အစိုးရသစ်နှင့် ဒေသန္တရအုပ်ချုပ်ရေး

(7 Day နေ့စဉ်သတင်းစာ၊ ဇန်နဝါရီလ ၁၈ ရက်၊ ၂၀၁၆)

အစိုးရသစ်နှင့် ဒေသန္တရအုပ်ချုပ်ရေး

အောင်ဒင်

၂၀၁၆ ခုနှစ်၊ ဧပြီလဆန်းမှာ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ် (ဒီချုပ်ပါတီ) က ဦးဆောင်တဲ့ အစိုးရအဖွဲ့သစ် စတင်တာဝန်ယူတော့မှာ ဖြစ်ပါတယ်။ ၂၀၁၅ ရွေးကောက်ပွဲမှာ "ပြောင်းလဲချိန်တန်ပြီ" ဆိုတဲ့ ကြွေးကြော်သံနဲ့ ပြည်သူလူထုရဲ့ ထောက်ခံမဲအများစုကို ရယူနိုင်ခဲ့တဲ့ ဒီချုပ်ပါတီကလည်း သူ့အစိုးရရဲ့ ငါးနှစ်သက်တမ်းမှာ အုပ်ချုပ်ရေး၊ ဥပဒေပြုရေး၊ တရားစီရင်ရေးစနစ်တွေကို ပြည်သူလူထုကို ဗဟိုပြုပြီး ထိထိရောက်ရောက်ပြောင်းလဲဖို့ ကတိပေးထားပါတယ်။ အစိုးရသစ်ရဲ့ ပြုပြင်ပြောင်းလဲမှုများကို ထောက်ခံကြိုဆိုရင်း ၂၀၀၈ ဖွဲ့စည်းပုံအခြေခံဥပဒေကို ဒီမိုကရေစီစနစ်အသွင်ဆောင်အောင်၊ တန်းတူညီမျှမှုတွေ အမှန်တကယ်ရှိအောင် မပြင်ဆင်နိုင်သေးခင်မှာ လက်ရှိဖွဲ့စည်းပုံဘောင်ထဲကနေ ပြုပြင်ပြောင်းလဲသင့်တာအချို့ကို အကြံပြုချင်ပါတယ်။

#၂၀၀၈ ဖွဲ့စည်းပုံနှင့် ဒေသန္တရအုပ်ချုပ်ရေး

၂၀၀၈ ဖွဲ့စည်းပုံရဲ့ ပုဒ်မ ၂၈၈ မှာ "ခရိုင်အဆင့်နှင့် မြို့နယ်အဆင့်တို့၏ အုပ်ချုပ်ရေးကို နိုင်ငံ့ဝန်ထမ်းများအား တာဝန်ပေးဆောင်ရွက်စေရမည်" လို့ ပြဋ္ဌာန်းထားပါတယ်။ ဒါကြောင့်မို့ မြန်မာနိုင်ငံမှာ ရွေးကောက်ပွဲများက တဆင့် ပြည်ထောင်စုအစိုးရ၊ တိုင်းဒေသကြီး/ပြည်နယ်အစိုးရများ ဖွဲ့စည်းပေါ်ပေါက်လာပေမယ့် ခရိုင်အဆင့်အုပ်ချုပ်ရေးနဲ့ မြို့နယ်အဆင့်အုပ်ချုပ်ရေးကို အထွေထွေအုပ်ချုပ်ရေးဦးစီးဋ္ဌာန (ထွေ/အုပ်) မှ အရာရှိများက တာဝန်ခံအုပ်ချုပ်နေပါတယ်။ ထွေ/အုပ် ရဲ့ ဒုတိယညွှန်ကြားရေးမှူးအဆင့်ရှိတဲ့ ခရိုင်ဦးစီးမှူးက ခရိုင်အုပ်ချုပ်ရေးမှူး (ခရိုင်ဝန်) တာဝန်ယူပြီး ခရိုင်အဆင့်ကို အုပ်ချုပ်ပါတယ်။ ထွေ/အုပ်ရဲ့ လက်ထောက်ညွှန်ကြားရေးမှူးအဆင့်ရှိတဲ့ မြို့နယ်ဦးစီးမှူးက မြို့နယ်အုပ်ချုပ်ရေးမှူး (မြို့ပိုင်) တာဝန်ယူပြီး မြို့နယ်အဆင့်ကို အုပ်ချုပ်ပါတယ်။ ထွေ/အုပ်ရဲ့ ဦးစီးအရာရှိအဆင့်ရှိသူများက ဒုတိယမြို့နယ်အုပ်ချုပ်ရေးမှူး (လက်ထောက်မြို့ပိုင်) ရာထူးများကို တာဝန်ယူကြပါတယ်။ တစ်ခါ တိုင်းဒေသကြီး/ပြည်နယ်အဆင့်မှာလည်း ထွေ/အုပ်ရဲ့ ညွှန်ကြားရေးမှူးအဆင့်ရှိတဲ့ တိုင်းဒေသကြီး/ပြည်နယ်ဦးစီးမှူးများက တိုင်းမင်းကြီး/ပြည်နယ်မင်းကြီးအဆင့်နဲ့ တိုင်းဒေသကြီး/ပြည်နယ်အစိုးရများရဲ့ အတွင်းရေးမှူးရာထူးများကို တာဝန်ခံပြီး တိုင်းဒေသကြီး/ပြည်နယ်ကို လက်တွေ့အုပ်ချုပ်ပါတယ်။ ဒါကြောင့်မို့ အထွေထွေအုပ်ချုပ်ရေးဦးစီးဋ္ဌာနဟာ မြန်မာနိုင်ငံမှာ ဒေသန္တရအုပ်ချုပ်ရေးအာဏာကို ရွေးကောက်တင်မြှောက်ခံစရာမလိုပဲ ရရှိထားတဲ့ အာဏာပိုင်အဖွဲ့အစည်းတစ်ခု ဖြစ်နေပါတယ်။

ပြည်ထောင်စုလွှတ်တော်က ရွေးချယ်တင်မြှောက်တဲ့ နိုင်ငံတော်သမ္မတက ပြည်ထောင်စုလွှတ်တော်ကို တာဝန်ခံရပါတယ်။ နိုင်ငံတော်သမ္မတက ရွေးချယ်ပြီး သက်ဆိုင်ရာတိုင်းဒေသကြီး/ပြည်နယ်လွှတ်တော်များက အတည်ပြုပေးရတဲ့ တိုင်းဒေသကြီး/ပြည်နယ် ဝန်ကြီးချုပ်များနဲ့ အစိုးရများက နိုင်ငံတော်သမ္မတကို တာဝန်ခံရပါတယ်။ နိုင်ငံတော်သမ္မတနဲ့ ပြည်ထောင်စုလွှတ်တော်ဟာ ရွေးချယ်တင်မြှောက်ခံရသူ၊ ရွေးချယ်တင်မြှောက်ခံရတဲ့အဖွဲ့အစည်းဖြစ်လို့ အဲဒီ တာဝန်ခံမှုတွေဟာ ပြည်သူလူထုကို ကိုယ်စားပြုတယ်လို့ ဆိုနိုင်ပါတယ်။ ဒါပေမယ့် အစိုးရအရာရှိများဖြစ်ကြတဲ့ ခရိုင်အုပ်ချုပ်ရေးမှူးများ၊ မြို့နယ်အုပ်ချုပ်ရေးမှူးများကတော့ ၎င်းတို့ရဲ့ ဋ္ဌာနအကြီးအကဲဖြစ်တဲ့ ထွေ/အုပ် ညွှန်ကြားရေးမှူးချုပ်မှ တဆင့် ပြည်ထဲရေးဝန်ကြီးကို တာဝန်ခံပါတယ်။

အထွေထွေအုပ်ချုပ်ရေးဦးစီးဋ္ဌာနဟာ ပြည်ထဲရေးဝန်ကြီးဋ္ဌာန လက်အောက်ခံဦးစီးဋ္ဌာန တစ်ခုဖြစ်ပါတယ်။ ပြည်ထဲရေးဝန်ကြီးဟာ နိုင်ငံတော်သမ္မတရဲ့ အစိုးရအဖွဲ့ဝင်ဖြစ်ပေမယ့် နိုင်ငံတော်သမ္မတက ခန့်အပ်တာဝန်ပေးသူမဟုတ်ပါ။ ၂၀၀၈ ဖွဲ့စည်းပုံအရ ပြည်ထဲရေးဝန်ကြီး၊ ကာကွယ်ရေးဝန်ကြီး၊ နယ်စပ်ရေးရာဝန်ကြီးဋ္ဌာနများရဲ့ ဝန်ကြီးများ၊ ဒု-ဝန်ကြီးများကို နိုင်ငံတော်သမ္မတက ကိုယ်တိုင် ရွေးချယ်ခန့်အပ်ခွင့်မရှိပဲ တပ်မတော်ကာကွယ်ရေးဦးစီးချုပ်ကသာ စစ်မှုထမ်းဆဲ အရာရှိကြီးများကို ရွေးချယ်ခန့်အပ်ပါတယ်။ 

ဒါကြောင့်မို့ အထွေထွေအုပ်ချုပ်ရေးဦးစီးဋ္ဌာနဟာ ရွေးချယ်တင်မြှောက်ခံရသူ နိုင်ငံတော်သမ္မတကို တာဝန်မခံပဲ တပ်မတော်အရာရှိကြီးတစ်ဦးဖြစ်တဲ့ ပြည်ထဲရေးဝန်ကြီးမှ တဆင့် တပ်မတော်ကာကွယ်ရေးဦးစီးချုပ်ကို တာဝန်ခံရသလို ဖြစ်နေပါတယ်။ တစ်နည်းအားဖြင့် မြန်မာနိုင်ငံရဲ့ ဒေသန္တရအုပ်ချုပ်ရေးအာဏာကို တပ်မတော်ကာကွယ်ရေးဦးစီးချုပ်က ကိုင်တွယ်ထားတာ ဖြစ်ပါတယ်။ ဒါဟာဖြင့် ၂၀၀၈ ဖွဲ့စည်းပုံဟာ ဒီမိုကရေစီ စံချိန်စံညွှန်းများနဲ့ မကိုက်ညီကြောင်း အကြောင်းပြချက်အများထဲက တစ်ခုဖြစ်ပါတယ်။

# ဒေသန္တရအုပ်ချုပ်ရေးကို ဝန်ထမ်းများက ကိုင်တွယ်ခြင်း၏ ဆိုးကျိုးများ

ဒီမိုကရေစီစနစ်ဟာ ပုံမှန်ကျင်းပတဲ့ လွတ်လပ်ပြီး တရားမျှတတဲ့ ရွေးကောက်ပွဲများမှ တဆင့် လူထုက ရွေးချယ်တင်မြှောက်တဲ့ လူထုကိုယ်စားလှယ်များက နိုင်ငံတော်အာဏာကို လူထုကိုယ်စားစီမံခန့်ခွဲခြင်းဖြစ်ပါတယ်။ အုပ်ချုပ်ရေးအာဏာကို အစိုးရဝန်ထမ်းများက တိုက်ရိုက်ကိုင်တွယ်နေခြင်း၊ ၎င်းဝန်ထမ်းများက ရွေးချယ်တင်မြှောက်ခံ နိုင်ငံတော်သမ္မတကို တာဝန်မခံပဲ တပ်မတော်ကာကွယ်ရေးဦးစီးချုပ်ကို တာဝန်ခံနေရခြင်းဟာ မြန်မာနိုင်ငံဟာ စစ်တပ်အုပ်ချုပ်မှုအောက်က အမှန်တကယ် မလွတ်မြောက်သေးကြောင်း  သက်သေပြနေသလို ဖြစ်ပါတယ်။ စစ်အစိုးရအတွင်းရေးများကို ကျွမ်းကျင်သူ ကိုမိုးဇေငြိမ်းရဲ့ ဖော်ထုတ်ချက်အရ အထွေထွေအုပ်ချုပ်ရေးဦးစီးဋ္ဌာနရဲ့ ညွှန်ကြားရေးမှူးချုပ်၊ ဒု-ညွှန်ကြားရေးမှူးချုပ်များ၊ ကယားပြည်နယ်ကလွဲလို့ ကျန် တိုင်းဒေသကြီး/ပြည်နယ်ဦးစီးမှူးများအားလုံးဟာ တပ်မတော်က ဗိုလ်မှူးကြီးဟောင်းများ၊ ဒု-ဗိုလ်မှူးကြီးဟောင်းများ ဖြစ်ကြပါတယ်။ ခရိုင်အုပ်ချုပ်ရေးမှူးနဲ့ မြို့နယ်အုပ်ချုပ်ရေးမှူးအများစုဟာလည်း တပ်မတော်မှ ကူးပြောင်းလာတဲ့ စစ်အရာရှိဟောင်းများ ဖြစ်ကြပါတယ်။

ဝန်ထမ်းများကို အုပ်ချုပ်ရေးတာဝန်ပေးတဲ့ အတွက်ကြောင့် ဒေသအလိုက် ဆုံးရှုံးနစ်နာရမှုတွေလည်း များလှပါတယ်။ ပထမပြဿနာက အဆိုပါ အုပ်ချုပ်ရေးမှူးများဟာ ဒေသခံများ မဟုတ်ကြတာပါ။ မြန်မာနိုင်ငံအနှံ့အပြားမှာ တာဝန်ကျရာ ဒေသကို အလှည့်ကျ ရွှေ့ပြောင်းတာဝန်ထမ်းရတဲ့ အစိုးရဝန်ထမ်းများဖြစ်ကြလို့ တာဝန်ကျရာဒေသကို သက်တမ်းတစ်ခုစာ တာဝန်ယူအုပ်ချုပ်ဖို့ ရောက်လာကြသူတွေပါ။ ဒေသခံများ မဟုတ်ကြတဲ့အတွက် ဒေသရဲ့ လိုအပ်ချက်တွေ၊ ပြဿနာတွေကို သိနားလည်မှုအားနည်းပါတယ်။ ဒေသခံပြည်သူများနဲ့ ကျွမ်းဝင်ရင်းနှီးမှုအားနည်းပါတယ်။ ဒေသအကျိုးစီးပွါးအတွက် ရဲရဲရင့်ရင့် တာဝန်ယူဆောင်ရွက်လိုစိတ် အားနည်းပါတယ်။ တာဝန်ကျတဲ့ သုံးနှစ်ခန့်ကာလအတွင်းမှာ တာဝန်ကျေရုံလောက်သာ ဆောင်ရွက်ပြီး ဒေသအကျိုးထက် မိမိအကျိုးစီးပွါးကိုသာ ဦးစားပေးလိုစိတ် များကြပါတယ်။

ဒုတိယပြဿနာက လူထုကို တာဝန်ခံဖို့ မလိုအပ်တာပါ။ လူထုက ရွေးချယ်တင်မြှောက်တဲ့ အုပ်ချုပ်ရေးမှူးဖြစ်ရင် လူထုကို တာဝန်ခံရပါတယ်။ လူထုနဲ့ ပြေလည်အောင် ဆက်ဆံရပါတယ်။ လူထုအကျိုးစီးပွါးကို ဦးစားပေးမှ နောက်တစ်ကြိမ်အရွေးချယ်ခံရနိုင်တာမို့ လူထုအတွက် အကောင်းဆုံးဖြစ်အောင် ဆောင်ရွက်တတ်ကြပါတယ်။ ဒါပေမယ့် အစိုးရအရာရှိများဖြစ်ကြတဲ့ အုပ်ချုပ်ရေးမှူးများကတော့ လူထုကို တာဝန်ခံစရာမလိုပဲ အထက်အရာရှိကြီးများကိုသာ တာဝန်ခံကြပါတယ်။ သူတို့ရဲ့ ရာထူးတည်မြဲရေး၊ ရာထူးတိုးမြှင့်ရေး၊ နေရာဋ္ဌာန ကောင်းကောင်းရရှိရေးများအတွက် အထက်အရာရှိကြီးများကိုသာ အားကိုးချဉ်းကပ်ပြီး အလိုလိုက်အကြိုက်ဆောင်တတ်ကြပါတယ်။ သုံးနှစ်ပြည့်ရင် ရာထူးတိုးပြီး ရွှေ့ပြောင်း၊ ဒါမှမဟုတ် လက်ရှိရာထူးနဲ့ပဲ အခြားဒေသကို ရွှေ့ပြောင်း၊ ဝန်ထမ်းလုပ်သက်စေ့ရင် အငြိမ်းစားပင်စင်ရနဲ့ သူတို့ဘဝမှာ လူထုကို မျက်နှာမူစရာမလိုလှပါ။ လူထုရဲ့ မကျေနပ်မှုကိုလည်း ဂရုမစိုက်ကြပါ။ 

တတိယပြဿနာကတော့ စစ်အရာရှိဟောင်းများဖြစ်ခြင်း၊ သို့မဟုတ် စစ်အရာရှိဟောင်းများကို တာဝန်ခံနေရခြင်းကြောင့် ဒီအုပ်ချုပ်ရေးမှူးများဟာ ဒေသဆိုင်ရာ အရေးကိစ္စများကို ဖြေရှင်းရာမှာ နိုင်ငံရေးစိတ်ဓာတ်နဲ့ မဖြေရှင်းပဲ စစ်တပ်ပုံစံ အမိန့်ပေးစနစ်နဲ့ ကိုင်တွယ်ဖြေရှင်းကြတာ ဖြစ်ပါတယ်။ ဒီလိုနဲ့ အုပ်ချုပ်ရေးမှူးများက ပြည်သူလူထုကို သူတို့ရဲ့ လက်အောက်ငယ်သားများအဖြစ် ရိုင်းရိုင်းစိုင်းစိုင်းဆက်ဆံကြတဲ့ ဖြစ်ရပ်တွေ အများကြီးရှိခဲ့၊ ရှိနေပါတယ်။ နောက်ထပ် ပြဿနာတွေ အများကြီး ရှိနေပါသေးတယ်။ အရေးအကြီးဆုံးက တာဝန်ယူမှု၊ တာဝန်ခံမှု၊ ပွင့်လင်းမြင်သာမှု မရှိတဲ့၊ ဒါမှမဟုတ် နည်းတဲ့ အစိုးရဝန်ထမ်းများက ကိုင်တွယ်တဲ့ မြန်မာနိုင်ငံက ဒေသန္တရအုပ်ချုပ်ရေးစနစ်ကို လူထုက ရွေးချယ်တင်မြှောက်သော လူထုကိုယ်စားလှယ်များက အုပ်ချုပ်တဲ့ စနစ်အဖြစ် ပြောင်းလဲနိုင်ဖို့ လိုအပ်ပါတယ်။

# ပြောင်းချင်သော်လည်း ပြောင်းဖို့မလွယ်သေးပါ

၂၀၁၅ နိုဝင်ဘာလ ရွေးကောက်ပွဲမတိုင်ခင်က လစဉ် ပြောနေကျ မိန့်ခွန်းတစ်ခုမှာ သမ္မတဦးသိန်းစိန်က သူ့အစိုးရအနေနဲ့ နောက်ငါးနှစ်သက်တမ်းမှာ မြို့နယ်အဆင့်အုပ်ချုပ်ရေးတွေကို ပြည်သူလူထုက ရွေးချယ်တင်မြှောက်တဲ့ မြို့နယ်ကောင်စီများ၊ ပြည်သူ့ကော်မတီများက အုပ်ချုပ်တဲ့ စနစ်ဖြစ်အောင် ၂၀၀၈ ဖွဲ့စည်းပုံကို ပြင်ဆင်ဖို့ကြိုးစားမယ်လို့ ဟောပြောခဲ့ပါတယ်။ သူပြောသလိုပါပဲ။ မြန်မာနိုင်ငံရဲ့ ဒေသန္တရအုပ်ချုပ်ရေးစနစ်ကို တပ်မတော်ကာကွယ်ရေးဦးစီးချုပ်ထံကနေ ပြည်သူ့ကိုယ်စားလှယ်များထံ လွှဲပြောင်းပေးနိုင်ဖို့ အဓိကလိုအပ်ချက်က အထက်မှာ ဖော်ပြခဲ့တဲ့ ပုဒ်မ ၂၈၈ ကို ဖျက်သိမ်းပြီး "ခရိုင်အဆင့်နှင့် မြို့နယ်အဆင့်တို့၏ အုပ်ချုပ်ရေးကို သက်ဆိုင်ရာ ခရိုင် ပြည်သူများ၊ သက်ဆိုင်ရာ မြို့နယ်ပြည်သူများမှ ရွေးကောက်တင်မြှောက်ပြီး သမ္မတ၏ သက်တမ်းအတိုင်း တာဝန်ထမ်းဆောင်ခွင့်ရှိသည့် ခရိုင်အုပ်ချုပ်ရေးကောင်စီ၊ မြို့နယ်အုပ်ချုပ်ရေးကောင်စီများအား တာဝန်ပေးဆောင်ရွက်စေရမည်။ ၎င်း ခရိုင်ကောင်စီများ၊ မြို့နယ်ကောင်စီများ ဖွဲ့စည်းခြင်း၊ ရွေးကောက်တင်မြှောက်ခြင်း၊ တာဝန်နှင့် လုပ်ပိုင်ခွင့်များအား ပြည်ထောင်စုလွှတ်တော်မှ ဥပဒေပြဋ္ဌာန်းဆောင်ရွက်ရမည်" လို့ အစားထိုး ပြင်ဆင်ရန် ဖြစ်ပါတယ်။

သို့သော်လည်း အဲဒီလို ဖွဲ့စည်းပုံအခြေခံဥပဒေကို ပြင်ဆင်ဖို့ဆိုတာ အများသိကြတဲ့ အတိုင်း လွယ်ကူတဲ့ ကိစ္စမဟုတ်ပါ။ ရွေးကောက်ခံ လွှတ်တော်ကိုယ်စားလှယ် ၇၅ ရာခိုင်နှုံးနဲ့ တပ်မတော်ကာကွယ်ရေးဦးစီးချုပ်က ခန့်အပ်တဲ့ တပ်မတော်သားကိုယ်စားလှယ် ၂၅ ရာခိုင်နှုံးတို့ ပေါင်းစပ်ထားတဲ့ ပြည်ထောင်စုလွှတ်တော်မှာ ပုဒ်မ ၂၈၈ ကို ပြင်ဆင်ဖို့ ထောက်ခံမဲ ၇၅ ရာခိုင်နှုံးနဲ့ အထက် လိုအပ်ပါတယ်။ အမျိုးသားဒီမိုကရေစီအဖွဲ့ချုပ်က ပြည်ထောင်စုလွှတ်တော်မှာ အမတ်နေရာအများစုရထားတယ်ဆိုပေမယ့် ဒီချုပ်ပါတီရဲ့ ကိုယ်စားလှယ် ၃၉၀ ဦးက ပြည်ထောင်စုလွှတ်တော်ရဲ့ ၅၉ ရာခိုင်နှုံးပဲ ရှိပါတယ်။ မဟာမိတ်ပါတီများဖြစ်ကြတဲ့ ရှမ်းတိုင်းရင်းသားများဒီမိုကရေစီအဖွဲ့ချုပ် (၁၅ နေရာ)၊ ရခိုင်အမျိုးသားပါတီ (၂၂ နေရာ)၊ ဇိုမီးဒီမိုကရေစီအဖွဲ့ချုပ် (၄ နေရာ) တို့နဲ့ ပေါင်းမှ ၆၅ ရာခိုင်နှုံးပဲ ရှိပါတယ်။ အစိုးရဖွဲ့နိုင်မှာ ဖြစ်ပေမယ့် ကြံ့ခိုင်ရေးပါတီကိုယ်စားလှယ် ၆ ရာခိုင်နှုံး၊ တပ်မတော်ကိုယ်စားလှယ် ၂၅ ရာခိုင်နှုံးမပါပဲ ဖွဲ့စည်းပုံအခြေခံဥပဒေကို ပြင်ဆင်နိုင်မှာ မဟုတ်ပါ။ တပ်မတော်ကိုယ်စားလှယ်များရဲ့ ထောက်ခံမှု၊ ပူးပေါင်းဆောင်ရွက်မှုကို ရဖို့လည်း အချိန်အတော်ကြာ ဖြတ်သန်းရဦးမှာပါ။

# အထွေထွေအုပ်ချုပ်ရေးဦးစီးဋ္ဌာနကို သမ္မတရုံးရဲ့ တိုက်ရိုက်အုပ်ချုပ်မှုအောက်မှာ ထားရှိပါ။

ဖွဲ့စည်းပုံအခြေခံဥပဒေကို မပြင်ဆင်နိုင်သေးခင်မှာ ဒေသန္တရအုပ်ချုပ်ရေးစနစ်ကို အားကောင်းခိုင်မာစေဖို့ နည်းလမ်းတစ်ခု ရှိပါတယ်။ အဲဒါကတော့ နိုင်ငံတော်သမ္မတရဲ့ အာဏာနဲ့ အထွေထွေအုပ်ချုပ်ရေးဦးစီးဋ္ဌာနကို ပြည်ထဲရေးဝန်ကြီးဋ္ဌာနလက်အောက်က ဆွဲထုတ်ပြီး သမ္မတရုံးရဲ့ တိုက်ရိုက်အုပ်ချုပ်မှုအောက်မှာ ထားရှိခြင်းပဲ ဖြစ်ပါတယ်။ သမ္မတကိုယ်တိုင်ကသော်၎င်း၊ သမ္မတက တာဝန်ပေးတဲ့ အရပ်သား သမ္မတရုံးဝန်ကြီးတစ်ယောက်ကသော်၎င်း အထွေထွေအုပ်ချုပ်ရေးဦးစီးဋ္ဌာနကို တိုက်ရိုက်အုပ်ချုပ်မယ်ဆိုရင် ထွေ/အုပ် ညွှန်ချုပ်က စလို့၊ အဆင့်ဆင့်သော အုပ်ချုပ်ရေးမှူးများဟာ ပြည်ထဲရေးဝန်ကြီးက တဆင့် တပ်မတော်ကာကွယ်ရေးဦးစီးချုပ်ကို တာဝန်ခံစရာ မလိုအပ်တော့ပဲ အရပ်သား နိုင်ငံတော်သမ္မတကို တိုက်ရိုက်တာဝန်ခံရ တော့မှာ  ဖြစ်ပါတယ်။ အဲဒီလို ဆိုရင် ဒေသန္တရအုပ်ချုပ်ရေးမှူးများရဲ့ တာဝန်ယူမှု၊ တာဝန်ခံမှု၊ ပြည်သူလူထုအကျိုးဆောင်ရွက်မှုနဲ့ ပွင့်လင်းမြင်သာမှုတွေ ပိုပြီး အားကောင်းလာပါလိမ့်မယ်။ ၂၀၀၈ ဖွဲ့စည်းပုံအခြေခံ ဥပဒေ၊ ပုဒ်မ ၂၀၂ (က) မှာလည်း "နိုင်ငံတော်သမ္မတသည် ပြည်ထောင်စုလွှတ်တော်၏ သဘောတူညီချက်ဖြင့် ပြည်ထောင်စုအစိုးရဝန်ကြီးဋ္ဌာနများကို လိုအပ်သလို သတ်မှတ်နိုင်သည်။ ထို့ပြင် ဝန်ကြီးဋ္ဌာနများကို ပြင်ဆင်သတ်မှတ်ခြင်း၊ ဖြည့်စွက်ခြင်း ပြုနိုင်သည်။" လို့ ပြဋ္ဌာန်းထားပါတယ်။ အမျိုးသားဒီမိုကရေစီအဖွဲ့ချုပ်ရဲ့ သမ္မတက အစိုးရသစ်ဖွဲ့စည်းရာမှာ  အထွေထွေအုပ်ချုပ်ရေးဦးစီးဋ္ဌာနကို ပြည်ထဲရေးဝန်ကြီးဋ္ဌာနမှ ခွဲထုတ်ပြီး သမ္မတရဲ့ တိုက်ရိုက်အုပ်ချုပ်မှုအောက်မှာ ထားရှိဖို့ အဆိုတင်သွင်းရင် အမျိုးသားဒီမိုကရေစီအဖွဲ့ချုပ်က ၅၉ ရာခိုင်နှုံးနဲ့ အများစုလွှမ်းမိုးထားတဲ့ ပြည်ထောင်စုလွှတ်တော်ကလည်း သဘောတူ ထောက်ခံမှာပါ။

(ဇန်နဝါရီလ ၁၅ ရက်၊ ၂၀၁၆)