထဲမှာ ရှာဖွေတွေ့ရှိကြောင်း၊ ၁၉၆ယောက်က ပြစ်ဒါဏ်ကျအကျဉ်းသားများဖြစ်ပြီး ၂၃ယောက်က အမှုရင်ဆိုင်နေဆဲ အချုပ်သားများဖြစ်ကြောင်း အကြောင်းပြန်ပါတယ်၊ ဝန်ကြီးဦးစိုးသိန်းက ပြစ်ဒါဏ်ကျအကျဉ်းသား ၁၉၆ယောက်ထဲက ၈၇ယောက်ကို လွှတ်ပေးဖို့ သမ္မတထံကို တင်ပြမယ်လို့ ပြောပါတယ်၊

အရပ်ဘက်အဖွဲ့အစည်းကိုယ်စားလှယ်များက လွှတ်မည့်သူများကို နိုင်ငံရေးအကျဉ်းသားအဖြစ်အသိအမှတ်ပြုပြီး လွှတ်ပေးဖို့ နဲ့ ကျန်တဲ့ နိုင်ငံရေးအကျဉ်းသားများကိစ္စကို အကျဉ်းဦးစီးဋ္ဌာနမှတ်တမ်းများနဲ့ တိုက်ဆိုင်စစ်ဆေးခွင့်ပြုဖို့ တောင်းဆိုကြပါတယ်၊ ဧပြီ ၂၃ရက်နေ့မှာ လွှတ်တဲ့ အကျဉ်းသား ၉၃ ယောက်ထဲမှာ ပါဝင်တဲ့ နိုင်ငံရေးအကျဉ်းသား ၅၉ယောက်ထဲမှာ လွှတ်ပေးဖို့တင်ပြမယ်ဆိုတဲ့ ၈၇ယောက်စာရင်းထဲက ၁၉ ယောက်ပဲပါဝင်ပါတယ်၊ ၄၀ က ဦးခွန်ထွန်းဦးတင်ပြတဲ့ ရှမ်းပြည်နယ်တပ်မတော်(တောင်ပိုင်း) (SSA-South)က တပ်သားများဖြစ်ပြီး အစောပိုင်းက အစိုးရဘက်က ပြန်လွှတ်မပေးနိုင်ဘူးလို့ ငြင်းဆန်ထားခဲ့တာပါ၊ အားလုံးကိုလဲ ရာဇဝတ်အကျဉ်းသားများအနေနဲ့ပဲ အကန့်အသတ်နဲ့ပြန်လွှတ်ပေးခဲ့ပါတယ်၊ လွှတ်တဲ့အချိန်ကာလကိုလဲ ဥရောပသမဂ္ဂက မြန်မာနိုင်ငံအပေါ်ချမှတ်ထားတဲ့ စီးပွါးရေးပိတ်ဆို့မှုကို စစ်တပ်ဆိုင်ရာကလွဲပြီး ကျန်အားလုံးကို အပြီးတိုင်ရုတ်သိမ်းပေးဖို့ ဆုံးဖြတ်ချိန်နဲ့ တိုက်ဆိုင်ပြီး လွှတ်ပေးခဲ့ပါတယ်၊

နိုင်ငံတော်သမ္မတရဲ့ ဧပြီလ ၁ ရက်နေ့၊ ရေဒီယိုမိန့်ခွန်းမှာလဲ "နောက်ထပ်လည်း လွတ်ငြိမ်းချမ်းသာခွင့်ပေးနိုင်အောင် အကျဉ်းသားစိစစ်ရေးကော်မီတီတစ်ရပ်ကို ကျယ်ကျယ်ပြန့်ပြန့်ဖွဲ့စည်းပြီး စီမံဆောင်ရွက်လျက်ရှိပါသည်" လို့ ပြောပါတယ်၊ "နိုင်ငံရေးအကျဉ်းသား" လို့ မသုံးပါ၊ ဒီအချက်တွေကို ကြည့်ခြင်းဖြင့် နိုင်ငံတော်သမ္မတရုံးရဲ့ ညွှန်ကြားချက်အရ "လက်ကျန်နိုင်ငံရေးအကျဉ်းသားများ စိစစ်ရေးကော်မီတီ" ကို ဝန်ကြီးဦးစိုးသိန်းခေါင်းဆောင်ပြီး ဖွဲ့စည်းခဲ့ပေမည့် အစိုးရကိုယ်တိုင်က ဒီကော်မီတီအပေါ်မှာ အလေးအနက်မရှိတာ၊ ပွင့်လင်းမြင်သာမှုမရှိတာ၊ အစိုးရကိုယ်တိုင်က "နိုင်ငံရေးအကျဉ်းသားများ" လို့အသိအမှတ်မပြုချင်တာတွေ့ရပါတယ်၊ နိုင်ငံရေးအကျဉ်းသားများအားလုံးလွတ်မြောက်ရေးကို အစဉ်တစိုက်တောင်းဆိုနေတဲ့ အမေရိကန်အစိုးရကျေနပ်အောင်သာ ဒီကော်မီတီကို ဖွဲ့စည်းတာဖြစ်ပြီး နိုင်ငံရေးအကျဉ်းသားများကို  ရာဇဝတ်အကျဉ်းသားများနဲ့ရောပြီး အခါအားလျော်စွာ အကန့်အသတ်နဲ့ လွှတ်ပေးတာကိုလဲ နိုင်ငံတကာဖိအားတွေလျှော့ချအောင်လုပ်တဲ့ နည်းဗျူဟာတစ်ခုအနေနဲ့ ဆက်လက်ကျင့်သုံးနေဆဲဖြစ်တယ်ဆိုတာ တွေ့ရပါတယ်၊

နိုင်ငံရေးအကျဉ်းသားအဓိပ္ပါယ်ဖွင့်ဆိုချက်များ

၁၉၈၀ ခုနှစ်မှာ နိုင်ငံတော်ကောင်စီ အမိန့်အမှတ် ၂/၈၀ နှင့် အထွေထွေလွတ်ငြိမ်းချမ်းသာခွင့်ပေးစဉ်က နိုင်ငံရေးအကျဉ်းသားများ အားလုံးကို ချွင်းချက်မရှိလွှတ်ပေးခဲ့ပါတယ်၊ ထိုစဉ်က အကျဉ်းဦးစီးဋ္ဌာန၏ မေတ္တာရပ်ခံချက်အရ နိုင်ငံတော်ကောင်စီက အောက်ပါအတိုင်း  နိုင်ငံရေးအကျဉ်းသား အဓိပ္ပယ်ဖွင့်ဆိုပေးခဲ့ပါတယ်၊

(က) မတရားအသင်း အက်ဥပဒေအရ ပြစ်မှုများ
(ခ) ပြစ်မှုဥပဒေ ပုဒ်မ-၁၂၁ မှ ၁၃၀(ခ) အထိပါ အစိုးရကိုဆန့်ကျင်သော ပြစ်မှုများ
(ဂ) ပြစ်မှုဥပဒေ အခန်း (၈) ပါ နိုင်ငံတော်ငြိမ်ဝပ်ရေးကို ပျက်စေသော ပြစ်မှုများနှင့်ပတ်သတ်၍ ပြစ်မှုဆိုင်ရာ ဥပဒေပုဒ်မ ၁၄၃၊ ၁၄၄၊ ၁၄၅၊ ၁၄၇၊ ၁၄၈၊ ၁၅၁၊ ၁၅၂၊ ၁၅၃၊ ၁၅၃(က) အရ ပြစ်မှုများ
(ဃ) ၁၉၅၀-ပြည့်နှစ် အရေးပေါ်စီမံမှု အက်ဥပဒေအရ ပြစ်မှုများ ဥပမာ- ပုဒ်မ ၅(ည)
(င) နိုင်ငံတော်ကိုဦးဆောင်သော လမ်းစဉ်ပါတီအား ကာကွယ်သည့် ဥပဒေအရ ပြစ်မှုများ
(စ) နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရယ်မှ ကာကွယ်သည့် ဥပဒေအရ ပြစ်မှုများ ပုဒ်မ ၁၀(က)၊ ၁၀(ခ) နှင့်
(ဆ) ပြည်သူ့လွှတ်တော်နှင့် ပြည်သူ့ကောင်စီအဆင့်ဆင့် ရွေးချယ်တင်မြှောက်ခြင်းဆိုင်ရာ ဥပဒေအရ ပြစ်မှုများ အားလုံးသည် “နိုင်ငံရေးပြစ်မှု” ဆိုသည့် စကားရပ်တွင် အကျုံးဝင်သည်။

၂၀၁၂ ခုနှစ် အောက်တိုဘာလ ၃ ရက်နေ့မှာ ဥရောပသမဂ္ဂ၊ ဥရောပပါလီမန် (Parliamentary Assembly, Council of Europe) ရဲ့ ၃၃ကြိမ်မြောက်အစည်းအဝေးမှ နိုင်ငံရေးအကျဉ်းသား ဆိုသည်ကို အဓိပ္ပယ်သတ်မှတ်အတည်ပြုသည့် ဆုံးဖြတ်ချက် ၁၉၀၀ (၂၀၁၂) [Resolution 1900 (2012)] ကှို ပြဌန်းခဲ့ပါတယ်၊ ယင်း ဆုံးဖြတ်ချက်အရ ဥရောပသမဂ္ဂအဖွဲ့ဝင်နိုင်ငံများအားလုံး နှင့် အဖွဲ့ဝင်ဖြစ်ခွင့်လျှောက်ထားသော နိုင်ငံများအားလုံးက “ကိုယ်ရေးကိုယ်တာ လွတ်လပ်ခွင့်များအားလုံးကို အောက်ပါအကြောင်းပြချက်များဖြင့် ညင်းပယ်ခြင်း ခံရသော ပုဂ္ဂိုလ်ကို နိုင်ငံရေးအကျဉ်းသား” ဟုသတ်မှတ်ကြပါတယ်၊ အဲဒီအကြောင်းပြချက်တွေက
(က) အကယ်၍ အာဏာပိုင်တို့က လူ့အခွင့်အရေးနှင့် လူ့အခွင့်အရေးဆိုင်ရာသဘောတူညီမှုများဆိုင်ရာ ဥရောပညီလာခံ [European Convention on Human Rights and its Protocols (ECHR)] တွင် ပြဌန်းထားသော အခြေခံအခွင့်အရေးဆိုင်ရာ အာမခံချက်များ၊ အထူးသဖြင့် လွတ်လပ်စွာတွေးတောခွင့်၊ လွတ်လပ်စွာ ယုံကြည်ခွင့် နှင့် ကိုးကွယ်ခွင့်၊ လွတ်လပ်စွာ ဖော်ပြခွင့် နှင့် လွတ်လပ်စွာသတင်းထုတ်ပြန်ခွင့်၊ လွတ်လပ်စွာစုဝေးခွင့်နှင့် ဖွဲ့စည်းခွင့်များကို ချိုးဖောက်၍ ပုဂ္ဂိုလ် တစ်ဦးတစ်ယောက်အား ဖမ်းဆီး၊ ထိန်းသိမ်း၊ အကျဉ်းချထားလျင်၊

(ခ) အကယ်၍ လူတစ်ယောက်သည် မည်သည့်ပြစ်မှုကိုမှ ကျူးလွန်ခြင်းမရှိပဲ နိုင်ငံရေးအကြောင်းပြချက်သက်သက်ဖြင့် ဖမ်းဆီး၊ ထိန်းသိမ်း၊ အကျဉ်းချခံရလျင်၊
(ဂ) အကယ်၍ [(အာဏာပိုင်တို့၏) နိုင်ငံရေးရန်ညှိုးကြောင့်] လူတစ်ယောက်အား အပြစ်ရှိသည်ဟူသော ဆုံးဖြတ်ချက်ဖြင့်ချမှတ်ထားသော ပြစ်ဒါဏ်သည် စွတ်စွဲထားသော၊ သံသယရှိသော ပြစ်မှုကြောင့်ချမှတ်သင့်သည့် ပြစ်ဒါဏ်ထက် ပိုမိုများပြားနေလျင်၊
(ဃ) အကယ်၍ [(အာဏာပိုင်တို့၏) နိုင်ငံရေးရန်ညှိုးကြောင့်] လူတစ်ယောက်အား အပြစ်ရှိသည်ဟူသော ဆုံးဖြတ်ချက်ဖြင့်ချမှတ်ထားသော ပြစ်ဒါဏ်သည် အလားတူပြစ်မှုကို ကျူးလွန်သော အခြားသူများရရှိသည့် ပြစ်ဒါဏ်ထက် ပိုမိုများပြားနေလျင်၊
(င) အကယ်၍ အာဏာပိုင်တို့၏ နိုင်ငံရေးရန်ညှိုးကြောင့် လူတစ်ယောက်သည် မတရား၊ မမျှတသော တရားစီရင်မှုဖြင့် ပြစ်ဒါဏ်ချမှတ်ခြင်းခံရလျင်၊

လွှတ်တော်နှင့် နိုင်ငံရေးအကျဉ်းသား

မြန်မာနိုင်ငံမှာ (၁) နိုင်ငံရေးအမြင်မတူသူတွေကို ဖိနှိပ်ချုပ်ချယ်ဖို့ ဖန်တီးထားတဲ့ မတရားတဲ့ဥပဒေတွေ၊ လူတစ်ယောက်ရဲ့ မွေးရာပါလူ့အခွင့်အရေးတွေကို ကန့်သတ်ချုပ်ချယ်တဲ့ ဥပဒေတွေရှိနေသေးတာမို့၊ (၂) ယင်းဥပဒေများကို အသုံးချပြီး ဖမ်းဆီးထောင်ချထားသူတွေရှိနေသေးတာမို့ နိုင်ငံရေးအကျဉ်းသားဆိုတာ ရှိခဲ့၊ ရှိဆဲ၊ ရှိနေဦးမှာပါ၊ ဒါကြောင့်မို့ ပြည်ထောင်စုလွှတ်တော်က မတရားတဲ့ ဥပဒေများကို ဖျက်သိမ်း၊ ပြင်ဆင်ရမှာ ဖြစ်သလို၊ နိုင်ငံရေးအကျဉ်းသားဆိုတာကိုလဲ အဓိပ္ပါယ်ဖွင့်ဆိုပေးဖို့ တာဝန်ရှိပါတယ်၊

အစိုးရက နိုင်ငံရေးအကျဉ်းသားများရှိတာကို အသိအမှတ်ပြုဖို့ ပျက်ကွက်နေချိန်မှာ ပြည်ထောင်စုလွှတ်တော်က နိုင်ငံရေးအကျဉ်းသားများကိစ္စအရေးယူဆောင်ရွက်ဖို့ မျှော်လင့်ပါတယ်၊ အခုဆိုရင် ဒေါက်တာဇော်မြင့်မောင်၊ ဒေါ်စန္ဒာမင်း၊ ဦးဇေယျာသော်၊ ဒေါက်တာမေဝင်းမြင့်၊ ဦးသိန်းဆွေ စတဲ့ နိုင်ငံရေးအကျဉ်းသားဟောင်းတွေ လွှတ်တော်ထဲမှာ လွှတ်တော်ကိုယ်စားလှယ်ကြီးများအဖြစ် တာဝန်ထမ်းဆောင်နေကြပါပြီ၊ သူတို့တွေလဲ အခြားသော နိုင်ငံရေးအကျဉ်းသားတွေလိုပဲ ရာဇဝတ်အကျဉ်းသားများနဲ့ အတူ ပြစ်မှုဆိုင်ရာ ကျင့်ထုံးဥပဒေ ပုဒ်မ ၄၀၁၊ ပုဒ်မခွဲ (၁) နဲ့ လွတ်ငြိမ်းချမ်းသာခွင့်ရခဲ့တာပါ၊ သူတို့ရဲ့ ပုခုံးပေါ်မှာ ကျွင်းကျန်သောပြစ်ဒါဏ်နှစ်များက လေးပင်ကြီးမားစွာ တွဲလွဲခိုနေဆဲပါ၊ သူတို့နဲ့ ဘဝတူ၊ အကျဉ်းကျနေဆဲ နိုင်ငံရေးလုပ်ဖော်ကိုင်ဖက်တွေ နိုင်ငံရေးအကျဉ်းသားအဖြစ် တရားဝင်အသိအမှတ်ပြုခံရဖို့၊ ပြီးတော့ ချွင်းချက်မရှိ ပြန်လည်လွတ်မြောက်ကြဖို့၊  နိုင်ငံရေးအကျဉ်းသားအဓိပ္ပါယ်ဖွင့်ဆိုဖို့ လွှတ်တော်ထဲမှာ နည်းလမ်းတကျ ဥပဒေကြမ်းတွေ၊ အဆိုတွေတင်သွင်းပြီး ကြိုးစားကြရင်ဖြင့် သိပ်ကောင်းမှာပါ၊ စစ်တပ်နဲ့ ကြံ့ခိုင်ရေးပါတီ ကိုယ်စားလှယ်တွေက အများစုအားနဲ့ ကန့်ကွက်လို့ သူတို့ကြိုးစားမှုတွေ အရေးနိမ့်ခဲ့ရင်တောင်မှ ကြိုးစားတဲ့အတွက် အားလုံးက သူတို့ကို ကျေးဇူးတင်ကြမှာပါ၊

လေးစားစွာ၊

အောင်ဒင်
ဧပြီလ ၂၅၊ ၂၀၁၃

(မှတ်ချက်၊ ဒီဆောင်းပါးကို ဧပြီလ ၂၅ရက်နေ့မှာ ရေးပြီး ပြည်သူ့ခေတ်ကိုပို့ပါတယ်၊ ပြည်သူ့ခေတ်က မေလ ၉ရက်နေ့မှာ ဖော်ပြပါတယ်၊ ပြည်သူ့ခေတ်ဂျာနယ်မထွက်ခင် မေလ ၈ရက်နေ့မှာ အစိုးရက နိုင်ငံတော်သမ္မတရုံး အမိန့်ကြော်ညာစာအမှတ် ၄၃/၂၀၁၃ နဲ့ "လက်ကျန်နိုင်ငံရေးအကျဉ်းသားများ စီစစ်ရေးကော်မီတီ တိုးချဲ့ပြင်ဆင်ဖွဲ့စည်းကြောင်း" ကို အဖွဲ့ဝင် ၁၉ယောက်အမည်စာရင်းနဲ့ ထုတ်ပြန်ပြီး အဲဒီကြေညာချက်က ပြည်သူ့ခေတ်ထွက်တဲ့နေ့နဲ့ တစ်ရက်တည်း မေလ ၉ရက်နေ့သတင်းစာတွေမှာ ဖော်ပြပါတယ်၊ မေလ ၁၁ရက်နေ့မှာကျင်းပတဲ့ ကော်မီတီရဲ့ တတိယအကြိမ်အစည်းအဝေးကိုလည်း သတင်းထောက်များကို တက်ရောက်သတင်းယူခွင့်ပြုတယ်လို့ သိရပါတယ်၊ ဒီအခြေအနေသစ်တွေကို မူလဆောင်းပါးမှာ ပြင်ဆင်ဖော်ပြဖို့ အချိန်မမီခဲ့ပါ၊)

 

Of Three Daw Hla Kyis

ဒေါ်လှကြည် သုံးယောက်အကြောင်း

အောင်ဒင်

(The Weekly Eleven ဂျာနယ်၊ အမှတ် ၃၀၊ အတွဲ ၈၊ မေလ ၆၊ ၂၀၁၃၊ စာမျက်နှာ ၂၄-၃၀)

http://www.weeklyeleven.com/opinion/19228-%E1%80%B1%E1%80%92%E1%81%9A%E1%80%9C%E1%80%BD%E1%81%BE%E1%80%80%E1%80%8A%E1%80%B9-%E1%80%9E%E1%80%B6%E1%80%AF%E1%80%B8%E1%80%B1%E1%80%9A%E1%80%AC%E1%80%80%E1%80%B9%E1%80%A1%E1%80%B1%E1%81%BE%E1%80%80%E1%80%AC%E1%80%84%E1%80%B9%E1%80%B8

ဒေါ်လှကြည် (၁)

ဒေါ်လှကြည် (၂) နဲ့ ဒေါ်လှကြည် (၃)

ကျနော်တို့ မြန်မာနိုင်ငံမှာ လူတူမရှား၊ နံမည်တူမရှားဆိုတာရှိပါတယ်၊ ရုပ်ချင်းတူတဲ့လူတွေ၊ နံမည်ချင်းတူကြတဲ့လူတွေ၊ ငယ်ငယ်က ကျောင်းမှာ စာသင်ခန်းတစ်ခုထဲမှာ နံမည်တူ နှစ်ယောက် (သို့မဟုတ်) နှစ်ယောက်ထက်ပိုပြီးရှိနေရင် ဆရာ၊ ဆရာမတွေက နံမည်နောက်မှာ နံပါတ် (၁) (၂) တပ်ပြီး ခေါ်ကြတာမှတ်မိပါတယ်၊ ဆိုပါတော့ အောင်ဒင် နှစ်ယောက်ရှိရင် တစ်ယောက်က အောင်ဒင်တစ် ဖြစ်လာပြီး နောက်တစ်ယောက်က အောင်ဒင်နှစ် ဖြစ်လာပါတယ်၊ အဲဒီလိုခေါ်တာဟာ အသက်ကြီးလို့ အတန်းတွေကြီးလာတဲ့အထိ၊ နောက်ပိုင်း လုပ်ငန်းခွင်ထဲရောက်တဲ့အထိအောင် သူငယ်ချင်းများ၊ ကျောင်းနေဘက်များကြားမှာ အမည်တွင်နေတတ်ပါတယ်၊ မိသားစုနံမည်ကို နောက်ဆုံးတတ်ပြီး အမည်ပေးတဲ့ အစဉ်အလာမရှိတာမို့ ကျနော်တို့နိုင်ငံဟာ ကမ္ဘာပေါ်မှာ နံမည်တူပုဂ္ဂိုလ် အများဆုံးနိုင်ငံလဲ ဖြစ်မည်ထင်ပါတယ်၊

ကျနော့်ဘဝတစ်လျှောက်မှာလဲ နံမည်တူပုဂ္ဂိုလ်တွေအများကြီး သိကျွမ်းရင်းနှီးခဲ့ရပါတယ်၊ အဲဒီမှာ ထူးထူးခြားခြား ကျနော်အင်မတန်ချစ်ခင်လေးစားကြည်ညိုရတဲ့ အမျိုးသမီးကြီးသုံးယောက်က "ဒေါ်လှကြည်" အမည်တူများဖြစ်နေပါတယ်၊ တစ်ယောက်ကတော့ ကျနော့်မွေးသမိခင်ကြီး ဒေါ်လှကြည်ပါ၊ နောက်တစ်ယောက်က ကိုသူရ (ခေါ်) ကိုဇာဂနာရဲ့ မိခင်ကြီး ဒေါ်လှကြည်ပါ၊ နောက်တစ်ယောက်ကတော့ ကိုမင်းကိုနိုင် (ခေါ်) ပေါ်ဦးထွန်းရဲ့ မိခင်ကြီး ဒေါ်လှကြည်၊ ကျနော့်ရဲ့ အမေသုံးယောက်ဖြစ်သလို ကျနော်၊ ကိုသူရ၊ မင်းကိုနိုင်တို့အားလုံးရဲ့ အမေများလဲ ဖြစ်ကြပါတယ်၊

ကိုသူရရဲ့ အမေ ဒေါ်လှကြည်က သုံးယောက်ထဲမှာ အသက်အကြီးဆုံးမို့ ဒေါ်လှကြည် (၁) ဆိုပါတော့၊ မင်းကိုနိုင်အမေ ဒေါ်လှကြည်က အလတ်မို့ ဒေါ်လှကြည် (၂) ဆိုရင် ကျနော့်အမေ ဒေါ်လှကြည်က အငယ်ဆုံးမို့ ဒေါ်လှကြည် (၃) ဖြစ်မှာပေါ့၊ ဒီအမေကြီး သုံးယောက်အကြောင်းကို နဲနဲလောက် ပြောပြချင်ပါတယ်၊

ဒေါ်လှကြည် (၁)

အမေကြီးဒေါ်လှကြည် (၁) က ခင်ပွန်းသည် အဘ နန်းညွန့်ဆွေနဲ့အတူရန်ကင်း၊ ဆယ့်နှစ်လုံးတန်းမှာနေပါတယ်၊ သူက လွတ်လပ်ရေးကြိုးပမ်းမှုကာလမှာ တို့ဗမာအစည်းအရုံးဝင် သခင်မကြီးဖြစ်ခဲ့ပြီး "ကြည်ဦး" ဆိုတဲ့အမည်နဲ့ ထင်ရှားတဲ့ စာရေးဆရာမကြီးလဲ ဖြစ်ပါတယ်၊အဘနန်းညွန့်ဆွေကလဲ ထင်ရှားတဲ့ စာရေးဆရာ၊ မြန်မာပညာရှိကြီး၊ ကဗျာဆရာကြီးတစ်ဦးပါ၊ သူ့အမည်အရင်းက ဦးအောင်သိန်းဖြစ်ပြီး ကျနော့်ဖေဖေ ဦးကျော်ရှိန်နဲ့ လွန်ခဲ့တဲ့ နှစ်ပေါင်းများစွာကထဲက ခင်မင်ရင်းနှီးသူပါ၊ ဖဆပလအစိုးရခေတ်က ဦးညာဏဦးစီးတဲ့ အစိုးရ ရုပ်ရှင်နဲ့ ပြဇာတ်ဋ္ဌာနမှာ အတူလုပ်ခဲ့ကြဘူးတယ်လို့ ဖေဖေကပြောပြဘူးပါတယ်၊ ကျနော်ငယ်ငယ်က ဖေဖေ ရန်ကင်းဆယ့်နှစ်လုံးတန်းကို စနေ၊ တနင်္ဂနွေလို နေ့တွေမှာ သွားရောက်ပြီး အဘ နန်းညွန့်ဆွေနဲ့ အဲဒီအနားမှာပဲနေတဲ့ ဆရာကြီးဦးရန်အောင်တို့ထံ လည်ပါတ်စကားဝိုင်းဖွဲ့တတ်ပါတယ်၊ ကျနော်က တစ်ခါတစ်ရံ ဖေဖေနဲ့ လိုက်သွားလို့ အဘနန်းညွန့်ဆွေ၊ အမေကြီးဒေါ်လှကြည် (၁) တို့ကို ငယ်ငယ်ကတဲက သိကျွမ်းရင်းနှီးခဲ့ပါတယ်၊ အမေကြီးက အင်မတန်ခင်ဖို့ကောင်းသလို အခြားသူတွေကိုလဲ ထိထိမိမိဝေဘန်တတ်ပါတယ်၊ 

ကျနော့်ကျောင်းနံမည်က "ချစ်ကိုကို" မို့ အမေကြီးက ဖေဖေ့ကို "ဟင့်၊ ကွန်မြူနစ်က သူ့သားကိုပေးတဲ့ နံမည်က ကနွဲ့ကရနိုင်လိုက်တာ" လို့ ဝေဘန်ပြီး ကျနော့်ကိုလဲ "ကိုကျော်ရှိန့်သား"၊ "ဗိုလ်ကျော့်သား" လို့ပဲ ခေါ်တတ်ပါတယ်၊ ကျနော့်အမည်ရင်းကို ခေါ်လေ့မရှိပါ၊ ဒီအမေကြီးက သူ့သားသုံးယောက်ကိုလဲ ကိုသူရ၊ ကိုဝဏ္ဏ၊ ကိုတေဇ ဆိုပြီး ခန့်ခန့်ငြားငြား မှည့်ထားတာပါ၊ ဖေဖေကတော့ အမေကြီးဝေဘန်တာကို ပြုံးပြုံးလေးနားထောင်ပြီး အဘနန်းကိုသာ အပြင်လက်ဘက်ရည်ထွက်သောက်ကြဖို့ ခေါ်ပါတယ်၊ အဘနန်းကလဲ နှစ်ခါမခေါ်ရပါ၊ သူ့ခင်မျာလဲ အမေကြီးရဲ့ ဝေဘန်မှုကို နေ့စဉ်ခံနေရတော့ အပြင်ထွက်ဖို့အခွင့်အရေး စောင့်နေသူပါ၊

၁၉၈၈ အရေးတော်ပုံကြီးအပြီး စစ်တပ်က အာဏာသိမ်းပြီးချိန် အောက်တိုဘာ ၂ရက်နေ့မှာ အမေကြီးရဲ့ သား ကိုသူရအဖမ်းခံရပါတယ်၊ အဲဒီအချိန်မှာ ကျနော်ကလဲ ရှောင်တိမ်းနေရတော့ အမေကြီးဆီရောက်ပြီး အားမပေးနိုင်ပါ၊ ဖေဖေကတော့ သတင်းကြားကြားချင်း သူတို့အိမ်ကို သွားရောက်ပြီး အားပေးစကားပြောပါတယ်၊ နောက် ၁၉၈၉ ဧပြီ ၂၃ရက်နေ့မှာ ကျနော်အဖမ်းခံရပါတယ်၊ ကျနော့်ကို မဖမ်းခင် ဧပြီ ၂၁ရက်နေ့မှာ ကိုသူရ နဲ့ ကိုဇင်ဝိုင်းတို့ အကျဉ်းထောင်ကပြန်လွတ်လာကြပါတယ်၊ သူတို့လွတ်မြောက်ပြီးပြီးချင်းပဲ အမေကြီးဒေါ်လှကြည်ရဲ့ တိုက်တွန်းချက်အရ ကိုသူရနဲ့ သူ့အနုပညာသူငယ်ချင်းများ၊ ကိုဇင်ဝိုင်း၊ ကိုအောင်သန်းဦး (အရိုင်း)၊ ကိုမိုးဝင်း တို့ အိမ်ကိုရောက်လာပြီး ဖေဖေနဲ့ မေမေကို အားပေးကြပါတယ်၊ ငွေကြေးအထောက်အပံ့တွေလဲ ပေးကြပါတယ်၊

ကျနော် ၁၉၉၃ခုနှစ် ဇူလိုင်လ ၇ရက်မှာ သရက်ထောင်ကနေပြန်လွတ်ပြီးတဲ့နောက် ဖေဖေနဲ့အတူ အမေကြီးတို့အိမ်ကို သွားရောက်နှုတ်ဆက်ပါတယ်၊ အဲဒီအချိန်မှာ ကိုသူရက ၁၉၉၀ခုနှစ်ကထဲက ထောင်ထဲပြန်ရောက်နေပါပြီ၊ ဖေဖေပြောပြလို့ ကျနော်တို့ထောင်ထဲမှာ ရှိနေစဉ်အတွင်း အမေကြီးဒေါ်လှကြည်နဲ့ အဘနန်းတို့က ကျနော်တို့မိသားစု၊ မင်းကိုနိုင်မိသားစုအပါအဝင် အကျဉ်းကျကျောင်းသားများရဲ့ မိသားစုများကို ကူညီထောက်ပံ့တာ၊ ထောင်ဝင်စာပို့ရေးကိစ္စတွေမှာ တိုင်ပင်ဆောင်ရွက်ရင်း အမေကြီးဒေါ်လှကြည်နဲ့ မင်းကိုနိုင်အမေ ဒေါ်လှကြည် (၂)၊ ကျနော့်အမေ ဒေါ်လှကြည် (၃) တို့ညီအစ်မအရင်းအချာတွေလို အင်မတန်ရင်းနှီးခင်မင်နေကြတာတွေ သိရပါတယ်၊ အမေကြီး ၁၉၉၀ရွေးကောက်ပွဲမှာ တသီးပုဂ္ဂလအဖြစ်ဝင်ရောက်ယှဉ်ပြိုင်ပြီး ရှုံးနိမ့်ခဲ့တာကိုတော့ ကိုအရိုင်းပြောပြလို့ ထောင်ထဲမှာထဲက သိခဲ့ပါတယ်၊

တကယ်တော့ အမေကြီးဒေါ်လှကြည် ၁၉၉၀ရွေးကောက်ပွဲဝင်တယ်ဆိုတာ အာဏာလိုချင်လို့၊ အမတ်ဖြစ်ချင်လွန်းလို့မဟုတ်ပါ၊ အဲဒီရွေးကောက်ပွဲမှာ ဒေါ်အောင်ဆန်းစုကြည်ရဲ့ ရုပ်ပုံတွေကို အသုံးပြုမဲဆွယ်ပြီး ရန်ကင်းမြို့နယ်ကနေ အမျိုးသားဒီမိုကရေစီအဖွဲ့ချုပ်ကို ကိုယ်စားပြုဝင်ပြိုင်သူက ရန်ကင်းမြို့နယ်ရဲ့ မဆလပါတီခေါင်းဆောင်ဟောင်းတစ်ယောက်ဖြစ်နေလို့ပါ၊ မဆလပါတီကို ဖြုတ်ချခဲ့တဲ့ ရှစ်လေးလုံးအရေးတော်ပုံကြီးကြောင့် ဖြစ်လာတဲ့ ပါတီစုံရွေးကောက်ပွဲမှာ မဆလဟောင်းတွေက အမျိုးသားဒီမိုကရေစီအဖွဲ့ချုပ်အလံနဲ့ ရွေးကောက်ပွဲဝင်တာကို မခံချင်စိတ်နဲ့ ဝင်ပြိုင်ဖြစ်တာပါ၊ အမေ့ကို ချစ်တဲ့ သားကိုသူရက အမေ့အတွက် ရွေးကောက်ပွဲမဲဆွယ်ရာမှာ မဆလအရေခွံချွတ်ပြီး ဒီမိုကရေစီအရေခြုံလို့ အာဏာရရှိရေးကြိုးပမ်းသူတွေကို လှောင်ပြောင်တဲ့ မိန့်ခွန်းတွေပြောမိလို့ သူ့သူငယ်ချင်း ကိုအရိုင်း (အောင်သန်းဦး) နဲ့အတူ အဖမ်းခံရပြီး ထောင် ငါးနှစ်အပြစ်ပေးခံရတာပါ၊

အမေကြီးတို့အိမ်ကိုရောက်တော့ ကျနော်အံ့ဩရတာက သူတို့အိမ်ဟာ နိုင်ငံရေးအကျဉ်းသားဟောင်းများစုဝေးပြီး ထောင်ကျနေဆဲ ကျောင်းသားများကို ရန်ပုံငွေရှာဖွေထောက်ပံ့ရာ ဗဟိုဋ္ဌာနတစ်ခုဖြစ်နေလို့ပါပဲ၊ ကျနော့်ထက်စောပြီး အကျဉ်းထောင်ကပြန်လွတ်ကြတဲ့ ကျောင်းသားလေးများဟာ အမေကြီးဒေါ်လှကြည်ရဲ့ ဦးဆောင်မှုနဲ့ နည်းလမ်းပေါင်းစုံနဲ့ ရန်ပုံငွေရှာဖွေပြီး ထောင်အသီးသီးမှာ အကျဉ်းကျနေဆဲ နိုင်ငံရေးအကျဉ်းသားတွေကို အစားအသောက်နဲ့ ဆေးဝါးတွေ ထောက်ပံ့နေကြပါတယ်၊ အမေကြီးဒေါ်လှကြည်ကို ဗဟိုပြုလို့ပဲ နိုင်ငံရေးလှုပ်ရှားမှုတွေ ဆက်လက်ဆောင်ရွက်နေကြပါတယ်၊ ကျနော်လဲ အထူးတလည်မစည်းရုံးရပဲ အမေကြီးဒေါ်လှကြည်ရဲ့ နိုင်ငံရေးအကျဉ်းသားထောက်ပံ့ရေးအဖွဲ့ဝင် ဖြစ်ခဲ့ပါသေးတယ်၊ ကျနော်လွတ်ပြီး သိပ်မကြာခင် ၁၉၉၄ ခုနှစ်အတွင်းမှာ ကိုသူရ နဲ့ ကျနော့်ညီ ရွှေဘုန်းလူ တို့ အကျဉ်းထောင်ကလွတ်မြောက်လာကြပါတယ်၊ မင်းကိုနိုင်ကတော့ အကျဉ်းကျနေဆဲမို့ ဒေါ်လှကြည် (၁) နဲ့ ဒေါ်လှကြည် (၃) တို့ခင်မျာ ဒေါ်လှကြည် (၂) ကိုစာနာသနားပြီး အပြည့်အဝ မပျော်ရွှင်နိုင်ခဲ့ကြရပါ၊

ဒေါ်လှကြည် (၂)

မင်းကိုနိုင်အမေ ဒေါ်လှကြည် (၂) က သင်္ဃန်းကျွန်းမြို့နယ်၊ ဝေဇယန္တာလမ်းမကြီးအပေါ်က ရှည်မျောမျောအိမ်ကလေးမှာ နေပါတယ်၊ ခင်ပွန်းသည်က ပန်းချီဆရာကြီး ဦးသက်ညွန့်ပါ၊ မင်းကိုနိုင် အကျဉ်းကျနေချိန်မှာ သမီး သုံးယောက်နဲ့အတူနေရင်း အိမ်ဆိုင်ကလေးတစ်ခုဖွင့်လှစ်ထားပါတယ်၊ ကျနော် ထောင်ကလွတ်လွတ်ချင်းမှာပဲ သူတို့ရဲ့ အိမ်ကလေးကို မေမေဒေါ်လှကြည် (၃) နဲ့အတူ ကျနော်ရောက်ပါတယ်၊ တွေ့တွေ့ချင်းပါပဲ၊ အမေဒေါ်လှကြည်နဲ့ အဘဦးသက်ညွန့်တို့ကို မိဘအရင်းများသဖွယ်ချစ်ခင်မိပါတယ်၊ အမေနဲ့ အဘကလဲ ကျနော့်အပေါ်တူညီသော မေတ္တာထားကြပါတယ်၊ အမေဒေါ်လှကြည် (၂) က ကျနော့်ကို "သား" လို့ခေါ်ပြီး သူ့ကိုလဲ "အမေ" လို့ခေါ်ဖို့ပြောပါတယ်၊ မကြီး၊ မငယ်၊ မီးငယ် ညီအမ သုံးယောက်ကလဲ ကျနော့်ကို ကွဲကွာနေတဲ့ မောင်လေးတစ်ယောက်၊ အစ်ကိုတစ်ယောက်ပြန်ရောက်လာသလို ချစ်ခင်ရင်းနှီးကြပါတယ်၊ ကျနော့်အတွက် အင်မတန်ချစ်စရာကောင်းတဲ့ ဒုတိယမိသားစုတစ်ခုကို ရရှိလိုက်တာပါ၊ သူတို့ကို ကျနော်က ၁၉၉၀ခုနှစ်က အင်းစိန်အကျဉ်းထောင်ထဲမှာ မင်းကိုနိုင်နဲ့ နောက်ဆုံးတွေ့ခဲ့ရပုံကို ပြန်ပြောပြတော့ သူတို့အားလုံး ကြေကွဲဝမ်းနည်းကြရပါတယ်၊ 

ကျနော် ထောင်ကလွတ်တဲ့ ၁၉၉၃ခုနှစ် ဇူလိုင်လကနေ စင်္ကာပူနိုင်ငံကို အလုပ်လုပ်ဖို့ ထွက်ခွါတဲ့အချိန် ၁၉၉၅ခုနှစ် မတ်လထိ အမေဒေါ်လှကြည် (၂) ရဲ့ သင်္ဃန်းကျွန်း၊ ဝေဇယန္တာလမ်းမပေါ်က အိမ်ကလေးဟာ ကျနော့်ရဲ့ ဒုတိယအိမ်ဖြစ်ခဲ့ပါတယ်၊ အဘဦးသက်ညွန့်ကတော့ သူ့သားကို လွမ်းတဲ့စိတ်နဲ့ အခန်းကျဉ်းကျဉ်းကလေးထဲမှာ ပန်းချီကားတွေပဲ ဆက်တိုက်ရေးဆွဲနေပါတယ်၊အမေဒေါ်လှကြည် (၂) ကတော့ မင်းကိုနိုင်အဖမ်းခံရတဲ့အချိန်ကစလို့ ယောဂီဝတ်စုံကိုပဲ ဝတ်ပါတော့တယ်၊ တရားစခန်းမကြာခဏဝင်ပါတယ်၊ သူ့သား သူ့ကိုမြင်ရင် ဝမ်းနည်းပြီး စိတ်ဓာတ်ပျော့မှာစိုးလို့ ထောင်ဝင်စာဘယ်တော့မှ လိုက်မတွေ့ပါ၊ မင်းကိုနိုင်အတွက် ထောင်ဝင်စာကိုတော့ ဒေါ်လှကြည် ၃ယောက် စုပေါင်းချက်ပြုတ်ကြပြီး မကြီး၊ မငယ်၊ မီးငယ်တို့ ညီအမတွေက အလှည့်ကျထောင်ဝင်စာသွားတွေ့ကြပါတယ်၊

ကျနော့်လိုပဲ ကိုသူရကလဲ ထောင်ကလွတ်လာပြီးတဲ့နောက် အမေဒေါ်လှကြည် (၂) ရဲ့ အိမ်ကို ရောက်လာပါတယ်၊ သူက မင်းကိုနိုင်နဲ့ အင်းစိန်ထောင်၊ အထူးတိုက်မှာ အချိန်အတော်ကြာကြာအတူနေခဲ့ရလို့ သူ့မှာ မင်းကိုနိုင်အကြောင်းတွေ ပြန်ပြောစရာတွေ အများကြီးပါလာခဲ့ပါတယ်၊ မင်းကိုနိုင်ထောင်ထဲမှာ ရေးစပ်တဲ့ သီချင်းတွေ၊ ကဗျာတွေကိုလဲ သူက နှုတ်တိုက်ကျက်မှတ်လာခဲ့ပြီး ပြန်ရွတ်ပြတော့ ဒေါ်လှကြည် (၂) မျက်ရည်ကျရပါတယ်၊ ကိုသူရ အနုပညာလုပ်ငန်းတွေပြန်လုပ်တော့ မင်းကိုနိုင် ထောင်ထဲမှာ နှုတ်နဲ့ဖန်တီးခဲ့တဲ့ ဝတ္ထုဇာတ်လမ်းအချို့ကို ဗီဒီယိုဇာတ်လမ်းအဖြစ် အသက်သွင်းခဲ့ပါသေးတယ်၊ 

ကျနော် စင်္ကာပူကို မထွက်ခွါခင်မှာ အဘဦးသက်ညွန့်ရဲ့ တစ်ကိုယ်တော်ပန်းချီပြပွဲတစ်ခုကို စီစဉ်ကျင်းပပေးခဲ့ပါတယ်၊ အန်ကယ်ဦးဝင်းနိုင် (အမျိုးသားရေး ဦးဝင်းနိုင်) က ရွှေတောင်ကြားက သူ့အိမ်မှာ ပန်းချီပြပွဲလုပ်ခွင့်ပေးပါတယ်၊ ပန်းချီကိုဝသုန်၊ ကိုတင်မောင်ဝင်း၊ မသိဂီင်္၊ မစန်းစန်းတင်၊ ရန်မျိုးသိမ်း၊ ချိုချိုထွန်းငြိမ်း၊ ဥမ္မာ နဲ့ ရွှေဘုန်းလူတို့ ဝိုင်းဝန်းကူညီကြပါတယ်၊ မင်းကိုနိုင်ကို ချစ်ခင်သူတွေနဲ့ သံရုံးတစ်ချို့က သံတမန်တွေ လာရောက်ကြည့်ရှူကြပေမည့် ကျနော်မျှော်လင့်သလောက် ပန်းချီကား များများမရောင်းရပါ၊ အစိုးရဘက်က ဖိအားပေးလို့ ပန်းချီ၊ပန်းပုကောင်စီကနေ ဒီပြပွဲကို အတိုင်းအတာတစ်ခုအထိ အနှောက်အယှက်ပေးပါတယ်၊ အဲဒီအချိန်က ပန်းချီပြပွဲလုပ်မယ်ဆိုရင် ပန်းချီ၊ပန်းပုကောင်စီ (ရိုးရာပန်းပညာရှင်များအစည်းအရုံး လို့ခေါ်တယ်ထင်ပါတယ်၊) ကို ခွင့်ပြုချက်တောင်းရပါတယ်၊ ပြပွဲမစခင် ကောင်စီလူကြီးတွေက ခင်းကျင်းပြသထားတဲ့ ပန်းချီကားတွေကို လာရောက်စစ်ဆေးပြီး သူတို့မကြိုက်တဲ့ ကားကို ဖြုတ်ခိုင်းတတ်ပါတယ်၊ ဆင်ဆာလုပ်တာပါ၊ သူတို့ခွင့်ပြုမှ ပြပွဲပြခွင့်ရှိပါတယ်၊ ကျနော်က ဒီပြပွဲအတွက် ဘယ်သူ့ထံမှာမှ ခွင့်ပြုချက်မတောင်းခဲ့ပါ၊ ဒီတော့  အဘဦးသက်ညွန့်ကို ပန်းချီပန်းပုကောင်စီကနေ “ဘာကြောင့် ဒီပြပွဲလုပ်ဖို့ ခွင့်ပြုချက်မတောင်းရသလဲ” ဆိုပြီး ဖုန်းဆက်မေးပါတယ်၊ အဘကတော့ “ဒါ ပန်းချီပြခန်းမှာလုပ်တဲ့ ပြပွဲမဟုတ်ဘူး၊ မိတ်ဆွေတစ်ယောက်ရဲ့ အိမ်မှာလုပ်တဲ့ ပန်းချီကားရောင်းပွဲ၊ ဒါကြောင့် ခွင့်ပြုချက်တောင်းစရာမလိုဘူး” လို့ ပြန်ဖြေလိုက်ပါတယ်၊ အိမ်ရှင်ဦးဝင်းနိုင်ကိုလဲ မြို့နယ်အာဏာပိုင်နဲ့ ထောက်လှမ်းရေးက "ခင်ဗျားအိမ်မှာ မင်းကိုနိုင်ရဲ့ အဖေနဲ့ အောင်ဒင့်ကို ဘာကြောင့်လက်ခံထားတာလဲ" လို့ လှမ်းမေးပါသေးတယ်၊ ဦးဝင်းနိုင်ကလဲ "ကျုပ်အိမ်မှာ ကျုပ်ဘယ်သူ့ကို လက်ခံလက်ခံ ခင်ဗျားတို့နဲ့ ဘာဆိုင်သလဲ' လို့ ဘုပြန်တောလိုက်ပါတယ်၊

ပြပွဲနောက်ဆုံးနေ့က ကားတစ်စီးငှါးလို့ ပန်းချီကားတွေကို သိမ်းဆည်းပြီး အိမ်ပြန်အရောက်မှာ ကျနော့်မျက်နှာမကောင်းလို့ အမေဒေါ်လှကြည် (၂) က "သား၊ နေမကောင်းဘူးလား" လို့မေးပါတယ်၊ ကျနော်က "အမေရယ်၊ ကျနော်က ဒီထက်မက ရောင်းရလိမ့်မယ်လို့ မျှော်လင့်ထားတာပါ၊ အခုတော့ ကျနော် အဘနဲ့အမေကို မျက်နှာပူလို့ပါ" လို့ဖြေလိုက်တော့ အမေက ရီပါတယ်၊ "ဘာလို့ စိတ်မကောင်းဖြစ်ရတာလဲ သားရယ်၊ အခုရတဲ့ ငွေတောင် ဒီပြပွဲကို သားမစီစဉ်ပေးရင် အမေတို့ရမှာမှ မဟုတ်တာ၊  အမေတို့က သားကို အရမ်းကျေးဇူးတင်နေရတာပါ" လို့လဲ ပြောပါသေးတယ်၊ ပြီးတော့ ကျနော့်ကို ပိုက်ဆံထုတ်ထဲက ကျပ်နှစ်သောင်းထုတ်ပေးပါတယ်၊ "သား စင်္ကာပူသွားဖို့ ကိစ္စ ပိုက်ဆံလိုလိမ့်မယ်၊ ယူသွားပြီး နောက် သားအဆင်ပြေမှ ပြန်ပေး" လို့ပြောပါတယ်၊ ကျနော်လဲ အင်မတန် အံ့ဩကြည်နူးရပါတယ်၊ တကယ်လဲ စင်္ကာပူသွားဖို့အတွက် ပိုက်ဆံလိုနေတာပါ၊ မငြင်းဆန်ပဲ ယူလိုက်ရပါတယ်၊ တော်ပါသေးတယ်၊ စင်္ကာပူရောက်ပြီး နှစ်လအကြာမှာ အမေ့ပိုက်ဆံကို ကျနော်ပြန်လည်ပေးဆပ်နိုင်ခဲ့ပါတယ်၊

ဒေါ်လှကြည် (၃)

ဒေါ်လှကြည် (၃)ကတော့ ကျနော့်မိခင်ကြီးပါ၊ ကျနော့်အဖေဦးကျော်ရှိန်၊ ကိုသူရအဖေ အဘနန်း နဲ့ မင်းကိုနိုင် အဖေ အဘဦးသက်ညွန့်တို့ အဖေကြီးသုံးယောက်က အသက်မတိမ်းမယိမ်းရှိကြပေမည့် ဒေါ်လှကြည်သုံးယောက်မှာတော့ ကျနော်အမေ ဒေါ်လှကြည် (၃) က အငယ်ဆုံးဖြစ်ပါတယ်၊ ဖေဖေက အသက်ကြီးမှ အိမ်ထောင်ကျတာဖြစ်ပြီး မေမေက ဖေဖေ့ထက် အသက် ၂၀လောက်ငယ်လို့ပါ၊ ဒါပေမည့် အမေသုံးယောက်ထဲမှာ ဒေါ်လှကြည် (၃) ဟာ လောကဓံတရားကို အဆိုးဝါးဆုံးခံစားခဲ့ရသူတစ်ယောက်ဖြစ်မယ် ထင်ပါတယ်၊  

မေမေက ဧရာဝတီတိုင်း၊ ဝါးခယ်မမြို့နယ်အပိုင် ကျုံမငေးဆိုတဲ့ မြို့ကလေးဇာတိပါ၊ သူ ကလေးဘဝမှာပဲ သူ့အမေ ဆုံးပါးခဲ့ပါတယ်၊ အဲဒီတုံးက မြစ်ဝကျွန်းပေါ်ဒေသမှာ တိုက်ခိုက်နေတဲ့ သူပုန်တပ်ဖွဲ့တစ်ဖွဲ့က မေမေ့အမေ (ကျနော့်အဖွားနဲ့) သားသမီးနှစ်ယောက် (မေမေနဲ့ မေမေ့မောင်လေး) ကို ပြန်ပေးဆွဲခဲ့ပါတယ်၊ ရည်ရွယ်ချက်ကတော့ သူတို့အင်မတန်မုန်းတဲ့ ကျနော့်အဘိုး၊ စစ်ရဲတပ်ရင်းအမှတ် ၂၂ ရဲ့ တပ်ရင်းမှူး ဗိုလ်ကြီးသန်းတင်ကို မုန်းတီးလွန်းလို့ ဂလဲ့စားချေဖို့ပါ၊ မေမေက အဲဒီအချိန်က အသက် ၄နှစ်အရွယ်ဖြစ်ပြီး မေမေ့မောင်လေးက လသားကလေးပဲ ရှိပါသေးတယ်၊ ပထမဆုံး မေမေ့အမေကို သူပုန်တွေက သတ်ပစ်လိုက်ပါတယ်၊ ဒုတိယနေ့မှာ မေမေ့မောင်ကလေးကို သတ်လိုက်ပြန်ပါတယ်၊ နှစ်ယောက်စလုံးကို မေမေ့ရှေ့မှာပဲ သတ်တာပါ၊ သတ်ပုံသတ်နည်းကလဲ အင်မတန် ကြမ်းကြုတ်ရက်စက်လွန်းလို့ ဒီစာစုမှာ မဖော်ပြချင်ပါ၊ နောက်တစ်ရက် မေမေ့ကို သတ်တော့မည့်အလှည့်မရောက်ခင်မှာ သူပုန်တပ်ထဲက စာနာတတ်တဲ့အဘိုးကြီးတစ်ယောက်က အမေ့ကို ကယ်တင်ပြီး လှေကလေးတစ်စီးနဲ့ ထွက်ပြေးခဲ့ကြပါတယ်၊ ချောင်းကြိုချောင်းကြားမှာ ငါးရက်လောက် ခိုးချောင်ခိုးဝှက်လှော်ခတ်ပြီးမှပဲ အဘိုးရှိရာ တပ်စခန်းကိုရောက်ပြီး ဒေါ်လှကြည် (၃) တစ်ယောက်အသက်ဘေးက လွတ်မြောက်ရပါတယ်၊ ဒါပေမည့် သူ့အမေနဲ့ သူ့မောင်လေး သူ့မျက်စိရှေ့မှာ ရက်ရက်စက်စက်အသတ်ခံခဲ့ကြရတာကို သူ့ဦးဏှောက်ထဲက၊ သူ့နှလုံးသားထဲက ဘယ်တော့မှ ဖျောက်ဖျက်လို့ မရတော့ပါ၊

ကျနော့်အဘိုးက နောက်အိမ်ထောင်ပြုတဲ့အတွက်ကြောင့် မေမေဟာ သူ့အဘိုး၊အဘွားများနဲ့ ကြီးဒေါ်များရဲ့လက်ထဲမှာ ကျုံမငေးမြို့မှာ ကြီးပြင်းရှင်သန်ခဲ့ရတာပါ၊ ဖေဖေနဲ့လက်ထပ်ပြီးမှပဲ ရန်ကုန်ကို ရောက်ပါတယ်၊အဘိုးလဲ နောက်အိမ်ထောင်နဲ့ သားတစ်ယောက်မွေးဖွားပြီး သိပ်မကြာခင် ထားဝယ်ခရိုင်၊ လောင်းလုံမြို့နယ်မှာ တိုက်ပွဲကျခဲ့ပါတယ်၊ 

မေမေဟာ ခင်ပွန်းသည်နဲ့ သားသမီးတွေကို ချစ်စိတ်ကြီးတဲ့ သာမာန်အမျိုးသမီးကြီးတစ်ယောက်ပါ၊ ပြည်တွင်းစစ်ရဲ့အနိဋ္ဌာရုံတွေကို ကောင်းကောင်းနားလည်ပါတယ်၊ ငယ်ငယ်ကလေးထဲက မိဘကို ဆုံးရှုံးခဲ့ရလို့ မိသားစုဘဝကို အလွန်မြတ်နိုးပါတယ်၊ နိုင်ငံရေးဆိုတာကို နားမလည်ပေမည့် မတရားမှုမှန်သမျှကို ဆန့်ကျင်ပါတယ်၊ ခင်ပွန်းသည်နဲ့ သားသမီးများရဲ့ အာဏာရှင်ဆန့်ကျင်ရေးစိတ်ဓာတ်နဲ့ လှုပ်ရှားမှုတွေကို အားပေးထောက်ခံပါတယ်၊ ကျနော်အဖမ်းခံရလို့ အင်းစိန်ထောင်ထဲရောက်ချိန်မှာ လျှို့ဝှက်ဆက်သွယ်ရေးလမ်းကြောင်းတစ်ခုကနေ မေမေပို့လိုက်တဲ့ သတင်းစကားက "အကြီးကောင်ကြီး၊ လက်မှတ်ထိုးပြီး ထွက်မလာနဲ့နော်"  တဲ့၊

အမေများနဲ့ သားများ

ဒီအမေတွေကြောင့် ဒီသားတွေ လူလားမြောက်ခဲ့ကြတာပါ၊ ဒီအမေကြီးတွေရဲ့ သွန်သင်ဆုံးမမှုကြောင့် ဒီသားတွေ လူ့လောကအကျိုးတစ်စုံတစ်ရာစွမ်းဆောင်နိုင်ခဲ့ကြတာပါ၊ ဒီအမေကြီးတွေရဲ့ ကြီးမားလှတဲ့ ချစ်ခြင်းမေတ္တာကြောင့် ကျနော်တို့တွေ တော်လှန်ရေးဆိုတဲ့ အန္တရယ်ကြီးမားတဲ့လမ်းကို လျှောက်လှမ်းရဲခဲ့ကြတာပါ၊ ဒီအမေကြီးတွေရဲ့ ယုံကြည်မှုနဲ့ ကျနော်တို့တွေ အကျဉ်းထောင်ထဲမှာ မယိမ်းမယိုင် ကြံ့ခိုင်ခဲ့ကြတာပါ၊ ဒေါ်လှကြည်သုံးယောက်လို မိခင်တွေ ကျနော်တို့မြန်မာနိုင်ငံမှာ အများကြီးရှိနေတာက ကျနော်တို့အားလုံးအတွက် မင်္ဂလာတစ်ပါးပါပဲ၊

အခုတော့ အမေကြီးသုံးယောက်မှာ ဒေါ်လှကြည် (၁) က ၂၀၀၉ခုနှစ် ကိုသူရ အကျဉ်းထောင်ထဲရှိနေစဉ်မှာပဲ ဆုံးပါးသွားခဲ့ပါပြီ၊ ဒေါ်လှကြည် (၂) နဲ့ ဒေါ်လှကြည် (၃) တို့ပဲ ကျန်ပါတော့တယ်၊ သားတွေအားလုံးအကျဉ်းထောင်က လွတ်ခဲ့ကြပြီဖြစ်ပေမည့် ဒေါ်လှကြည် (၁) ရဲ့သား ကိုဝဏ္ဏနဲ့ ဒေါ်လှကြည် (၃) ရဲ့သား ရွှေဘုန်းလူ (ခေါ်) တာရာမင်းဝေတို့ ဆုံးပါးသွားကြပါပြီ၊ ကျန်တဲ့ သားသုံးယောက်ဖြစ်တဲ့ ကိုသူရ၊ မင်းကိုနိုင် နဲ့ကျနော်တို့မှာ ကျနော်က အားလုံးနဲ့ မိုင်ပေါင်းထောင်ပေါင်းများစွာဝေးကွာတဲ့ အမေရိကန်ပြည်ထောင်စုမှာပါ၊ ကျန်နေသေးတဲ့ အမေကြီးနှစ်ယောက်ကို အဝေးကနေ ကန်တော့ရင်း သူတို့ကို လူကိုယ်တိုင်ပြန်ဆုံဦးခိုက်နိုင်မည့်အချိန်ကိုပဲ မျှော်လင့်နေမိပါတယ်၊

လေးစားစွာ၊

အောင်ဒင်
ဧပြီ ၇၊ ၂၀၁၃