Of Mom

အမေ့အကြောင်း

အောင်ဒင်/ဒတ္ထ
နိုဝင်ဘာ ၁၇၊ ၁၉၈၄

ရီစရာတွေးမိတယ်..အမေ
ရွှေရောင်နေ့များ
ရှည်လျားစွာတောက်ပ
ဘ၀မှာ သာယာခြင်းနဲ့မိတ်ဖွဲ့
ကျနော်မော်နိုင်ခဲ့ရင်တော့....

အလိမ္မာကိုယုံကြည်အားတက်
ဝံ့ရဲခြင်းမျက်နှာနဲ့
..အာဂ ..ငါ့သား..ရယ်လို့
ဂုဏ်ယူဝင့်ကြွားမှာပေါ့..နော်...။

ရီစရာတွေးမိတယ်..အမေ
ပညာတွေစုံ၊ ရာထူးဂုဏ်နဲ့
ရွှေဘုံပေါ်မှာကျနော်မွေ့
ဘ၀မေ့ပြီဆိုပါတော့....

ထားဝယ်ကြိမ်တုတ်တစ်ချောင်း
လက်ကျန်အားကောင်းကောင်းနဲ့
ဆုံးမစာဟောင်းကိုမေ့၊
အမှားပွေ့ပိုက်သားငမိုက်ကို
ရိုက်နှက်ရက်မှာပေါ့...နော်..။

ရီစရာတွေးမိတယ်...အမေ
လစဉ်ထုတ်မဂ္ဂဇင်းတွေမှာ
တစ်နှစ်မှ..ကဗျာတစ်ပုဒ်နှစ်ပုဒ်
တစ်ပုဒ်မှငွေတစ်ဆယ်..နှစ်ဆယ်
မာနငယ်နဲ့ဘ၀ကိုတည်ဆောက်
တစ်ခါတစ်ရံ..သတ္တိတွေပျောက်ခဲ့တော့...

....ခြေထောက်ဆိုတာ
ရှင်သန်နေသမျှ လမ်းလျှောက်ရမယ်
မာနကိုဝယ်ယူလို့မရဘူး
သွေးထဲကဗီဇကိုဦးညွတ်ဆက်ခံ....
နက်ဖြန်အတွက် မျှော်လင့်ချက်နဲ့
ခွန်အားဖြည့်စွက်ပေးမှာပေါ့နော်...။

ရီစရာတွေးမိတယ်..အမေ
ဘ၀မှာနေရောင်ညှိုးဖျော့
ခေါင်းမမော့ ပန်းမပန်
ဆန္ဒစံအိမ်ပြိုလဲ
ကြေကွဲခြင်းးမြစ်၊ မြုပ်နစ်ခဲ့ရင်တော့....

..ဝေဒနာကိုခွဲဝေတူမျှ
သင်္ခါရနဲ့ မာနအပြိုင်
မနိုင်လို့ရှုံး
နှလုံးသားနု..စိတ်မခုစေ
နှစ်သိမ့်နေဦးမှာပေါ့နော်...။

...တစ်မျိုးတွေးမိသေးတယ်အမေ
တကယ်လို့များ
ကျောင်းသားဘ၀ကိုလွန်မြောက်
ခြေထောက်တွေမတ်မတ်လျှောက်နိုင်ချိန်
တစ်ထောင့်ငါးရာအိမ် အသစ်ကိုတပ်မက်
အမေ့အိမ်ကရုန်းထွက်ခဲ့ရင်တော့...

.....နှစ်ပေါင်းများစွာရဲ့
ပျော်စရာအိပ်မက်တို့ပြိုကွဲ
အခန်းထဲမှာ ညင်သာဆိတ်ဆိတ်
တံခါးတွေပိတ် တရားတွေတိတ်
အရိပ်ေ၀၀ါး စိတ်ထွေပြား
အံကြိတ်ငိုနေမလားမသိ.....။ ။

(ဒီကဗျာကလေးကိုလွန်ခဲ့တဲ့နှစ်ဆယ့်ငါးနှစ်ကရေးခဲ့ပါတယ်။ ၁၉၈၅ခုနှစ်လောက်မှာ ဒဂုန်မဂ္ဂဇင်းမှာ ဖော်ပြခဲ့ပါတယ်။ ညီမ မနော်ဟရီရဲ့ ကျေးဇူးနဲ့ နှစ်ပေါင်းများစွာပျောက်ဆုံးနေတဲ့ဒီကဗျာလေးကို ပြန်လည်ရရှိခဲ့ပါတယ်။)