BLOGGER TEMPLATES AND TWITTER BACKGROUNDS

Friday, May 22, 2015

လူကြိုက်နည်းမည့် မှတ်ချက်များ (၃)

(7-Day daily နေ့စဉ်သတင်းစာ၊ မေလ ၂၂ ရက်၊ ၂၀၁၅)
http://7daydaily.com/story/37703




လူကြိုက်နည်းမည့် မှတ်ချက်များ (၃)

အောင်ဒင်

(၂/၁) မညီမမျှ ဒိုင်ယာလော့များ
 
လက်ရှိအခြေအနေမှာ မြန်မာအစိုးရခေါင်းဆောင်များ ကိုယ်တိုင်က "တွေ့ဆုံဆွေးနွေးအဖြေရှာရေး ယဉ်ကျေးမှုတစ်ရပ်" ကို အုတ်မြစ်ချနေပါတယ် ဆိုပြီး ပြည်တွင်းဒီမိုကရေစီအင်အားစုများနဲ့ တွေ့ဆုံဆွေးနွေးနေပါတယ်။ ဒါပေမည့် အဲဒီ ဒိုင်ယာလော့တွေက ဘက်နှစ်ဘက် တန်းတူညီမျှ ဆွေးနွေးကြတဲ့ ဒိုင်ယာလော့မဟုတ်ပါ။ အာဏာရပါတီကို ကိုယ်စားပြုတဲ့ ဘက်တစ်ဘက်က အခြားတစ်ဘက်မှ သင်းကွဲအုပ်စုများကို သီးခြားစီ ခွဲခြားတွေ့ဆုံတဲ့ ဒိုင်ယာလော့များ ဖြစ်ပါတယ်။

သမ္မတဦးသိန်းစိန်က ဒေါ်အောင်ဆန်းစုကြည်နဲ့ တွေ့ပါတယ်။ နိုင်ငံရေးပါတီများနဲ့ တွေ့ပါတယ်။ အရပ်ဘက်အဖွဲ့အစည်းများနဲ့ တွေ့ပါတယ်။ သတင်းမီဒီယာများနဲ့ တွေ့ပါတယ်။ တိုင်းရင်းသားဝန်ကြီးများနဲ့ တွေ့ပါတယ်။ စာပေ၊ ရုပ်ရှင်၊ ဂီတ၊ သဘင် အနုပညာရှင်များနဲ့ တွေ့ပါတယ်။ နိုင်ငံတဝှမ်း ခရီးလှည့်ပြီး ဒေသခံပြည်သူများနဲ့ တွေ့ပါတယ်။ ပြည်ထောင်စုဝန်ကြီးများကလည်း အလားတူ တွေ့ဆုံမှုတွေ လုပ်နေကြပါတယ်။ လွှတ်တော်ဥက္ကဋ္ဌကြီး နှစ်ယောက်ကလည်း နိုင်ငံတဝှမ်းက မဲဆန္ဒရှင်များနဲ့ တွေ့ပါတယ်။ အရပ်ဘက်အဖွဲ့အစည်းများနဲ့ တွေ့ပါတယ်။ သတင်းမီဒီယာများနဲ့ တွေ့ပါတယ်။ အလုပ်သမား၊ လယ်သမားများနဲ့တွေ့ပါတယ်။ တပ်မတော်ကာကွယ်ရေးဦးစီးချုပ်ကလည်း မြန်မာနိုင်ငံ သတင်းကောင်စီနဲ့ တွေ့ပါတယ်။ အခုနောက်ဆုံး သမ္မတ၊ တပ်ချုပ်၊ လွှတ်တော် ဥက္ကဋ္ဌ နှစ်ယောက်၊ ဒေါ်အောင်ဆန်းစုကြည်နဲ့ ဒေါက်တာအေးမောင်တို့ ပါဝင်တဲ့ ခြောက်ပွင့်ဆိုင် တွေ့ဆုံပွဲ ဧပြီလထဲမှာ ပထမအကြိမ် ပြီးဆုံးခဲ့ပြီး နောက်လည်း ဆက်လက်တွေ့ဆုံကြဦးမယ်လို့ ဆိုပါတယ်။

ကျန်ခဲ့တဲ့ အနှစ်နှစ်ဆယ်ကျော်မှာ ကျနော်တို့ တောင်းဆိုခဲ့ကြတာက သုံးပွင့်ဆိုင်ဒိုင်ယာလော့ပါ။ ဒါပေမည့် ဒီနေ့ ဘယ်သူကမှ သုံးပွင့်ဆိုင်ဒိုင်ယာလော့ကို မပြောတော့ပါ။ မြန်မာအစိုးရနဲ့ ပြည်တွင်းဒီမိုကရေစီအင်အားစုအကြား နှစ်ပွင့်ဆိုင်ဒိုင်ယာလော့တွေ ဖြစ်ပေါ်နေသလို မြန်မာအစိုးရနဲ့ တိုင်းရင်းသားလက်နက်ကိုင်အင်အားစုများအကြား နှစ်ပွင့်ဆိုင်ဒိုင်ယာလော့တွေ ဖြစ်ပေါ်နေပါတယ်။ သီးခြားစီပါ။

ကျနော်တို့ မျှော်လင့်ခဲ့တာက ဘက်နှစ်ဘက်အကြား တန်းတူညီမျှ ဒိုင်ယာလော့ပါ။ ကျနော်တို့ တွေ့နေရတာက ပြည်တွင်းဒီမိုကရေစီအင်အားစုကြီးက ဒေါ်အောင်ဆန်းစုကြည်၊ အမျိုးသားဒီမိုကရေစီအဖွဲ့ချုပ်၊ လွှတ်တော်တွင်းရောက် ပါတီများ၊ လွှတ်တော်ပြင်ပပါတီများ၊ လွှတ်တော်ပြင်ပ နိုင်ငံရေးအင်အားစုများ၊ တိုင်းရင်းသားအဖွဲ့အစည်းများ၊ အရပ်ဘက်အဖွဲ့အစည်းများ၊ သတင်းမီဒီယာများ၊ အလုပ်သမား သမဂ္ဂများ၊ လယ်သမားသမဂ္ဂများ၊ ကျောင်းသားသမဂ္ဂများ၊ လူ့အခွင့်အရေးရှေ့နေများ၊ နိုင်ငံရေးအကျဉ်းသားဟောင်းများ စသည်ဖြင့် အစိတ်စိတ်အမွှာမွှာပြိုကွဲသွားပြီး အုပ်စုတိုင်းက မြန်မာအစိုးရနဲ့ ဒိုင်ယာလော့ကို သီးခြားစီ ဆောင်ရွက်နေကြတာပါ။ ဝမ်းနည်းစရာကောင်းပါတယ်။ တစ်ချိန်တုံးက ဒီအင်အားစုများအားလုံးဟာ ရွေးကောက်ပွဲအနိုင်ရပါတီ အမျိုးသားဒီမိုကရေစီအဖွဲ့ချုပ်ရဲ့ ဦးဆောင်မှုကို ခံယူပြီး အမျိုးသားဒီမိုကရေစီအဖွဲ့ချုပ်နဲ့ အတူတူ နေပူပူ၊ မိုးရွာရွာ အတူတကွ ရပ်တည်ခဲ့ကြတာပါ။ ဒါပေမည့် အမျိုးသားဒီမိုကရေစီအဖွဲ့ချုပ် ကိုယ်တိုင်က ၁၉၉၀ ရွေးကောက်ပွဲရလာဒ်ကို စွန့်လွှတ်၊ ၂၀၀၈ ဖွဲ့စည်းပုံကို လက်ခံပြီး လွှတ်တော်ထဲ "၂၀၀၈ ဖွဲ့စည်းပုံအခြေခံဥပဒေကို ထိန်းသိမ်း၊ ကာကွယ်၊ စောင့်ရှောက်ပါ့မယ်" လို့ ကျမ်းသစ္စာကျိန်ဆိုပြီး ဝင်ရောက်သွားတဲ့ အချိန်ကစလို့ ပြည်တွင်းဒီမိုကရေစီအင်အားစုကြီးဟာ သီးခြားအုပ်စုအလိုက် ကျွမ်းကျင်ရာ၊ လှုပ်ရှားခွင့်ရရာ အခြေအနေများကို အခြေပြုပြီး ရပ်တည်မှုပုံသဏ္ဍန်အမျိုးမျိုး ကွဲပြားသွားခဲ့ပါတယ်။ အရင်ကလို အလံတစ်ခုတည်းရဲ့ အောက်မှာ အတူတကွ စုပေါင်းရပ်တည်ကြတာ မဟုတ်တော့ပါ။ သက်ဆိုင်ရာအုပ်စုအလိုက် အစိုးရနဲ့ သီးခြားစီ တွေ့ဆုံဆွေးနွေးခွင့် ရနေပေမည့် စုပေါင်းထားတဲ့ အင်အားစုကြီးတစ်ခုလိုတော့ တစ်ဘက်အုပ်စုကို ခိုင်ခိုင်မာမာ အရေးဆိုနိုင်မှာ၊ ရလာဒ်ထွက်အောင် တောင်းဆိုနိုင်မှာ မဟုတ်ပါ။

(၂/၂) တန်းတူညီမျှဒိုင်ယာလော့
 
ဒါကို သက်သေပြတာက အစိုးရနဲ့ တိုင်းရင်းသားလက်နက်ကိုင်အင်အားစုများရဲ့ ဒိုင်ယာလော့ပါ။ မြန်မာအစိုးရက တိုင်းရင်းသားလက်နက်ကိုင်အင်အားစုများကိုလည်း ပြည်တွင်းဒီမိုကရေစီအင်အားစုများကို ဆက်ဆံသလို တစ်ဖွဲ့ချင်းစီ သီးခြားဆွေးနွေးဖို့ ကမ်းလှမ်းခဲ့တာပါ။ ဒါပေမည့် တိုင်းရင်းသားလက်နက်ကိုင်အင်အားစုများက သီးခြားစီတွေ့ဆုံဆွေးနွေးရေးကို ငြင်းပယ်ပြီး တပ်ပေါင်းစုနဲ့ တွေ့ဆုံရေးမူအပေါ် အခိုင်အမာ ကိုင်စွဲထားပါတယ်။ အစိုးရတောင်းဆိုသလို ၂၀၀၈ ဖွဲ့စည်းပုံကို လက်ခံ၊ တပ်တွေဖျက်၊ ပါတီထောင်၊ ရွေးကောက်ပွဲက တဆင့် လွှတ်တော်တွင်းဝင်ရေးကို ငြင်းပယ်ပြီး အပစ်အခတ်ရပ်စဲရေးမှ တဆင့် နိုင်ငံရေးဆွေးနွေးပွဲများ ဆက်လက်ကျင်းပနိုင်ရေးမူကို အခိုင်အမာ ကိုင်စွဲပါတယ်။ နိုင်ငံရေးဆွေးနွေးပွဲတွေ အမှန်တကယ်ပြီးမြောက်အောင်မြင်မှပဲ သူတို့တွေ လွှတ်တော်ထဲ ဝင်ရောက်လာပါလိမ့်မယ်။ တိုင်းရင်းသားလက်နက်ကိုင်အင်အားစုများရဲ့ ညီညွတ်ခိုင်မာတဲ့ ရပ်တည်မှုကို အစိုးရက လိုက်လျောရပါတယ်။ အခုအချိန်မှာ အစိုးရနဲ့ တိုင်းရင်းသားလက်နက်ကိုင်အင်အားစုများရဲ့ ဆွေးနွေးပွဲတွေဟာ ဘက်နှစ်ဘက်၊ တန်းတူညီမျှဆွေးနွေးကြတဲ့ ဒိုင်ယာလော့တွေဖြစ်ပြီး ၂၀၀၈ ဖွဲ့စည်းပုံအခြေခံဥပဒေကို စစ်မှန်တဲ့ ပြည်ထောင်စုစနစ်ကို အခြေခံအောင်၊ တိုင်းရင်းသားအားလုံး တန်းတူညီမျှအခွင့်အရေးတွေရအောင်၊ ဒီမိုကရေစီစနစ်အမှန်တကယ် ခိုင်မာတည်တန့်အောင် ပြင်ဆင်ပြောင်းလဲနိုင်ဖို့ အကောင်းဆုံးအခွင့်အရေးဖြစ်ပါတယ်။ လွှတ်တော်တွင်း ဝင်ရောက်ပြီး ဖွဲ့စည်းပုံပြင်ဖို့ ကြိုးစားတာက သိပ်ပြီး အောင်မြင်လိမ့်မယ် မထင်ပါ။

ဒါဆို ပြည်တွင်းဒီမိုကရေစီအင်အားစုများက တိုင်းရင်းသားလက်နက်ကိုင်အင်အားစုများလို အစိုးရနဲ့ တစ်စုတစ်စည်းထဲ၊ တန်းတူညီမျှ ဘာကြောင့် မဆွေးနွေးနိုင်ကြတာလဲ။ ဒီမေးခွန်းရဲ့ အဖြေကို ပြည်တွင်းဒီမိုကရေစီအင်အားစုများ ကိုယ့်ဖာသာ ပြန်လည်သုံးသပ်ပြီး အဖြေရှာဖို့ လိုအပ်ပါတယ်။ သေချာတာကတော့ အမေရိကန်ပြည်ထောင်စုရဲ့ မြန်မာအစိုးရနဲ့ တိုက်ရိုက်ဆက်ဆံရေး မူဝါဒကြောင့်တော့ မဟုတ်ပါ။ 

(၂/၃) ဒိုင်ယာလော့နှင့် ရလာဒ်
 
ဒိုင်ယာလော့ဆိုတာ ဖြစ်ဖို့ ခက်ခဲသလို ဖြစ်ပြန်တော့လည်း အောင်မြင်မှု (သို့မဟုတ်) အများလက်ခံနိုင်တဲ့ ရလာဒ်ထွက်ဖို့ဆိုတာ မလွယ်ကူလှပါ။ နှစ်ဘက်စလုံးမှာ ဘယ်လိုအချက်ကိုမှ အလျှော့မပေးတမ်း တင်းခံထားမည့် မူဝါဒတွေ ကိုင်ဆွဲထားရင်၊ မဖြစ်နိုင်တဲ့ တောင်းဆိုချက်တွေကို ဆုတ်ကိုင်ထားရင် ဘယ်လောက်ပဲ ဆွေးနွေးဆွေးနွေး အဖြေမထွက်နိုင်ပါ။ ဒိုင်ယာလော့ဆိုတာ တစ်ကြိမ်တည်းနဲ့ အပြီးသတ်ရမည့် အဖြစ်အပျက် (Event) တစ်ခုမဟုတ်ပါ။ အကြိမ်များစွာ တတ်နိုင်သလောက် စိတ်ရှည်လက်ရှည်ညှိနှိုင်းဆွေးနွေးပြီး အပြန်အလှန်အပေးအယူ၊ အလျှော့အတင်းလုပ်ရတဲ့ လုပ်ငန်းစဉ် (Process) ဖြစ်ပါတယ်။

ဥပမာအနေနဲ့ အစိုးရနဲ့ တိုင်းရင်းသား လက်နက်ကိုင်အင်အားစုများရဲ့ နိုင်ငံလုံးဆိုင်ရာအပစ်အခတ်ရပ်စဲရေးစာချုပ် ချုပ်ဆိုနိုင်ရေး ဆွေးနွေးပွဲများကို ကြည့်ပါ။ ၂၀၁၂ ခုနှစ်ကစလို့ ဆွေးနွေးခဲ့ကြတာ သုံးနှစ်ကျော်ကြာပြီး ၂၀၁၅ ခုနှစ်၊ မတ်လ (၃၁) ရက်နေ့ကြမှပဲ စာချုပ်မူကြမ်းကို နှစ်ဘက် လုပ်ငန်းအဖွဲ့များ သဘောတူနိုင်တဲ့ အဆင့်ကို ရောက်ပါတယ်။ နှစ်ဘက်ထိပ်သီးခေါင်းဆောင်များ တရားဝင် လက်မှတ်ရေးထိုးတဲ့ အဆင့် ကျန်ပါသေးတယ်။ အဲဒီလို သုံးနှစ်ကျော်၊ အကြိမ်များစွာ ဆွေးနွေးခဲ့ရာမှာ အစိုးရဘက်ကရော၊ တိုင်းရင်းသား လက်နက်ကိုင်အင်အားစုများဘက်ကပါ တင်းမာတဲ့ တောင်းဆိုချက်တွေ ကိုင်ဆွဲခဲ့ကြပါတယ်။

အစိုးရဘက်ကဆိုရင် တပ်မတော်ရဲ့ မူဝါဒဆိုပြီး တိုင်းရင်းသားလက်နက်ကိုင်အဖွဲ့များကို ၂၀၀၈ ဖွဲ့စည်းပုံကို လက်ခံရမယ်။ တည်ဆဲဥပဒေများကို လိုက်နာရမယ်။ တပ်တွေဖျက်၊ လက်နက်စွန့်ပြီး တရားဝင်ရပ်တည်ရမယ်လို့ တောင်းဆိုခဲ့ပါတယ်။ တိုင်းရင်းသားလက်နက်ကိုင် အင်အားစုများကလည်း အစိုးရအနေနဲ့ စစ်မှန်တဲ့ ဖက်ဒရယ်ပြည်ထောင်စုစနစ်ကို တည်ဆောက်ဖို့ သဘောတူရမယ်။ လက်ရှိတပ်မတော်ကို ဖျက်သိမ်းပြီး တိုင်းရင်းသားလက်နက်ကိုင်တပ်ဖွဲ့များ အညီအမျှပါဝင်တဲ့ ပြည်ထောင်စုတပ်မတော်အဖြစ် ပြန်လည်ဖွဲ့စည်းရမယ်ဆိုပြီး တောင်းဆိုခဲ့ပါတယ်။ အဲဒီ တောင်းဆိုချက်တွေကို နှစ်ဘက်စလုံးက အပြန်အလှန်လက်မခံနိုင်ကြတာမို့ စာချုပ်မူကြမ်းကို သဘောမတူနိုင်ကြတာပါ။ အခုတော့ အထက်ပါတောင်းဆိုချက်တွေကို နှစ်ဘက်စလုံးက "အပစ်အခတ်ရပ်စဲရေးစာချုပ်" မှာ ထည့်သွင်းခြင်းမပြုပဲ နောင်မှာ ဆက်လက်ပြုလုပ်မည့် နိုင်ငံလုံးဆိုင်ရာ နိုင်ငံရေးဆွေးနွေးပွဲများကျမှသာ ထည့်သွင်းဆွေးနွေးဖို့ သဘောတူလိုက်ကြလို့ "စာချုပ်မူကြမ်း" ကို နှစ်ဘက် သဘောတူညီနိုင်ကြတာပါ။

(၃) ခြောက်ပွင့်ဆိုင်ထိပ်သီးဆွေးနွေးပွဲနှင့် ပါတ်သက်၍…။
 
လက်ရှိအခြေအနေမှာ မြန်မာပြည်သူများက ခြောက်ပွင့်ဆိုင် ထိပ်သီးဆွေးနွေးပွဲအပေါ် မျှော်လင့်ချက်ကြီးစွာနဲ့ စောင့်ကြည့်နေကြပါတယ်။ ကျနော့်အမြင်မှာတော့ ခြောက်ပွင့်ဆိုင်ဆိုပေမည့် ဖွဲ့စည်းပုံအခြေခံဥပဒေကို ပြင်ချင်တဲ့ လွှတ်တော် (ဦးရွှေမန်း၊ ဦးခင်အောင်မြင့်၊ ဒေါ်အောင်ဆန်းစုကြည်၊ ဒေါက်တာအေးမောင်) ဘက်နဲ့ ဖွဲ့စည်းပုံပြင်ရေးမှာ အရေးကြီးတဲ့ အဆုံးအဖြတ်ကို ပေးနိုင်တဲ့ အစိုးရ (ဦးသိန်းစိန်၊ ဗိုလ်ချုပ်မှူးကြီး မင်းအောင်လှိုင်) ဘက်၊ စတဲ့ ဘက်နှစ်ဘက်ရဲ့ တွေ့ဆုံဆွေးနွေးပွဲဖြစ်ပါတယ်။ တကယ်လို့များ ဖွဲ့စည်းပုံကို လွှတ်တော်လုပ်ပိုင်ခွင့်နဲ့ ပြင်ဆင်နိုင်မယ်ဆိုရင် ဒီလိုဆွေးနွေးပွဲမျိုး ဖြစ်ပေါ်လာနိုင်စရာ အကြောင်းမရှိပါ။ 

ဒါကို နှစ်ဘက်စလုံးက သဘောပေါက်ပြီးသားပါ။ တနည်းအားဖြင့် ပြောမယ်ဆိုရင် ဘက်နှစ်ဘက်မှာ အစိုးရဘက်က အခွင့်အရေးအရ အသာစီးရပြီးသား ဖြစ်ပါတယ်။ နောက်တစ်ခု အစိုးရဘက်က အသာစီးရနေတာက အချိန်ကာလပါ။ ဖွဲ့စည်းပုံအခြေခံဥပဒေပြင်ဆင်ရေးကို လွှတ်တော်ဘက်က အမြန်ဆုံးဆောင်ရွက်ချင်နေတာပါ။ ပြည်ထောင်စုလွှတ်တော်မှာ "ဖွဲ့စည်းပုံအခြေခံဥပဒေပြင်ဆင်ရေးဆိုင်ရာ ဥပဒေမူကြမ်း" က အဆင်သင့်ရှိနေပါပြီ။ သမ္မတနဲ့ တပ်ချုပ်ရဲ့ သဘောထားကို မသိရသေးလို့ ဥပဒေကြမ်းမတင်နိုင်သေးတာပါ။ လွှတ်တော်ကို ကိုယ်စားပြုသူ (၄) ဦးစလုံးက ဖွဲ့စည်းပုံအခြေခံဥပဒေကို ၂၀၁၅ ရွေးကောက်ပွဲမတိုင်ခင် ပြင်ဆင်နိုင်ဖို့ မျှော်လင့်နေကြပါတယ်။ ဒေါ်အောင်ဆန်းစုကြည်အတွက်ကတော့ ပုဒ်မ (၄၃၆) ကို ပြင်ဆင်နိုင်မှ တပ်ကို နိုင်ငံရေးဦးဆောင်မှုအခန်းကဏ္ဍက ဖယ်ရှားနိုင်မှာပါ။ ပုဒ်မ (၅၉/စ) ကို ပြင်နိုင်မှ သမ္မတအဖြစ် အရွေးချယ်ခံခွင့်ရှိမှာပါ။ နောက် အစိုးရရဲ့ တတိယအားသာချက်ကတော့ လွှတ်တော်ကို ကိုယ်စားပြုသူ (၄) ဦးရဲ့ ဖွဲ့စည်းပုံအခြေခံပြင်ဆင်လိုတဲ့ ရည်မှန်းချက်တွေတောင် အားလုံး ထပ်တူညီမျှမဖြစ်နိုင်တာပါ။ ဒေါက်တာအေးမောင်ရဲ့ တိုင်းရင်းသားများကိုယ်စားပြုမှုမှာတောင် မကျေနပ်သံတွေ ကြားနေရပါတယ်။

နောက်ထပ်အားသာချက်ကတော့ အစိုးရအနေနဲ့ ခြောက်ပွင့်ဆိုင်ဆွေးနွေးပွဲကို လိုအပ်သလို အချိန်ဆွဲနိုင်ခြင်းဖြစ်ပါတယ်။ ခြောက်ပွင့်ဆိုင်ဆွေးနွေးပွဲကျင်းပဖို့ အရေးကြီးအဆိုကို ပြည်ထောင်စုလွှတ်တော်က တခဲနက်ဆုံးဖြတ်ပြီးတဲ့အချိန်ကနေ လေးလလောက်ကြာပြီးမှ ပထမအကြိမ် အစည်းအဝေးကျင်းပတာဖြစ်ပြီး ပထမအကြိမ်အစည်းအဝေးနဲ့ နောက်ကျင်းပဖို့ သဘောတူတဲ့ ဒုတိယအကြိမ်အစည်းအဝေးအကြား အချိန်တစ်လလောက်ကွာခြားပါတယ်။ လွှတ်တော်က အမြန်လိုသလောက် အစိုးရဘက်က အမြန်မလိုတာ အထင်အရှားပါ။
ဒီလို အခြေအနေ လေးမျိုးအသာစီးရနေတဲ့ အစိုးရဘက်က ခြောက်ပွင့်ဆိုင်ဆွေးနွေးပွဲကျင်းပဖို့ လက်ခံပေမည့် လွှတ်တော်ဘက်က တောင်းဆိုချက်တွေကို အစည်းအဝေး တစ်ကြိမ်တည်း၊ ဒါမှမဟုတ် အကြိမ်အနည်းငယ်မျှနဲ့ အလွယ်တကူ သဘောတူလက်ခံလိမ့်မယ် မထင်ပါ။ ပြတ်ပြတ်သားသား ငြင်းပယ်မှာလည်း မဟုတ်ပါ။ 

ဒီလိုနဲ့ ခြောက်ပွင့်ဆိုင်ဆွေးနွေးပွဲတွေဟာ နောက်တစ်ကြိမ်ထပ်မံတွေ့ဆုံဖို့ကိုသာ သဘောတူညီမှုရပြီး ၂၀၁၅ ရွေးကောက်ပွဲကို ကျော်လွန်ပြီးတဲ့နောက်မှာတောင် (ပါဝင်သူအချို့ အပြောင်းအလဲဖြစ်ပြီး) နောက်ထပ်အကြိမ်များစွာ ဆက်လက်ဖြစ်ပေါ်နေနိုင်ပါတယ်။ အစိုးရဘက်က လွှတ်တော်ရဲ့ တောင်းဆိုချက်တွေကို လက်ခံလာအောင် လွှတ်တော်ဘက်က အစိုးရကို ဖိအားပေးနိုင်တဲ့ အားသာချက်လည်း မရှိပါ။ ဒေါ်အောင်ဆန်းစုကြည်ရဲ့ "ရွေးကောက်ပွဲကို သပိတ်မှောက်နိုင်တယ်" ဆိုတဲ့ ခြိမ်းခြောက်မှုကိုလည်း အစိုးရဘက်က အလေးအနက်ထားပုံမရပါ။

ဒီခြောက်ပွင့်ဆိုင်ဆွေးနွေးပွဲ အောင်မြင်ပြီး ၂၀၀၈ ဖွဲ့စည်းပုံကို ၂၀၁၅ ရွေးကောက်ပွဲမတိုင်ခင် ပြင်ဆင်နိုင်ဖို့က လွှတ်တော်ဘက်က ပုဒ်မ (၄၃၆) ကို မထိပဲ တပ်မတော်ကိုယ်စားလှယ်များ လက်ခံနိုင်လောက်တဲ့ ပုဒ်မများကိုသာ ပြင်ဆင်ရေး ဦးစားပေးဆွေးနွေးမှသာ ဖြစ်နိုင်ပါလိမ့်မယ်။

Thursday, May 21, 2015

မညီမမျှ…မိုး



မညီမမျှ…မိုး
အောင်ဒင်

ဟိုး ကောင်းကင်ထက်က
တိမ်တိုက် မဲမဲကြီးတွေဟာ
မိုးပျံပင်လယ်ကြီးတွေကို
မနိုင်မနင်း ထမ်းရွက်ထားကြ…။

ရုတ်တရက်
လျှပ်စီးလက်၊ မိုးတွေခြိမ်း
ကောင်းကင်ကို အမှောင်ထုကသိမ်းဝှက်
တိမ်တွေ တစ်စစီ အက်ကွဲပြီး
ပင်လယ်ကြီး မြေထဲခုန်ချ
တစ်မြို့လုံးလည်း သိမ့်သိမ့်တုန်ရ
တစ်ကိုယ်လုံးလည်း ရွှဲရွှဲစိုရ…။

ဘယ်သူက ဖန်တီးလိုက်သလဲ
မြေကြီးနဲ့ ကောင်းကင်ကို
အဖြူရောင်မိုးစက်များဖြင့် ချိတ်ဆက်
အေးစက်စက် လေ ဖြန်းအပက်မှာ
ပန်းတွေလည်း အဆုတ်လိုက်၊ အပွင့်လိုက်ကြွေကျ
သစ်ပင်တွေလည်း ယိမ်းထိုးလှုပ်ခါ အိနြေ္ဒမရ
အိမ်ခေါင်မိုးတွေလည်း မလုံခြုံကြ
ကမ္ဘာတစ်ခြမ်းက ဘဝတွေ ဗျာများနေရပုံများ…။

ကမ္ဘာရဲ့ အခြားတစ်ဘက်မှာတော့
တိမ်တစ်မျှင်တစ်စ လုံးဝမရှိ
ရက်စက်စွာဝင်းပနေတဲ့ ကောင်းကင်ကြီးအောက်မှာ
ရပ်တည်ရာ မြေကြီးနဲ့အပြိုင် ခြောက်သွေ့အက်ကွဲနေတဲ့ လူတွေ
ကန်တော့ပွဲပြင်လို့ နတ်ကိုပသ
နှစ်ဖွဲ့ခွဲလို့ ကြိုးလွန်ဆွဲကြ
မရွာနိုင်တဲ့ မိုးကို တမ်းတနေရပုံများ…။ ။ ။

(မေလ ၂၁၊ ၂၀၁၅)

လူကြိုက်နည်းမည့် မှတ်ချက်များ (၂)

(7-Day daily နေ့စဉ်သတင်းစာ၊ မေလ ၂၀ ရက်၊ ၂၀၁၅)
http://7daydaily.com/story/37621

လူကြိုက်နည်းမည့် မှတ်ချက်များ (၂)

အောင်ဒင်

(၁/၃) ဖိအားပေးမှုနှင့် အပြုသဘောဆက်ဆံအားပေးမှု မူဝါဒ

ပထမပိုင်းမှာ အမေရိကန်ပြည်ထောင်စုရဲ့ မူဝါဒအပြောင်းအလဲက ဖိအားပေးမှုနဲ့ အပြုသဘောဆက်ဆံအားပေးမှု (Combination of Pressure and Engagement) ကို ပူးတွဲကျင့်သုံးတာပါ။ နိုင်ငံခြားရေးဝန်ကြီး ဟီလာရီကလင်တန်က အဲဒီမူဝါဒအသစ်ကို “လက်တွေ့ကျသော တိုက်ရိုက်ဆက်ဆံရေးမူဝါဒ” (Pragmatic Engagement) လို့ အမည်ပေးခဲ့ပါတယ်။ ဒီမူဝါဒအရ အမေရိကန်ပြည်ထောင်စုက ချမှတ်ထားတဲ့ စီးပွါးရေးပိတ်ဆို့အရေးယူမှုကို ဆက်လက်ဆုတ်ကိုင်ထားပြီး မြန်မာအစိုးရကို အပြုသဘောပြောင်းလဲဖို့ တိုက်ရိုက်ဆက်ဆံဖိအားပေးမယ်။ မြန်မာအစိုးရက ကောင်းမွန်တဲ့ လုပ်ရပ်တစ်ခုလုပ်တိုင်း ဖိအားပေးမှုတွေကို အတိုင်းအတာတစ်ခုအထိ လျှော့ချပေးမယ်။ ကောင်းတာလုပ်ရင် ကောင်းတာနဲ့ တုန့်ပြန်ပြီး မကောင်းတာလုပ်ရင် ပိုပြီးဖိအားပေးမယ် (Action by Action) လို့ အဓိပ္ပာယ်ရပါတယ်။ ဒါကြောင့် သမ္မတအိုဘားမားက ကွန်ဂရက်လွှတ်တော်ကို တစ်နှစ်တစ်ကြိမ်၊ ဇူလိုင်လတိုင်းမှာ သက်တမ်းကုန်ဆုံးမည့် မြန်မာနိုင်ငံအပေါ် စီးပွါးရေးပိတ်ဆို့မှုဥပဒေကို သက်တမ်းတိုးဖို့ ထောက်ခံပါတယ်။ ကွန်ဂရက်လွှတ်တော်က ဥပဒေကို သက်တမ်းတိုးဖို့ မဲခွဲဆုံးဖြတ်ပြီးတဲ့နောက် သမ္မတအိုဘားမားက လွှတ်တော်ရဲ့ ဆုံးဖြတ်ချက်အတိုင်း မြန်မာနိုင်ငံအပေါ် စီးပွါးရေးပိတ်ဆို့မှုများကို တစ်နှစ်သက်တမ်းတိုးကြောင်း အမိန့်ကြေညာချက်ထုတ်ပြန်ပါတယ်။ ဆက်တိုက်ဆိုသလိုပဲ နောက်ထပ် အမိန့်ကြေညာချက်တစ်ခုကို ထပ်မံ ထုတ်ပြန်ပါတယ်။ 

ဒုတိယအမိန့်မှာတော့ မြန်မာနိုင်ငံမှာ ဖြစ်ပေါ်နေတဲ့ အပြောင်းအလဲများကို အားပေးတဲ့အနေနဲ့ မြန်မာနိုင်ငံအပေါ် စီးပွါးရေးပိတ်ဆို့မှုအရေးယူများကို တစ်နှစ်ဆိုင်းငံ့ကြောင်း ပါဝင်ပါတယ်။ အဓိပ္ပာယ်က ကွန်ဂရက်လွှတ်တော်က မြန်မာနိုင်ငံကို စီးပွါးရေးပိတ်ဆို့အရေးယူခြင်းကို သက်တမ်းတစ်နှစ်တိုးဖို့ ဥပဒေပြဋ္ဌာန်းထားတယ်။ သမ္မတက သူ့ရဲ့လုပ်ပိုင်ခွင့်များကို သုံးပြီး အဲဒီအရေးယူမှုတွေကို တစ်နှစ်တာ ဆိုင်းငံ့ထားဖို့ ဆုံးဖြတ်တယ်။ ဒါပေမည့် ဥပဒေက တရားဝင်တည်ရှိနေဆဲမို့ မြန်မာအစိုးရက မကောင်းတာတွေလုပ်ရင် သမ္မတက သူ့ရဲ့ ဆိုင်းငံ့ချက်ကို ချက်ချင်းရုပ်သိမ်းပြီး ဥပဒေအတိုင်း စီးပွါးရေးပိတ်ဆို့မှုကို ဆက်လက်အကောင်အထည်ဖော်ရမှာပါ။   
ဒါပေမည့် ၂၀၁၃ ခုနှစ်မှာ အခြေအနေတစ်မျိုး ပြောင်းလဲခဲ့ပါတယ်။ မြန်မာနိုင်ငံဆိုင်ရာ စီးပွါးရေးပိတ်ဆို့မှုတွေကို နောက်တစ်နှစ်သက်တမ်းတိုးဖို့အတွက် ဥပဒေကြမ်းတစ်ရပ်ကို ၂၀၁၃ ခုနှစ်၊ ဇူလိုင်လအတွင်း အထက်လွှတ်တော်နဲ့ အောက်လွှတ်တော်နှစ်ခုစလုံးမှာ ဆွေးနွေးနေကြချိန်မှာ ဒေါ်အောင်ဆန်းစုကြည်က အထက်လွှတ်တော်နဲ့ အောက်လွှတ်တော်ခေါင်းဆောင်များကို တိုက်ရိုက်ဆက်သွယ်ပြီး ဥပဒေကြမ်းကို အတည်မပြုဖို့၊ စီးပွါးရေးပိတ်ဆို့မှုတွေကို သက်တမ်းမတိုးဖို့ တောင်းဆိုလိုက်ပါတယ်။ သူမအပေါ် လေးစားမှုအပြည့်အဝရှိတဲ့ ကွန်ဂရက်လွှတ်တော်အမတ်များကလည်း သူမရဲ့ ဆန္ဒအတိုင်း မြန်မာနိုင်ငံအပေါ် စီးပွါးရေးပိတ်ဆို့အရေးယူမှုဆိုင်ရာ ဥပဒေကို သက်တမ်းမတိုးတော့ဖို့ ဆုံးဖြတ်လိုက်ကြပါတယ်။ ဒီလိုနဲ့ ၂၀၁၃ ခုနှစ်၊ ဇူလိုင်လ ၂၈ ရက်မှာ အမေရိကန်ပြည်ထောင်စုက မြန်မာနိုင်ငံအပေါ်ချမှတ်ထားတဲ့ စီးပွါးရေးပိတ်ဆို့အရေးယူမှုဥပဒေ သက်တမ်းကုန်ခဲ့ရပါတယ်။

ဆုတ်ကိုင်ထားစရာ ဥပဒေမရှိတော့တာမို့ သမ္မတအိုဘားမားက သူကိုယ်တိုင်နဲ့ သမ္မတ ဘွတ်ရှ် တို့ ထုတ်ပြန်ထားတဲ့ မြန်မာနိုင်ငံအပေါ် စီးပွါးရေးပိတ်ဆို့အရေးယူမှုဆိုင်ရာ အမိန့်တွေ (Executive Orders) ကို ပြန်လည်ရုပ်သိမ်းရပါတယ်။ ၂၀၁၃ ခုနှစ်၊ ဩဂုတ်လ ၁၆ ရက်နေ့စွဲနဲ့ ထုတ်ပြန်တဲ့ သမ္မတရဲ့ အမိန့်အမှတ် ၁၃၆၅၁ မှာ "မြန်မာနိုင်ငံ လွတ်လပ်ရေးနဲ့ ဒီမိုကရေစီဥပဒေ" နဲ့ "မြန်မာနိုင်ငံမှ ကျောက်စိမ်း၊ ကျောက်မျက်ရတနာများကို ပိတ်ဆို့ခြင်းဥပဒေ" များတွင်ပါဝင်သည့် "မြန်မာနိုင်ငံမှ ကုန်ပစ္စည်းများ အမေရိကန်ပြည်ထောင်စုသို့ တင်သွင်းခြင်းကို ပိတ်ပင်တားဆီးမှု" နဲ့ အခြားအရေးယူမှုများကို ရုပ်သိမ်းကြောင်း ကြေညာပါတယ်။ ဒါပေမည့် မြန်မာ့အရေးလှုပ်ရှားသူများရဲ့ အကြံပြုချက်အရ သမ္မတက သူ့ရဲ့ လုပ်ပိုင်ခွင့်အာဏာကို အသုံးချပြီး မြန်မာနိုင်ငံက ကျောက်စိမ်း၊ ပတ္တမြားနဲ့ ကျောက်မျက်ရတနာတွေကို အမေရိကန်ပြည်ထောင်စုကို တင်သွင်းခွင့်မပြုပဲ ဆက်လက်ပိတ်ဆို့ထားပါတယ်။

(၁/၄) လျော့နည်းသွားတဲ့ ဖိအား၊ ပြန်မရနိုင်တော့တဲ့ ဖိအား

မြန်မာနိုင်ငံတွင်းမှာ ၁၉၉၀ ခုနှစ်၊ ရွေးကောက်ပွဲအနိုင်ရပါတီကို အာဏာမလွှဲတာအပါအဝင် လူ့အခွင့်အရေးချိုးဖောက်မှုများအတွက် ပြီးခဲ့တဲ့ နှစ်များအတွင်းက အမေရိကန်၊ ဥရောပသမဂ္ဂ၊ ကနေဒါ၊ ဩစတြေးလျ၊ ဆွစ်ဇာလန် စတဲ့ ကမ္ဘာ့ဒီမိုကရေစီနိုင်ငံများက မြန်မာစစ်အစိုးရအပေါ် စီးပွါးရေး၊ နိုင်ငံရေး၊ သံတမန်ရေး ပိတ်ဆို့မှုတွေနဲ့ အရေးယူခဲ့ပါတယ်။ အဲဒီ နိုင်ငံတကာအရေးယူမှုတွေထဲမှာ အမေရိကန်ပြည်ထောင်စုရဲ့ အရေးယူမှုများက အပြင်းထန်ဆုံး၊ အကျယ်ပြန့်ဆုံးနဲ့ အထိရောက်ဆုံးဖြစ်ခဲ့ပါတယ်။ အခုအချိန်မှာလည်း အခြားနိုင်ငံများက အရေးယူမှုများအားလုံးကို ရုပ်သိမ်းပြီးဖြစ်ပေမည့် အမေရိကန်အစိုးရကတော့ မြန်မာအစိုးရအပေါ် အရေးယူမှုအနည်းငယ် ကျန်ရှိနေဆဲပါ။ ဒါပေမည့် ကျန်နေသေးတဲ့ အရေးယူမှုအနည်းငယ်ဟာ မြန်မာအစိုးရကို ဖိအားပေးအကြပ်ကိုင်ဖို့ လုံလောက်တဲ့ အတိုင်းအတာမရှိပါ။ အရင်ကဆို  မြန်မာအစိုးရရဲ့ ကောင်းမွန်သောဆောင်ရွက်မှုများရှိတိုင်း ဖိအားပေးမှုတွေကို အဆင့်လိုက်ရုပ်သိမ်းပေးလို့ မြန်မာအစိုးရက အပြောင်းအလဲများကို နှေးကွေးမယ်၊ နောက်ကြောင်းပြန်လှည့်မယ်ဆိုရင် ခြိမ်းခြောက်တဲ့အနေနဲ့ ဖိအားပေးမှုတွေကို ပြန်လည်တင်းကြပ်နိုင်တဲ့ အခြေအနေရှိခဲ့ပါတယ်။ အခု ဥပဒေပါ မရှိတော့ပါ။ မြန်မာပြည်တွင်းက အပြောင်းအလဲတွေဟာ မျှော်လင့်သလို ဖြစ်မလာလို့ အမေရိကန်အစိုးရက လက်ရှိ ထိတွေ့ဆက်ဆံမှုတွေကို ရပ်တန့်ပြီး ဖိအားပေးမှုတွေနဲ့ ပြန်လည်အရေးယူဖို့ဆိုတာလည်း လက်တွေ့မှာ မဖြစ်နိုင်ပါ။

ဒီနေရာမှာ မြန်မာစစ်အစိုးရအပေါ် စီးပွါးရေးပိတ်ဆို့မှုတွေနဲ့ အရေးယူနိုင်အောင် အမေရိကန်ပြည်ထောင်စုမှာ ကြိုးပမ်းခဲ့ကြရပုံတွေကို ရှင်းပြချင်ပါတယ်။ မြန်မာနိုင်ငံအပေါ် အမေရိကန်ပြည်ထောင်စုက စီးပွါးရေးပိတ်ဆို့မှုနဲ့ ပထမဆုံး အရေးယူတာက ၁၉၉၇ ခုနှစ်မှာ သမ္မတကလင်တန် ထုတ်ပြန်ခဲ့တဲ့ "မြန်မာနိုင်ငံတွင် အမေရိကန်ရင်းနှီးမြှုပ်နှံမှုအသစ်များကို တားမြစ်ခြင်း" (Investment Ban) ဖြစ်ပါတယ်။ ဒီလို အရေးယူနိုင်ဖို့ ကွန်ဂရက်လွှတ်တော်က "မြန်မာနိုင်ငံစစ်အစိုးရကို စီးပွါးရေးပိတ်ဆို့အရေးယူရေး" ပြဋ္ဌာန်းချက်တစ်ခုကို ဘတ်ဂျက်ဥပဒေထဲမှာ ထည့်သွင်းပြဋ္ဌာန်းပြီး သမ္မတကို ညွှန်ကြားခဲ့ရတာပါ။ ကွန်ဂရက်လွှတ်တော်က ဥပဒေပြဋ္ဌာန်းလို့ သမ္မတက အရေးယူမှုကို အကောင်အထည်ဖော်တာ ဖြစ်ပါတယ်။ အမိန့်ထုတ်ပြန်ချိန် ၁၉၉၇ ခုနှစ်က စလို့ နောက်ထပ်ရင်းနှီးမြှုပ်နှံမှုများကိုသာ တားမြစ်တာဖြစ်လို့ အဲဒီအမိန့်မတိုင်ခင်ကတည်းက မြန်မာနိုင်ငံမှာ ဝင်ရောက်ရင်းနှီးမြှုပ်နှံနေပြီးဖြစ်တဲ့ ယူနိုကယ် (UNOCAL) ၊ ရှယ်ဗရွန် (CHEVRON) စတဲ့ ရေနံကုမ္ပဏီကြီးများကိုတော့ မပိတ်ပင်နိုင်ခဲ့ပါ။

သမ္မတကလင်တန်ရဲ့ အရေးယူမှုဟာ မြန်မာစစ်အစိုးရအပေါ် ထိထိရောက်ရောက် ဖိအားပေးနိုင်ခြင်းမရှိဘူးလို့ မြန်မာ့အရေးလှုပ်ရှားသူများက ယူဆပြီး ဒီထက်ပြင်းထန်တဲ့ စီးပွါးရေးပိတ်ဆို့မှုတွေနဲ့ အရေးယူဖို့ ကွန်ဂရက်လွှတ်တော်ကို ချဉ်းကပ်စည်းရုံးခဲ့ကြပါတယ်။ ကျနော် လည်း အမေရိကန်ပြည်ထောင်စုကို ၂၀၀၁ ခုနှစ်မှာ ရောက်ရှိပြီး မြန်မာ့အရေးလှုပ်ရှားသူများနဲ့ လက်တွဲလို့ ကွန်ဂရက်လွှတ်တော်ကို ချဉ်းကပ်စည်းရုံးခဲ့ပါတယ်။ အကြိမ်ကြိမ်ကြိုးစားကြပေမည့် မအောင်မြင်ခဲ့ပဲ ၂၀၀၃ ခုနှစ်၊ မေလ ၃၀ ရက်နေ့၊ ဒီပဲယင်းအကြမ်းဖက်မှုကြီး ပေါ်ပေါက်ပြီးတဲ့နောက် ဇူလိုင်လကျမှပဲ မြန်မာနိုင်ငံက ကုန်ပစ္စည်းများကို အမေရိကန်သို့ တင်သွင်းခွင့်မရှိအောင် ကန့်သတ်ပိတ်ပင်ချက် (Import Restriction ) နဲ့ အခြား ပြင်းထန်သောအရေးယူမှုများပါဝင်တဲ့ "မြန်မာနိုင်ငံ လွတ်လပ်ရေးနှင့် ဒီမိုကရေစီဥပဒေ" (The Burmese freedom and Democracy Act 2003) ကို ကွန်ဂရက်လွှတ်တော်က အတည်ပြုပြဋ္ဌာန်းနိုင်ခဲ့ပါတယ်။ အဲဒီနောက် ၂၀၀၇ ခုနှစ်၊ စက်တင်ဘာလ ရွှေဝါရောင်တော်လှန်ရေးအပြီး ၂၀၀၈ခုနှစ်၊ ဇူလိုင်လမှာ မြန်မာနိုင်ငံနဲ့ ငွေကြေးဆက်ဆံမှုကို တားမြစ်တဲ့ အရေးယူမှု (Ban on Financial Transaction) အပြင် အခြားပြင်းထန်သော အရေးယူမှုတွေ ပါဝင်တဲ့ "မြန်မာနိုင်ငံမှ ကျောက်စိမ်းနှင့် ကျောက်မျက်ရတနာများကို အမေရိကန်ပြည်ထောင်စုသို့ တင်သွင်းခွင့်ပိတ်ပင်သည့် ဥပဒေ" (The Block Burmese Jade Act 2008) ကို အတည်ပြု ပြဋ္ဌာန်းနိုင်ခဲ့ပါတယ်။ အထက်ဖော်ပြခဲ့တဲ့ ၂၀၀၃ နဲ့ ၂၀၀၈ ခုနှစ်များမှာ ချမှတ်နိုင်တဲ့ အရေးယူမှုများအတွက် အနည်းဆုံး အချိန် ၅ နှစ်နဲ့ ဒီပဲယင်းလုပ်ကြံမှုလို၊ ရွှေဝါရောင်တော်လှန်ရေးလို သွေးချောင်းစီးမှုကြီးတွေ လိုအပ်ခဲ့ရပါတယ်။
အခုအချိန်မှာ အမေရိကန်ပြည်ထောင်စုက မြန်မာအစိုးရရဲ့ အပြောင်းအလဲများ နှေးကွေးတယ်၊ နောက်ကြောင်းပြန်လှည့်နေတယ်လို့ သံသယရှိပြီး ဖိအားပေးအရေးယူမှုတွေ ပြန်လုပ်ချင်ရင်တောင်မှ ကွန်ဂရက်လွှတ်တော်ကနေ စီးပွါးရေးပိတ်ဆို့မှုဥပဒေပြဋ္ဌာန်းပေးဖို့ဆိုတာ အလွယ်တကူမဖြစ်နိုင်ပါ။ ငွေစက္ကူများ တရားမဝင်ဖျက်သိမ်းတာလို၊ စစ်တပ်က အာဏာသိမ်းတာလို၊ ဒီပဲယင်း အကြမ်းဖက်မှုနဲ့ ရွှေဝါရောင်တော်လှန်ရေးလို သွေးချောင်းစီး လူသတ်မှုကြီးတွေကို မြန်မာအစိုးရက ထပ်မံကျူးလွန်ခြင်းမရှိသ၍ ပြင်းထန်တဲ့နိုင်ငံတကာ ဖိအားပေးမှုကြီးများ ပြန်ဖြစ်လာမှာ မဟုတ်ပါ။ ရိုဟင်ဂျာပြဿနာကို အကြောင်းပြုပြီး အရေးယူရင်လည်း မြန်မာပြည်သူအများစုက လက်ခံလိမ့်မယ် မထင်ပါ။

ဒီလိုအခြေအနေမျိုးမှာ အမေရိကန်အစိုးရအနေနဲ့ ကျန်နေသေးတဲ့ အရေးယူမှုအနည်းငယ်ကို အားကိုးပြီး တင်းမာတဲ့ လမ်းကြောင်း ပြောင်းဖို့ ဆိုတာ မဖြစ်နိုင်ပါ။ လက်ရှိကျင့်သုံးနေတဲ့ မြန်မာအစိုးရနဲ့ အပြုသဘောထိတွေ့ဆက်ဆံအားပေးရေးမူဝါဒကိုသာ ဆက်လက်ကျင့်သုံးဖို့ပဲ ရှိပါတယ်။ အဲဒီလို မူဝါဒကို ဆက်လက်ကျင့်သုံးဖို့ တွန်းအားပေးတဲ့ အခြားအခြေအနေ နှစ်ရပ်လည်း ရှိနေပါသေးတယ်။ အဲဒါတွေကတော့ နိုင်ငံရေးတွေ့ဆုံဆွေးနွေးမှုအခြေအနေနဲ့ အပြောင်းအလဲကို ကိုယ်စားပြုသူများအခြေအနေ ဖြစ်ပါတယ်။

 (၂) တွေ့ဆုံဆွေးနွေးဖြေရှင်းခြင်း (Political Dialogue) နှင့် ပါတ်သက်၍..။

"တွေ့ဆုံဆွေးနွေးဖြေရှင်းခြင်း" ဆိုတာကို ဒိုင်ယာလော့ (Dialogue) လို့ အများက သိထားပြီး ဖြစ်လို့ ဒိုင်ယာလော့လို့ပဲ ဆက်လက် သုံးစွဲပါ့မယ်။ ၁၉၈၈ ခုနှစ်က စတင်ခဲ့တဲ့ မြန်မာ့ဒီမိုကရေစီလှုပ်ရှားမှုကြီးရဲ့ တိုက်ပွဲနည်းလမ်းက "အကြမ်းမဖက်လှုပ်ရှားမှု" ဖြစ်ပြီး တိုက်ပွဲမဟာဗျူဟာက "အာဏာရှင်စစ်အစိုးရနဲ့ တွေ့ဆုံဆွေးနွေးပြီး ပြဿနာများကို ညှိနှိုင်းဖြေရှင်းခြင်း" ပဲ ဖြစ်ပါတယ်။ ၁၉၈၈ ခုနှစ်၊ ဒီမိုကရေစီအရေးတော်ပုံကြီးအတွင်းမှာလည်း အာဏာရ မဆလပါတီအစိုးရကို ညှိနှိုင်းဆွေးနွေးဖို့ တောင်းဆိုခဲ့ကြပါတယ်။ နဝတစစ်အစိုးရတက်တော့လည်း ဒေါ်အောင်ဆန်းစုကြည် အပါအဝင် ဒီမိုကရေစီခေါင်းဆောင်များက နဝတအစိုးရနဲ့ တွေ့ဆုံဆွေးနွေးဖို့ တောင်းဆိုခဲ့ကြပါတယ်။ ၁၉၉၀ ရွေးကောက်ပွဲရလာဒ်ကို နဝတစစ်အစိုးရက ညင်းပယ်လိုက် ပြီးတဲ့နောက်မှာလည်း အတိုက်အခံ အမျိုးသားဒီမိုကရေစီအဖွဲ့ချုပ်က စစ်အစိုးရနဲ့ တွေ့ဆုံဆွေးနွေးဖြေရှင်းဖို့ တစိုက်မတ်မတ် တောင်းဆိုခဲ့ပါတယ်။ ပြည်တွင်းမှ တိုင်းရင်းသားလူမျိုးစုများနဲ့ နယ်စပ်ဒေသအခြေစိုက် တိုင်းရင်းသားလက်နက်ကိုင်အင်အားစုများကလည်း ဖက်ဒရယ်ပြည်ထောင်စုတည်ဆောက်ရေး၊ တန်းတူညီမျှရေးပြဿနာများကို တွေ့ဆုံဆွေးနွေး ဖြေရှင်းဖို့ စစ်အစိုးရကို တောင်းဆိုခဲ့ပါတယ်။
စစ်အစိုးရအဆက်ဆက်ကတော့ အဲဒီ တောင်းဆိုချက်ကို အမြဲတမ်း ညင်းဆန်ခဲ့ပါတယ်။ ဗိုလ်သန်းရွှေ ခေါင်းဆောင်တဲ့ နအဖစစ်အစိုးရလက်ထက်မှာ "အမျိုးသားညီလာခံ" ဆိုတာကို "တွေ့ဆုံဆွေးနွေးအဖြေရှာတဲ့ ဒိုင်ယာလော့" အဖြစ် လှည့်ဖျားဖန်တီးခဲ့ပေမည့် ပြည်တွင်းဒီမိုကရေစီအင်အားစုများနဲ့ နိုင်ငံတကာအစိုးရများက အသိအမှတ်မပြုပါ။ ဒါကြောင့်မို့ အမေရိကန်ပြည်ထောင်စုရဲ့ စစ်အစိုးရထံ တောင်းဆိုချက်တွေထဲမှာ "စစ်အစိုးရအနေနဲ့ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ်၊ တိုင်းရင်းသားလူမျိုးစုကိုယ်စားလှယ်များနဲ့ သုံးပွင့်ဆိုင် တွေ့ဆုံဆွေးနွေး ညှိနှိုင်းဖြေရှင်းရန်" (Tripartite Dialogue) ဆိုတဲ့ တောင်းဆိုချက် ပါဝင်ခဲ့ပါတယ်။ ကမ္ဘာ့ကုလသမဂ္ဂနဲ့ ဥရောပသမဂ္ဂတို့ရဲ့ တောင်းဆိုချက်များမှာလည်း "တွေ့ဆုံဆွေးနွေး ညှိနှိုင်းအဖြေရှာရေး၊ ပါဝင်သင့်ပါဝင်ထိုက်သူအားလုံး တိုင်းပြည်၏ နိုင်ငံရေးလုပ်ငန်းစဉ်အားလုံးတွင် ပါဝင်ခွင့်ရရေး" စတဲ့ တောင်းဆိုချက်တွေ ပါဝင်ပါတယ်။ အဲဒီ တောင်းဆိုချက်တွေကို စစ်အစိုးရက လက်ခံအကောင်အထည်ဖော်အောင် ဖိအားပေးတဲ့ အနေနဲ့ စီးပွါးရေးပိတ်ဆို့အရေးယူမှုတွေကို အမေရိကန်နဲ့ ဒီမိုကရေစီအစိုးရများက ကိုင်စွဲထားခဲ့ကြတာပါ။

အဲဒီလို ပြည်တွင်းဒီမိုကရေစီအင်အားစုများနဲ့ တိုင်းရင်းသားများက တောင်းဆိုခဲ့ကြတဲ့ ဒိုင်ယာလော့ဆိုတာ နိုင်ငံတကာအစိုးရများရဲ့ အမြင်အရ အခုအချိန်မှာ မြန်မာနိုင်ငံတွင်းမှာ စတင် အကောင်အထည်ဖော်နေပါပြီ။ နိုင်ငံတကာအစိုးရများရဲ့ ဖိအားပေးမှု၊ အရေးယူမှုတွေကို ဖယ်ရှားပြီး နိုင်ငံတကာအစိုးရများရဲ့ အသိအမှတ်ပြုမှုကို ခံယူချင်တဲ့ မြန်မာအစိုးရက ပြည်တွင်းဒီမိုကရေစီအင်အားစုများနဲ့ရော၊ နယ်စပ်အခြေစိုက် တိုင်းရင်းသား လက်နက်ကိုင်အဖွဲ့များနဲ့ပါ နိုင်ငံရေးအရ တွေ့ဆုံဆွေးနွေးမှုတွေ၊ ဒိုင်ယာလော့တွေ ပြုလုပ်နေပါပြီ။ အဲဒီ ဒိုင်ယာလော့များကနေ အားလုံး ကျေနပ်လက်ခံနိုင်တဲ့ အဖြေ ထွက်၊ မထွက်ကတော့ ဒိုင်ယာလော့မှာ ပါဝင်ဆွေးနွေးကြသူများအပေါ်မှာပဲ မူတည်ပါတယ်။ အမေရိကန်အစိုးရနဲ့ နိုင်ငံတကာမိသားစုကြီးက “ဒိုင်ယာလော့ကနေ ဘယ်လို ရလာဒ်ထွက်စေ” လို့ အမိန့်ပေးနိုင်စွမ်းမရှိပါ။



Tuesday, May 19, 2015

လူကြိုက်နည်းမည့် မှတ်ချက်များ (၁)



(7-Day daily နေ့စဉ်သတင်းစာ၊ မေလ ၁၉ ရက်၊ ၂၀၁၅)
http://7daydaily.com/story/37503





လူကြိုက်နည်းမည့် မှတ်ချက်များ (၁)
 

 အောင်ဒင်

မြန်မာနိုင်ငံနဲ့ ၁၆ နှစ်ကြာ ဝေးကွာပြီးတဲ့နောက် ၂၀၁၄ ခုနှစ် အောက်တိုဘာလမှာ ပထမအကြိမ်၊ ၂၀၁၅ ခုနှစ် မတ်လမှာ ဒုတိယအကြိမ် အမိမြန်မာနိုင်ငံကို အလည်အပတ်ပြန်လည်ရောက်ရှိခဲ့ပါတယ်။ နှစ်ကြိမ်စလုံးမှာ ဗီဇာခွင့်ပြုသလောက် ၂၈ ရက်စီ နေထိုင်ခဲ့ပါတယ်။ ရန်ကုန်တိုင်း၊ တောင်ဥက္ကလာပမြို့နယ်မှာ မွေးဖွားကြီးပြင်းခဲ့တဲ့ ရန်ကုန်သားဖြစ်တာမို့ ဆွေမျိုးသားချင်း၊ သူငယ်ချင်းအပေါင်းအသင်းများ အများစုနေထိုင်ရာ ရန်ကုန်မှာပဲ အချိန်အများစုလည်ပါတ်ခဲ့ပါတယ်။ လွှတ်တော်အစည်းအဝေးကျင်းပပုံကို လေ့လာဖို့နဲ့ လွှတ်တော်ကိုယ်စားလှယ်ကြီးများဖြစ်နေကြတဲ့ သူငယ်ချင်းများကို နှုတ်ဆက်ဖို့ နေပြည်တော်ကိုလည်း အလည်ရောက်ခဲ့ပါတယ်။ တစ်ခါမှ မရောက်ခဲ့ဘူးတဲ့ ပုဂံမြေမှာလည်း ဘုရားစုံ ဖူးခဲ့ပါတယ်။ နေပြည်တော်က တဆင့် ပျဉ်းမနားကို ရောက်ပြီး အကိုကြီး ကိုသင်းခိုင်ခေါင်းဆောင်တဲ့ အလယ်ရိုးမကဗျာဆရာများနဲ့လည်း ခင်မင်နွေးထွေးခဲ့ပါတယ်။ ဆရာဦးသန်းဆွေနဲ့ ဥတ္တရအလင်းစာပေအသိုင်းအဝိုင်းရဲ့ ကူညီစောင့်ရှောက်မှုနဲ့ ကချင်ပြည်နယ် မြစ်ကြီးနား၊ မြစ်ဆုံဒေသနဲ့ ဝိုင်းမော်မြို့နယ်တွေကိုလည်း လေ့လာခွင့်ရခဲ့ပါတယ်။ သူငယ်ချင်း ကိုသန်းထွန်းလိုက်ပို့ပေးလို့ မှော်ဘီမြို့နယ်က ရှေးဟောင်းဘုရား (၃၀၁) ဆူကိုလည်း ဖူးမျှော်ခွင့်ရခဲ့ပါတယ်။ ကျနော့်အတွက် မြန်မာပြည်ခရီးစဉ်ဟာ ပျော်ရွှင်ကြည်နူး လွမ်းမောစရာ ဖြစ်ခဲ့ပါတယ်။

ကျနော်က နံမည် သုံးမျိုးနဲ့ ဘဝ သုံးခုမှာ ကျင်လည်နေရသူပါ။ ငယ်သူငယ်ချင်းများ၊ ကျောင်းနေဘက်များ၊ ဆွေမျိုးသားချင်းများအတွက်တော့ ကျနော်ဟာ သူတို့သူငယ်ချင်း၊ သူတို့ရဲ့ ဆွေမျိုး "ချစ်ကိုကို" ပါ။ ကဗျာရေးဘက် မိတ်ဆွေများအတွက်တော့ ကျနော်ဟာ သူတို့ရဲ့ ကဗျာရေးဘက် "ဒတ္ထ" ပါ။ ၁၉၈၈ ခုနှစ်၊ မြန်မာ့ဒီမိုကရေစီလှုပ်ရှားမှုကြီးမှာ လက်တွဲပါဝင်ခဲ့သူများအတွက်တော့ ကျနော်ဟာ သူတို့ရဲ့ ရဲဘော် "အောင်ဒင်" ပါ။ အဲဒီလို ဘဝသုံးခုက ချစ်သူခင်သူများကို မြန်မာနိုင်ငံမှာ နေခွင့်ရတဲ့ အချိန်ကာလတိုလေးအတွင်းမှာ တတ်နိုင်သလောက် တွေ့ဆုံပြီး သူတို့ရဲ့ စကားတွေ၊ ရင်ဖွင့်သံတွေကို ကျနော် တဝကြီး နားထောင်ခဲ့ရပါတယ်။ သူတို့မေးတဲ့ မေးခွန်းတွေကိုလည်း ကျနော် နားလည်သလောက် ဖြေကြားခဲ့ပါတယ်။ မြန်မာနိုင်ငံရဲ့ လက်ရှိအခြေအနေအပေါ် ကျနော့်ရဲ့ ထင်မြင်သုံးသပ်ချက်တွေကိုလည်း ရိုးရိုးသားသား ပြောကြားခဲ့ပါတယ်။
မိတ်ဆွေအချို့က ကျနော့် အယူအဆတွေကို သိပ်မကြိုက်ကြပါဘူး။ ကျနော် ပြောင်းလဲသွားပြီလို့ ဝေဘန်ကြပါတယ်။ မှန်ပါတယ်။ ကျနော် ပြောင်းလဲနေပါတယ်။ လက်တွေ့ ဖြတ်သန်းနေရတဲ့ နိုင်ငံရေးအခြေအနေများကို အခြေခံပြီး ပြည်သူလူထုနဲ့ နိုင်ငံတော်ရဲ့ အကျိုးစီးပွါးကို အကောင်းဆုံးပံ့ပိုးပေးနိုင်ဖို့ မျှော်လင့်ချက်နဲ့ ကျနော် ပြောင်းလဲပါတယ်။

၂၀၁၅ ခုနှစ်၊ ဧပြီလအတွင်း ရန်ကုန်မှာရှိစဉ် ကျနော့်ရဲ့ နိုင်ငံရေးအမြင် သုံးသပ်ချက်တွေကို ဧရာဝတီမဂ္ဂဇင်းရဲ့ အင်္ဂလိပ်ပိုင်းအယ်ဒီတာ ကိုကျော်စွာမိုးက တွေ့ဆုံမေးမြန်းရာမှာ ပွင့်ပွင့်လင်းလင်းထုတ်ဖော်ပြောဆိုခဲ့ပါတယ်။ ဧရာဝတီမှာ အင်္ဂလိပ်လိုရော၊ မြန်မာဘာသာနဲ့ရော ဖော်ပြခဲ့တဲ့ ၊ "စနစ်ကြီးတစ်ခုလုံးဖြိုလိုက်ပြီး အသစ်ဆောက်ဖို့ဆိုတာ မဖြစ်နိုင်ဘူး" လို့ ခေါင်းစဉ်တပ်ထားတဲ့ အဲဒီ အင်တာဗျူးကို ဖတ်ပြီး သဘောမတွေ့ကြသူတွေ အများကြီးပါ။ ဧရာဝတီမဂ္ဂဇင်းရဲ့ ဖေ့စ်ဘုက် (Face Book) စာမျက်နှာမှာလည်း ကျနော့်ကို ဝေဘန်ကန့်ကွက်ကြတာတွေ တွေ့ရပါတယ်။ သူငယ်ချင်းတစ်ယောက်ဆိုရင် အဲဒီ အင်တာဗျူးပါတဲ့နေ့က သူ့ရဲ့ ဖေ့စ်ဘုက်မှာ ကျနော့်အင်တာဗျူးကို ကူးယူဖော်ပြခဲ့ပေမည့် ဝေဘန်သံတွေ ဆူညံလာပြီးတဲ့နောက် အဲဒီအင်တာဗျူးကို သူ့ဖေ့စ်ဘုက်စာမျက်နှာကနေ ပြန်လည်ဖြုတ်ချလိုက်တာ သတိပြုမိပါတယ်။ နိုင်ငံရေးအရ သဘောထားမတိုက်ဆိုင်တာ ပြဿနာမဟုတ်ပါ။ ဒါပေမည့် လူအချို့က နိုင်ငံရေးအရ သဘောမတူတာ၊ အကျိုးအကြောင်းပြ ဝေဘန်တာမဟုတ်ပဲ မဟုတ်မဟတ် လုပ်ဇာတ်တွေနဲ့ ကျနော့်ရဲ့ ကိုယ်ကျင့်သိက္ခာကိုပါ စော်ကားတိုက်ခိုက်ကြတာ တွေ့ရတော့ အံ့ဩမိပါတယ်။ ဘယ်လိုပဲ ဖြစ်ဖြစ် ကျနော်တို့အားလုံးမှာ လွတ်လပ်စွာ ယုံကြည်ယူဆခွင့်၊ လွတ်လပ်စွာ ထုတ်ဖော်ပြောဆိုခွင့်တွေ ရှိကြပါတယ်။ အဲဒီလွတ်လပ်ခွင့်တွေကို လွတ်လွတ်လပ်လပ် မှန်မှန်ကန်ကန် အသုံးချနိုင်ကြဖို့ ချစ်သူ၊ မုန်းသူ အားလုံးကို မေတ္တာပို့သပါတယ်။
ကျနော့်မိတ်ဆွေများ သိပ်မကြိုက်ကြတဲ့ ကျနော့်ရဲ့ မြန်မာ့နိုင်ငံရေးရာ မှတ်ချက်တွေကို ပြည်သူအများထံ ရင်ဖွင့်တင်ပြချင်ပါတယ်။

(၁) အမေရိကန်အစိုးရ၏ မြန်မာနိုင်ငံဆိုင်ရာ မူဝါဒနှင့် ပါတ်သက်၍..။

ကျနော့်မိတ်ဆွေအများစုက အမေရိကန်အစိုးရရဲ့ လက်ရှိကျင့်သုံးနေတဲ့ မြန်မာနိုင်ငံဆိုင်ရာ မူဝါဒအပေါ် မချင့်မရဲ ဝေဘန်ကြပါတယ်။ သူတို့အမြင်မှာ အမေရိကန်အစိုးရဟာ မြန်မာအစိုးရအပေါ် အကောင်းမြင်လွန်းနေတယ်။ အပြုသဘောပူးပေါင်းဆောင်ရွက်မှုတွေက သိပ်များလွန်းနေပြီး ဖိအားပေးမှု၊ အရေးယူမှုတွေ မလုပ်တော့တဲ့အတွက် အတိုက်အခံဒီမိုကရေစီအင်အားစုကို အားနည်းစေတယ်လို့ အပြစ်တင်ကြပါတယ်။ မြန်မာအစိုးရအပေါ် အမေရိကန်အစိုးရက ဖွဲ့စည်းပုံအခြေခံဥပဒေ ပြင်ဆင်ရေး၊ ဒေါ်အောင်ဆန်းစုကြည် သမ္မတအဖြစ် အရွေးခံနိုင်ခွင့်ရှိရေးအတွက် ပြင်းပြင်းထန်ထန်ဖိအားပေးဖို့ မျှော်လင့်ကြပါတယ်။ ကျနော်က သူတို့ကို ပြန်ပြောခဲ့ပါတယ်။ မဖြစ်နိုင်တော့ပါ …လို့။

(၁/၁) ကျန်နေသေးသော အရေးယူမှုများ

အမေရိကန်ပြည်ထောင်စုက မြန်မာစစ်အစိုးရကို စီးပွါးရေးပိတ်ဆို့မှုတွေနဲ့ အရေးယူခဲ့တာ သမ္မတ ကလင်တန်လက်ထက်၊ ၁၉၉၇ ခုနှစ်ကစလို့ သမ္မတ အိုဘားမား လက်ထက် ၂၀၁၂ ခုနှစ်အထိ ၁၅ နှစ် ကြာမြင့်ခဲ့ပါတယ်။ (၁၉၈၈ နဲ့ ၁၉၉၇ ကြား အသေးစားအရေးယူမှုတွေ ရှိခဲ့ပေမည့်  ဒီဆောင်းပါးမှာ ထည့်မရေးတော့ပါ။) ၂၀၁၁ ခုနှစ်က စလို့ အမေရိကန်စီးပွါးရေးပိတ်ဆို့မှုတွေကို အဆင့်လိုက် ဖြေလျှော့ပေးခဲ့တာ အခု ၂၀၁၅ ခုနှစ်မှာ အရေးယူမှု (၄) မျိုးပဲ ကျန်ပါတော့တယ်။ ကျန်နေသေးတဲ့ အရေးယူမှုတွေက (၁) မြန်မာနိုင်ငံကို ကုန်သွယ်မှုအထူးအခွင့်အရေးပေးနိုင်ငံများစာရင်းက ပယ်ဖျက်ထားတာ၊ (၂) မြန်မာ့တပ်မတော်ကို အမေရိကန်ပြည်ထောင်စုမှ လက်နက်ရောင်းချမှုနဲ့ စစ်ရေးပူးပေါင်းဆောင်ရွက်မှုတွေ ပိတ်ပင်တာ၊ (၃) မြန်မာနိုင်ငံက ကျောက်စိမ်းနဲ့ အဖိုးတန်ကျောက်မျက်ရတနာတွေကို အမေရိကန်ပြည်ထောင်စုသို့ တိုက်ရိုက်သော်လည်းကောင်း၊ သွယ်ဝိုက်၍သော်လည်းကောင်း တင်သွင်းခွင့်မပြုတာနဲ့ (၄) မြန်မာ့တပ်မတော်နဲ့ ၎င်းပိုင်စီးပွါးရေးအဖွဲ့အစည်းများ၊ ခရိုနီစီးပွါးရေးလုပ်ငန်းရှင်အချို့ကို နံမည်ပျက်စာရင်း (Specially Designated Nationals/SDN List) သွင်းပြီး စီးပွါးရေးပိတ်ဆို့အရေးယူတာတွေပဲ ဖြစ်ပါတယ်။ 

တကယ်တော့ နိုင်ငံတစ်ခုက၊ ကမ္ဘာ့အဖွဲအစည်းတစ်ခုက အခြားနိုင်ငံတစ်ခုကို စီးပွါးရေးပိတ်ဆို့မှုနဲ့ အရေးယူတယ်ဆိုတာ အဲဒီနိုင်ငံရဲ့ နိုင်ငံရေး၊ ဒီမိုကရေစီရေး၊ လူ့အခွင့်အရေးအခြေအနေတွေအပေါ်မှာ ကျေနပ်မှုမရှိလို့ ပြစ်ဒဏ်ခတ်အရေးယူတာ ဖြစ်ပါတယ်။ ဒါကြောင့်မို့ စီးပွါးရေးပိတ်ဆို့မှုနဲ့ အရေးယူပြီဆိုတိုင်း အရေးယူခံရတဲ့ နိုင်ငံမှာ နိုင်ငံရေး၊ လူ့အခွင့်အရေးအခြေအနေတွေ တိုးတက်မှုရှိလာရင် ပိတ်ဆို့မှုကို ရုပ်သိမ်းးပေးမယ်ဆိုတဲ့ ပြဋ္ဌာန်းချက်တွေ ပူးတွဲပါရှိပါတယ်။ အမေရိကန်အစိုးရက မြန်မာစစ်အစိုးရကို စီးပွါးရေးပိတ်ဆို့မှုနဲ့ အရေးယူရာမှာလည်း စီးပွါးရေးပိတ်ဆို့မှုကို ပြန်လည်ရုပ်သိမ်းနိုင်ဖို့ မြန်မာစစ်အစိုးရက ဆောင်ရွက်ရမည့် လုပ်ငန်းစဉ်တွေ အသေးစိတ်ဖော်ပြပါရှိပါတယ်။ နိုင်ငံရေးအကျဉ်းသားများ လွတ်မြောက်ရေး၊ စစ်အစိုးရနဲ့ အတိုက်အခံဒီမိုကရေစီအင်အားစုများ၊ တိုင်းရင်းသားလူမျိုးစုများနဲ့ သုံးပွင့်ဆိုင်တွေ့ဆုံဆွေးနွေး အဖြေရှာရေး၊ လူ့အခွင့်အရေးချိုးဖောက်မှုများနှင့် လူသားများအပေါ် အကြမ်းဖက်မှုများအား ရပ်တန့်ရေး စတဲ့ စည်းကမ်းချက်တွေ ပါဝင်ပါတယ်။

အမေရိကန်အစိုးရက မြန်မာစစ်အစိုးရအပေါ် စီးပွါးရေးပိတ်ဆို့မှုနဲ့ အရေးယူတာနဲ့ တပြိုင်တည်းမှာပဲ မြန်မာစစ်အစိုးရကို တိုက်ရိုက်တွေ့ဆုံဆွေးနွေးပြီး ဘာကြောင့် ဒီလိုအရေးယူရတယ်။ ဘယ်လို စည်းကမ်းချက်တွေနဲ့ ပြည့်စုံမှသာ စီးပွါးရေးပိတ်ဆို့မှုကို ရုပ်သိမ်းပေးနိုင်မယ်ဆိုတာကို ရှင်းပြဖို့ တာဝန်ရှိပါတယ်။ ဒါပေမည့် အာဏာရှင်တွေအပေါ်မှာ သဘောထားတင်းမာပြတ်သားတဲ့ သမ္မတ ဘွတ်ရှ် (President George Bush) လက်ထက်မှာ အမေရိကန်အစိုးရအနေနဲ့ မြန်မာစစ်အစိုးရနဲ့ တိုက်ရိုက်ဆွေးနွေးဖို့ကို စိတ်မဝင်စားခဲ့ပါဘူး။ မြန်မာစစ်အစိုးရဘက်ကလည်း အမေရိကန်အစိုးရနဲ့ ဆက်ဆံရေးကောင်းမွန်ဖို့ ဝါရှင်တန်က လော်ဘီအဖွဲ့အချို့ကို ငှါးရမ်းခဲ့ပေမည့် အမေရိကန်အစိုးရ တောင်းဆိုတဲ့ နိုင်ငံရေး၊ လူ့အခွင့်အရေးအပြောင်းအလဲတွေကို မလုပ်ပေးတာကြောင့် ဆက်ဆံရေးပိုပြီး ဆိုးဝါးခဲ့ပါတယ်။

သမ္မတ အိုဘားမား (President Obama) ကတော့ အာဏာရှင်အစိုးရများနဲ့ တိုက်ရိုက်စကားပြောဖို့ ဆန္ဒရှိသူပါ။ အမေရိကန်ပြည်ထောင်စုမှာ သမ္မတ အိုဘားမား တက်လာပြီးနောက်ပိုင်း မြန်မာနိုင်ငံမှာလည်း စစ်အစိုးရရဲ့ အဆင့် (၇) ဆင့် လမ်းပြမြေပုံ အောင်မြင်ပြီးမြောက်ခဲ့ပါတယ်။ နာဂစ်မုန်တိုင်းကြီးက မြန်မာနိုင်ငံ၊ မြစ်ဝကျွန်းပေါ်ဒေသက လူ့အသက်ပေါင်း တစ်သိန်း လေးသောင်းကျော်နဲ့ အိုးအိမ်ပစ္စည်းများ၊ မိသားစုဘဝများကို ချေမွဖျက်ဆီးပစ်လိုက်ချိန်မှာ စစ်အစိုးရက ၂၀၀၈ ဖွဲ့စည်းပုံအခြေခံဥပဒေကို အတည်ပြုလိုက်ပါတယ်။ ၂၀၁၀ ခုနှစ်၊ နိုဝင်ဘာလမှာ ရွေးကောက်ပွဲကျင်းပပြီး စစ်အစိုးရအသွင်ကနေ စစ်တပ်က ကြိုးကိုင်ထားတဲ့ အရပ်သားအစိုးရအသွင်ကို ကူးပြောင်းခဲ့ပါတယ်။ အဆင့် (၇) ဆင့်လမ်းပြမြေပုံကို အကောင်အထည်ဖော်နိုင်ပြီးတဲ့နောက် မြန်မာအာဏာရှင်များရဲ့ နောက်ခြေလှမ်းသစ်က ပြည်တွင်း၊ ပြည်ပအတိုက်အခံများကို ၂၀၀၈ ဖွဲ့စည်းပုံကို လက်ခံလာအောင် စည်းရုံးခြင်းနဲ့ နိုင်ငံတကာအစိုးရများရဲ့ အသိအမှတ်ပြုမှုကို စည်းရုံးခြင်းပဲ ဖြစ်ပါတယ်။ ဒီလိုနဲ့ အာဏာရှင်များနဲ့ တိုက်ရိုက်ဆွေးနွေးချင်တဲ့ အမေရိကန်အစိုးရနဲ့ နိုင်ငံတကာရဲ့ အသိအမှတ်ပြုခြင်းကို ခံယူချင်တဲ့ မြန်မာအစိုးရတို့အကြား တိုက်ရိုက်တွေ့ဆုံဆွေးနွေးဖို့ အခြေအနေတွေ ဖြစ်လာပါတယ်။ ၂၀၁၁ ခုနှစ်အတွင်း ဝါရှင်တန်ဒီစီနဲ့ နယူးယောက်မြို့မှာ နှစ်ဖက်အစိုးရထိပ်တန်းအရာရှိများ အကြိမ်များစွာ ဆွေးနွေးညှိနှိုင်းခဲ့ပြီးတဲ့နောက် ၂၀၁၁ ခုနှစ်၊ ဒီဇင်ဘာလ (၁) ရက်နေ့မှာ သမ္မတအိုဘားမားက သူ့ရဲ့ နိုင်ငံခြားရေးဝန်ကြီး ဟီလာရီကလင်တန် ကို မြန်မာနိုင်ငံကို တရားဝင်လည်ပတ်စေခြင်းဖြင့် နှစ်နိုင်ငံဆက်ဆံရေးကို ပြန်လည်စတင်လိုက်ပါတယ်။

(၁/၂) နှစ်နိုင်ငံ ဆက်ဆံရေးအပြောင်းအလဲ ၊ အမေရိကန်မူဝါဒအပြောင်းအလဲ

နှစ်နိုင်ငံ ဆက်ဆံရေး ပြန်စတဲ့အချိန်မှာ မြန်မာအစိုးရဘက်ကလည်း နိုင်ငံအတွင်း ဖိနှိပ်မှုတွေကို စတင်ဖြေလျော့ပေးခဲ့ပါတယ်။ နိုင်ငံရေးအကျဉ်းသား ရာပေါင်းများစွာကို အကျဉ်းထောင်များမှ ပြန်လွှတ်ပေးတာ၊ တိုင်းရင်းသားလက်နက်ကိုင်အဖွဲ့အစည်းများကို အပစ်အခတ်ရပ်စဲရေးနဲ့ ငြိမ်းချမ်းရေး ကမ်းလှမ်းတာ၊ ဒေါ်အောင်ဆန်းစုကြည်နဲ့ သမ္မတ ဦးသိန်းစိန်တို့ ပထမဆုံးအကြိမ် တွေ့ဆုံဆွေးနွေးပြီး အမျိုးသားဒီမိုကရေစီအဖွဲ့ချုပ် တရားဝင် ပါတီ ပြန်လည်မှတ်ပုံတင်နိုင်ရေးနဲ့ ကြားဖြတ်ရွေးကောက်ပွဲဝင်နိုင်ရေးအတွက် “နိုင်ငံရေးပါတီများမှတ်ပုံတင်ခြင်းဥပဒေ” ပါ အချက်အချို့ကို ပြည်ထောင်စုလွှတ်တော်က ပြင်ဆင်ပေးတာ၊ အင်တာနက်သုံးစွဲမှုနဲ့ ပုံနှိပ်ထုတ်ဝေရေးဆိုင်ရာ ဆင်ဆာတည်းဖြတ်မှုတွေကို လျှော့ချပေးတာ၊ တရုတ်အစိုးရကို ဆန့်ကျင်အာခံပြီး ဧရာဝတီမြစ်ဆုံဆည်တည်ဆောက်ရေးစီမံကိန်းကို သမ္မတဦးသိန်းစိန်ရဲ့ သက်တမ်းအတွင်း ရပ်ဆိုင်းထားတာ စတဲ့ အပြောင်းအလဲတွေက အမေရိကန်ပြည်ထောင်စုကို ပိုပြီးပျော့ပြောင်းစေခဲ့ပါတယ်။
ဒေါ်အောင်ဆန်းစုကြည်ရဲ့ "သမ္မတကြီးကို ယုံပါတယ်" ဆိုတဲ့ မှတ်ချက်နဲ့ ကြံ့ခိုင်ရေးပါတီက ကြီးစိုးထားတဲ့ ဥပဒေပြုလွှတ်တော်မှာ အများပြည်သူအကျိုးရှိမည့် ဥပဒေတွေကို တက်တက်ကြွကြွပြဋ္ဌာန်းတာ၊ သမ္မတတင်သွင်းတဲ့ နိုင်ငံတော်၏ အရ၊ အသုံးငွေစာရင်းကို လွှတ်တော်အမတ်များက ကျယ်ကျယ်ပြန့်ပြန့်စီစစ်ပြီး မလိုအပ်တဲ့ ဘတ်ဂျက်ကို ခွင့်မပြုတာ၊ ပညာရေး၊ ကျန်းမာရေးအသုံးစားရိတ်တွေကို မြှင့်တင်ပြီး ကာကွယ်ရေးအသုံးစားရိတ်ကို အတိုင်းအတာတစ်ခုအထိ လျှော့ချနိုင်တာတွေကလည်း အမေရိကန်ပြည်ထောင်စုရဲ့ မြန်မာနိုင်ငံဆိုင်ရာမူဝါဒကို သိသိသာသာ ပြောင်းလဲစေခဲ့ပါတယ်။ ဒီလိုနဲ့ သမ္မတ အိုဘားမားကိုယ်တိုင် မြန်မာနိုင်ငံကို ၂၀၁၂ ခုနှစ်၊ နိုဝင်ဘာလမှာ တစ်ကြိမ်၊ ၂၀၁၄ ခုနှစ်၊ နိုဝင်ဘာလမှာ တစ်ကြိမ်၊ နှစ်ကြိမ်တိုင်တိုင် တရားဝင်ချစ်ကြည်ရေးခရီးလာရောက်ပြီး မြန်မာအစိုးရခေါင်းဆောင်များ၊ လွှတ်တော်ခေါင်းဆောင်များနဲ့ တွေ့ဆုံဆွေးနွေးခဲ့ပါတယ်။ သမ္မတ ဦးသိန်းစိန်နဲ့ ပြည်သူ့လွှတ်တော်ဥက္ကဋ္ဌ ဦးရွှေမန်းတို့ကို အမေရိကန်အစိုးရရဲ့ နံမည်ပျက်စာရင်းက ဖယ်ရှားပေးပြီး အမေရိကန်ပြည်ထောင်စုကို ချစ်ကြည်ရေးခရီး ဖိတ်ကြား ဧည့်ခံခဲ့ပါတယ်။