Burma's Parliament Watch Part (43)

(ပြည်သူ့ခေတ်ဂျာနယ်၊ အတွဲ ၄၊ အမှတ် ၁၇၁၊ နိုဝင်ဘာလ ၁၄ ရက်၊ ၂၀၁၃၊ စာမျက်နှာ ၁၈)

မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့်

အောင်ဒင်

အပိုင်း (၄၃) လွှတ်တော်နှင့် ကြယ်ပွင့်ပြမေးခွန်းများ

မြန်မာနိုင်ငံက လွှတ်တော်အစည်းအဝေးများမှာ  ကြယ်ပွင့်ပြမေးခွန်းများဆိုတဲ့ အစီအစဉ်တစ်ခုပါဝင်ပါတယ်၊ လွှတ်တော်အစည်းအဝေးမတိုင်မီမှာ ကြိုတင် တင်ပြထားတဲ့ မေးခွန်းများကို လွှတ်တော်ဥက္ကဋ္ဌရဲ့ ခွင့်ပြုချက်ဖြင့် လွှတ်တော်ကိုယ်စားလှယ်များက မေးမြန်းပြီး အစိုးရအဖွဲ့မှ တာဝန်ရှိပုဂ္ဂိုလ်များက ဖြေကြားရတဲ့ အစီအစဉ်ဖြစ်ပါတယ်၊ အစည်းအဝေး တစ်နေ့ကို ကြယ်ပွင့်ပြမေးခွန်းပေါင်း ငါးခုကနေ တစ်ဆယ်ခုခန့် မေးမြန်းကြပြီး တစ်နေ့တာ အစည်းအဝေးကျင်းပချိန်ရဲ့ အချိန်တစ်ဝက်လောက်ကြာမြင့်တတ်ပါတယ်၊ အချို့မေးခွန်းများဟာ တစ်နိုင်ငံလုံးအတိုင်းအတာနဲ့ အရေးကြီးတဲ့ မေးခွန်းများဖြစ်ပေမည့် အများစုကတော့ သက်ဆိုင်ရာလွှတ်တော်ကိုယ်စားလှယ်ရဲ့ မဲဆန္ဒနယ်မြေနဲ့သာ သက်ဆိုင်တဲ့ မေးခွန်းများသာဖြစ်ပါတယ်၊ အဲဒီလို ဒေသဆိုင်ရာ အခြေအနေတွေကို ပြည်ထောင်စုလွှတ်တော်အစည်းအဝေးကြီးအတွင်းမှာ အရေးတကြီးမေးမြန်းကြတဲ့အတွက် မေးမြန်းကြသူ လွှတ်တော်ကိုယ်စားလှယ်များကို ပြည်ထောင်စုလွှတ်တော်ရဲ့ အရေးကြီးတဲ့ ဥပဒေပြုအချိန်များကို ဖြုံးတီးနေတယ်လို့ ဝေဘန်ကြတာလည်း ကြားရပါတယ်၊ မှန်သင့်သလောက်မှန်ပါတယ်၊ ဥပမာအချို့ကို ကြည့်ပါ၊

# ကျင်းပနေဆဲ ပထမအကြိမ်ပြည်သူ့လွှတ်တော်၊ အဋ္ဌမပုံမှန်အစည်းအဝေးမှ ကြယ်ပွင့်ပြမေးခွန်းအချို့

အုတ်တွင်းမြို့နယ်မဲဆန္ဒနယ် လွှတ်တော်ကိုယ်စားလှယ် ဦးညီညီမြင့်က အုတ်တွင်းမြို့နယ်၊ ကျောင်းရှစ်ဆယ်ကျေးရွာအုပ်စု၊ ထန်းကုန်းအနောက်ကျေးရွာ ကိုယ့်အားကိုယ်ကိုး ကျေးလက်မီးလင်းရေးနှင့်ပါတ်သက်၍ မည်ကဲ့သို့ကူညီဆောင်ရွက်ပေးမည်ကို သိလိုကြောင်း မေးပါတယ်၊

သာယာဝတီမြို့နယ်မဲဆန္ဒနယ် လွှတ်တော်ကိုယ်စားလှယ် ဦးမောင်မောင်က သာယာဝတီမြို့နယ် အလယ်ကုန်း-ဖိုးခေါင်လမ်းအား ကတ္တရာလမ်းအဖြစ် ခင်းပေးနိုင်ခြင်းရှိ/မရှိ သိလိုကြောင်း မေးပါတယ်၊

အင်္ဂပူမြို့နယ်မဲဆန္ဒနယ် လွှတ်တော်ကိုယ်စားလှယ်ဦးမောင်မောင်စိုးက အင်္ဂပူမြို့နယ် မီးသတ်တပ်ဖွဲ့စခန်းအတွက် မီးငြိမ်းသတ်ယဉ်တစ်စီး ဆောင်ရွက်ပေးနိုင်ခြင်း ရှိ/မရှိသိလိုကြောင်း မေးပါတယ်၊ ကျိုင်းတုံမြို့နယ်မဲဆန္ဒနယ် လွှတ်တော်ကိုယ်စားလှယ် ဦးစတီဖင်က ကျိုင်းတုံမြို့နယ်၊ မိုင်းယန်းလမ်းနှင့် မိုင်းလားလမ်း နှစ်လမ်းအကြား ရေထွက်ပေါက်နေရာကို ရေလမ်းကြောင်းချဲ့ပေးနိုင်ရေးဆောင်ရွက်ပေးရန် တောင်းဆိုပါတယ်၊

ကျောက်တံတားမြို့နယ်မဲဆန္ဒနယ် လွှတ်တော်ကိုယ်စားလှယ်ဦးစိုးဝင်းက ရန်ကုန်မြို့လမ်းမကြီးများပေါ်တွင် ရောင်းချနေသော လမ်းဘေးဈေးသည်များကို မည်ကဲ့သို့ ကြပ်မတ်ဆောင်ရွက်မည်ကို သိလိုကြောင်း မေးပါတယ်၊ သင်္ဃန်းကျွန်းမြို့နယ်မဲဆန္ဒနယ် လွှတ်တော်ကိုယ်စားလှယ် ဦးသိန်းညွန့်က သင်္ဃန်းကျွန်းမြို့နယ် မီးသတ်စခန်းအား မီးသတ်စခန်း အဆင့် (က) အဖြစ် တိုးမြှင့်ပေးရန်တောင်းဆိုပါတယ်၊

ဟုမ္မလင်းမြို့နယ်မဲဆန္ဒနယ် လွှတ်တော်ကိုယ်စားလှယ် ဦးအေးက ဟုမ္မလင်းမြို့နယ်၊ မောင်းခန်းစံပြကျေးရွာ အထက်တန်းကျောင်းအား ၂၀၁၃-၂၀၁၄ စာသင်နှစ်တွင် စာစစ်ဋ္ဌာနအဖြစ် တိုးချဲ့ဖွင့်လှစ်ပေးရန်အစီအစဉ်ရှိ/မရှိ သိလိုကြောင်း မေးပါတယ်၊ ရသေ့တောင်မြို့နယ်မဲဆန္ဒနယ် လွှတ်တော်ကိုယ်စားလှယ် ဒေါ်ခင်စောဝေက ရသေ့တောင်မြို့နယ်၊ မြို့မ အထက (ခွဲ) အတွက် ကျောင်းဆောင်သစ်တစ်ဆောင်ဆောက်လုပ်ပေးရန် အစီအစဉ်ရှိ/မရှိသိလိုကြောင်း မေးပါတယ်၊

သာကေတမြို့နယ်မဲဆန္ဒနယ် လွှတ်တော်ကိုယ်စားလှယ် ဦးမောင်မောင်စိုးက သာကေတမြို့နယ်ပြည်သူ့ဆေးရုံတွင် ကူးစက်လူနာများနှင့် သာမာန်လူနာများအတွက် ဆေးရုံသီးခြားဆောက်လုပ်ပေးနိုင်ခြင်းရှိ/မရှိ (သို့မဟုတ်) သင့်တော်သောနေရာသို့ ပြောင်းရွှေ့ပေးနိုင်ခြင်းရှိ/မရှိ မေးခွန်းထုတ်ပါတယ်၊ 

အထက်ဖော်ပြပါ နမူနာ မေးခွန်းအချို့ကို ကြည့်မယ်ဆိုရင် မေးခွန်းတွေအားလုံးဟာ သက်ဆိုင်ရာလွှတ်တော်ကိုယ်စားလှယ်ရဲ့ မဲဆန္ဒနယ်တစ်ခုတည်းနဲ့ပဲ ပါတ်သက်ပြီး တစ်နိုင်ငံလုံးအရေးအရာမပြောနဲ့ ခရိုင်တစ်ခုလုံးအရေး၊ တိုင်းဒေသကြီး/ပြည်နယ်တစ်ခုလုံးအရေးကိစ္စတောင် မဟုတ်တာတွေ့ရပါတယ်၊ တစ်ခါ ဒီမေးခွန်းတွေဟာ ပြည်ထောင်စုအဆင့်လွှတ်တော်မှာ ပြည်ထောင်စုအဆင့်လွှတ်တော်ကိုယ်စားလှယ်က မေးခွန်းထုတ်စရာမလိုပဲ တိုင်းဒေသကြီး/ပြည်နယ်အဆင့် လွှတ်တော်မှာ တိုင်းဒေသကြီး/ပြည်နယ် လွှတ်တော်ကိုယ်စားလှယ်များကသာ တာဝန်ယူစုံစမ်းသင့်တဲ့ကိစ္စတွေပါ၊ ဒီမေးခွန်းတွေကို ပြည်ထောင်စုအစိုးရရဲ့ တာဝန်ရှိပုဂ္ဂိလ်များက ပြည်ထောင်စုအဆင့်လွှတ်တော်မှာ လာရောက်ဖြေရှင်းရမှာမဟုတ်ပဲ တိုင်းဒေသကြီး/ပြည်နယ်အဆင့် လွှတ်တော်မှာ တိုင်းဒေသကြီး/ပြည်နယ်အစိုးရ တာဝန်ခံများက ဖြေရှင်းရမှာပါ၊ တစ်ခုခုတော့လွဲနေတာ သေချာပါတယ်၊ 

# ဥပဒေပြုစာရင်းကို နားမလည်ကြခြင်း

ပထမတွေ့ရတဲ့ ပြဿနာက ဖွဲ့စည်းပုံအခြေခံဥပဒေမှာ ပြဋ္ဌန်းထားတဲ့ သက်ဆိုင်ရာလွှတ်တော်များအလိုက် ဥပဒေပြုခွင့်ရှိတဲ့ အတိုင်းအတာကို နားမလည်ကြတာပါ၊ 

“ရန်ကုန်မြို့လမ်းမကြီးများပေါ်တွင် ရောင်းချနေသော လမ်းဘေးဈေးသည်များကို မည်ကဲ့သို့ ကြပ်မတ်ဆောင်ရွက်မည်ကို သိချင်ပါသည်”ဆိုတာက ရန်ကုန်တိုင်းဒေသကြီးအစိုးရနဲ့ တိုက်ရိုက်သက်ဆိုင်ပြီး ရန်ကုန်တိုင်းဒေသကြီးလွှတ်တော်မှာ မေးရမည့်မေးခွန်းပါ၊ “သာယာဝတီမြို့နယ် အလယ်ကုန်း-ဖိုးခေါင်လမ်းအား ကတ္တရာလမ်းအဖြစ် ခင်းပေးနိုင်ခြင်းရှိ/မရှိ ကိစ္စ”ဟာလည်း ပဲခူးတိုင်းဒေသကြီးအစိုးရနဲ့ပဲ သက်ဆိုင်ပြီး ပဲခူးတိုင်းဒေသကြီးလွှတ်တော်မှာ မေးခွန်းထုတ်ရမှာပါ၊ “ကျိုင်းတုံမြို့နယ်၊ မိုင်းယန်းလမ်းနှင့် မိုင်းလားလမ်း နှစ်လမ်းအကြား ရေထွက်ပေါက်နေရာကို ရေလမ်းကြောင်းချဲ့ပေးနိုင်ရေးဆောင်ရွက်ပေးရန် ကိစ္စ” ကလည်း ရှမ်းပြည်နယ်အစိုးရနဲ့ သက်ဆိုင်ပြီး ရှမ်းပြည်နယ်လွှတ်တော်မှာ မေးခွန်းထုတ်ရမှာပါ၊

အခုတော့ ပြည်ထောင်စုလွှတ်တော်ကိုယ်စားလှယ်တွေက တိုင်းဒေသကြီး /ပြည်နယ်အစိုးရက ဖြေရှင်းရမည့်ကိစ္စကို ပြည်ထောင်စုလွှတ်တော်မှာ အရေးတယူမေးမြန်းနေကြပြီး တိုင်းဒေသကြီး /ပြည်နယ် လွှတ်တော်ကိုယ်စားလှယ်တွေက ပြည်ထောင်စုအစိုးရနဲ့သာသက်ဆိုင်တဲ့ ကိစ္စတွေကို တိုင်းဒေသကြီး/ပြည်နယ်လွှတ်တော်မှာ မေးခွန်းထုတ်နေပြန်ပါတယ်၊ တလောတုံးက ရန်ကုန်တိုင်းဒေသကြီးလွှတ်တော်ကိုယ်စားလှယ်တစ်ယောက်က တစ်နိုင်ငံလုံးမှာ သုံးစွဲနေတဲ့ ငွေစက္ကူများမှာ ဗိုလ်ချုပ်အောင်ဆန်းပုံရိုက်နှိပ်ထုတ်ဝေဖို့ ရန်ကုန်တိုင်းဒေသကြီးလွှတ်တော်မှာ အဆိုတင်ခဲ့ပါသေးတယ်၊ ငွေစက္ကူရိုက်နှိပ်ထုတ်ဝေခြင်းဟာ ပြည်ထောင်စုအစိုးရနဲ့သာ သက်ဆိုင်ပြီး ပြည်ထောင်စုလွှတ်တော်မှာ တင်သွင်းရမည့်အဆိုပါ၊ ဒီလွှတ်တော်ကိုယ်စားလှယ်များဟာ ၂၀၀၈ ဖွဲ့စည်းပုံအခြေခံဥပဒေရဲ့ ဇယား (၁) ပြည်ထောင်စုဥပဒေပြုစာရင်း၊ ဇယား (၂) တိုင်းဒေသကြီး သို့မဟုတ် ပြည်နယ်ဥပဒေပြုစာရင်း၊ ဇယား (၃) ကိုယ်ပိုင်အုပ်ချုပ်ခွင့်ရ တိုင်း သို့မဟုတ် ဒေသဦးစီးအဖွဲ့၏ ဥပဒေပြုစာရင်းများကို သဲသဲကွဲကွဲနားမလည်ကြတဲ့သဘော သက်ရောက်နေပါတယ်၊

# အာဏာမရှိသော တိုင်းဒေသကြီး/ပြည်နယ်အစိုးရများ

နောက်ပြဿနာတစ်ခုက ဒီလို ဒေသဆိုင်ရာအခြေအနေတွေကို တိုင်းဒေသကြီး/ပြည်နယ်အစိုးရတွေက ဖြေရှင်းနိုင်စွမ်းမရှိလို့ပါ၊ ဦးသိန်းညွန့်မေးတဲ့ သင်္ဃန်းကျွန်းမြို့နယ် မီးသတ်တပ်ဖွဲ့ကို မီးသတ်စခန်းအဆင့် (က) အဖြစ် တိုးမြှင့်ရန်ရှိ/မရှိ ဆိုတဲ့မေးခွန်းကို ရန်ကုန်တိုင်းဒေသကြီးလွှတ်တော်မှာ တိုင်းဒေသကြီးလွှတ်တော်ကိုယ်စားလှယ်က မေးမြန်းရင် ရန်ကုန်တိုင်းဒေသကြီးအစိုးရက တာဝန်ယူဖြေရှင်းနိုင်မှာ မဟုတ်ပါ၊ တိုင်းဒေသကြီးအစိုးရလို့ ဖွဲ့စည်းတာဝန်ပေးထားပေမည့် တိုင်းဒေသကြီးအစိုးရအာဏာသက်ရောက်တဲ့ အဖွဲ့အစည်းမရှိပါ၊ မီးသတ်တပ်ဖွဲ့ဟာ ပြည်ထဲရေးဝန်ကြီးဋ္ဌာနလက်အောက်ခံ မီးသတ်ဦးစီးဋ္ဌာနဖြစ်ပါတယ်၊ ဗဟိုကနေ တိုင်းဒေသကြီး/ပြည်နယ်အဆင့်မီးသတ်ဦးစီးဋ္ဌာန၊ ခရိုင်အဆင့်မီးသတ်ဦးစီးဋ္ဌာန၊ မြို့နယ်အဆင့်မီးသတ်ဦးစီးဋ္ဌာန စသဖြင့် အဆင့်လိုက်ဖွဲ့စည်းထားပြီး အဆင့်လိုက် အထက်၊ အောက်တာဝန်ခံကြတာမို့ တိုင်းဒေသကြီး/ပြည်နယ်အဆင့် မီးသတ်ဦးစီးဋ္ဌာနတွေဟာ တိုင်းဒေသကြီး/ပြည်နယ်အစိုးရတွေရဲ့ လက်အောက်ခံအဖွဲ့အစည်းများ မဟုတ်ပါ၊ ဒါကြောင့်မို့ ဒီပြဿနာကို တိုင်းဒေသကြီး/ပြည်နယ်အဆင့်လွှတ်တော်မှာ မဖြေရှင်းနိုင်ပါ၊ ပြည်ထောင်စုအစိုးရရဲ့ ပြည်ထဲရေးဝန်ကြီးဋ္ဌာနကပဲ အဆုံးအဖြတ်ပေးနိုင်ပါတယ်၊

အလားတူပဲ ဒေါ်ခင်စောဝေ မေးမြန်းတဲ့ ရသေ့တောင်မြို့နယ်၊ မြို့မ အစိုးရထက်တန်းကျောင်း (ခွဲ) အတွက် ကျောင်းဆောင်သစ်တစ်ဆောင်ဆောက်လုပ်ပေးရန်အစီအစဉ်ကို ရခိုင်ပြည်နယ် ပညာရေးဋ္ဌာနက အဆုံးအဖြတ်မပေးနိုင်ပါ၊ ပြည်ထောင်စုအစိုးရရဲ့ ပညာရေးဝန်ကြီးဋ္ဌာနကပဲ အဆုံးအဖြတ်ပေးနိုင်ပါတယ်၊ ဦးမောင်မောင်စိုးမေးမြန်းတဲ့ သာကေတမြို့နယ်ပြည်သူ့ဆေးရုံတွင် ကူးစက်လူနာများနှင့် သာမာန်လူနာများအတွက် ဆေးရုံသီးခြားဆောက်လုပ်ပေးနိုင်ခြင်းရှိ/မရှိ (သို့မဟုတ်) သင့်တော်သောနေရာသို့ ပြောင်းရွှေ့ပေးနိုင်ခြင်းရှိ/မရှိ မေးခွန်းကို ရန်ကုန်တိုင်း ကျန်းမာရေးဦးစီးဋ္ဌာနက မဖြေနိုင်ပါ၊ ပြည်ထောင်စုအစိုးရ ကျန်းမာရေးဝန်ကြီးဋ္ဌာနကပဲ ဖြေနိုင်မှာပါ၊

ပြည်ထောင်စုအစိုးရ နဲ့ တိုင်းဒေသကြီး/ပြည်နယ်အစိုးရများဆိုပြီး အုပ်ချုပ်မှုအာဏာကို ခွဲဝေကျင့်သုံးကြတယ်လို့ ဆိုပေမည့် လက်တွေ့မှာတော့ ပြည်ထောင်စုအစိုးရကသာ အုပ်ချုပ်ရေးအာဏာအများစုကို ချုပ်ကိုင်ထားပြီး တိုင်းဒေသကြီး/ပြည်နယ်အစိုးရများမှာ လုပ်ပိုင်ခွင့်အာဏာ အင်မတန်နည်းလှပါတယ်၊ ဖက်ဒရယ်စနစ်ကို ကျင့်သုံးတဲ့ ပြည်ထောင်စုတစ်ခုမှာ တစ်နိုင်ငံလုံးနဲ့ သက်ဆိုင်တဲ့ ကာကွယ်ရေး၊ နိုင်ငံခြားရေး၊ ငွေရေးကြေးရေး၊ အခွန်အတုတ်ကောက်ခံရေး၊ နိုင်ငံခြားကူးသန်းရောင်းဝယ်ရေး၊ သယံဇာတအရင်းအမြစ်များစီမံခန့်ခွဲရေး အာဏာများကိုသာ ပြည်ထောင်စုအစိုးရက စီမံခန့်ခွဲပြီး ကျန်းမာရေး၊ ပညာရေး၊ လူမှုရေး၊ စိုက်ပျိုးရေး၊ သယ်ယူပို့ဆောင်ရေး၊ စက်မှုလက်မှု၊ လူမှုဖူလုံရေး၊ ပြည်ထဲရေးနဲ့ ဒေသန္တရအုပ်ချုပ်ရေးအာဏာများကို ဒေသဆိုင်ရာအစိုးရများထံ စီမံခန့်ခွဲစေရပါတယ်၊ မြန်မာနိုင်ငံမှာ တိုင်းဒေသကြီး/ပြည်နယ်အစိုးရများရဲ့ လုပ်ပိုင်ခွင့်အာဏာအကန့်အသတ်ရှိနေသ၍ တိုင်းဒေသကြီး/ပြည်နယ်လွှတ်တော်များမှာ ဒေသဆိုင်ရာပြဿနာများအတွက် အဖြေမရှာနိုင်ပဲ ပြည်ထောင်စုလွှတ်တော်မှာပဲ ကြယ်ပွင့်ပြမေးခွန်းတွေ မေးနေကြဦးမှာပါ၊

# အမေရိကန်ပြည်ထောင်စု ကွန်ဂရက်လွှတ်တော်နဲ့ မေးခွန်းများ

လွှတ်တော်ကိုယ်စားလှယ်တစ်ယောက်ဟာ သူကိုယ်စားပြုရာ မဲဆန္ဒနယ်နဲ့ ပါတ်သက်တဲ့ အရေးကိစ္စတွေကို အစိုးရတာဝန်ရှိပုဂ္ဂိလ်များထံ စုံစမ်းမေးမြန်းတယ်ဆိုတာ သဘာဝကျတဲ့ တာဝန်တစ်ခုပါ၊ အမေရိကန်ပြည်ထောင်စုမှာလည်း ကွန်ဂရက်လွှတ်တော်အမတ်တွေဟာ ပြည်ထောင်စုအစိုးရထံ သူတို့ကိုယ်စားပြုရာ မဲဆန္ဒနယ်နဲ့ ပါတ်သက်တဲ့ ကိစ္စတွေကို မေးမြန်းစုံစမ်းကြပါတယ်၊ ဒါပေမည့် ကွန်ဂရက်လွှတ်တော်အစည်းအဝေးအတွင်းမှာ မေးမြန်းတာမဟုတ်ပါ၊ သက်ဆိုင်ရာ အစိုးရဝန်ကြီးဋ္ဌာနကို တိုက်ရိုက် စာနဲ့ ရေးသားမေးမြန်းခြင်းဖြစ်ပါတယ်၊

အမေရိကန်ပြည်ထောင်စုအစိုးရရဲ့ ဝန်ကြီးဋ္ဌာနတိုင်းမှာ “ကွန်ဂရက်လွှတ်တော်နှင့်ဆက်ဆံရေးဋ္ဌာန” (Congressional Liaison Office) တွေရှိပြီး အဆင့်မြင့်အရာရှိများက ဦးဆောင်ကြပါတယ်၊ အဲဒီဋ္ဌာနတွေက လွှတ်တော်ကိုယ်စားလှယ်များမေးမြန်းတဲ့ မေးခွန်းတွေကို နှစ်ပါတ် (အလွန်ဆုံး တစ်လ) အတွင်း စာနဲ့ ရေးသားဖြေကြားပေးရပါတယ်၊ လိုအပ်ရင် သက်ဆိုင်ရာ အရာရှိများကိုယ်တိုင် လွှတ်တော်ကိုယ်စားလှယ်ကို လွှတ်တော်ရုံးခန်းမှာ လာရောက်တွေ့ဆုံပြီး မေးမြန်းထားတဲ့ ကိစ္စကို ရှင်းပြရပါတယ်၊ အမေရိကန် ကွန်ဂရက်လွှတ်တော်အမတ်များကလည်း ပြည်နယ်အစိုးရနဲ့ပဲ သက်ဆိုင်တဲ့ကိစ္စတွေကို ပြည်ထောင်စုအစိုးရကို မေးခွန်းမထုတ်ကြပါ၊ 

ကွန်ဂရက်လွှတ်တော်အစည်းအဝေးများဟာ ဥပဒေကြမ်းတစ်ရပ်ကို ရေးဆွဲတင်ပြဖို့၊ ဆွေးနွေးငြင်းခုန်ဖို့၊ ပြင်ဆင်ဖို့ နဲ့ အတည်ပြုဖို့ (သို့မဟုတ်) ကန့်ကွက်ပယ်ချဖို့ပဲ ဖြစ်ပါတယ်၊

# ဥပဒေပြုရေး ဦးစားပေးကြပါ

ပြည်ထောင်စုလွှတ်တော်ရဲ့ ပြီးခဲ့တဲ့ နှစ်နှစ်ခွဲ သက်တမ်းအတွင်းမှာ ဥပဒေ ၅၈ ခုသာ ပြဋ္ဌန်းအတည်ပြုနိုင်ခဲ့ပါတယ်၊ အဲဒီအထဲမှာတောင် အစိုးရဝန်ကြီးဋ္ဌာနများက ရေးဆွဲတင်သွင်းတဲ့ ဥပဒေကြမ်းများက ၄၉ ခု၊ ၈၂ ရာခိုင်နှုံးနဲ့ အများစုဖြစ်ပြီး လွှတ်တော်ကိုယ်စားလှယ်များရေးဆွဲတင်သွင်းတဲ့ ဥပဒေကြမ်းများက ၉ ခု၊ ၁၈ ရာခိုင်နှုံးသာရှိပါတယ်၊ လွှတ်တော်အစည်းအဝေးများရဲ့ အချိန်တစ်ဝက်လောက်က ကြယ်ပွင့်ပြမေးခွန်းများ မေးမြန်းတာ၊ ဖြေကြားတာနဲ့ ကုန်ဆုံးနေပြီး ဥပဒေကြမ်းများ ရေးဆွဲ၊ တင်ပြ၊ ဆွေးနွေးဖို့ အချိန်အင်မတန်နည်းလှပါတယ်၊ ဒီလိုပုံနဲ့သာ ခရီးဆက်မယ်ဆိုရင် ပထမအကြိမ် ပြည်ထောင်စုလွှတ်တော်ရဲ့ ကျန်သေးတဲ့ နှစ်နှစ်ခွဲကာလ မှာလည်း ဥပဒေများများစားစား တင်သွင်း၊ ဆွေးနွေး၊ ပြဋ္ဌန်းအတည်ပြုနိုင်လိမ့်မယ် မထင်ပါ၊

ပြည်ထောင်စုလွှတ်တော်နဲ့ လွှတ်တော်ကိုယ်စားလှယ်များရဲ့ အဓိကတာဝန်ဟာ ပြည်သူလူထုအတွက် အကျိုးစီးပွါးဖြစ်စေမည့် ဥပဒေအသစ်များ ရေးဆွဲပြဋ္ဌန်းဖို့၊ အစိုးရရဲ့ ဘတ်ဂျက်ကို ခွဲဝေသတ်မှတ်ပေးဖို့နဲ့ အသုံးစားရိတ်တွေအပေါ် စောင့်ကြပ်လေ့လာဖို့၊ တိုင်းပြည်နဲ့ လူထုအတွက်အကျိုးမရှိတဲ့ တည်ဆဲဥပဒေတွေကို ဖျက်သိမ်းဖို့၊ ပြင်ဆင်ဖို့ ဖြစ်ပါတယ်၊ နှစ်ပေါင်း ငါးဆယ်နီးပါး အာဏာရှင်စနစ်အောက်မှာ ရှင်သန်ခဲ့ရတာမို့ အာဏာရှင်အဆက်ဆက်က ပြဋ္ဌန်းခဲ့တဲ့ ပြည်သူလူထုရဲ့ လွတ်လပ်ခွင့်နဲ့ အကျိုးစီးပွါးတွေကို ပိတ်ဆို့ဟန့်တားထားတဲ့ တည်ဆဲဥပဒေအများအပြားကို ပြင်ဆင်၊ ဖျက်သိမ်းဖို့ ပြည်ထောင်စုလွှတ်တော်ကိုယ်စားလှယ်များမှာ တာဝန်ရှိပါတယ်၊ တစ်နှစ်တာအတွက် လွှတ်တော်အစည်းအဝေးများကျင်းပချိန်က နည်းလှတာမို့တန်ဘိုးရှိလှတဲ့ လွှတ်တော်အစည်းအဝေးအချိန်တွေကို ကြယ်ပွင့်ပြမေးခွန်းများမေးမြန်းခြင်းဖြင့် မကုန်ဆုံးစေသင့်တော့ပါ၊ ကြယ်ပွင့်ပြမေးခွန်းများအစား ဥပဒေကြမ်းများ ရေးဆွဲ၊ တင်သွင်းဖို့ ပိုပြီးလုံ့လစိုက်ထုတ်သင့်ပါပြီ၊

သတိပြုဖို့က လွှတ်တော်ကိုယ်စားလှယ် တစ်ယောက်ရဲ့ အောင်မြင်မှု၊ တာဝန်ကျေမှုကို လွှတ်တော်တွင်းမှာ သူဘယ်လောက် ဥပဒေကြမ်းတွေ ရေးဆွဲတင်သွင်းခဲ့တယ်၊ သူဦးဆောင်တင်သွင်းတဲ့ ဥပဒေကြမ်း ဘယ်နှစ်ခု အတည်ပြုပြဋ္ဌန်းနိုင်ခဲ့တယ် ဆိုတာနဲ့ တိုင်းတာရပါတယ်၊ သူဘယ်လောက် ကြယ်ပွင့်ပြမေးခွန်းတွေ မေးခဲ့တယ်ဆိုတာနဲ့ မတိုင်းတာကြပါ၊

ဒါကြောင့်မို့ မဲဆန္ဒနယ်တစ်ခုချင်းနဲ့ ပါတ်သက်တဲ့ အရေးကိစ္စတွေကို သက်ဆိုင်ရာလွှတ်တော်ကိုယ်စားလှယ်က သက်ဆိုင်ရာဝန်ကြီးဋ္ဌာနကို တိုက်ရိုက် စာဖြင့်ရေးသားမေးမြန်းပြီး သက်ဆိုင်ရာဝန်ကြီးဋ္ဌာနကလည်း လွှတ်တော်ကိုယ်စားလှယ်ရဲ့ မေးမြန်းချက်ကို လေးလေးစားစားနဲ့ နှစ်ပါတ်အတွင်း ပြန်လည်ဖြေကြားပေးတဲ့ အလေ့အကျင့်တစ်ခု တည်ဆောက်နိုင်မယ်ဆိုရင် လွှတ်တော်အစည်းအဝေးကျင်းပရာအချိန်များကို ဥပဒေပြုရေးအတွက် ပိုမိုအသုံးချနိုင်မှာ ဖြစ်ကြောင်း အကြံပြုလိုက်ပါတယ်၊

လေးစားစွာ၊

အောင်ဒင်
နိုဝင်ဘာလ ၈၊ ၂၀၁၃