မိတ်ဆွေများသို့အလွမ်းမှတ်တမ်း
အောင်ဒင်
(၂)။ အာဇာနည်တွေနေတဲ့ တိုင်းပြည်
ဇူလိုင် ၂၁၊ ၂ဝဝ၆
မေရီလန်းပြည်နယ်၊ အမေရိကန်ပြည်ထောင်စု
၁။
မိတ်ဆွေတို့ရေ
၄၉ ကြိမ်မြောက် အာဇာနည်နေ့ကို ခင်ဗျားတို့အားလုံး ရဲဝံ့ပြောင်မြောက်စွာ ဖြတ်သန်းခဲ့ကြတယ်နော်။ ဂုဏ်ယူလေးစားမိပါတယ်ဗျာ ။
ရန်ကုန်တမြို့လုံးအနှံ့၊ မြန်မာတနိုင်ငံလုံးအနှံ့၊ နအဖစစ်အုပ်စုက သူ့ရဲ့စစ်တပ်တွေ၊ ပုလိပ်တွေ၊ အရပ်ဝတ်လုံခြုံရေးတွေကို အမြင့်မားဆုံး တပ်လှန့်ပြီး ဗိုလ်ချုပ်အောင်ဆန်းနဲ့တကွ အာဇာနည်ခေါင်းဆောင်ကြီးများကို လူထုက အလေးမပြုနိုင်အောင် ခြိမ်းခြောက်ဟန့်တားကြချိန်မှာ မိတ်ဆွေတို့က ရဲဝံ့စွာ၊ ငြိမ်းချမ်းစွာ၊ ပြတ်သားစွာ၊ ဒီ ခြိမ်းခြောက်မှုကို အံတုခဲ့ကြတယ်။
အမျိုးသားဒီမိုကရေစီအဖွဲ့ချုပ်ရဲ့ ရုံးခန်းပြင်ပ၊ လမ်းမကြီးနံဘေးမှာ ရဲဝံ့စွာ စုဝေး၊ မနက် ၁ဝ နာရီ ၃၇ မိနစ်မှာ ဥသြရှည်ဆွဲပြီး ကျဆုံးသွားခဲ့တဲ့ အာဇာနည်ခေါင်းဆောင်ကြီးတွေကို ခင်ဗျားတို့ အလေးပြုကြတယ်။ အမျိုးသားဒီမိုကရေစီအဖွဲ့ချုပ်ရဲ့ ရုံးခန်းဝင်းထဲမှာလည်း အာဇာနည်ကြီး တွေရဲ့ သမိုင်းကို ပြန်လည်ဖတ်ကြားလို့။ ဆရာကြီး နန်းညွန့်ဆွေ ရေးသားတဲ့ အာဇာနည်နေ့ ကဗျာရှည်ကြီး ခင်ဗျားတို့ အားပေးနားထောင် ခဲ့ကြတယ်။ တူညီဝတ်စုံတွေ၊ ဗိုလ်ချုပ်အောင်ဆန်းပုံပါတဲ့ တီရှပ်တွေ ဝတ်ဆင်ပြီး တယောက်နဲ့တယောက် လက်ချင်းချိတ်လို့ ခင်းဗျားတို့တွေ အာဇာနည်ဗိမာန်ဆီ ချီတက်ခဲ့ကြတယ်။ စစ်အုပ်စုရဲ့ တားမြစ်ပိတ်ဆို့မှုကြောင့် အာဇာနည်ဗိမာန်ထဲ အားလုံးတပြိုင်ထဲ ဝင်ခွင့်မရတော့ ခင်ဗျားတို့အားလုံး အာဇာနည်ဗိမာန်ရဲ့ပြင်ပကနေ အာဇာနည်ခေါင်းဆောင်ကြီးတွေကို ညီညီညွတ်ညွတ် အလေးပြုခဲ့ကြတယ်။ နအဖ စစ်အုပ်စုရဲ့ မတရား ဖမ်းဆီး ချုပ်နှောင်ထားခြင်း ခံရတဲ့ အာဇာနည်ခေါင်းဆောင်ကြီးကိုးဦးရဲ့ ဝိညာဉ်တွေကလည်း ခင်ဗျားတို့ အားလုံးကို၊ ခင်ဗျားတို့ရဲ့ ရဲရင့်ပြောင်မြောက်မှုကို ပြန်ပြီး အလေးပြုကြမှာ သေချာပါရဲ့ ။
ဒီ အာဇာနည်နေ့မှာ ကျနော်တို့ချစ်တဲ့ ပြည်သူတွေဟာ စစ်အုပ်စုရဲ့ အကြမ်းဖက်သမားတွေကို အံတုရင်ဆိုင်လိုက်ကြပြီ။ ခြိမ်းခြောက်မှုတွေကို ဂရုမစိုက်ပဲ ဗိုလ်ချုပ်အောင်ဆန်းပုံပါတဲ့ တီရှပ်တွေကို ဝတ်ဆင်ကြတယ်။ ကန့်သတ်မှုတွေကြားက ဗိုလ်ချုပ်ကြေးရုပ်ကို၊ ဗိုလ်ချုပ်ကျောက်တိုင်ကို နိုင်ငံအနှံ့အပြားမှာ အလေးပြုကြတယ်။ ဆရာတော်၊ သံဃာတော်များကလည်း စစ်အုပ်စုရဲ့ ဖိအားပေးမှုတွေကို မျက်ကွယ်ပြုပြီး အာဇာနည်ကြီး များအတွက် အမျှအတန်း ပေးဝေကြတယ်။
မိတ်ဆွေတို့ရေ
ခင်ဗျားတို့ အားလုံးကို ကျနော် အဝေးကနေ မြတ်မြတ်နိုးနိုး အလေးပြုလိုက်ပါရဲ့။
ကျနော်တို့ရဲ့ မြန်မာပြည…. အာဇာနည်တွေနေတဲ့ တိုင်းပြည်…
၂။
မိတ်ဆွေတို့ရေ
ခင်ဗျားတို့လည်း သတိပြုမိကြမှာပါ၊ စစ်အုပ်စုရဲ့ အကြောက်တရားကြီးမားမှုကို ။ လူထုရဲ့ ဝိုင်းရံပိတ်ဆို့မှုကို ကြောက်လန့်ပြီး နအဖရဲ့ စစ်ဌာနချုပ်ကို ရန်ကုန်မြို့ကနေ မိုင်၂ဝဝ ကျော် ကွာဝေးတဲ့ ပဲခူးရိုးမတောနက်ထဲ ရွှေ့ပြောင်းခဲ့တာ ရှစ်လကျော်ခဲ့ပြီ။ အာဏာရှင် ဦးနေဝင်းခေတ် က “စစ်တပ်ဆိုတာ မိုးပေါ်ထောင် မပစ်ဘူး။ တည့်တည့် ပစ်တယ်။” လို့ ပြောပြီး၊ လူထုကို ခြိမ်းခြောက်ခဲ့တယ်။ ဒါပေမယ့်သူ့ရဲ့ ခြိမ်းခြောက်မှုကို လူထုက တညီတညာတည်း ဆန့်ကျင်ကြချိန်မှာ ဦးနေဝင်းအစိုးရ ပြုတ်ကျခဲ့ရတယ်။
အခုလည်း ဗိုလ်ချုပ်သန်းရွှေနဲ့ စစ်အုပ်စုက အရပ်ဝတ်အကြမ်းဖက်သမားတွေကို လက်နက် တပ်ဆင်၊ ပြည်သူစွမ်းအားရှင်ဆိုတဲ့ အဖွဲ့တွေ ဖွဲ့ပေးပြီး ပြည်သူလူထုကို ခြိမ်းခြောက်ခဲ့၊ ခြိမ်းခြောက်နေတယ်။ ဒါပေမယ့်လည်း မိတ်ဆွေတို့ အားလုံးနဲ့ သတ္တိရှိတဲ့ သူရဲကောင်းပြည်သူတွေက ဒီ ခြိမ်းခြောက်မှုတွေကို ထီမထင်၊ အံတုရင်ဆိုင်လိုက်ကြပြီ။ အာဏာရှင်တယောက်ရဲ့ ကျဆုံးခန်းဟာ တဖြေးဖြေး နီးလာတာ အသေအချာပါပဲ ။
၃။
မိတ်ဆွေတို့ရေ
ဗိုလ်သန်းရွှေနဲ့ စစ်အုပ်စု တုန်လှုပ်ခြောက်ချားရမယ့် အဖြစ်အပျက်တွေက မြန်မာနိုင်ငံပြင်ပမှာလည်း ဆက်တိုက် ဖြစ်ပေါ်နေကြတာပါ။ မလေးရှား နိုင်ငံ၊ ကွာလာလမ်ပူမြို့မှာ AIPMC (Asean Inter-Parliamentarian Myanmar Caucus လို့ ခေါ်ကြတဲ့ အရှေ့တောင်အာရှနိုင်ငံများက လွှတ်တော်ကိုယ်စားလှယ်များရဲ့ မြန်မာအရေးလှုပ်ရှားမှုအဖွဲ့က မြန်မာ့အရေးဆွေးနွေးပွဲတရပ်ကို ဇူလိုင် ၂၁ နဲ့ ၂၂ ရက်နေ့တွေမှာ ကျင်းပ ပြုလုပ်ခဲ့ပါတယ်။ ဒီဆွေးနွေးပွဲကို ASEAN နိုင်ငံများဖြစ်ကြတဲ့ ထိုင်း၊ မလေးရှား၊ စင်္ကာပူ၊ ဖိလစ်ပိုင်၊ ကမေBာဒီယား၊ အင်ဒိုနီးရှား၊ မြန်မာနိုင်ငံတွေက လွှတ်တော်ကိုယ်စားလှယ် ၂ဝ ကျော်နဲ့ အိန္ဒိယ၊ တောင်ကိုရီးယား၊ သြစတြေးလျ၊ နယူဇီလန်နဲ့ ဥရောပသမဂ္ဂ လွှတ်တော်ကိုယ်စားလှယ်တွေ တက်ရောက်ပြီး၊ မြန်မာနိုင်ငံအရေးကိစ္စကို ဆွေးနွေးခဲ့ကြတယ်။
အဲ့ဒီစည်းဝေးပွဲကနေ အာဆီယံနိုင်ငံများကို ကိုယ်စားပြုတဲ့ လွှတ်တော်ကိုယ်စားလှယ်များက မြန်မာနိုင်ငံရဲ့ အရေးကိစ္စကို ကုလသမဂ္ဂ လုံခြုံရေး ကောင်စီက ဝင်ရောက်ဖြေရှင်းပေးဖို့ တခဲနက် တောင်းဆိုခဲ့ကြတယ်။
မိတ်ဆွေတို့ရေ
မြန်မာ့အရေးကိစ္စကို ကုလသမဂ္ဂလုံခြုံရေးကောင်စီက ဝင်ရောက်ဖြေရှင်းပေးဖို့ ကျနော်တို့အားလုံး ကြိုးပမ်းနေချိန်မှာ အိမ်နီးချင်းနိုင်ငံများရဲ့ ထောက်ခံမှု၊ ကန့်ကွက်မှုတွေကလည်း အင်မတန်မှ အရေးကြီးတယ်။ အထူးသဖြင့် ကုလသမဂ္ဂလုံခြုံရေးကောင်စီဆိုတာ ကမBာ့ငြိမ်းချမ်းရေးနဲ့ လုံခြုံရေးကို ထိပါးနှောက်ယှက်တဲ့ အရေးကိစ္စတွေကိုပဲ တာဝန်ယူဖြေရှင်းရတာမို့ အိမ်နီးချင်းနိုင်ငံများကပါ၊ မြန်မာနိုင်ငံရဲ့ ပြဿနာတွေဟာ မြန်မာနိုင်ငံနယ်နိမိတ်ထဲမှာပဲ ဖြစ်ပျက်နေတာ မဟုတ်တော့ပဲ၊ နယ်နမိတ်တွေကို ကျော်ဖြတ်ပြီး ဒေသတခုလုံးကို အန္တရာယ်ပြုနေပြီဆိုတာ ဝန်ခံ အသိအမှတ်ပြုဖို့ လိုပါတယ် .. ။
ဒါပေမယ့်လည်း အစိုးရချင်း ရိုင်းပင်းမှုနဲ့ ကိုယ်ကျိုးစီးပွား ဦးစားပေးမှုတွေကြောင့် တရုတ်၊ အိန္ဒိယ၊ ထိုင်းစတဲ့ အိမ်နီးချင်းနိုင်ငံအစိုးရတွေက မြန်မာအရေးကိစ္စဟာ ဒေသဆိုင်ရာလုံခြုံရေးနဲ့ ငြိမ်းချမ်းရေးကို ထိပါးနှောက်ယှက်နေတာကို ဝန်ခံအသိအမှတ်ပြုဖို့ ငြင်းဆိုနေကြတယ်။
တရုတ်အစိုးရအနေနဲ့ မြန်မာစစ်အုပ်စုဟာ မြန်မာနိုင်ငံအတွင်းမှာရှိတဲ့ တရုတ်အကျိုးစီးပွားတွေ၊ တရုတ် ရင်းနှီးမြ‡ုပ်နှံမှုတွေ၊ တရုတ်လူမျိုးတွေကို အကာအကွယ် ပေးနိုင်လိမ့်မယ်၊ မြန်မာနိုင်ငံရဲ့ ဆိပ်ကမ်းတွေကိုလည်း တရုတ်နိုင်ငံရဲ့ ပင်လယ်ထွက်ပေါက်အဖြစ် ဆက်ပြီး အသုံးပြုခွင့် ပေးလိမ့်မယ်လို့ ယုံကြည်ထားတယ်။ ဒါကြောင့် “ဒီမိုကရေစီအစိုးရတရပ် မြန်မာနိုင်ငံမှာ ပေါ်ပေါက်မလာရေး၊ တရုတ်အရေး” ပေါ့။
အိန္ဒိယအစိုးရကျတော့ အိန္ဒိယ၊ မြန်မာနယ်စပ်ဒေသက ကသည်းသူပုန်တွေ၊ နာဂသူပုန်တွေကို နှိမ်နင်းဖို့ မြန်မာစစ်အစိုးရရဲ့ ပူးပေါင်း ဆောင်ရွက်မှု ကို လိုတယ်။ စက်မှုထွန်းကားလာတဲ့ အိန္ဒိယအတွက် အရေးတကြီးလိုအပ်တဲ့ သဘာဝဓါတ်ငွေ့နဲ့ စွမ်းအင်ကို မြန်မာနိုင်ငံကနေ ဈေးပေါပေါနဲ့ရဖို့ မြန်မာစစ်အုပ်စုနဲ့ ပူးပေါင်းရမယ်။ မြန်မာစစ်အုပ်စုက တရုတ်အစိုးရအပေါ်မှာ အလွန်အကျွံ မမှီခိုစေဖို့ မြန်မာစစ်အုပ်စုကို စည်းရုံးရမယ်။ အဲ့ဒီလိုနဲ့ ကမBာပေါ်မှာ အကြီးဆုံး ဒီမိုကရေစီနိုင်ငံဆိုတဲ့ အိန္ဒိယက ကမBာပေါ်မှာ အကြမ်းကြုတ်ဆုံး မြန်မာ စစ်အုပ်စုကို ပလူးပလဲ လုပ်နေတာပေါ့ ။
ထိုင်းအစိုးရ ကျတော့လည်း ဝန်ကြီးချုပ်သက်ဆင်ရှင်နာဝပ်ရဲ့ နိုင်ငံခြားရေးဝါဒက သူ့အကျိုးစီးပွား၊ သူပိုင်တှဲ့ငည စီးပွားရေးလုပ်ငန်းကြီးရဲ့ အကျိုးစီးပွား ဦးစားပေးရေးမူဝါဒ ဖြစ်တာကြောင့် မြန်မာစစ်အုပ်စုက သူ့အပေါ် အပြစ်မမြင်ရေးဟာ သူ့အရေးပေါ့ ။ ဒီလိုနဲ့ အိမ်နီးနားချင်း နိုင်ငံများရဲ့ အစိုးရတွေဟာသူတို့ရဲ့ ကိုယ်ကျိုးစီးပွားကို ဦးစားပေးပြီး မြန်မာစစ်အုပ်စုက ဒေသတခုလုံးကို အန္တရာယ်ပြုနေတာကို မသိကျိုးကျွံ ပြုနေခဲ့ကြတာကြာပါပြီ ။
၎။
မိတ်ဆွေတို့ရေ
ခြိမ်းခြောက်မှု၊ အန္တရာယ်ပြုမှုလို့ ပြောရင်၊ အများစိတ်ထဲ စစ်ပွဲတွေ၊ စစ်ဖက်ရန်ဆောင်မှုတွေ၊ အင်အားသုံးတဲ့ ပဋိပက္ခတွေကိုပဲ ပြေးမြင်မိကြတယ်။ အဲ့ဒီစစ်ပွဲတွေထက်ပိုပြီး အပျက်အစီးများတဲ့၊ ပိုပြီး ကြောက်စရာကောင်းတဲ့ သမားရိုးကျမဟုတ်တဲ့ ခြိမ်းခြောက်မှုတွေ၊ အန္တရာယ်တွေကို ဒီကနေ့ ကျနော်တို့ ရင်ဆိုင်နေကြရတာပါ ။
ပထမဆုံး ပြောရမှာက နှစ် ၅ဝ ကျော် ပြည်တွင်းစစ်ကြီးရဲ့ အကျိုးဆက်တခုဖြစ်တဲ့ ဒုက္ခသည်တွေပါပဲ။ နအဖစစ်အုပ်စုနဲ့ တိုင်းရင်းသား လက်နက်ကိုင် တော်လှန်ရေးအဖွဲ့တွေကြား တိုက်ခိုက်မှု၊ နအဖစစ်အုပ်စုရဲ့ ဖြတ်လေးဖြတ် စစ်ဆင်ရေးတွေ၊ အတင်းအဓမ္မ နေရာရွှေ့ပြောင်းမှုတွေ၊ အဓမ္မ လုပ်အားပေး ခိုင်းစေမှုတွေ၊ ရွာလုံးကျွတ် မီး±ှို့ဖျက်ဆီးမှုတွေကြောင့် ပြည်တွင်းမှာ နေထိုင်လို့မရတော့ပဲ ဘေးလွတ်ရာ နယ်စစ်ဒေသတွေကို ထွက်ပြေး တိမ်းရှောင်လာရင်း နယ်စပ်ဒေသက ဒုက္ခသည်စခန်းတွေမှာ သောင်တင်နေကြရသူတွေပါ။ ထိုင်း - မြန်မာနယ်စပ်မှာ၊ အိန္ဒိယ - မြန်မာ နယ်စပ်မှာ၊ ဘင်္ဂလားဒေ့±ှ် - မြန်မာနယ်စပ်မှာ၊ တရုတ် - မြန်မာနယ်စပ်မှာ၊ အဲ့ဒီဒုက္ခသည်စခန်းတွေမှာ မြန်မာဒုက္ခသည်ပေါင်း တစ်သန်းကျော် ရှိပြီး၊ ဒုက္ခသည်စခန်းထဲမှာ မဟုတ်ပဲ၊ အဲ့ဒီ အိမ်နီးချင်းနိုင်ငံတွေထဲမှာ တရားမဝင် ရောက်ရှိနေထိုင်နေကြရတဲ့ မြန်မာနိုင်ငံသားတွေ၊ ၂ သန်းကျော် ရှိပါတယ်။ အိမ်နီချင်းနိုင်ငံတွေဟာ ဒီ ဒုက္ခသည်တွေထောင်ပေါင်း၊ သောင်းပေါင်းများစွာရဲ့ ဝန်ထုပ်ဝန်ပိုးတွေကို ခါးခါးသီးသီး ထမ်းထားရတာပါ။ အဲ့ဒီလို ဝန်ထမ်းနေရာတာကလည်း နှစ်ပေါင်း၂ဝ ကျော်ပါပြီ၊ မြန်မာနိုင်ငံအေးချမ်းလို့ ဒီ ဒုက္ခသည်တွေ အန္တရာယ်ကင်းကင်းနဲ့ အိမ်မပြန်နိုင် သေးသ၍ ဒီ ဝန်ထုတ်ဝန်ပိုးကြီးတွေကို ဆက်ပြီး ထမ်းထားရဦးမှာပါ။
ဒီ ဒုက္ခသည်တွေရဲ့ စီးဆင်းမှုကလည်း ရပ်တံ့မသွားခဲ့ပါဘူး။ အခု လက်ရှိကာလမှာတင်မပဲ မြန်မာနိုင်ငံအတွင်းက တောတွေတောင်တွေထဲမှာ နေရာရွှေ့ပြောင်း ပုန်းအောင်း ခိုလှုံရင်း နအဖစစ်အုပ်စုရဲ့ သတ်ဖြတ်မှုကို ရှောင်တိမ်းနေကြရတဲ့ တိုင်းရင်းသားပြည်သူတွေ ၆ သိန်းနဲ့ တစ်သန်း ကြားမှာ ရှိပါတယ်။ ဒီ ဒုက္ခသည်တွေလည်း ဘေးလွတ်ရာ ရွှေ့ပြောင်းရင်း အနှေးနဲ့အမြန်ဆိုသလို နယ်စပ်ဒေသ ဒုက္ခသည် စခန်းတွေကို ရောက်လာ ကြဦးမှာပါ ။
နောက်တမျိုးကတော့ ဒေသတွင်း မူးယစ်ဆေးဝါးသုံးစွဲသူတွေ ကြောက်ခမန်းလိလိ တိုးပွားနေတာပါပဲ။ နအဖစစ်အုပ်စုနဲ့ ပူးပေါင်းပြီး အကျိုးတူ စီးပွားဖြစ်နေတဲ့ ဘိန်းဘုရင်တွေဟာ၊ မြန်မာနိုင်ငံတွင်း ရွှေတြိဂံဒေသက ထုတ်လုပ်တဲ့ ဘိန်း၊ ဘိန်းဖြူနဲ့ စိတ်ºကဆေးပြားတွေကို နအဖစစ်အုပ်စုရဲ့ အကာအကွယ်ပေးမှုနဲ့ ထိုင်းနိုင်ငံ၊ တရုတ်နိုင်ငံ၊ အိန္ဒိယ၊ စင်္ကာပူ၊ ဟောင်ကောင်၊ မလေးရှားနဲ့ ဒေသတခုလုံးကို ဖြန့်ဖြူးတင်ပို့နေကြတာပါ။ ဒေသတွင်း မူးယစ်ဆေးဝါး တင်ပို့ရောင်းချမှုတွေ မြင့်မား၊ မူးယစ်ဆေးဝါးသုံးစွဲသူတွေ တိုးပွားပြီး ရာဇဝတ်မှုတွေ ထူပြော၊ ကုန်ထုတ်စွမ်းအားတွေ ကျဆင်း၊ အကျင့်စာရိတ္တတွေ ပျက်စီးနဲ့ ဒီ အန္တရာယ်က ကြီးမားလှပါတယ်။ စစ်ပွဲတခုရဲ့ အကျအဆုံးကို ရေတွက်လို့ရနိုင်ပေမယ့် မူးယစ်ဆေးဝါး ကြောင့် ပျက်ဆီးဆုံးရှုံးရတာတွေကို ရေတွက်လို့ မရနိုင်ပါဘူး။
သိပ်မကြာသေးခင်က အိန္ဒိယနိုင်ငံအစိုးရနဲ့္က္ဒUNODC လို့ခေါ်တဲ့ ကုလသမဂ္ဂ မူးယစ်ဆေးဝါးထိန်းချုပ်ရေးအဖွဲ့တို့ရဲ့ ပူးတွဲစစ်တမ်းတခုမှာ အိန္ဒိယ နိုင်ငံရဲ့ နောက်ဘက်ခြမ်း ပြည်နယ်တွေမှာ မြန်မာနိုင်ငံက ဝင်ရောက်လာတဲ့ မူးယစ်ဆေးဝါးတွေကြောင့် မူးယစ်ဆေးစွဲသူတွေ၊ ရာဇဝတ်မှုတွေ အမြောက်အများ တိုးပွားလာတယ်လို့ ဆိုပါတယ်။ တရုတ်နိုင်ငံ မူးယစ်ဆေးဝါးတိုက်ဖက်ရေးအဖွဲ့ရဲ့ အကြီးအကဲဖြစ်သူကလည်း တရုတ်နိုင်ငံတွင်း မူးယစ်ဆေးစွဲသူ များပြားလာမှုအတွက် မြန်မာနိုင်ငံ နအဖ စစ်အုပ်စုကို အပြစ်တင်ခဲ့ပါတယ်။ ထိုင်းနိုင်ငံ၊ စင်္ကာပူ၊ မလေးရှား၊ ဖိလစ်ပိုင်၊ ဟောင်ကောင် စတဲ့ နိုင်ငံတွေမှာလည်း ဒီ အန္တရယ်ကြီးကို ခံစားနေကြရတာပါ။
မူးယစ်ဆေးဝါး သုံးစွဲမှုနဲ့ ဆက်နွယပြီး HIV/AIDS် ခေါ်တဲ့ ရောဂါဘယဆိုးကြီးကလည်း မြန်မာနိုင်ငံတွင်းမှာရော၊ ဒေသတခုလုံးမှာပါ ကြောက်ခမန်းလိလိ ပျံ့နှံ့နေပါတယ်။ ၂ဝဝ၅ ခုနှစ် ဧပြီလမှာ ထုတ်ပြန်တဲ့ Council of Foreign Relations ရဲ့ စာတမ်းတခုမှာ အိန္ဒိယနိုင်ငံ မြောက်ပိုင်းနဲ့ အနောက်ပိုင်း၊ တ±ုပ်နိုင်ငံ အရှေ့ခြမ်း၊ ထိုင်းနိုင်ငံနဲ့ ကမေBာဒီးယးနိုင်ငံများအတွင်းမှာ ပျံ့နှံ့ဖြစ်ပွားနေတဲံ့HIV/AIDS ရောဂါဆိုးကြီးဟာ မြန်မာနိုင်ငံကနေ မူးယစ်ဆေးဝါး တင်ပို့ရောင်းချတဲ့ လမ်းကြောင်းအတိုင်း ပျံ့နှံ့ ရောက်ရှိ လာတယ် လို့ဆိုပါတယ်။
တချို့ မူးယစ်ဆေးစွဲလို့ ကိုယ်ကျင့်တရားတွေ ပျက်ပြီး၊ လိင် ကုန်ကူးမှု၊ လူမှောင်ခိုကုန်ကူးမှု အပါအဝင် ရာဇဝတ်မှုမျိုးစုံကလည်း တိုးပွား မြင့်မား နေတာပါ။ အဲ့ဒီလို အိမ်နီးချင်းနိုင်ငံများနဲ့ ဒေသတခုလုံးဟာ မြန်မာနိုင်ငံက တင်ပိုလာတဲ့ ဘေးဒုက္ခအန္တရာယ်တွေ ခံစားနေကြရတဲ့အချိန်မှာ မြန်မာစစ်ခေါင်းဆောင်တွေနဲ့ ဘိန်းဘုရင်တွေဟာ တရားမဝင် ရလာတဲ့ ငွေမည်းတွေကို နအဖစစ်အုပ်စုရဲ့ ခွင့်ပြုချက်နဲ့ တရားဝင် စီးပွားရေး လုပ်ငန်းတွေမှာ မြ‡ုတ်နှံပြီး စီးပွားရေးအင်ပါယာကြီးတွေ တည်ဆောက်၊ အဲ့ဒီ စီးပွားရေးအင်ပါယာတွေကို ဒေသတွင်းနိုင်ငံများမှာပါ ချဲ့ထွင်ရင်း ငွေမည်း လျှော်ဖွတ်ရေးလုပ်ငန်းတွေ ကြီးမား၊ ဒီလိုနဲ့ အရှေ့တောင်အာရှဒေသရဲ့ ဒုစရိုက်ယန္တရားကြီးဟာ အစိုးရတွေထက်ပိုပြီး အားကောင်း၊ ပိုပြီး သန်စွမ်း၊ ပိုပြီး ကြမ်းကြုတ်လာတာပေါ့ ။
ဒီ အန္တရာယ်တွေ၊ ဒီ အနိဌာရုံတွေကို တချို့အစိုးရတွေက မသိကျိုးကျင် ပြုနေကြပေမယ့် ပြည်သူတွေ၊ လူ့အဖွဲ့အစည်းတွေကသိပါတယ်။ လူထုက ရွေးချယ်တင်မြောက်ထားတဲ့ လွှတ်တော်ကိုယ်စားလှယ်တွေက သိပါတယ်။ ဒါကြောင့်မို့လည်း ASEAN လို့ခေါ်တဲ့ အရှေ့တောင်အာရှနိုင်ငံများက လွှတ်တော်ကိုယ်စားလှယ်များရဲ့ မြန်မာအရေးလှုပ်ရှားမှုအဖွဲ့ဟာ ၂ဝဝ၄ ခုနှစ်၊ နိုဝင်ဘာမှာ စတင်ပေါ်ပေါက်လာပြီး ဒေသတခုလုံးကို ခြိ်မ်းခြောက် အန္တရာယ်ပြုနေတဲ့ မြန်မာနိုင်ငံရဲ့ပြဿနာများကို ကုလသမဂ္ဂလုံခြုံရေးကောင်စီက အမြန်ဝင်ရောက်ဖြေရှင်းပေးဖို့တောင်းဆိုနေကြတာပေ့ါ ။
၅။
မိတ်ဆွေတို့ရေ
တချို့ကလည်း လျှော့တွက်ကြတယ်။ ဒေသတွင်းက ပြည်သူတွေက ဘယ်လောက်ပဲ အော်အော်၊ လွှတ်တော်ကိုယ်စားလှယ်တွေက ဘယ်လောက်ပဲ ပြောပြော၊ အစိုးရတွေ မပါရင်၊ ဘာမှ လုပ်လို့မရဘူး တဲ့။ သူတို့နားမလည်တာက ဒီ ပြည်သူတွေရဲ့ အသံ၊ ဒီ လွှတ်တော် ကိုယ်စားလှယ်တွေရဲ့ အသံဟာ ဒီ အစိုးရတွေရဲ့ သဘောထားကို ပြောင်းလဲနိုင်စွမ်းရှိတယ် ဆိုတာပါပဲ ။
ဇူလိုင်၂၁ ရက်နေ့မှာ စတင်ကျင်းပတဲ့ AIPMC ရဲ့ အစည်းအဝေး ပထမနေ့ကို မလေးရှား နိုင်ငံခြားရေးဝန်ကြီး Syed Hamid Albar က သဝဏ်လွှာ ပေးပို့ပါတယ်။ မလေးရှား နိုင်ငံခြားရေးဝန်ကြီးက သူ့ရဲ့ အလုပ်များမှုကြောင့် ကိုယ်တိုင် မတက်ရောက်နိုင်တာကို တောင်းပန်ရင်း သဝဏ်လွှာကို သူ့ရဲ့လက်ထောက်အရာရှိတဦးကို ဖတ်ကြားစေခဲ့ပါတယ်။ ဒါဟာဖြင့် အင်မတန်ကြီးမားတဲ့ ပြောင်းလဲမှုကြီးပါပဲ။ AIPMC အဖွဲ့ကြီးကို မလေးရှား နိုင်ငံခြားရေးဝန်ကြီးက မလေးရှားအစိုးရရဲ့ ကိုယ်စား တရာဝင်အသိအမှတ်ပြု လိုက်တာပါ။ ဒါတင် မကသေးပါဘူး၊ လက်ရှိ ASEAN္ဒ အဖွဲ့ကြီးရဲ့ ဥက္ကဌဖြစ်တဲ့ မလေးရှားနိုင်ငံခြားရေးဝန်ကြီးက ASEAN္ဒ အဖွဲ့ကြီးရဲ့ ကိုယ်စား AIPMC ကို တရားဝင် အသိအမှတ် ပြုလိုက်တာပါ။
မလေးရှား နိုင်ငံခြားရေးဝန်ကြီးရဲ့ သဝဏ်လွှာမှာပါတဲ့ အင်မတန်အရေးကြီးတယ်လို့ ကျနော်ယူဆတဲ့ အချက် ၃ ချက်ကိုလည်း မိတ်ဆွေတို့ကို ပြောချင်ပါတယ်။
ပထမအချက်က မလေးရှားနိုင်ငံခြားရေးဝန်ကြီးက ဒီ ဆွေးနွေးပွဲကို တက်ရောက်တဲ့ ASEAN အဖွဲ့ဝင် ၇ နိုင်ငံက လူထုက ရွေးချယ် တင်မြေ‡ာက်ထားတဲ့ လွှတ်တော်ကိုယ်စားလှယ်တွေကို အသိအမှတ်ပြု ကြိုဆိုလိုက်တာပါ။ ဒါဟာ ASEAN နိုင်ငံ ၆ နိုင်ငံ (စင်္ကာပူ၊ မလေးရှား၊ ဖိလစ်ပိုင်၊ အင်ဒိုနီးရှား၊ ကမေBာဒီးယား၊ ထိုင်း) က လွှတ်တော်ကိုယ်စားလှယ်တွေနဲ့အတူ အစည်းအဝေးတက်ရောက်နေတဲ့ မြန်မာနိုင်ငံက လွှတ်တော်ကိုယ်စားလှယ် ၃ ယောက်- “အင်္ဂပူမြို့နယ် လွှတ်တော်ကိုယ်စားလှယ် ဒေါက်တာစန်းအောင်၊ မိုးကုတ်မြို့နယ် လွှတ်တော် ကိုယ်စားလှယ် ဦးဘိုလှတင့်နဲ့ ဆိပ်ကမ်းမြို့နယ် လွှတ်တော်ကိုယ်စားလှယ် ဒေါ်စန်းစန်း” တို့ကို ASEAN္ဒ အဖွဲ့ရဲ့ ဥက္ကဌ၊ မလေးရှား နိုင်ငံခြားရေး ဝန်ကြီးက တရားဝင် အသိအမှတ်ပြု ကြိုဆိုလိုက်တာပါ။ မြန်မာနိုင်ငံတွင်းမှာ နအဖစစ်အုပ်စုက အသိအမှတ်ပြုဖို့ ငြင်းဆိုခံနေရတဲ့ ၁၉၉ဝ ပြည့်နှစ် ရွေးကောက်ပွဲ အနိုင်ရပါတီ အမျိုးသားဒီမိုကရေစီအဖွဲ့ချုပ်ကို ကိုယ်စားပြုတဲ့ လွှတ်တော်ကိုယ်စားလှယ်တွေကို မလေးရှား နိုင်ငံခြားရေး ဝန်ကြီးက ASEAN္ဒ အဖွဲ့ရဲ့ ကိုယ်စား အသိအမှတ်ပြု ကြိုဆိုလိုက်တာပါ။
ဒုတိယအချက်ကတော့ မလေးရှား နိုင်ငံခြားရေးဝန်ကြီးက သူ့အနေနဲ့ AIPMC ကနေ မြန်မာ့အရေးကို ကုလသမဂ္ဂလုံခြုံရေးကောင်စီက ဝင်ရောက်ဖြေရှင်းပေးဖို့ တောင်းဆိုတာကို သိနားလည်တဲ့အကြောင်း၊ ဒီလူထုက ရွေးချယ်တင်မြေ‡ာက်ထားတဲ့ လွှတ်တော်ကိုယ်စားလှယ်များရဲ့ တောင်းဆိုမှုကို သူ့အနေနဲ့ ဥပေက္ခာ မပြုနိုင်ကြောင်းနဲ့ ဒီ တောင်းဆိုချက်ဟာ ASEAN္ဒ အစိုးရများရဲ့ ဆုံးဖြတ်ချက်ချမှတ်ရာမှာ လေးလေး နက်နက် ထည့်သွင်း စဉ်းစားရမှာဖြစ်ကြောင်း ကတိပြုလိုက်တာပါပဲ ။
တတိယအချက်ကတော့ မလေးရှားနိုင်ငံခြားရေးဝန်ကြီးက ဒေသတခုလုံးမှာ ကျရောက်နေတဲ့ မူးယစ်ဆေးဝါး၊ံHIV/AIDSှီ ရောဂါဆိုးကြီးတွေ ပျံ့နှံ့မှု၊ လူကုန်ကူးမှုတွေ တိုးပွားလာမှုစတဲ့ သမားရိုးကျ မဟုတ်တဲ့ အန္တရာယ်ကြီးတွေကို အသိအမှတ်ပြု လက်ခံသွားခဲ့တာပါပဲ ။
မိတ်ဆွေတို့ရေ
AIPMC ရဲ့ ၂ ရက်တာ အစည်းအဝေး ဇူလိုင် ၂၂ ရက်နေ့အပြီးမှာ ASEAN္ဒ နိုင်ငံများရဲ့ နိုင်ငံခြားရေးဝန်ကြီးများ အစည်းအဝေးကို ဇူလိုင် ၂၄ ကနေ ၂၈ အထိ ဆက်လက်ကျင်းပကြမှာပါ။ မလေးရှားနိုင်ငံခြားရေးဝန်ကြီးဟာ AIPMC လွှတ်တော်ကိုယ်စားလှယ်များရဲ့ တောင်းဆိုချက်ဖြစ်တဲ့ မြန်မာ့အရေးကိစ္စ ကုလသမဂ္ဂလုံခြုံရေးကောင်စီက ဝင်ရောက်ဖြေရှင်းပေးရေးကို အခြား ASEAN္ဒ နိုင်ငံခြားရေးဝန်ကြီးများထံ ဆက်လက် တင်ပြကြမှာ အသေအချာပါ။ အဲ့ဒီ ASEAN နိုင်ငံခြားရေးဝန်ကြီးများ အစည်းအဝေးကနေ ဒေသတခုလုံးကို အန္တရာယ်ပြုနေတဲ့ မြန်မာ စစ်အုပ်စု ကို ပြစ်တင်ရှုံ့ချကြမယ့် လက္ခဏာတွေကိုလည်း မြင်တွေ့နေရပါပြီ။ ဇူလိုင် ၂၈ နေ့လည်ကနေ ဇူလိုင်၂၉ အထိကတော့ ASEAN REGIONAL FORUM (ARF) လို့ခေါ်တဲ့ ASEAN္ဒ ဒေသဆိုင်ရာ အစည်းအဝေးဖြစ်ပြီး ASEAN္ဒ နိုင်ငံခြားရေးဝန်ကြီးများနဲ့ အမေရိကန် နိုင်ငံခြားရေးဝန်ကြီး ဒေါက်တာ ရိုက်စ် (္မRICE) အပြင် ဥရောပသမဂ္ဂနိုင်ငံများ ၊ တရုတ်၊ အိန္ဒိယ၊ သြစတြေးလျ၊ ဂျပန်၊ ကိုရီးယား၊ နယူးဇီလန်စတဲ့ နိုင်ငံများက နိုင်ငံခြားရေးဝန်ကြီးတွေ တက်ရောက်ဆွေးနွေးရင်း မြန်မာ့အရေးကိစ္စ အဖြေရှာကြဦးမှာပါ။ အဲ့ဒီလို ကြိုးပမ်းအဖြေရှာမှုတွေကနေ သိပ်မကြာခင် အချိန်အတွင်း ကုလသမဂ္ဂလုံခြုံရေးကောင်စီကနေ မြန်မာနိုင်ငံကိစ္စကို တရာဝင်ဆွေးနွေးအဖြေရှာရတဲ့ အဆင့်ကို ရောက်ရှိလာတော့မှာပါ ။
၆။
မိတ်ဆွေတို့ရေ……
ပြည်တွင်းမှာ မိတ်ဆွေတို့ရဲ့ ရဲရင့်ပြောင်မြောက်တဲ့ လက်နက်မဲ့ အံတုမှုတွေ၊ ပြည်ပမှာလည်း ကြီးမားပြင်းထန်တဲ့ ဖိအားပေးမှုတွေကို တပြိုင်ထဲ ရင်ဆိုင်နေရတဲ့ နအဖစစ်အုပ်စုဟာ ပူပင်သောကတွေ ဗျာများ၊ အများကြီး ဖျားနေလောက်ပါပြီ။
ပျဉ်းမနားထက်ဝေးဝေးကို ကြက်ကလေးတွေလို ပြေးဦးမလား။
မိတ်ဆွေတို့ ကမ်းလှမ်းနေတဲ့ ငြိမ်းချမ်းရေး စကားပြောပွဲကို ကြေကြေကွဲကွဲ လက်ခံမှာလား… ။
မကြာခင်မှာ ကွဲကွဲပြားပြား သိရတော့မယ် ထင်ပါရဲ့… ။
အောင်ဒင်။
