BLOGGER TEMPLATES AND TWITTER BACKGROUNDS

Thursday, July 9, 2015

အနည်းဆုံးလုပ်ခ၊ အများဆုံးဒုက္ခ

မိုးမခမီဒီယာ၊ ဇူလိုင် ၈၊ ၂၀၁၅ http://moemaka.com/archives/44478

အနည်းဆုံးလုပ်ခ၊ အများဆုံးဒုက္ခ
အောင်ဒင်

ဟောဒီ စက်ရုံကြီးထဲ
တစ်နေ့ကို အနည်းဆုံး ၁၂ နာရီ အလုပ်လုပ်ရ
ပိတ်ရက်မရှိ၊ ခွင့်တစ်ရက်တောင်မှ မယူပဲ
နေ့စဉ်ရက်ဆက် အလုပ်လုပ်ပါမှ
တစ်လဝင်ငွေ ကျပ်တစ်သိန်း နှစ်သောင်းလောက် ရသူပါ…။

အညံ့ဆုံးဆန်နဲ့၊ အသီးအရွက် ရေလုံပြုတ်နဲ့
သက်သတ်လွတ်စားကြတာတောင်မှ
တစ်လကို မိသားစု စားစရိတ်က
ကျပ် ၈ သောင်းလောက် ကုန်ကျပါတယ်…။

ဟိုး မြို့စွန်မြို့ဖျားမှာ
ဓနိမိုး ထရံကာ တဲစုတ်ကလေးက
တစ်လ ကျပ် ၄ သောင်း အိမ်ငှါးခ ပေးရပါတယ်…။

တစ်လကုန်တဲ့အခါ
စားစရိတ်နဲ့ အိမ်ငှါးခက
ရသမျှ လခနဲ့ အတူတူဆိုတော့
သားသမီးများ လိုတာဖြည့်ဆီးပေးဖို့
အတိုးကြီးကြီးနဲ့ ငွေချေးငှါးတဲ့
စက်ရုံထဲက မန်နေဂျာထံ
ဒူးထောက် အညံ့ခံရပြန်ပါတယ်…။

အဲဒီလို
ခက်ခက်ခဲခဲ ရှင်သန်နေရတဲ့ကျနော်တို့ကို
အနည်းဆုံးလုပ်ခ တစ်နေ့ ကျပ် ၃,၆၀၀ မပေးချင်တဲ့
အလုပ်ရှင်ကြီးရယ်
အံ့ဩမလားတော့မသိ
ခင်ဗျားတို့ဘဝကို ကျနော်စာနာမိပါတယ်…။

ခင်ဗျားတို့မှာလည်း
နိုင်ငံခြားက အမှာစာတွေ မလာရင် စိတ်ပူရ
ဒေါ်လာဈေးမတည်ငြိမ်ရင် စိတ်ပျက်ရ
လျှပ်စစ်မီးမမှန်လို့ ဒီဇယ်ဆီနဲ့ မောင်းနှင်ရတဲ့ စက်ရုံကြီးထဲ
မြေကြီးငှါးခကို အလွန်အကျွံပေးနေရတာ၊
ဝန်ကြီးဋ္ဌာနက လုပ်ငန်းပါမစ်ရဖို့အတွက်
ငွေတွေအများကြီး ပူဇော်ခဲ့ရတာ၊
စက်ရုံတည်ဆောက်ခွင့်ရဖို့အတွက်
သက်ဆိုင်ရာမှန်သမျှကို ကြေးပံ့ခဲ့ရတာ၊
လျှပ်စစ်မီတာတပ်ဆင်ခွင့်ရဖို့အတွက်
ငွေကို လေလို သုံးခဲ့ရတာ၊
အဘတွေကို ပေးရ၊ အမတွေကို ပေးရနဲ့
စာရင်းမပြနိုင်တဲ့ ကုန်ကျစားရိတ်တွေ ရှိခဲ့တာ…။

အဲဒီလို ရင်းနှီးမြှုပ်နှံမှုတွေကြောင့်
ကျနော်တို့ကို အနည်းဆုံးပေးရတာတောင်မှ
ခင်ဗျားတို့ရဲ့ အမြတ်အစွန်းတွေ လျော့နည်းနေရတာ
စိတ်မကောင်း ဖြစ်မိပါတယ်ဗျာ …။

ခင်ဗျားတို့နဲ့ ကျနော်တို့ဟာ
တကယ်တော့ ဘဝတူတွေပါ
(ရီစရာကောင်းနေမလား မသိ)
ခင်ဗျားတို့မပေးချင်တဲ့ ၃,၆၀၀
ကျနော်တို့လည်း မရချင်တော့ပါ…။

တစ်ခုတော့ ကူပါဗျာ
အနည်းဆုံးလုပ်ခ မပေးချင်နေ
ကျနော်တို့ကို
အများဆုံး ဒုက္ခတွေ မပေးဖို့
ခင်ဗျားတို့ရဲ့ အဘတွေ၊ အမတွေကို
ပြောပေးကြပါလားဗျာ…။ ။ ။

(ဇူလိုင်လ ၈ ရက်၊ ၂၀၁၅)

Friday, July 3, 2015

စစ်နှင့် ပြည်သူ

(ခေတ်ရနံ့မဂ္ဂဇင်း၊ ဇူလိုင်လ၊ ၂၀၁၅)



စစ်နှင့် ပြည်သူ

အောင်ဒင်

(၁)
 
ပြဿနာက
တစ်ဘက်နဲ့ တစ်ဘက် မယုံကြည်တာက စတယ်
စာချုပ်တစ်ခုကို ဖောက်ဖျက်တာက စတယ်
ကိုယ့်မြေ ကိုယ့်ဒေသမှာ
ကိုယ့်ကြမ္မာ ကိုယ်မဖန်တီးနိုင်တာက စတယ်
မဟာလူမျိုးကြီးဝါဒကို ဆန့်ကျင်ရာက စတယ်
လွတ်လပ်ရေး တကယ်စစ်မစစ်
ငြင်းခုန်ကြရာက စတယ်…။

မကျေနပ်တဲ့ အကြောင်းအမျိုးမျိုးကို
စားပွဲဝိုင်းမှာ ဆွေးနွေးတောင်းဆိုလို့ မရတော့တဲ့ အဆုံး
လက်နက်ကိုင်ကြ၊ အင်အားစုကြ၊ တိုက်ခိုက်ကြ၊
ရည်ရွယ်ချက်ရှိရှိ် တော်လှန်ခဲ့ကြတာ
အနှစ်ခြောက်ဆယ်ကျော်ခဲ့ပါပြီ
ဘယ်လို အဆုံးသတ်ရမှန်း မသိကြတော့
တချို့တွေလည်း အဆုံးသတ်ဖို့ကို စိတ်မဝင်စားတော့…။

နိုင်ငံတစ်ခုကို
တည်ဆောက်ဖို့ ခက်ခဲသလောက်
ဖျက်ဆီးရတာ သိပ်လွယ်ပါတယ်
အမုန်းတရားနဲ့ ကောလာဟဠ
နေရာတိုင်းမှာ မျိုးစေ့ချ
အာဃာတအဆိပ်ပင်တွေ ရှင်သန်ကြီးထွား
အတ္တများများ အားပြိုင်
တစ်ဘက်နဲ့ တစ်ဘက် အနိုင်တိုက်ကြပါလိမ့်မယ်…။

(၂)
 
စစ်တိုက်တယ်ဆိုတာ 
အလံတွေ နေရာချကြတာပါ
ဒီဘက်တပ်က နိုင်ရင်
ဟိုဘက်တပ်ရဲ့ မြေမှာ ဒီဘက်တပ်ရဲ့ အလံကိုလွှင့်
ဟိုဘက်တပ်ကနိုင်ရင်
ဒီဘက်တပ်ရဲ့မြေမှာ ဟိုဘက်တပ်ရဲ့ အလံကိုလွှင့်…။

အဲဒီလို အလံတွေ တလူလူလွှင့်နိုင်ဖို့
ပစ်လိုက်ရတဲ့ ကျည်ဆံတွေ
ဖြုန်းလိုက်ရတဲ့ အမြောက်ဆံတွေ
သတ်လိုက်ရတဲ့ အသက်တွေ
ဖျက်ဆီးလိုက်ရတဲ့ ဘဝတွေ
ဟောဒီ တောင်ကုန်းကလေးဟာ
လူ့အသက်ပေါင်းများစွာ စတေးခဲ့ရတဲ့မြေ
ရှုံးတဲ့ဘက်က နိုင်တဲ့ဘက်ကို  ကမ္ဘာမကြေ…။

အလံနဲ့ တူတဲ့ စစ်သူကြီးတွေကတော့
လုံခြုံစိတ်ချရတဲ့ ဋ္ဌာနချုပ်စခန်းထဲက
သဲနဲ့ ဆောက်တဲ့ စစ်ဆင်ရေးမြေပုံကြီးရှေ့မှာ
ခရိုနီတစ်ယောက် လက်ဆောင်ပေးထားတဲ့
ကျူးဘားဆေးပြင်းလိပ်ကို…ဖွာ
လက်အောက်ငယ်သားတစ်ယောက်က ကန်တော့ထားတဲ့
ရွှေအနားကွပ် ကြိမ်တုတ်ကလေးကို ဝှေ့ရမ်းပြီး
စစ်ရေးစွမ်းရည်တွေ ပြနေလေရဲ့…။

(၃)
 
လက်နက်နဲ့ အနိုင်ကျင့်သူတွေကို
လက်နက်ရှာပြီး ပြန်ဆန့်ကျင်တယ်
ဒါ…သဘာဝကျပါတယ်…။

အနိုင်ကျင့်သူကို ဆန့်ကျင်ရင်း
ကိုယ်တိုင်လည်း
လက်နက်နဲ့ အနိုင်ကျင့်သူ ဖြစ်လာတတ်တယ်
ဒါလည်း…သဘာဝကျပါတယ်…။

သဘာဝမကျတာက
လက်နက်မရှိ၊ လက်နက်မရှာ
ကိုယ့်ဘဝနဲ့ကိုယ် ခက်ခဲစွာရပ်တည်ရှင်သန်နေကြရတဲ့
သာမာန်ပြည်သူတွေကပဲ
အနိုင်ကျင့်ခံရသူ သားကောင်များ ဖြစ်နေကြရတာ…။

ခက်တော့ ခက်တယ်
ကံ…ကံ၏အကျိုးဆိုပြီး၊ ကံကြမ္မာကို ရိုးမယ်ဖွဲ့ကြ
ဒီဘဝမှာ အနိုင်ကျင့်ခံရတာဟာ
အတိတ်ကံ မလှပလို့
အတိတ်ဘဝက ကောင်းတာမလုပ်ခဲ့မိလို့…ဆိုကြ…။

ဒီလိုဆိုရင်
ဒီဘဝမှာ အနိုင်ကျင့်နေကြသူတွေက
အတိတ်ဘဝမှာ ကောင်းတာလုပ်ခဲ့ကြတယ်လို့ ယူဆရမလား
ဒီဘဝမှာ ကောင်းတာတွေလုပ်ရင်
နောင်ဘဝမှာ သူများကို အနိုင်ကျင့်ရလိမ့်မယ်လို့ ယုံကြည်ရမလား…

ဘာကိုမှ မကိုးကွယ်တော့လည်း
ဘဝမှာ ကြောက်စရာတွေကများ
တစ်ခုခုကို ကိုးကွယ်တော့လည်း
သံသယနဲ့ မေးခွန်းထုတ်စရာတွေကများ
လူတိုင်းလူတိုင်းရဲ့ နှလုံးသားမှာ
ယုံကြည်မှုရှိရုံနဲ့ ဘုရားမပွင့်နိုင်ပါ…။

(၄)
 
မမျှော်လင့်၊ မတောင့်တ
စစ်လမ်းကြောင်းက
ဘယ်မြို့ပေါ်မဆို တည့်တည့်ကျနိုင်တယ်…။

ရိက္ခာဆိုလည်း
မွေးထားတဲ့ တိရိစ္ဆာန်လေးတွေ ရှာပေးရ
စစ်ကြောင်းများရန်ပုံငွေဆိုလည်း
စုဆောင်းထားတာလေးတွေ ထည့်ရ
အထမ်းသမားဆင့်ခေါ်လို့
လူငှါးမတတ်နိုင်ရင်
အိမ်ကရှိတဲ့လူပဲ မနိုင်မနင်းလိုက်ထမ်းပေးရ…။

သတင်းပေးလို့ စွပ်စွဲခံရရင်ဖြင့်
ခုခံခွင့်၊ ချေပခွင့်မရှိ
စစ်မြေပြင်တရားသူကြီးရဲ့ အမိန့်နဲ့
ကိုယ့်ကျင်းကိုယ်တူး ဘဝကူးရ…။

စစ်သားသစ်စုဆောင်းတော့
အကြောင်းပြရှောင်တိမ်းလို့မရ
မူလတန်းတက်နေတဲ့ ကလေးတောင်မှ
သူ့အရပ်ထက်မြင့်တဲ့ သေနတ်ကြီးကိုင်ရ…။

စိုက်ပျိုးခွင့်မရရှာတဲ့
မြေမြှုပ်မိုင်းအပြည့်နဲ့ လယ်ကွင်းတွေထဲမှာ
မုဆိုးမတွေ သားပျောက်ရှာနေရ
ဒါတွေဟာ တကယ်ဖြစ်နေတာပါ…။

(၅)

လက်နက်ကိုင်တွေက
ငြိမ်းချမ်းရေးကို အလိုလားဆုံးလူသားတွေဟာ
ကျုပ်တို့ပါဗျာ…လို့…ပြောကြ ။

ဒါပေမည့်
သူတို့လိုချင်တဲ့ ငြိမ်းချမ်းရေးက
အနိုင်ရတဲ့ ငြိမ်းချမ်းရေး
တစ်ဘက်ဘက်က လက်နက်ချတဲ့ ငြိမ်းချမ်းရေး
ဒါမှမဟုတ်
နှစ်ဘက်အကျိုးတူ အာဏာဝေမျှတဲ့ ငြိမ်းချမ်းရေး
ဘယ်ဘက်ကမှ လက်နက်တွေနဲ့ မဝေးချင်ကြ
ဒါကြောင့်လည်း…ငြိမ်းချမ်းရေးနဲ့…ဝေးကြ…။

(၆)
 
ပြည်သူတွေကလည်း
ငြိမ်းချမ်းရေးကို လိုချင်တောင့်တ
သူတို့ ဆန္ဒက၊ ရိုးသားလွန်းလှပါတယ်…။

သူတို့ရဲ့ ဘဝတွေမှာ
ဘယ်လက်နက်ကိုင်ကိုမှ မကြောက်ရွံ့ချင်ပါ
ဘယ်စစ်တပ်ကမှ အနိုင်ကျင့်မခံရချင်ပါ
ဘယ်တပ်ဖွဲ့ကိုမှ မထောက်ပံ့ချင်ပါ
ဘယ်ပြဿနာကိုမှ လက်နက်နဲ့ မဖြေရှင်းချင်ပါ…။

သူတို့ရဲ့ ဘဝလယ်ကွင်းမှာ
မြေမြှုပ်မိုင်းတွေ ကင်းရှင်းပြီး
နှင်းရည်ဆန်းတဲ့ ကောက်ပဲသီးနှံတွေ
လတ်ဆတ် ရှင်သန်ချင်ကြတာပါ…။

သူတို့ရဲ့ ပတ်ဝန်းကျင်မှာ
ယမ်းနံ့တွေ၊ အဆိပ်ငွေ့တွေ ကင်းရှင်းပြီး
မီးခိုးနံ့သင်းတဲ့ တောင်ယာလေကို
ငြင်သာအားရ ရှူရှိုက်ချင်ကြတာပါ…။

တောင်ကုန်းပေါ်က
စာသင်ကျောင်းလေးမှာ
သူတို့ကလေးတွေရဲ့ စာအံသံတွေ
အနှောက်အရှက်မရှိ ဆူညံနေစေချင်တာပါ…။

ဘုရားကျောင်းက
ခေါင်းလောင်းသံနဲ့အတူ
သူတို့ရဲ့ တနင်္ဂနွေနေ့တွေကို
ငြိမ်ငြိမ်သက်သက် ကုန်ဆုံးချင်ကြတာပါ…။

ဆုတောင်းတာတွေ
သိပ်များ…များနေလို့လား
သူတို့ဟာ ဒီဆုတောင်းနဲ့ မထိုက်တန်လို့လား
ဒုက္ခသည်စခန်းက အလွမ်းတွေရဲ့
ပင်ပန်းနွမ်းနယ်မှုကို မျက်ကွယ်ပြုလို့
ငြိမ်းချမ်းရေးဟာ…ဟိုး…အဝေးမှာ…။။။

(ဇွန်လ ၁၀ရက်၊ ၂၀၁၅)

Monday, June 29, 2015

မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့် အပိုင်း (၉၉) စစ်နှင့် ပြည်သူ (ဂ)

(ပြည်သူ့ခေတ်ဂျာနယ်၊ အတွဲ ၁၊ အမှတ် ၂၂၊ ဇွန်လ ၂၅ ရက်၊ ၂၀၁၅)



မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့်

အောင်ဒင်



အပိုင်း (၉၉) စစ်နှင့် ပြည်သူ (ဂ)

#ဗိုလ်ချုပ်ကျော်ညွန့်မှ ဒုတိယအကြိမ် ဖြေကြားခြင်း

ကာကွယ်ရေးဝန်ကြီးဋ္ဌာန၊ ဒု-ဝန်ကြီး ဗိုလ်ချုပ်ကျော်ညွန့်ကပဲ ဒီမေးခွန်းတွေကို ဖြေကြားပါတယ်။ အားရစရာ လုံးဝမရှိပါ။

ဗိုလ်ချုပ်ကျော်ညွန့်က မေးခွန်းနှစ်ခုစလုံးနဲ့ ပါတ်သက်ပြီး "စစ်ဆင်ရေးအထောက်အကူပြုဝန်ထမ်းအဖြစ် ဆောင်ရွက်ရင်း အသက်၊ ခန္ဓာ၊ ပစ္စည်းဥစ္စာများဆုံးရှုံးခဲ့ရသော ပြည်သူများအား ထောက်ပံ့ကူညီမှုများပြုလုပ်ပေးရန် မူဝါဒနှင့် ဥပဒေပြဋ္ဌာန်းပေးရေးနှင့် စပ်လျင်း၍ နိုင်ငံတော်မှ မည်သို့စီစဉ်ဆောင်ရွက်နေသည်၊ မည်သည့်အဆင့်အထိ စီမံဆောင်ရွက်ပြီး ဖြစ်သည်ကို ကာကွယ်ရေးဝန်ကြီးဋ္ဌာနအနေနဲ့ ကျယ်ပြန့်စွာ စဉ်းစားလုပ်ဆောင်ရမှာ ဖြစ်တဲ့အတွက် လောလောဆယ် ဖြေကြားပေးနိုင်ခြင်းမရှိကြောင်း" တင်ပြပါတယ်။ တနည်းအားဖြင့် လွှတ်တော်မှ အတည်ပြုပြီး အချိန် ၈ လခန့်ရှိတဲ့ တိုင်အောင် လွှတ်တော်ရဲ့ အဆိုကို ကာကွယ်ရေးဝန်ကြီးဋ္ဌာနနဲ့ တပ်မတော်က ထိထိရောက်ရောက် အရေးယူဆောင်ရွက်ခြင်းမရှိသေးလို့ နားလည်ရမယ် ထင်ပါတယ်။ တကယ်လို့ ကာကွယ်ရေးဝန်ကြီးဋ္ဌာနက ဒီအဆိုကို အရေးယူအကောင်အထည်ဖော်နေတယ်ဆိုရင် ဘာတွေဆောင်ရွက်ဖို့ စီစဉ်ထားတယ်၊ ဘယ်လောက်အထိ ဆောင်ရွက်ပြီးစီးနေပြီဆိုတာကို ပြည်သူ့လွှတ်တော်ကို မတင်ပြနိုင်စရာ အကြောင်းမရှိပါ။

ဗိုလ်ချုပ်ကျော်ညွန့်ကပဲ ဆက်လက်ပြီး နိုင်ငံတော်နဲ့ တပ်မတော်ရဲ့ ဆောင်ရွက်ချက်တွေကို တင်ပြပါတယ်။ နိုင်ငံတော်ပိုင်းက ဆိုရင် ၂၀၀၉ ခုနှစ်၊ ဒီဇင်ဘာလ ၁၇ ရက်နေ့မှာ နအဖစစ်အစိုးရက ထုတ်ပြန်တဲ့ အမိန့်ကြော်ငြာစာ အမှတ် (၄၈/၂၀၀၉) အရ "နိုင်ငံတော်လုံခြုံရေးနှင့် အေးချမ်းသာယာရေးအတွက် တပ်မတော်နှင့် တွဲဖက်ပေးထားသော ရဲတပ်ဖွဲ့ဝင်များ၊ ပြည်သူ့စစ်များ၊ ပြည်သူ့ဝန်ထမ်းများနှင့် ပြည်သူများကို စွမ်းရည်သတ္တိအတွက် သတ်မှတ်ထားသော အရည်အချင်းများနှင့် ပြည့်မီပါက တပ်မတော်ဆိုင်ရာ စွမ်းရည်သတ္တိဆုများဖြစ်တဲ့ အောင်ဆန်းသူရိယဘွဲ့၊ သို့မဟုတ် သီဟသူရဘွဲ့၊ သို့မဟုတ် သူရဘွဲ့ တစ်ခုခုကို ချီးမြှင့်နိုင်သည်လို့ ဆိုပါတယ်။ ဒါ့အပြင် အောင်ဆန်းတံဆိပ်၊ သို့မဟုတ် သီဟဗလတံဆိပ်၊သို့မဟုတ် သူရဲကောင်းမှတ်တမ်းဝင်တစ်ဆိပ် တစ်ခုခုကို ချီးမြှင့်နိုင်သည်လို့ ဆိုပါတယ်။ စစ်ဆင်ရေးများမှာ ကိုယ်လက်အင်္ဂါဆုံးရှုံးခဲ့ပြီး တိုက်ပွဲတွင်ရရှိသော ဒဏ်ရာကြောင့် ခန္ဓာကိုယ်အစိတ်အပိုင်းပျက်စီးချို့ယွင်းမှု၊ စိတ်ပိုင်းဆိုင်ရာ ပျက်စီးမှုများမှာ ဆေးခုံရုံးက ၆၀ ရာခိုင်နှုံးနှင့်အထက် ဆုံးရှုံးသည်ဟု သတ်မှတ်သော ဝန်ထမ်းများ၊ အရပ်သားများကို ပြည်သူ့သားကောင်းတံဆိပ် ချီးမြှင့်နိုင်တယ်လို့ ဆိုပါတယ်"။

တပ်မတော်ပိုင်းကဆိုရင်လည်း ကာကွယ်ရေးဝန်ကြီးဋ္ဌာနကောင်စီရဲ့ အမိန့်တစ်ခုအရ အဆိုပါပုဂ္ဂိုလ်များကို "ကာကွယ်ရေးဦးစီးချုပ်၏ ဂုဏ်ထူးဆောင်လက်မှတ်”ကိုလည်း ချီးမြှင့်နိုင်တယ်လို့ ဆိုပါတယ်။ ပြီးတော့ အဲဒီဆုအသီးသီးအတွက် ပေးအပ်တဲ့ ဆုကြေးငွေပမာဏကိုလည်း ဖော်ပြပါသေးတယ်။ စစ်ဆင်ရေးအတွက် ငှါးရမ်းအသုံးပြုခဲ့တဲ့ အရပ်သားများ မစွမ်းမသန်ဖြစ်ခဲ့ရင် တည်ဆဲအလုပ်သမားလျော်ကြေးဥပဒေအရ လျော်ကြေးခံစားခွင့်ရှိပြီး တပ်မတော်ဆေးရုံတွေမှာ အတွင်းလူနာ/အပြင်လူနာအဖြစ် ဆေးကုသခွင့်ရှိတယ်လို့ ဆိုပါတယ်။ ၁၉၈၈-၁၉၈၉ ဘဏ္ဍာရေးနှစ်မှ ၂၀၁၂-၂၀၁၃ ဘဏ္ဍာရေးနှစ်အထိ တပ်မတော်မှ စစ်ဆင်ရေးများအတွင်းမှာ အသုံးပြုမှုကြောင့် အရပ်သားအလုပ်သမား (ပေါ်တာ) ၇,၈၁၇ ဦး သေဆုံး၊ ၁,၅၈၉ ဦး ဒဏ်ရာရလို့ စုစုပေါင်း အရပ်သားပေါ်တာ ၉,၄၀၆ ဦးကို တပ်မတော်မှ လျော်ကြေးငွေပေးခဲ့တယ်လို့ ဆိုပါတယ်။ အခုအချိန်မှာ တပ်မတော်မှ အရပ်သားများကို စစ်ဆင်ရေးအလုပ်သမားအဖြစ် ငှါးရမ်းသုံးစွဲခြင်း မရှိတော့ဘူးလို့လည်း ပြောပါတယ်။

#ကျေနပ်စရာမရှိသော အဖြေ

ဗိုလ်ချုပ်ကျော်ညွန့်ရဲ့ ဖြေကြားချက်တွေဟာ ကျေနပ်လက်ခံနိုင်စရာ မရှိပါ။ ပြည်သူ့လွှတ်တော်က အတည်ပြုထားတဲ့ အဆိုဖြစ်တဲ့ "တပ်မတော်မှ စစ်ဆင်ရေးများတွင် အသုံးပြုမှုကြောင့် သေဆုံး၊ ဒဏ်ရာရ၊ ကိုယ်ခန္ဓာအစိတ်အပိုင်း ဆုံးရှုံးကြရသူများနှင့် ၎င်းတို့၏ မိသားစုဝင်များအား ထောက်ပံ့ကူညီနိုင်ရန် မူဝါဒ သို့မဟုတ် ဥပဒေပြဋ္ဌာန်းရေးအဆို" ကို အချိန် ၈ လလောက် ကြာတဲ့ အထိ အဓိကသက်ဆိုင်တဲ့ ကာကွယ်ရေးဝန်ကြီးဋ္ဌာနမှ တစ်စုံတစ်ရာ အရေးယူဆောင်ရွက်ခြင်း မရှိပါ။ ဗိုလ်ချုပ်ကျော်ညွန့်က ဒီအရပ်သားပေါ်တာတွေဟာလည်း တပ်မတော်သားတွေလိုပဲ စွမ်းရည်သတ္တိဆိုင်ရာ ဘွဲ့တွေ၊ တံဆိပ်တွေ၊ ဆုကြေးငွေတွေ၊ ကာကွယ်ရေးဦးစီးချုပ်ရဲ့ ဂုဏ်ထူးဆောင်လက်မှတ်တွေ ချီးမြှင့်နိုင်ခွင့်ရှိပါတယ်လို့ ဆိုပါတယ်။ ဒါပေမည့် အရပ်သား ပေါ်တာတွေထဲက ဘယ်နှစ်ယောက်များ အဲဒီ ဆုတွေ ရခဲ့ဘူးပါသလဲ။ ဒီကနေ့အထိ တစ်ယောက်မှ အဲဒီဆုတွေ ရတယ်လို့ ကျနော်တို့ မကြားမသိခဲ့ပါ။
ကိုယ်တိုင်က စိတ်ပါလို့မဟုတ်ပဲ စစ်တပ်က ခြိမ်းခြောက်ဆင့်ခေါ်လို့ အဓမ္မလုပ်အားပေးကြရတဲ့ အရပ်သားပေါ်တာများကလည်း ဒီဆုတံဆိပ်များကို စိတ်ဝင်စားမှာ မဟုတ်ပါ။ လိုချင်ကြမှာ မဟုတ်ပါ။ ဒါပေမည့် တပ်မတော်အတွက် လုပ်အားပေးဆောင်ရွက်ရင်း ပျက်စီးသွားတဲ့ သူတို့ရဲ့ အသက်တွေ၊ ဘဝတွေ၊ မိသားစုတွေ အတွက် လုံလောက်တဲ့ ထောက်ပံ့ကူညီမှုကိုတော့ သူတို့ လိုချင်ကြပါလိမ့်မယ်။ အဲဒီလို ထောက်ပံ့နိုင်ဖို့အတွက် မူဝါဒချမှတ်ဖို့၊ ဥပဒေရေးဆွဲဖို့တောင်မှ တပ်မတော်က တက်တက်ကြွကြွမရှိလှတာကို တွေ့ရပါတယ်။

တပ်မတော်က ၁၉၈၈-၁၉၈၉ ဘဏ္ဍာရေးနှစ်မှ ၂၀၁၂-၂၀၁၃ ဘဏ္ဍာရေးနှစ်အထိ စစ်ဆင်ရေးများမှာ  သေဆုံးခဲ့တဲ့ အရပ်သားအလုပ်သမား (ပေါ်တာ) ၇,၈၁၇ ဦး၊ ဒဏ်ရာရသူ ၁,၅၈၉ ဦးကို လျော်ကြေးငွေပေးခဲ့တယ်လို့ ဆိုပါတယ်။ ဒါပေမည့် လျော်ကြေးငွေပမာဏက ၂၀၁၄ ခုနှစ်၊ စက်တင်ဘာလ ၂၄ ရက်နေ့က ဗိုလ်ချုပ်ကျော်ညွန့် တင်ပြခဲ့သလို သေဆုံးသူတစ်ဦးကို ၇,၂၀၀ ကျပ်နှုံး၊ ဒဏ်ရာရသူတစ်ဦးကို ၁၀,၀၈၀ ကျပ်နှုံးပဲ ဖြစ်ပါလိမ့်မယ်။ (၂၀၁၂-၂၀၁၃ ဘဏ္ဍာရေးနှစ် နောက်ပိုင်းကျမှ သေဆုံးသူတစ်ဦးကို ကျပ် လေးသိန်းခွဲစီ၊ ၁၀၀ ရာခိုင်နှုံး ဆေးကျသူကို ကျပ် ခြောက်သိန်းစီ ခံစားခွင့်ပြုတာ ဖြစ်ပါတယ်။) ဒီနှုံးနဲ့ တွက်မယ်ဆိုရင် တပ်မတော်က ၁၉၈၈ ခုနှစ်ကနေ ၂၀၁၂ ခုနှစ်အထိ ၂၄ နှစ်တာကာလအတွင်း သေဆုံး၊ ဒဏ်ရာရ အရပ်သားပေါ်တာ ၉,၄၀၆ ဦးကို ပေးခဲ့တဲ့ လျော်ကြေးငွေပမာဏဟာ ကျပ်ငွေ ၇၅ သန်းလောက်ပဲ ရှိပါလိမ့်မယ်။ မြန်မာ့တပ်မတော်မှာ အသုံးပြုနေတဲ့ တင့်ကားတစ်စီးရဲ့ တန်ဘိုးထက် အများကြီး နည်းပါသေးတယ်။

တကယ့်လက်တွေ့မှာ ၁၉၈၈ နဲ့ ၂၀၁၂ ခုနှစ်အထိ ၂၄ နှစ်တာကာလအတွင်း အသက်တွေ၊ ဘဝတွေ၊ ခန္ဓာကိုယ်အစိတ်အပိုင်းတွေ ဆုံးရှုံးခဲ့ရတဲ့ အရပ်သားပေါ်တာများရဲ့ အရေအတွက်က တပ်မတော်က လျော်ကြေးပေးခဲ့တဲ့ ၉,၄၀၆ ဦးထက် အများကြီး ပိုများနိုင်ပါတယ်။ စစ်မြေပြင်မှာ ပေါ်တာဘဝကနေ ထွက်ပြေးလို့ ပစ်သတ်ခံရသူတွေ၊ လူမသိ၊ သူမသိ ပျောက်ဆုံးသွားသူတွေ၊ ဒဏ်ရာနဲ့ ထွက်ပြေးလွတ်မြောက်ပြီး နယ်စပ်ဒေသက ဒုက္ခသည်စခန်းများကို ရောက်ရှိနေကြသူတွေ၊ စစ်မြေပြင်ကနေ ထွက်ပြေးလို့ ကိုယ့်အိမ်ကို တိုးတိုးတိတ်တိတ်ပြန်ရောက်ပြီး အကြောက်တရားနဲ့ တိုးတိုးတိတ်တိတ် နေထိုင်နေကြရသူတွေ အများကြီး ရှိနေပါသေးတယ်။ ပြီးတော့ ၁၉၈၈ ခုနှစ် မတိုင်မီကာလတွေကတည်းက မြန်မာစစ်တပ်က ပေါ်တာတွေကို ကျယ်ကျယ်ပြန့်ပြန့် အသုံးပြုခဲ့တာမို့ ဘဝပျက်ရသူ အရပ်သားပေါ်တာများရဲ့ အရေအတွက်ဟာ စစ်အစိုးရအုပ်ချုပ်တဲ့ ၁၉၆၂ ခုနှစ်ကနေ ၂၀၁၂ ခုနှစ်အထိ နှစ်ပေါင်း ၅၀ ကာလအတွင်း သိန်းနဲ့ချီပြီး ရှိနိုင်ပါတယ်။ 

#ပြည်သူ့လွှတ်တော်အတွက် မပြီးဆုံးသေးတဲ့ တာဝန်

စစ်ဆင်ရေးများမှာ တပ်မတော်ကို ကူညီဆောင်ရွက်ရင်း သေဆုံး၊ ဒဏ်ရာရ၊ ကိုယ်ခန္ဓာအစိတ်အပိုင်းတွေ ဆုံးရှုံးခဲ့ကြရတဲ့ အရပ်သားပေါ်တာများကို နိုင်ငံတော်က အသိအမှတ်ပြုဖို့၊ ဂုဏ်ပြုဖို့၊ ဒုက္ခရောက်နေတဲ့ ဘဝတွေ၊ မိသားစုတွေကို နိုင်ငံတော်က ထောက်ပံ့ကူညီရေးအတွက် မူဝါဒများ၊ ဥပဒေများ ပြဋ္ဌာန်းဖို့နဲ့ ပါတ်သက်ပြီး ဦးစိုင်းသန်းနိုင် က အဆိုတင်ပြီး ပြည်သူ့လွှတ်တော်ကိုယ်စားလှယ်များအားလုံးက ကန့်ကွက်သူမရှိ တခဲနက် ထောက်ခံအတည်ပြုခဲ့ကြတာမို့ ဒီအဆိုကို အမှန်တကယ် အကောင်အထည်ဖော်ရေး၊ မူဝါဒ၊ ဥပဒေများ အမှန်တကယ် ပြဋ္ဌာန်းနိုင်ရေးအတွက် ဦးစိုင်းသန်းနိုင်နဲ့ ပြည်သူ့လွှတ်တော်ကိုယ်စားလှယ်များမှာပဲ ဆက်လက်ပြီး တာဝန်ရှိနေပါတယ်။
ဒီအဆိုကို အကောင်အထည်ဖော်ဖို့ ပြည်သူ့လွှတ်တော်ကနေ ပြည်ထောင်စုအစိုးရကို တာဝန်လွှဲအပ်ခဲ့ပေမည့် အဓိကသက်ဆိုင်တဲ့ ကာကွယ်ရေးဝန်ကြီးဋ္ဌာနက အကောင်အထည်ဖော်ဖို့ နှောင့်နှေးနေတာ တွေ့နေရပါပြီ။ ဆင်းရဲဒုက္ခရောက်နေတဲ့ ပြည်သူများကလည်း လွှတ်တော်နဲ့ အစိုးရက သူတို့ဘဝတွေကို စောင့်ရှောက်ကူညီဖို့ ဘယ်လိုစီစဉ်မယ်၊ ဘယ်တော့ဖြစ်လာမယ်ဆိုတာကို မျှော်လင့်ခြင်းကြီးစွာနဲ့ စောင့်ဆိုင်းနေကြတာပါ။ ကာကွယ်ရေးဝန်ကြီးဋ္ဌာနရဲ့ မသေချာ၊ မရေရာတဲ့ အကောင်အထည်ဖော်မှုတွေ၊ မလုံလောက်တဲ့ ထောက်ပံ့မှုတွေကို စောင့်ဆိုင်းမနေတော့ပဲ ဦးစိုင်းသန်းနိုင်နဲ့ ပြည်သူ့လွှတ်တော်ကိုယ်စားလှယ်များက လိုအပ်တဲ့ မူဝါဒများ၊ ဥပဒေများကို ကိုယ်တိုင်ရေးဆွဲပြဋ္ဌာန်းပေးကြဖို့ လေးလေးနက်နက် တောင်းဆိုလိုက်ရပါတယ်။
 


(ဇွန်လ ၄ ရက်၊ ၂၀၁၅)