BLOGGER TEMPLATES AND TWITTER BACKGROUNDS

Monday, January 26, 2015

Burma's Parliament Watch Part (81)



(ပြည်သူ့ခေတ်ဂျာနယ်၊ အတွဲ ၁၊ အမှတ် ၂၊ ဇန်နဝါရီ ၂၂၊ ၂၀၁၅)
 
မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့်

အောင်ဒင်

အပိုင်း (၈၁) ၂၀၁၄ ခုနှစ် ပြည်ထောင်စုလွှတ်တော်စစ်တမ်း၊ (ခ)

#အငြင်းပွါးဖွယ် ဥပဒေများ

၂၀၁၄ ခုနှစ်အတွင်းအတည်ပြုခဲ့တဲ့ ဥပဒေများထဲမှာ လွှတ်တော်တွင်း အချိန်အတော်ယူဆွေးနွေးရရုံတင်မကပဲ အများပြည်သူကပါ ဝေဘန်ကန့်ကွက်ခဲ့၊ ကန့်ကွက်နေကြတဲ့ ဥပဒေများရှိတာ တွေ့ရပါတယ်။ အဲဒီဥပဒေတွေကတော့ အောက်ပါအတိုင်းဖြစ်ပါတယ်။

#ပြည်ထောင်စုလွှတ်တော်ဥပဒေ (၆/၂၀၁၄)၊ အီလက်ထရောနစ်ဆက်သွယ်ဆောင်ရွက်ရေးဥပဒေကို ပြင်ဆင်သည့်ဥပဒေ

မူရင်းဥပဒေကို နအဖစစ်အစိုးရက ၂၀၀၄ခုနှစ် ဧပြီလ ၃၀ရက်နေ့မှာ ဥပဒေအမှတ် ၅/၂၀၀၄ အဖြစ်နဲ့ နအဖဥက္ကဋ္ဌ ဗိုလ်ချုပ်မှူးကြီး သန်းရွှေလက်မှတ်ထိုးပြီး ပြဋ္ဌန်းခဲ့ပါတယ်။ ဒီဥပဒေရဲ့ သက်ရောက်မှုကို အဓိကခံစားခဲ့ရသူများက မြန်မာ့ဒီမိုကရေစီရေးလှုပ်ရှားသူတွေပါ၊ ကိုသူရ (ခေါ်) ဇာဂနာ၊ မင်းကိုနိုင်၊ ကိုကိုကြီး၊ မင်းဇေယျ၊ ဌေးကြွယ်၊ ပြုံးချို၊ နေဖုန်းလတ် စတဲ့ ဒီမိုကရေစီရေး အကြမ်းမဖက်လှုပ်ရှားသူတွေကို စစ်အစိုးရက ၂၀၀၇ ခုနှစ်မှာ ဖမ်းဆီးပြီး ပုဒ်မတွေအများကြီးနဲ့ တရားစွဲဆိုပြီး ကြီးမားတဲ့ ထောင်ဒဏ်တွေချမှတ်ရာမှာ  ဒီဥပဒေရဲ့ ပြစ်ဒဏ်ပေးပုဒ်မ ၃၃ (က) နဲ့ ပုဒ်မ (၃၈) တွေကိုလည်းအသုံးချခဲ့ပါတယ်၊ ဒီဥပဒေရဲ့ အမြင့်ဆုံးပြစ်ဒဏ်က ထောင်ဒဏ် (၁၅) နှစ်ဖြစ်ပြီး မင်းကိုနိုင်အပါအဝင် ၈၈မျိုးဆက်ကျောင်းသားခေါင်းဆောင်များကို ထောင်ဒဏ် (၆၅) နှစ် နဲ့ (၆) လအပြစ်ပေးရာမှာ အနှစ် (၆၀) က အီလက်ထရောနစ်ဆက်သွယ်ရေးဥပဒေကို ချိုးဖောက်တယ်ဆိုတဲ့ စွပ်စွဲချက် (၄) ခုအတွက်ပါ။ 

အဲဒီဥပဒေကို ပြင်ဆင်တာက ပြစ်ဒဏ်များကို လျှော့ချပေးတာလောက်ပဲ ဖြစ်လို့ ကျေနပ်စရာသိပ်မရှိပါ။
မူလဥပဒေ ပုဒ်မ (၃၃) မှာ “မည်သူမဆို (က) နိုင်ငံတော်လုံခြုံရေးနဲ့ တရားဥပဒေစိုးမိုးရေး၊ ငြိမ်းချမ်းရေးနှင့် တည်ငြိမ်ရေး၊ တိုင်းရင်းသားစည်းလုံးညီညွတ်ရေး၊ နိုင်ငံတော်စီးပွါးရေးနဲ့ အမျိုးသားယဉ်ကျေးမှုတွေကို နှောက်ယှက်ဖျက်ဆီးတဲ့ အပြုအမူတစ်ခုခုကို လျှပ်စစ်ဆက်သွယ်ရေးနည်းလမ်းများနဲ့ ဆောင်ရွက်တယ်ဆိုရင်၊ (ခ)  နိုင်ငံတော်လုံခြုံရေးနဲ့ တရားဥပဒေစိုးမိုးရေး၊ ငြိမ်းချမ်းရေးနှင့် တည်ငြိမ်ရေး၊ တိုင်းရင်းသားစည်းလုံးညီညွတ်ရေး၊ နိုင်ငံတော်စီးပွါးရေးနဲ့ အမျိုးသားယဉ်ကျေးမှုတွေကို နှောက်ယှက်ဖျက်ဆီးတဲ့ သတင်းအချက်အလက်တွေကို လျှပ်စစ်ဆက်သွယ်ရေးနည်းလမ်းများနဲ့လက်ခံရရှိရင်၊ ပေးပို့ရင်၊ တဆင့်ထပ်မံဖြန့်ချိတယ်ဆိုရင်၊ ထောင်ဒဏ်အနည်းဆုံး (၇) နှစ်ကနေ အများဆုံး (၁၅) နှစ်အထိကျခံစေရမည်၊ ဒဏ်ငွေလည်းပေးဆောင်ရနိုင်သည်” လို့ ပြဋ္ဌာန်းထားတာကို ပြင်ဆင်ချက်ဥပဒေမှာ "ထောင်ဒဏ် အနည်းဆုံး (၅) နှစ်မှ အများဆုံး (၇) နှစ်အထိ" လို့ ပြင်ဆင်ပါတယ်။

မူလဥပဒေပုဒ်မ (၃၄) မှာ "လျှပ်စစ်ဆက်သွယ်ရေးတွေကို ဝင်ရောက်ဖျက်ဆီးရင်၊ သတင်းအချက်အလက်တွေကို ခိုးယူရင်၊ စသဖြင့် ကွန်ပြူတာကွန်ယက်ဆိုင်ရာပြစ်မှုတွေကို ကျူးလွန်ရင် ထောင်ဒဏ် (၅) နှစ်အထိ သို့မဟုတ် ဒဏ်ငွေ သို့မဟုတ် ပြစ်ဒဏ်နှစ်ခုစလုံးချမှတ်နိုင်သည်" လို့ ပြဋ္ဌာန်းထားတာကို "ငွေဒဏ် ကျပ်သိန်းငါးဆယ်မှ သိန်းတစ်ရာအထိ ချမှတ်ရမည်။ ငွေဒဏ်မဆောင်နိုင်ပါက ထောင်ဒဏ်အနည်းဆုံး (၆) လမှ အများဆုံး (၁) နှစ်အထိ ချမှတ်ရမည်" လို့ ပြင်ဆင်ပါတယ်။ မူလဥပဒေပါ ကြီးကြပ်ရေးဘုတ်အဖွဲ့က ထုတ်ပေးတဲ့ ခွင့်ပြုချက်လိုင်စင်ပါ စည်းကမ်းသတ်မှတ်ချက်တွေကို ချိုးဖောက်ရင် "ပုဒ်မ (၃၅)။ ထောင်ဒဏ် (၃) နှစ် သို့မဟုတ် ငွေဒဏ်သို့မဟုတ် ပြစ်ဒဏ်နှစ်ခုစလုံး ကျခံစေရမည်" ဆိုတာကို "ငွေဒဏ် ကျပ်တစ်ဆယ်သိန်းမှ သိန်းငါးဆယ်အထိ ချမှတ်ရမည်" လို့ ပြင်ဆင်ပါတယ်။ ပုဒ်မ (၃၆) နဲ့ (၃၇) အတွက် " ထောင်ဒဏ် တစ်နှစ် သို့မဟုတ် ငွေဒဏ် သို့မဟုတ် ပြစ်ဒဏ်နှစ်ခုစလုံးဖြစ်စေ ချမှတ်ရမည်" ဆိုတာကို "ငွေဒဏ် ကျပ်တစ်သိန်းမှ ကျပ် သုံးသိန်းအထိချမှတ်ရမည်။ ငွေဒဏ်မဆောင်နိုင်ပါက ထောင်ဒဏ် (၃) လအထိချမှတ်ရမည်" လို့ ပြင်ဆင်ပါတယ်။

မူလဥပဒေအရ ဖွဲ့စည်းတဲ့ ဗဟိုအဖွဲ့နဲ့ ကြီးကြပ်ကွပ်ကဲရေးဘုတ်အဖွဲ့တွေဟာ နိုင်ငံသားများရဲ့ ကွန်ပြူတာပိုင်ဆိုင်မှု၊ အသုံးချမှု၊ အင်တာနက်သုံးစွဲမှု၊ ကွန်ပြူတာကွန်ယက်များကို သုံးစွဲမှုတွေကို ခွင့်ပြုနိုင်၊ ငြင်းပယ်နိုင်၊ တားဆီးနိုင်၊ ကန့်သတ်နိုင်၊ အရေးယူနိုင်တဲ့ အာဏာပိုင်အဖွဲ့အစည်းများဖြစ်လာပါတယ်။ တစ်နည်းပြောရရင်တော့ နိုင်ငံသားများရဲ့ နေ့တဓူဝ သွားလာလှုပ်ရှားဆောင်ရွက်မှုတွေကို ကန့်သတ်ချုပ်သောဥပဒေများနဲ့တင် မလုံလောက်တော့လို့ နိုင်ငံသားများရဲ့ ကွန်ပြူတာများ၊ အီးမေးများ၊ အီလက်ထရောနစ်ဆက်သွယ်မှုများကို ဒီဥပဒေနဲ့ ကန့်သတ်ချုပ်ချယ်တာပါ။ ဒါကြောင့်မို့ ဒီဥပဒေကို အသုံးချပြီး အစိုးရက နိုင်ငံသားများရဲ့ လူ့အခွင့်အရေး၊ နိုင်ငံသားအခွင့်အရေးများကို ချိုးဖောက်အရေးယူနိုင်တာမို့ ဒီ "အီလက်ထရောနစ်ဆက်သွယ်ဆောင်ရွက်ရေးဥပဒေ" ဟာ လုံးဝဖျက်သိမ်းသင့်တဲ့ ဥပဒေဖြစ်ပါတယ်။ အခုလို ပြည်ထောင်စုလွှတ်တော်က ဒီဥပဒေကို မဖျက်သိမ်းပဲ ပြစ်ဒဏ်များကို အနည်းငယ်လျှော့ချပြီး ပြင်ဆင်လိုက်တာမို့  အစိုးရအာဏာပိုင်တွေ အလိုမတွေ့တဲ့ အီးမေးတစ်စောင်ကို ပေးပို့ရုံ၊ လက်ခံရရှိရုံ၊ တဆင့်ဖြန့်ဝေရုံ၊ မိမိရဲ့ ကွန်ပြူတာထဲမှာ ရှိနေရုံနဲ့ ထောင်ဒဏ် အနည်းဆုံး (၅) နှစ်ကျခံရမည့် ဥပဒေဆိုးကြီးတစ်ခုကဖြင့် လွတ်မြောက်နေဆဲ၊ ရှင်သန်နေဆဲ၊ ဒီမိုကရေစီလှုပ်ရှားသူများကို အန္တရာယ်ပြုဖို့ အသင့်ရှိနေဆဲဖြစ်ပါတယ်။

#ပြည်ထောင်စုလွှတ်တော်ဥပဒေ (၉/၂၀၁၄)။ ပြည်ထောင်စုလွှတ်တော်ဆိုင်ရာ ဖွံ့ဖြိုးရေးရန်ပုံငွေဥပဒေ

ဒီဥပဒေက သမ္မတနဲ့ လွှတ်တော်ကြား အငြင်းပွါးခဲ့တဲ့ ဥပဒေဖြစ်ပါတယ်။ လွှတ်တော်မဲဆန္ဒနယ် တစ်ခုစီအတွက် လွှတ်တော်ကိုယ်စားလှယ်များကိုယ်တိုင် မြို့နယ်အာဏာပိုင်များကို ဦးဆောင်ပြီး စီမံခန့်ခွဲသုံးစွဲရမည့် ဒေသဖွံ့ဖြိုးရေးရန်ပုံငွေ တစ်နှစ်ကို ကျပ် သိန်း (၁,၀၀၀) စီ ခွဲဝေသတ်မှတ်ပေးတဲ့ ဥပဒေဖြစ်ပါတယ်။ မြို့နယ်ပေါင်း (၃၃၀) ရှိလို့ တစ်နှစ်ကို နိုင်ငံတော် ဘဏ္ဍာငွေထဲကနေ ကျပ် သိန်းပေါင်း (၃၃၀,၀၀၀) ခွဲဝေသုံးစွဲရမည့် ဥပဒေပါ။ ၂၀၁၃ ခုနှစ်အတွင်းမှာ ပြည်ထောင်စုလွှတ်တော်က ဥပဒေအဖြစ်အတည်ပြုပြီး သမ္မတထံ လက်မှတ်ရေးထိုးထုတ်ပြန်ဖို့ ပေးပို့ခဲ့ပေမည့် သမ္မတက လက်မှတ်ရေးထိုးဖို့ ငြင်းဆန်ပြီး ပြင်ဆင်ရန် မှတ်ချက်များနဲ့ ပြန်ပို့ပေးခဲ့တဲ့ ဥပဒေဖြစ်ပါတယ်။ အဲဒီလို ဒေသအလိုက် လွှတ်တော်ကိုယ်စားလှယ်များအတွက် ဖွံ့ဖြိုးရေးရန်ပုံငွေ ခွဲဝေပေးမှုဟာ လက်ရှိအာဏာရပါတီဖြစ်တဲ့ ကြံ့ခိုင်ရေးပါတီက လွှတ်တော်အမတ်များကို နိုင်ငံတော်ဘဏ္ဍာငွေတွေ သုံးစွဲပြီး မဲဆွယ်ခွင့်ပေးသလို ဖြစ်လိမ့်မယ်လို့  နိုင်ငံရေးပါတီငယ်များက ကန့်ကွက်ကြပါတယ်။ ဒါပေမည့် သမ္မတရဲ့မှတ်ချက်များနဲ့ နိုင်ငံရေးပါတီငယ်များရဲ့ ကန့်ကွက်ချက်များကို မျက်ကွယ်ပြုပြီး ပြည်ထောင်စုလွှတ်တော်က ဒီဥပဒေကို မူလအတိုင်း မတ်လ (၄) ရက်နေ့မှာ ထပ်မံအတည်ပြုပြီး သမ္မတထံ ပြန်ပို့လိုက်ပါတယ်။ ဒီတစ်ကြိမ်မှာတော့ သမ္မတက ထပ်မံမှတ်ချက်တွေ မပေးတော့ပဲ မတ်လ (၁၂) ရက်နေ့မှာ လက်မှတ်ရေးထိုးထုတ်ပြန်လိုက်ရပါတယ်။   

#ပြည်ထောင်စုလွှတ်တော်ဥပဒေ (၁၃/၂၀၁၄)။ ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေ

ဒီဥပဒေကို သတင်းမီဒီယာများက အတော်ဝေဘန်ကြပါတယ်။ ပုံနှိပ်ထုတ်ဝေရေးလုပ်ငန်းများနဲ့ ပါတ်သက်ပြီး ခွင့်ပြုခွင့်၊ ရုပ်သိမ်းခွင့်တွေကို ပြန်ကြားရေးဝန်ကြီးဋ္ဌာနကို အာဏာပေးထားတဲ့ ဥပဒေမို့ပါ။ ပြည်ထောင်စုလွှတ်တော်အတွင်းမှာလည်း အချိန်ကာလ တစ်နှစ်ကျော် အကြိတ်အနယ်ဆွေးနွေးခဲ့ရပါတယ်။ ဒီဥပဒေအရ မြန်မာနိုင်ငံမှာ ပုံနှိပ်ထုတ်ဝေရေးလုပ်ငန်းများကို လွတ်လပ်စွာဆောင်ရွက်ခွင့် မရှိပါ။ ပြန်ကြားရေးဝန်ကြီးဋ္ဌာနရဲ့ ခွင့်ပြုချက်ရမှသာ ဆောင်ရွက်ခွင့်ရှိပြီး ပြန်ကြားရေးဝန်ကြီးဋ္ဌာနက ခွင့်ပြုချက်ကို ရုပ်သိမ်းခွင့်လည်း ရှိပါတယ်။ အရင်ရှိခဲ့တဲ့ ပုံနှိပ်ဥပဒေနဲ့ နှိုင်းယှဉ်ရင် ပုံနှိပ်ထုတ်ဝေရေးလုပ်ငန်းများကို ပြည်ထဲရေးဝန်ကြီးဋ္ဌာနအစား ပြန်ကြားရေးဝန်ကြီးဋ္ဌာနက ကိုင်တွယ်တာနဲ့ စည်းကမ်းချိုးဖောက်ခြင်းများအတွက် ထောင်ဒဏ် ပြစ်ဒဏ်ချမှတ်ခြင်းမရှိပဲ ပုံနှိပ်ခွင့်၊ ထုတ်ဝေခွင့်ကို ရုပ်သိမ်းတာပဲ ကွာခြားပါတယ်။

#အခွန်အကောက်ဥပဒေများ။ ပြည်ထောင်စုလွှတ်တော်ဥပဒေ (၁၅/၂၀၁၄) ဝင်ငွေခွန်ဥပဒေကို ပြင်ဆင်သည့်ဥပဒေ နှင့်  ပြည်ထောင်စုလွှတ်တော်ဥပဒေ (၁၆/၂၀၁၄) ကုန်သွယ်လုပ်ငန်းခွန်ဥပဒေကို ပြင်ဆင်သည့်ဥပဒေ

ထူးခြားချက်ကတော့ ၂၀၁၄ ခုနှစ် မတ်လအတွင်း ပြည်ထောင်စုလွှတ်တော်အစည်းအဝေးမှာ ဒီအခွန်အကောက်ဥပဒေကြမ်းများကို အတည်ပြုနိုင်ရေး ဆွေးနွေးရာမှာ လွှတ်တော်ကိုယ်စားလှယ်ကြီးများဖြစ်နေကြတဲ့ စီးပွါးရေးလုပ်ငန်းရှင်ကြီးများက လုပ်ငန်းရှင်များအပေါ် ကောက်ခံနေတဲ့ အခွန်အကောက်များကို လျှော့ချပေးဖို့ ရုတ်တရက်ထပြီး ဆွေးနွေးခဲ့ကြတာ ဖြစ်ပါတယ်။ မတ်လ (၁၀) ရက်နေ့မှာ ကျင်းပတဲ့ ပြည်ထောင်စုလွှတ်တော်အစည်းအဝေးမှာပါ။ "ရုတ်တရက်" လို့ အထူးပြုရတာက အဲဒီ လွှတ်တော်ကိုယ်စားလှယ်များက လွှတ်တော်လုပ်ထုံးလုပ်နည်းများအတိုင်း ဆွေးနွေးဖို့ ကြိုတင်စာရင်းပေးထားခြင်းမရှိလို့ပါ။ မတ်လ (၁၀) ရက်နေ့အစည်းအဝေးမှာ ကြိုတင်စာရင်းပေးထားခြင်းမရှိပဲ ရုတ်တရက်ထပြီး ဆွေးနွေးတဲ့ လွှတ်တော်ကိုယ်စားလှယ်များက ဇေကမ္ဘာကုမ္ပဏီများရဲ့ ပိုင်ရှင် အမျိုးသားလွှတ်တော်ကိုယ်စားလှယ် ဦးခင်ရွှေ (ရန်ကုန်တိုင်းဒေသကြီး)၊ ပတ္တမြားနဂါးကျောက်မျက်ရတနာကုမ္ပဏီပိုင်ရှင် အမျိုးသားလွှတ်တော်ကိုယ်စားလှယ် ဦးနေဝင်းထွန်း (ရှမ်းပြည်နယ်)၊ ဆီလုပ်ငန်းရှင်ကြီးတစ်ဦးဖြစ်တဲ့ ပြည်သူ့လွှတ်တော်ကိုယ်စားလှယ် ဒေါက်တာဝင်းမြင့် (လှိုင်မြို့နယ်) တို့ဖြစ်ကြပါတယ်။ သုံးဦးစလုံးဟာ ကြံ့ခိုင်ရေးပါတီက ကိုယ်စားလှယ်များဖြစ်ကြပါတယ်။ ဇေကမ္ဘာဦးခင်ရွှေက ဆောက်လုပ်ရေးလုပ်ငန်းတွေကို အခွန်လျှော့ဖို့ တောင်းဆိုပါတယ်။ ဦးနေဝင်းထွန်းက ကျောက်မျက်အချောကိုင်လုပ်ငန်းများအပေါ် အခွန်လျှော့ဖို့ ဆွေးနွေးပါတယ်။ ဒေါက်တာဦးဝင်းမြင့်က နိုင်ငံခြားက တင်သွင်းတဲ့ ဆီများကို အခွန်ပိုကောက်ဖို့ တောင်းဆိုပါတယ်။ အဲဒီပုဂ္ဂိုလ်များရဲ့ ဆွေးနွေးမှုတွေကြောင့် အဲဒီနေ့က ပြည်ထောင်စုလွှတ်တော်အစည်းအဝေးဟာ စံချိန်တင်ပြီး ည (၈) နာရီအထိ ကြာမြင့်ခဲ့တယ်လို့ ဧရာဝတီသတင်းဋ္ဌာနက သတင်းပေးပို့ပါတယ်။

ဒီဖြစ်ရပ်က ပြည်ထောင်စုလွှတ်တော်ကြီးအတွင်းက အကျိုးစီးပွါးပဋိပက္ခတွေကို သက်သေပြနေပါတယ်။ အကျိုးစီးပွါးပဋ္ဋိပက္ခဆိုတာ ရိုးရိုးရှင်းရှင်းပြောရရင်တော့ တစ်ချိန်တည်းမှာ အလုပ်နှစ်ခု တစ်ပြိုင်တည်းရှိနေတာလို့ ပြောရမှာပါ။ သာမန်ပြည်သူတစ်ယောက်အဖို့တော့ အလုပ်နှစ်ခု သို့မဟုတ် နှစ်ခုထက်မက တစ်ပြိုင်တည်းလုပ်ကိုင်တာ ပြဿနာမဟုတ်ပါ။ ဒါပေမဲ့ *** ပြည်သူလူထုရဲ့ အကျိုးစီးပွါးကို ဆောင်ရွက်ပါ့မယ်ဆိုပြီး တိုင်းပြည်ရဲ့ အာဏာကို ကိုင်တွယ်ကျင့်သုံးနေကြတဲ့ ၊ ပြည်သူကရွေးချယ်တင်မြှောက်ထားတဲ့ အာဏာပိုင်အဖွဲ့အစည်းများမှာ ပါဝင်လှုပ်ရှားနေကြတဲ့ ပုဂ္ဂိလ်များအနေနဲ့ တိုင်းပြည်တာဝန်ထမ်းဆောင်ဖို့ ရွေးချယ်တာဝန်ပေးထားတဲ့ အလုပ်အပြင် သူတို့ရဲ့ ကိုယ်ပိုင်အကျိုးစီးပွါးဆိုင်ရာကိစ္စရပ်များ ဆောင်ရွက်ရန်အလုပ်များ တစ်ချိန်တည်း၊ တစ်ပြိုင်တည်းမှာ ရှိနေမယ်ဆိုရင် အကျိုးစီးပွါးပဋ္ဋိပက္ခဖြစ်နေပြီလို့ ဆိုရမှာပါ။

မြန်မာနိုင်ငံမှာက လွှတ်တော်ကိုယ်စားလှယ်များနဲ့ ပတ်သက်လို့ သတ်မှတ်ထားတဲ့ အရည်အချင်းတွေ၊ လွှတ်တော်ကိုယ်စားလှယ်အဖြစ် ရွေးကောက်တင်မြှောက်ခံပိုင်ခွင့်မရှိတဲ့ ကန့်သတ်ချက်တွေ ၂၀၀၈ ဖွဲ့စည်းပုံမှာ ပြဋ္ဌာန်းထားပေမည့် လွှတ်တော်ကိုယ်စားလှယ်အဖြစ် အရွေးချယ်ခံရပြီး တာဝန်ထမ်းဆောင်နေတဲ့ ကာလတစ်လျှောက်လုံးမှာ ငွေကြေး၊ စရိတ်၊ လစာရတဲ့ အခြားမည်သည့်အလုပ်မှ လုပ်ခွင့်မရှိလို့ ပြဋ္ဌာန်းမထားပါ။ ဒါကြောင့်မို့ လွှတ်တော်ကိုယ်စားလှယ်တာဝန်နဲ့ တစ်ချိန်တည်းမှာ ကုမ္ပဏီပိုင်ရှင်ကြီး၊ မြေပိုင်ရှင်ကြီး၊ သတ္တုတွင်းပိုင်ရှင်ကြီး၊ ဆောက်လုပ်ရေးလုပ်ငန်းရှင်၊ ရှေ့နေကြီး၊ ပြည်သူ့စစ်ခေါင်းဆောင် စသည်ဖြင့် ကိုယ်ကျိုးစီးပွါးဆိုင်ရာ အလုပ်တွေကို တွဲဖက်ဆောင်ရွက်နေတဲ့ လွှတ်တော်ကိုယ်စားလှယ်အများအပြားကို တွေ့နေရပါတယ်။ ဒါကြောင့်မို့ လွှတ်တော်တွင်းမှာ စီးပွါးရေးလုပ်ငန်းရှင်ကြီးများက သူတို့ရဲ့ အကျိုးစီးပွါးကို အကာအကွယ်ပေးတဲ့ ဥပဒေတွေ ပြဋ္ဌာန်းနိုင်ဖို့ ကြိုးစားတာကို ဆက်ပြီး တွေ့မြင်နေရဦးမှာပါ။


Thursday, January 22, 2015

မြန်မာနိုင်ငံက လူထုအဖွဲ့အစည်းများသို့ မေတ္တာစာ၊ အပိုင်း (၅)

(တူမောရိုးသတင်းဂျာနယ်၊ အတွဲ ၁၊ အမှတ် ၄၇၊ ဇန်နဝါရီ ၂၀၊ ၂၀၁၅)



မြန်မာနိုင်ငံက လူထုအဖွဲ့အစည်းများသို့ မေတ္တာစာ၊ အပိုင်း (၅)

အောင်ဒင်

#ငွေရေးကြေးရေး ပွင့်လင်းမြင်သာမှု (အဆက်)

ငွေကြေးဆိုတာ အဖွဲ့အစည်းတစ်ခု တည်ရှိဖို့အတွက် မရှိမဖြစ်လိုအပ်ချက်တစ်ခုဖြစ်သလို အဖွဲ့အစည်းတစ်ခုကို ပြိုကွဲစေတဲ့ အကြောင်းတရားတစ်ခုလည်း ဖြစ်ပါတယ်။ အဖွဲ့အစည်းအတွက်၊ အများပြည်သူအတွက် လှူဒါန်းငွေတွေကို လက်ထဲကိုင်ထားရသူတစ်ယောက်အဖို့ ငွေထုပ်ကြီးရဲ့ ဆွဲဆောင်မှုအောက်မှာ အမှားတွေ ကျူးလွန်တတ်ပါတယ်။ နည်းနည်းမှားရာကစလို့ တဖြည်းဖြည်းနဲ့ များများမှားတတ်ပါတယ်။ ဒါကြောင့်မို့ ငွေရေးကြေးရေးဆိုင်ရာ ပွင့်လင်းမြင်သာမှု၊ တာဝန်ယူမှုနဲ့ တာဝန်ခံမှုတွေဟာ အဖွဲ့အစည်းများ ရေရှည်တည်တံ့ခိုင်မြဲရေး၊ ဂုဏ်သိက္ခာမြင့်မြင့်မားမားရှင်သန်ရေးအတွက် အရေးကြီးတဲ့ လိုအပ်ချက်ဖြစ်ပါတယ်။ 

အခုဆိုရင် ပြည်သူလူထုက အင်မတန်မုန်းတီးတဲ့ ခရိုနီ (ခေါ်) အလိုတော်ရိစီးပွါးရေးသမားကြီးတွေကပါ အရပ်ဘက်လူထုအဖွဲ့အစည်းများကို ငွေကြေးလှူဒါန်းထောက်ပံ့နေကြပါတယ်။ ဒါပေမဲ့ လှူသူကလည်း သူလှူတာကို တစ်ဘက်က အာဏာရှင်တွေ သိမှာစိုးတော့ လျှို့ဝှက်လှူပြီး လက်ခံရရှိတဲ့ အဖွဲ့အစည်းများကလည်း ပြည်သူလူထုရဲ့ အထင်အမြင်အလွဲခံကြရမှာကိုစိုးလို့ အလှူရတာကို လျှို့ဝှက်ချင်ကြပါတယ်။ အဲဒီလို မရိုးသားတဲ့ အလှူခံမှု၊ လှူဒါန်းမှု အလေ့အကျင့်ဟာ အင်မတန်ဆိုးဝါးလှပါတယ်။ လှူဒါန်းသူရော၊ အလှူငွေလက်ခံရရှိတဲ့ အဖွဲ့အစည်းရော နှစ်ဘက်စလုံး ရိုးရိုးသားသား ပွင့်လင်းမြင်သာကြဖို့ လိုအပ်ပါတယ်။
တကယ်တော့ နိုင်ငံတကာအဖွဲ့အစည်းများနဲ့ ပြည်တွင်း၊ ပြည်ပအလှူရှင်များရဲ့ ထောက်ပံ့လှူဒါန်းငွေများနဲ့ ရပ်တည်လှုပ်ရှားနေကြရတဲ့ လူထုအဖွဲ့အစည်းများအားလုံးဟာ လှူဒါန်းငွေတွေကို ဘယ်လိုရရှိတယ်၊ ဘယ်လိုဘယ်ပုံသုံးစွဲလိုက်တယ်၊ ဘယ်လောက်ကျန်ရှိတယ် ဆိုတာကို ပြည်တွင်း၊ ပြည်ပအလှူရှင်များကိုရော၊ ၎င်းတို့ရဲ့ အဖွဲ့အစည်းဝင်များကိုပါ ရှင်းပြဖို့ တာဝန်ရှိပါတယ်။ ငွေကြေးသုံးစွဲမှုများနဲ့ ပတ်သက်တဲ့ ငွေပေးပြေစာများ၊ ဘောက်ချာများ၊ တစ်နှစ်တာငွေစာရင်းရှင်းတမ်းများကို အချိန်မရွေး အစစ်ဆေးခံနိုင်ရပါမယ်။ အဲဒီလို ငွေရေးကြေးရေးဆိုင်ရာ တာဝန်ယူမှု၊ တာဝန်ခံမှုနဲ့ ပွင့်လင်းမြင်သာမှုတွေ မပြည့်စုံပဲနဲ့ အင်စတီကျူးရှင်းမဖြစ်နိုင်ပါ။

#ရည်ရွယ်ချက်၊ ရပ်တည်ချက်ခိုင်မာပြတ်သားဖို့လို

လူထုအဖွဲ့အစည်းများ အင်စတီကျူးရှင်းဖြစ်လာဖို့ နောက်ထပ်လိုအပ်ချက်တစ်ရပ်ကတော့ အဖွဲ့အစည်းရဲ့ ရည်ရွယ်ချက်၊ ရပ်တည်ချက်များအပေါ်မှာ အခိုင်အမာရပ်တည်ဖို့ပဲ ဖြစ်ပါတယ်။ ပြည်တွင်း၊ ပြည်ပဖိအားပေးမှုများကြောင့်ဖြစ်စေ၊ အစိုးရရဲ့ ဖိအားပေးမှုကြောင့်ဖြစ်စေ တရားဝင်ကြေညာထားတဲ့ ရည်ရွယ်ချက်၊ ရပ်တည်ချက်များပေါ်က ယိမ်းယိုင်သွေဖည်သွားမယ်ဆိုရင် အင်စတီကျူးရှင်းများ ဖြစ်လာဖို့ အားနည်းပါလိမ့်မယ်။
မြန်မာနိုင်ငံက လူထုအဖွဲ့အစည်းအတော်များများဟာ နိုင်ငံတကာအဖွဲ့အစည်းများထံက အကူအညီ၊ အထောက်အပံ့တွေ ရနေကြပါပြီ။ အဖွဲ့အစည်းရေရှည်ရပ်တည်နိုင်ဖို့နဲ့ ရည်ရွယ်ထားတဲ့ လုပ်ငန်းတွေကို အကောင်အထည်ဖော်ဆောင်ရွက်နိုင်ဖို့ နိုင်ငံတကာအကူအညီများကို လက်ခံယူရမှာဖြစ်ပါတယ်။ ဒါပေမဲ့ နိုင်ငံတကာအဖွဲ့အစည်းများရဲ့ မူဝါဒရေးရာလွှမ်းမိုးမှု၊ ထိန်းချုပ်မှုကိုတော့ လက်မခံသင့်ပါ။ အချို့နိုင်ငံတကာအဖွဲ့အစည်းများက ပြည်တွင်းက အဖွဲ့အစည်းများဆောင်ရွက်ချင်တဲ့၊ ဆောင်ရွက်နေတဲ့ လုပ်ငန်းများအောင်မြင်ရေးအတွက် ရိုးရိုးသားသား ဘာနှောင်ကြိုးမှ ချည်နှောင်ခြင်းမရှိပဲ ကူညီနေကြပေမည့် အချို့ နိုင်ငံတကာအဖွဲ့အစည်းများကတော့ ၎င်းတို့ ဖြစ်စေချင်တာကို ပြည်တွင်းအဖွဲအစည်းများကို ငွေကြေးထောက်ပံ့ပြီး ဆောင်ရွက်ခိုင်းနေတာမျိုးလည်း တွေ့နေရပါတယ်။ နိုင်ငံတကာအကူအညီများကို ပြည်တွင်းက အဖွဲ့အစည်းများ ပြည်တွင်းလိုအပ်ချက်နဲ့အညီ လက်တွေ့ဆောင်ရွက်နေတဲ့ လုပ်ငန်းများအတွက်သာ လက်ခံသင့်ပါတယ်။ ကိုယ့်ရဲ့ ရပ်တည်ချက်၊ ရည်ရွယ်ချက်နဲ့ မကိုက်ညီပဲ နိုင်ငံတကာအဖွဲ့အစည်းက ငွေကြေးထောက်ပံ့လို့ ဆောင်ရွက်ရတာမျိုး မဖြစ်သင့်ပါ။

၂၀၁၂ ခုနှစ်၊ ရခိုင်ပြည်နယ်မှာဖြစ်ပွါးခဲ့တဲ့ လူမျိုးရေး၊ ဘာသာရေးပဋိပက္ခတွေရဲ့ ရလဒ်တစ်ခုဖြစ်တဲ့ သိန်းနဲ့ချီတဲ့ဒုက္ခသည်တွေအတွက် အကူအညီတွေလိုအပ်လာပါတယ်။ နိုင်ငံတဝှမ်းက ပြည်သူများကလည်း ဒုက္ခသည်များအတွက် တတ်နိုင်သလောက် ရက်ရက်ရောရောကူညီလှူဒါန်းကြပြီး အဲဒီ အများပြည်သူ လှူဒါန်းမှုတွေကို လူထုအဖွဲ့အစည်းအချို့က စုပေါင်းလက်ခံပြီး ဒုက္ခသည်များရှိရာကို ပင်ပင်ပမ်းပမ်း၊ ခက်ခက်ခဲခဲသွားရောက်လှူဒါန်းပေးကြပါတယ်။ အဲဒီလို အင်မတန်မွန်မြတ်တဲ့ လှူဒါန်းမှုမျိုးမှာ မလိုလားအပ်တဲ့ ဖိအားပေးမှုတွေကြောင့် ဝမ်းနည်းစရာ ဖြစ်ခဲ့ရတာတွေရှိပါတယ်။ ပြည်သူလူထုရဲ့ အလှူပစ္စည်းများကို လက်ခံတဲ့ အဖွဲ့အစည်းအချို့ဟာ လှူဒါန်းသူအချို့ရဲ့ "ဒီအလှူများကို ဗုဒ္ဓဘာသာ၊ ရခိုင်လူမျိုးများကိုသာ လှူဒါန်းရမယ်" ဆိုတဲ့ ကန့်သတ်ချက်ကို လိုက်နာခဲ့ကြပြီး ဘာသာ၊ လူမျိုး မခွဲမခြားအကူအညီပေးရမယ်ဆိုတဲ့ လူထုအဖွဲ့အစည်းများရဲ့ အခြေခံမူဝါဒကနေ သွေဖည်ခဲ့ကြပါတယ်။ 

"ဘယ်သူ့အတွက်လို့ ခေါင်းစဉ်တပ်ပြီး မလှူပါနဲ့။ အများအတွက် လှူဒါန်းချင်တယ်ဆိုရင် လာပါ။ ခင်ဗျားတို့အကူအညီတွေကို ရခိုင်ပြည်နယ်က ဒုက္ခသည်တွေဆီ ဘာသာ၊ လူမျိုးမခွဲခြားပဲ အပြည့်အဝ ရောက်ရှိစေရမယ်" လို့ ခိုင်ခိုင်မာမာရပ်တည်ပြီး အမျိုးသားရေးခေါင်းစဉ်အောက်က ဖိအားပေးမှုတွေကို တင်းခံရဲတဲ့ အဖွဲ့အစည်းအချို့ရှိပေမည့် နည်းလှပါတယ်။ ဒီလိုနဲ့ ပြည်တွင်းအလှူရှင်များရဲ့ အလှူဒါနအများစုဟာ ရခိုင်၊ ဗုဒ္ဓဘာသာများဆီသာ ရောက်ရှိပြီး မွတ်စလင်ဒုက္ခသည်အများစုထံ မရောက်ရှိခဲ့ပါ။

#လူထုနှင့် တစ်သားတည်းရှိဖို့လို

လူထုအဖွဲ့အစည်းများ အင်စတီကျူးရှင်းဖြစ်ဖို့ နောက်ထပ်လိုအပ်ချက်တစ်ခုကတော့ လူထုအခြေပြုအဖွဲ့အစည်းများပီသစွာ ပြည်သူလူထုနဲ့ တစ်သားတည်းရှိနေဖို့ ဖြစ်ပါတယ်။ အခုအချိန်မှာ အရပ်ဘက်လူထုအဖွဲ့အစည်းများရဲ့ လှုပ်ရှားမှုများကို အများဆုံးတွေ့မြင်နေရတာက ရန်ကုန်၊ မန္တလေး စတဲ့ မြို့ကြီးများမှာသာဖြစ်ပြီး လှုပ်ရှားမှုအများစုကလည်း ဟိုတယ်အခြေစိုက် စွမ်းရည်မြှင့်သင်တန်းပေးတာတွေ၊ ဟိုတယ်အခြေစိုက် ဆွေးနွေးပွဲတွေ၊ ဟိုတယ်အခြေစိုက် အထိမ်းအမှတ်နေ့အခမ်းအနားကျင်းပတာတွေ၊ ဟိုတယ်အခြေစိုက်ဆုပေးပွဲတွေနဲ့ နိုင်ငံခြားခေါင်းဆောင်များ၊ နိုင်ငံတကာအဖွဲ့အစည်းများနဲ့ ဟိုတယ်ခန်းမ (သို့မဟုတ်) သံရုံးအဆောက်အအုံမှာ တွေ့ဆုံတာတွေပဲဖြစ်ပါတယ်။ နေပြည်တော်က ဟိုတယ်ကြီးထဲမှာ လွှတ်တော်ကိုယ်စားလှယ်များနဲ့ ခန်းခန်းနားနားဆွေးနွေးနေတာလည်း တွေ့ရတတ်ပါတယ်။ မြန်မာနိုင်ငံကို အခုလို ပွင့်လင်းမှပဲ ရောက်ရှိလာနိုင်တဲ့ နိုင်ငံတကာအဖွဲ့အစည်းများမှ နိုင်ငံခြားသားဝန်ထမ်းများက မြန်မာနိုင်ငံ အနှံ့အပြားလှည့်ပတ်သွားလာလို့ အခြေခံပြည်သူလူထုရဲ့ ဘဝကို လေ့လာနေကြချိန်မှာ ရန်ကုန်မြို့၊ ရုံးခန်းနဲ့ အစည်းအဝေးများကျင်းပရာ ဟိုတယ်ခန်းမကလွဲလို့ ဘယ်ကိုမှ မရောက်တဲ့ လူထုအဖွဲ့အစည်းခေါင်းဆောင်များလည်း အများအပြားရှိနေပါတယ်။

ငြိမ်းချမ်းရေးအတွက် လှုံ့ဆော်စည်းရုံးသူများဟာ စစ်ဖြစ်ပွါးရာဒေသက ပြည်သူတွေနဲ့ ထိစပ်နေဖို့လိုပါတယ်။ အမျိုးသမီးဘဝမြှင့်တင်ရေးကြိုးပမ်းသူများဟာ ရပ်ကွက်၊ ကျေးရွာများထဲက အမျိုးသမီးများရဲ့ လက်တွေ့ဒုက္ခတွေကို သွားရောက်နားထောင်ဖို့လိုပါတယ်။ လူကုန်ကူးမှုတိုက်ဖျက်ရေး ကြိုးပမ်းနေကြသူတွေဟာ လူကုန်ကူးခံရတဲ့ အမျိုးသမီးများရဲ့ ဘဝအတွေ့အကြုံကို သိရှိနားလည်ဖို့ လိုအပ်ပါတယ်။ တောင်သူလယ်သမားများရဲ့ အကျိုးစီးပွါးဆောင်ရွက်သူတွေဟာ လယ်သမားများရဲ့ လယ်ကွင်းထဲကဒုက္ခ၊ လယ်မရှိတဲ့ ဒုက္ခတွေကို မှန်မှန်ကန်ကန်သိနားလည်ဖို့ လိုပါတယ်။ တိုင်းရင်းသားလူမျိုးစုများရဲ့ ရသင့်ရထိုက်သော အခွင့်အရေးများအတွက် လှုံ့ဆော်စည်းရုံးသူတွေဟာ တိုင်းရင်းသားများရဲ့ ခေတ်အဆက်ဆက် အခွင့်အရေးဆုံးရှုံးမှုများ၊ အဖိနှိပ်ခံရမှုများနဲ့ နာကျင်ခံစားရမှုများကို နက်နက်ရှိုင်းရှိုင်းနားလည်ဖို့ လိုပါတယ်။ ပြည်သူနဲ့ တစ်သားတည်းရှိမှ ပြည်သူ့ဘဝကို မှန်မှန်ကန်ကန်နားလည်ပြီး ပြည်သူ့အကျိုးစီးပွါးအတွက် မှန်မှန်ကန်ကန်ဆောင်ရွက်ပေးနိုင်မှာပါ။ အဲဒီ ပြည်သူများကတော့ ရန်ကုန်မြို့က ဟိုတယ်ကြီးထဲကို လာရောက်နိုင်ကြမှာ မဟုတ်ပါ။

#ဒီမိုကရေစီကို ချဲ့ထွင်ခြင်း

အရပ်ဘက်လူထုအဖွဲ့အစည်းများ အင်စတီကျူးရှင်းများဖြစ်လာစေဖို့ လိုအပ်တာတွေကို အကြံပြုပြီးတဲ့နောက် ဆက်လက်ဆောင်ရွက်သင့်တဲ့ အရေးကိစ္စတွေကိုလည်း အကြံပြုချင်ပါတယ်။ ပထမအကြံပြုချက်က "ဒီမိုကရေစီကို ချဲ့ထွင်ခြင်း" ဖြစ်ပါတယ်။

လက်ရှိ ၂၀၀၈ ဖွဲ့စည်းပုံအခြေခံဥပဒေဟာ ဒီမိုကရေစီစံချိန်စံညွှန်းများနဲ့ မကိုက်ညီပဲ တပ်မတော်ရဲ့ နိုင်ငံရေးဦးဆောင်မှုအခန်းကဏ္ဍကိုသာ ကြီးကြီးမားမား ထည့်သွင်းရေးဆွဲထားတာပါ။ ဒါကြောင့်မို့ ၂၀၀၈ ဖွဲ့စည်းပုံအခြေခံဥပဒေကို ပြင်ဆင်နိုင်ရေးအတွက် ပြည်ထောင်စုလွှတ်တော်မှာ ဆွေးနွေးငြင်းခုန်နေကြတာ တွေ့ရပါတယ်။ ဖွဲ့စည်းပုံအခြေခံဥပဒေပြင်ဆင်ရေးဆိုင်ရာ ဥပဒေကြမ်းကို ၂၀၁၅ ခုနှစ်၊ ဇန်နဝါရီလမှာ ကျင်းပမည့် ပြည်ထောင်စုလွှတ်တော် (၁၂) ကြိမ်မြောက်အစည်းအဝေးမှာ တင်သွင်းပြီး ဆွေးနွေးဆုံးဖြတ်ကြမယ်လို့ သိရပါတယ်။ အရပ်ဘက်လူထုအဖွဲ့အစည်းများကလည်း "ပြည်သူများ၏ ဆန္ဒနှင့် အတည်ပြုထားခြင်းမရှိသော ၂၀၀၈ ဖွဲ့စည်းပုံအား ၂၀၁၅ မတိုင်မီ ဒီမိုကရေစီစံချိန်စံညွှန်းများနှင့်အညီ ပြည်သူ့ဆန္ဒခံယူပြီး ပြင်ဆင်ရန်" ဆိုပြီး အကြံပြုထားပါတယ်။

ဖွဲ့စည်းပုံအခြေခံဥပဒေကို ဒီမိုကရေစီနည်းလမ်းကျကျ ပြင်ဆင်နိုင်ရေးအတွက် လွှတ်တော်ကိုယ်စားလှယ်များက လွှတ်တော်တွင်းလှုပ်ရှားမှုတွေ ဆောင်ရွက်နေချိန်မှာ အရပ်ဘက်လူထုအဖွဲ့အစည်းများကလည်း လွှတ်တော်ပြင်ပလှုပ်ရှားမှုများ ဆောင်ရွက်နေကြတာ တွေ့ရပါတယ်။ တစ်ချိန်တည်းမှာပဲ လက်ရှိဖွဲ့စည်းပုံက ခွင့်ပြုထားတဲ့ ဘောင်ထဲက ဒီမိုကရေစီအခွင့်အလမ်းတွေကို တိုးချဲ့ဖို့ အရပ်ဘက်လူထုအဖွဲ့အစည်းများ စုပေါင်းမူဝါဒချမှတ်ပြီး ကြိုးစားကြစေချင်ပါတယ်။ အထူးသဖြင့် ရပ်ကွက်/ကျေးရွာအုပ်ချုပ်ရေးမှူးရွေးကောက်ပွဲ၊ စည်ပင်သာယာကော်မတီရွေးကောက်ပွဲများမှာပါ။

Saturday, January 17, 2015

ကိုကာကိုလာ



ကိုကာကိုလာ

အောင်ဒင်

စက်ထဲကို တစ်ဒေါ်လာထည့်ပြီး
ခလုတ်ကို နှိပ်တဲ့အခါ
ဘာတစ်ခုမှ ထွက်ကျမလာ…။

စက်ထဲကို နောက်ထပ် တစ်ဒေါ်လာထည့်ပြီး
ခလုပ်ကို ထပ်နှိပ်တဲ့အခါ
ဘာတစ်ခုမှ ထွက်ကျမလာ…။

ဆုံးရှုံးသွားတဲ့ နှစ်ဒေါ်လာကို နှမျောတသ
ခံစားချက်ကမောက်ကမနဲ့
ခလုပ်ကို ထပ်ခါထပ်ခါ နှိပ်ပြန်တဲ့အခါ
ဘာတစ်ခုမှ ထွက်ကျမလာ…။

ဒေါသတွေ တနင့်တပိုးနဲ့
စက်ကြီးကို ကန်ကြောက်မိတဲ့အခါ
ကျနော့်ခြေထောက်တွေပဲနာ
ဘာတစ်ခုမှ ထွက်ကျမလာ…။

စက်နဲ့ လူရဲ့ ဆက်ဆံရေးမှာ
ချစ်ခြင်းမေတ္တာဆိုတာ
ရှိဖို့ လိုသေးသလားဗျာ…။ ။ ။

(ဇန်နဝါရီ ၁၇၊ ၂၀၁၅)

Friday, January 16, 2015

Burma's Parliament Watch Part (80)

(ပြည်သူ့ခေတ်ဂျာနယ်၊ အတွဲ ၁၊ အမှတ် ၁၊ ဇန်နဝါရီ ၁၅၊ ၂၀၁၅)



မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့်

အောင်ဒင်

အပိုင်း (၈၀) ၂၀၁၄ ခုနှစ် ပြည်ထောင်စုလွှတ်တော်စစ်တမ်း၊ (က)

#၂၀၁၄ လွှတ်တော်အစည်းအဝေးများ

ပထမအကြိမ် ပြည်ထောင်စုလွှတ်တော်ရဲ့ ၂၀၁၄ ခုနှစ်အတွက် အစည်းအဝေးများ ပြီးဆုံးသွားခဲ့ပါပြီ။ ၂၀၁၄ ခုနှစ်အတွင်း အစည်းအဝေး (၃) ကြိမ် ကျင်းပခဲ့ပြီး အစည်းအဝေးကျင်းပရက်ပေါင်း (၁၀၇) ရက်နဲ့ ဥပဒေပေါင်း (၅၇) ခု အတည်ပြု ထုတ်ပြန်ကြေညာနိုင်ခဲ့ပါတယ်။ အသေးစိတ်ကို အောက်ပါဇယားမှာ ကြည့်ပါ။ 
အကြိမ်မြောက်
နေ့စွဲ
ပြည်သူ့
လွှတ်တော် 
အမျိုးသား
လွှတ်တော်
ပြည်ထောင်စု
လွှတ်တော်
ထုတ်ပြန်ကြေညာခဲ့သော ဥပဒေပေါင်း
နဝမ
ဇန်နဝါရီ ၁၃ မှ မတ် ၂၆   
၃၂ ရက်
၃၀ ရက်
၂၉ ရက် 
၂၂
ဒဿမ
မေ ၂၈ မှ ဇူလိုင် ၃၁
၃၈ ရက်  
၃၈ ရက်  
၁၂ ရက်
၁၅
ဧကဒဿမ
စက်တင်ဘာ ၁၁ မှ နိုဝင်ဘာ ၂၈ 
၃၇ ရက်
၃၇ ရက်
၃၆ ရက် 
၂၀
စုစုပေါင်း

၁၀၇ ရက် 
၁၀၅ ရက် 
၇၇ ရက်  
၅၇

များသောအားဖြင့် လွှတ်တော်အစည်းအဝေးများဟာ တစ်ရက်တည်းမှာ ကျင်းပကြတာ ဖြစ်ပါတယ်။ မနက်ပိုင်းမှာ ပြည်သူ့လွှတ်တော်နဲ့ အမျိုးသားလွှတ်တော်အစည်းအဝေးများကျင်းပပြီး နေ့လည်ပိုင်းမှာ လွှတ်တော်နှစ်ရပ်ပေါင်းဖြစ်တဲ့ ပြည်ထောင်စုလွှတ်တော်အစည်းအဝေးကျင်းပလေ့ ရှိပါတယ်။ ပြည်ထောင်စုလွှတ်တော်အစည်းအဝေးကို အရေးကြီးအဆိုတင်ရန်၊ ပြည်ထောင်စုအဆင့်ရာထူးများကို အတည်ပြုရန်၊ နိုင်ငံတော်၏ အရ၊ အသုံးခန့်မှန်းခြေငွေစာရင်းဥပဒေကြမ်းကို ဆွေးနွေးအတည်ပြုရန်နဲ့ လွှတ်တော်နှစ်ရပ်ကြား သဘောထားကွဲလွဲတဲ့ ဥပဒေကြမ်းများကို ဆွေးနွေးရန်အတွက်သာ ကျင်းပတာမို့ ပြည်သူ့လွှတ်တော်နဲ့ အမျိုးသားလွှတ်တော်များထက် အစည်းအဝေးကျင်းပရက် နည်းတတ်ပါတယ်။

အထက်ပါဇယားအရ ၂၀၁၄ ခုနှစ်အတွင်းမှာ ပြည်သူ့လွှတ်တော်ကိုယ်စားလှယ်များဟာ ပြည်သူ့လွှတ်တော်အစည်းအဝေး (၁၀၇) ရက်နဲ့ ပြည်ထောင်စုလွှတ်တော်အစည်းအဝေး (၇၇) ရက်၊ စုစုပေါင်း အစည်းအဝေး (၁၈၄) ရက်ရှိခဲ့ပါတယ်။ ၂၀၁၃ ခုနှစ်မှာ ပြည်သူ့လွှတ်တော်ကိုယ်စားလှယ်များဟာ ပြည်သူ့လွှတ်တော် အစည်းအဝေး (၈၀) ရက်နဲ့ ပြည်ထောင်စုလွှတ်တော်အစည်းအဝေး (၅၄) ရက်၊ စုစုပေါင်း (၁၃၄) ရက် အစည်းအဝေးတက်ခဲ့ကြပါတယ်။ ဒါကြောင့် ၂၀၁၄ ခုနှစ်မှာ ပြည်သူ့လွှတ်တော်ကိုယ်စားလှယ်များဟာ ၂၀၁၃ ခုနှစ်ထက် ရက်ပေါင်း (၅၀) ပိုပြီး စည်းဝေးခဲ့တာ တွေ့ရပါတယ်။

၂၀၁၄ ခုနှစ်အတွင်းမှာ အမျိုးသား လွှတ်တော်ကိုယ်စားလှယ်များဟာ အမျိုးသားလွှတ်တော်အစည်းအဝေး (၁၀၅) ရက်နဲ့ ပြည်ထောင်စုလွှတ်တော်အစည်းအဝေး (၇၇) ရက်၊ စုစုပေါင်း အစည်းအဝေး (၁၈၂) ရက်ရှိခဲ့ပါတယ်။ အမျိုးသားလွှတ်တော်ကိုယ်စားလှယ်များဟာ ၂၀၁၃ ခုနှစ်မှာ အမျိုးသားလွှတ်တော်အစည်းအဝေး (၇၈) ရက်နဲ့ ပြည်ထောင်စုလွှတ်တော်အစည်းအဝေး (၅၄) ရက်၊ စုစုပေါင်း (၁၃၂) ရက် အစည်းအဝေးတက်ခဲ့ကြပါတယ်။ ဒါကြောင့်မို့ ၂၀၁၄ ခုနှစ်မှာ အမျိုးသားလွှတ်တော်ကိုယ်စားလှယ်များဟာ ၂၀၁၃ ခုနှစ်ထက် ရက်ပေါင်း (၅၀) ပိုပြီး စည်းဝေးခဲ့တာ တွေ့ရပါတယ်။  လွှတ်တော်ကိုယ်စားလှယ်များ ပါဝင်ကြတဲ့ ရေးရာကော်မတီများ၊ ကော်မရှင်များက သီးခြားကျင်းပတဲ့ ရေးရာ အစည်းအဝေးများလည်း ရှိပါသေးတယ်။ ဒါကြောင့် ၂၀၁၄ ခုနှစ်မှာ ပြည်ထောင်စုလွှတ်တော်ကိုယ်စားလှယ်များရဲ့ လွှတ်တော်တွင်းအလုပ်လုပ်ရက်ဟာ ၂၀၁၃ ခုနှစ်ထက် ရက်ပေါင်း (၅၀) လောက်ပိုများပါတယ်။ လွှတ်တော်ကိုယ်စားလှယ်များရဲ့ ဥပဒေပြုရေးဆောင်ရွက်တဲ့ ရက်များ တိုးတက်များပြားလာတာ ကောင်းမွန်တဲ့ လက္ခဏာပါ။

#၂၀၁၄ ခုနှစ်တွင် ပြဋ္ဌာန်းခဲ့သော ဥပဒေများ

၂၀၁၄ ခုနှစ်အတွင်း ပြဋ္ဌာန်းခဲ့တဲ့ ဥပဒေများကို ရေတွက်ရတာ အတော်ရှုပ်ထွေးပါတယ်။ ဖွဲ့စည်းပုံအခြေခံဥပဒေအရ လွှတ်တော်နှစ်ရပ်က သီးခြားစီ သဘောတူတဲ့ ဥပဒေကြမ်းပဲဖြစ်ဖြစ်၊ ပြည်ထောင်စုလွှတ်တော်က အတည်ပြုတဲ့ ဥပဒေကြမ်းပဲ ဖြစ်ဖြစ်၊ နိုင်ငံတော်သမ္မတဆီ တင်ပြရပြီး သမ္မတက လက်ခံရရှိသည့်နေ့မှ ၁၄ ရက်အတွင်း လက်မှတ်ရေးထိုးမှ ဥပဒေအဖြစ် အတည်ဖြစ်ပါတယ်။ သမ္မတက လက်မှတ်မထိုးပဲ မှတ်ချက်များနဲ့ ပြည်ထောင်စုလွှတ်တော်ကို ပြန်လည်စဉ်းစားဖို့ ပြန်ပို့တဲ့ ဥပဒေကြမ်းတွေလည်း ရှိပါတယ်။ လွှတ်တော်တစ်ခုက အတည်ပြုပြီးပေမည့် နောက်လွှတ်တော်တစ်ရပ်က စဉ်းစားနေဆဲ ဥပဒေကြမ်းများလည်း ရှိပါတယ်။ ဒါကြောင့်မို့ ၂၀၁၄ ခုနှစ်အတွင်း အတည်ပြုတဲ့ ဥပဒေများကို ရေတွက်ရာမှာ နိုင်ငံပိုင်သတင်းစာများနဲ့ ပြည်ထောင်စုလွှတ်တော်က တရားဝင်ထုတ်ပြန်ကြေညာတဲ့ ၂၀၁၄ ခုနှစ် ပြည်ထောင်စုလွှတ်တော်ဥပဒေ အမှတ် (၁) ကနေ (၅၇) အထိ ဥပဒေ (၅၇) ခုကိုပဲ ရေတွက်ပါတယ်။ အောက်ပါဇယားကို ကြည့်ပါ။

စဉ်
၂၀၁၄ခုနှစ်၊ ပြည်ထောင်စုလွှတ်တော်
ဥပဒေအမည်
အကြိမ်
ဥပဒေအမှတ် (၁)
မြန်မာအထူးစီးပွားရေးဇုန် ဥပဒေ
နဝမ
ဥပဒေအမှတ် (၂)
ပြည်ထောင်စုလွှတ်တော်ဆိုင်ရာ ဥပဒေကို ပြင်ဆင်သည့် ဥပဒေ
နဝမ
ဥပဒေအမှတ် (၃)
ဘက်စုံပို့ဆောင်ရေး ဥပဒေ
နဝမ
ဥပဒေအမှတ် (၄)
ရှေးဦးအရွယ်ကလေးသူငယ်ပြုစုပျိုးထောင်ရေးနှင့် ဖွံ့ဖြိုးရေးဆိုင်ရာဥပဒေ
နဝမ
ဥပဒေအမှတ် (၅)
အဆိပ်များ အက်ဥပဒေကို ပြင်ဆင်သည့် ဥပဒေ
နဝမ
ဥပဒေအမှတ် (၆)
အီလက်ထရောနစ် ဆက်သွယ်ဆောင်ရွက်ရေး ဥပဒေကို ပြင်ဆင်သည့် ဥပဒေ
နဝမ
ဥပဒေအမှတ် (၇)
မြန်မာနိုင်ငံ ရဲညွန့်တပ်ဖွဲ့ ဥပဒေကို ရုပ်သိမ်းသည့် ဥပဒေ
နဝမ
ဥပဒေအမှတ် (၈)
တိုင်းရင်းဆေးဝါးဥပဒေကို ပြင်ဆင်သည့် ဥပဒေ
နဝမ
ဥပဒေအမှတ် (၉)
ပြည်ထောင်စုလွှတ်တော်ဆိုင်ရာ ဖွံ့ဖြိုးရေး ရန်ပုံငွေ ဥပဒေ
နဝမ
၁၀
ဥပဒေအမှတ် (၁၀)
စားသုံးသူအကာအကွယ် ပေးရေးဥပဒေ
နဝမ
၁၁
ဥပဒေအမှတ် (၁၁)
ငွေကြေးခ၀ါချမှု တိုက်ဖျက်ရေး ဥပဒေ
နဝမ
၁၂
ဥပဒေအမှတ် (၁၂)
သတင်းမီဒီယာ ဥပဒေ
နဝမ
၁၃
ဥပဒေအမှတ် (၁၃)
ပုံနှိပ်ခြင်းနှင့်ထုတ်ဝေခြင်း လုပ်ငန်းဥပဒေ
နဝမ
၁၄
ဥပဒေအမှတ် (၁၄)
ရုံးခွန်အက်ဥပဒေကို ပြင်ဆင်သည့် ဥပဒေ
နဝမ
၁၅
ဥပဒေအမှတ် (၁၅)
ဝင်ငွေခွန်ဥပဒေကို ပြင်ဆင်သည့်ဥပဒေ
နဝမ
၁၆
ဥပဒေအမှတ် (၁၆)
ကုန်သွယ်လုပ်ငန်းခွန် ဥပဒေကို ပြင်ဆင်သည့်ဥပဒေ
နဝမ
၁၇
ဥပဒေအမှတ် (၁၇)
၂၀၁၄-၂၀၁၅ ဘဏ္ဍာနှစ်၊ အမျိုးသားစီမံကိန်းဥပဒေ
နဝမ
၁၈
ဥပဒေအမှတ် (၁၈)
၂၀၁၄ ခုနှစ်၊ ပြည်ထောင်စု၏ ဘဏ္ဍာငွေအရသုံးဆိုင်ရာ ဥပဒေ
နဝမ
၁၉
ဥပဒေအမှတ် (၁၉)
မြန်မာနိုင်ငံ တံဆိပ်ခေါင်းအက်ဥပဒေကို ပြင်ဆင်သည့်ဥပဒေ
နဝမ
၂၀
ဥပဒေအမှတ် (၂၀)
၂၀၁၄ ခုနှစ်၊ ပြည်ထောင်စု၏ အခွန်အကောက် ဥပဒေ
နဝမ
၂၁
ဥပဒေအမှတ် (၂၁)
မြန်မာနိုင်ငံ အမျိုးသားလူ့အခွင့်အရေးကော်မရှင်ဥပဒေ
နဝမ
၂၂
ဥပဒေအမှတ် (၂၂)
အမျိုးသားဆေးဝါး ဥပဒေကို ပြင်ဆင်သည့် ဥပဒေ
နဝမ
၂၃
ဥပဒေအမှတ် (၂၃)
အကြမ်းဖက်မှုတိုက်ဖျက်ရေး ဥပဒေ
ဒသမ
၂၄
ဥပဒေအမှတ် (၂၄)
၂၀၁၄ ခုနှစ်၊ စာချွန်တော်အမိန့် လျှောက်ထားမှုဆိုင်ရာ ဥပဒေ
ဒသမ
၂၅
ဥပဒေအမှတ် (၂၅)
လမ်းနှင့် တံတားအသုံးပြု ခြင်းဆိုင်ရာ ဥပဒေကို ပြင်ဆင်သည့် ဥပဒေ
ဒသမ
၂၆
ဥပဒေအမှတ် (၂၆)
ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်းလှည့်လည်ခွင့်ဆိုင်ရာ ဥပဒေကို ပြင်ဆင်သည့် ဥပဒေ
ဒသမ
၂၇
ဥပဒေအမှတ် (၂၇)
ကြိမ်ဒဏ်ပေးခြင်းအက်ဥပဒေကို ရုပ်သိမ်းသည့်ဥပဒေ
ဒသမ
၂၈
ဥပဒေအမှတ် (၂၈)
စံချိန်စံညွှန်းသတ်မှတ်ခြင်းဆိုင်ရာ ဥပဒေ
ဒသမ
၂၉
ဥပဒေအမှတ် (၂၉)
တရားမကျင့်ထုံးဥပဒေကို ပြင်ဆင်သည့်ဥပဒေ
ဒသမ
၃၀
ဥပဒေအမှတ် (၃၀)
၁၉၅၁ ခုနှစ်၊ ခွင့်ရက်နှင့် အလုပ်ပိတ်ရက်အက်ဥပဒေကို ပြင်ဆင်သည့်ဥပဒေ
ဒသမ
၃၁
ဥပဒေအမှတ် (၃၁)
အသင်းအဖွဲ့များ မှတ်ပုံတင်ခြင်းဆိုင်ရာ ဥပဒေ
ဒသမ
၃၂
ဥပဒေအမှတ် (၃၂)
အဂတိလိုက်စားမှု တိုက်ဖျက်ရေးဥပဒေကို ပြင်ဆင်သည့်ဥပဒေ
ဒသမ
၃၃
ဥပဒေအမှတ် (၃၃)
လမ်းမကြီးများဥပဒေကိုပြင်ဆင်သည့် ဥပဒေ
ဒသမ
၃၄
ဥပဒေအမှတ် (၃၄)
မြန်မာ့ပုလဲလုပ်ငန်းဥပဒေကို ပြင်ဆင်သည့်ဥပဒေ
ဒသမ
၃၅
ဥပဒေအမှတ် (၃၅)
ပြည်ထောင်စုတရားစီရင်ရေးဥပဒေကို ပြင်ဆင်သည့်ဥပဒေ (၂၀၁၄)
ဒသမ
၃၆
ဥပဒေအမှတ် (၃၆)
ကာလစည်းကမ်းသတ်အက်ဥပဒေကို ပြင်ဆင်သည့်ဥပဒေ
ဒသမ
၃၇
ဥပဒေအမှတ် (၃၇)
နိုင်ငံတကာအကျိုးစီးပွားနှင့် သက်ဆိုင်သည့် လေယာဉ်ပစ္စည်းကိရိယာများဆိုင်ရာ ဥပဒေ
ဒသမ
၃၈
ဥပဒေအမှတ် (၃၈)
နိုင်ငံရေးပါတီများ မှတ်ပုံတင်ခြင်းဥပဒေကို ဒုတိယအကြိမ်ပြင်ဆင်သည့် ဥပဒေ
ဧကဒသမ
၃၉
ဥပဒေအမှတ် (၃၉)
မြန်မာနိုင်ငံ ဗိသုကာကောင်စီ ဥပဒေ
ဧကဒသမ
၄၀
ဥပဒေအမှတ် (၄၀)
အလုပ်သမားရေးရာ အငြင်းပွားမှုဖြေရှင်းရေးဥပဒေကို ပြင်ဆင်သည့်ဥပဒေ
ဧကဒသမ
၄၁
ဥပဒေအမှတ် (၄၁)
အမျိူးသားပညာရေး ဥပဒေ
ဧကဒသမ
၄၂
ဥပဒေအမှတ် (၄၂)
စစ်ဘက်ရာထူးနှင့်အဆင့်အခေါ်အဝေါ်များ သုံးစွဲခြင်းကိုကန့်သတ်သည့် ဥပဒေကို ပြင်ဆင်သည့်ဥပဒေ
ဧကဒသမ
၄၃
ဥပဒေအမှတ် (၄၃)
ပြည်ထောင်စုစာရင်းစစ်ချု ပ်ဥပဒေကို ပြင်ဆင်သည့်ဥပဒေ (၂၀၁၄)
ဧကဒသမ
၄၄
ဥပဒေအမှတ် (၄၄)
လျှပ်စစ်ဥပဒေ
ဧကဒသမ
၄၅
ဥပဒေအမှတ် (၄၅)
၁၉၆၀ ပြည့်နှစ်၊ ကျေးလက်စီးပွားရေးတိုးတက်ဖွံ့ဖြိုးမှုရန်ပုံငွေ အက်ဥပဒေကို ရုပ်သိမ်းသည့် ဥပဒေ
ဧကဒသမ
၄၆
ဥပဒေအမှတ် (၄၆)
နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥပဒေကို ဒုတိယအကြိမ်ပြင်ဆင်သည့် ဥပဒေ
ဧကဒသမ
၄၇
ဥပဒေအမှတ် (၄၇)
တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွားမြှင့်တင်ရေး ဥပဒေကို ပြင်ဆင်သည့် ဥပဒေ
ဧကဒသမ
၄၈
ဥပဒေအမှတ် (၄၈)
ပြည်ထောင်စုလွှတ်တော်ဆိုင်ရာ ဖွံ့ဖြိုးရေးရန်ပုံငွေဥပဒေကို ပြင်ဆင်သည့်ဥပဒေ
ဧကဒသမ
၄၉
ဥပဒေအမှတ် (၄၉)
၂၀၁၄-၂၀၁၅ ခု၊ ဘဏ္ဍာရေးနှစ် ပြည်ထောင်စု၏ နောက်ထပ်ဘဏ္ဍငွေခွဲဝေသုံးစွဲရေး ဥပဒေ
ဧကဒသမ
၅၀
ဥပဒေအမှတ် (၅၀)
၁၉၄၇ ခုနှစ်၊ အမိန့်ထုတ်ဆင့်တောင်းဆိုခြင်း (အရေးပေါ်ပြဋ္ဌာန်းချက်များ) အက်ဥပဒေကို ရုပ်သိမ်းသည့် ဥပဒေ
ဧကဒသမ
၅၁
ဥပဒေအမှတ် (၅၁)
ပြည်တွင်းရေကြောင်းပို့ဆောင်ရေးအဖွဲ့ ဥပဒေ
ဧကဒသမ
၅၂
ဥပဒေအမှတ် (၅၂)
မြန်မာအမျိုးသားလေကြောင်း ဥပဒေ
ဧကဒသမ
၅၃
ဥပဒေအမှတ် (၅၃)
ထိခိုက်ဒဏ်ရာရရှိသော အရေးပေါ်လူနာကို ကူညီစောင့်ရှောက်ခြင်းနှင့် ကုသခြင်းဆိုင်ရာ ဥပဒေ
ဧကဒသမ
၅၄
ဥပဒေအမှတ် (၅၄)
ကိုယ်ပိုင်အုပ်ချုပ်ခွင့်ရတိုင်း သို့မဟုတ် ကိုယ်ပိုင်အုပ်ချုပ်ခွင့်ရ ဒေသ ဥက္ကဋ္ဌ နှင့် အလုပ်အမှုဆောင် ကော်မတီဝင်များ၏ချီးမြှင့်ငွေ၊ စရိတ်နှင့် အဆောင်အယောင်များဆိုင်ရာဥပဒေကို ပြင်ဆင်သည့်ဥပဒေ
ဧကဒသမ
၅၅
ဥပဒေအမှတ် (၅၅)
နေပြည်တော်ကောင်စီ ဥက္ကဋ္ဌနှင့် ကောင်စီဝင်များ၏ ချီးမြှင့်ငွေ၊ စရိတ်နှင့် အဆောင်အယောင်များဆိုင်ရာဥပဒေကိုပြင်ဆင်သည့်ဥပဒေ
ဧကဒသမ
၅၆
ဥပဒေအမှတ် (၅၆)
ပြည်ထောင်စုအဆင့်ပုဂ္ဂိုလ်များ၏ ချီးမြှင့်ငွေ၊ စရိတ်နှင့် အဆောင်အယောင်များဆိုင်ရာဥပဒေကို ပြင်ဆင်သည့်ဥပဒေ
ဧကဒသမ
၅၇
ဥပဒေအမှတ် (၅၇)
တိုင်းဒေသကြီး သို့မဟုတ် ပြည်နယ်အဆင့်ပုဂ္ဂိုလ်များ၏ ချီးမြှင့်ငွေ၊ စရိတ်နှင့် အဆောင်အယောင်များဆိုင်ရာဥပဒေကို ဒုတိယအကြိမ် ပြင်ဆင်သည့် ဥပဒေ
ဧကဒသမ

၂၀၁၃ ခုနှစ်အတွင်းမှာ ပြည်ထောင်စုလွှတ်တော်က ဥပဒေ (၄၃) ခု ပြဋ္ဌာန်းနိုင်ခဲ့ပါတယ်။ ဒါကြောင့်မို့ ၂၀၁၄ ခုနှစ်မှာ ပြည်ထောင်စုလွှတ်တော်က ၂၀၁၃ ခုနှစ်ထက် ဥပဒေ (၁၄) ခု ပိုပြီးပြဋ္ဌာန်းနိုင်ခဲ့တာ တွေ့ရပါတယ်။ တိုးတက်မှုတစ်ခုအနေနဲ့ ကြိုဆိုရမှာပါ။