မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့် အပိုင်း (၉၈) စစ်နှင့် ပြည်သူ (ခ)

(ပြည်သူ့ခေတ်ဂျာနယ်၊ အတွဲ ၁၊ အမှတ် ၂၁၊ ဇွန်လ ၁၈ ရက်၊ ၂၀၁၅)

မြန်မာနိုင်ငံ၏ ပြည်ထောင်စု လွှတ်တော်ကို အနီးကြည့် အဝေးကြည့်

အောင်ဒင်

အပိုင်း (၉၈) စစ်နှင့် ပြည်သူ (ခ)

#ကာကွယ်ရေးဝန်ကြီးဋ္ဌာနမှ ဖြေကြားချက်

ဦးစိုင်းသန်းနိုင်ရဲ့ မေးခွန်းတွေကို ကာကွယ်ရေးဝန်ကြီးဋ္ဌာန၊ ဒုတိယဝန်ကြီး ဗိုလ်ချုပ်ကျော်ညွန့်က ပြည်သူ့လွှတ်တော်ကိုယ်စားလှယ်များရှေ့မှောက်မှာ လာရောက်ဖြေကြားခဲ့ပါတယ်။ 

သူ့အဖြေကတော့ (၁) တပ်မတော် တပ်ရင်း၊ တပ်ဖွဲ့များအနေနဲ့ ၁၉၈၈-၁၉၈၉ ဘဏ္ဍာရေးနှစ်မှ ၂၀၁၂-၂၀၁၃ ဘဏ္ဍာရေးနှစ်အထိသာ စစ်ဆင်ရေးလိုအပ်ချက်အရ အရပ်သားများကို နေ့စားအလုပ်သမားများအဖြစ် ငှါးရမ်းအသုံးပြုခဲ့ပြီး ၂၀၁၃-၂၀၁၄ ဘဏ္ဍာရေးနှစ်မှစပြီးတော့ ယနေ့အချိန်အထိ စစ်ဆင်ရေးအလုပ်သမားများ ငှါးရမ်းအသုံးပြုခြင်းမရှိကြောင်း ပြန်ကြားပါတယ်။ ၁၉၄၈ ပြည်တွင်းစစ်စတဲ့အချိန်ကနေ ၁၉၈၈ မတိုင်မီကာလအတွင်း စစ်တပ်ရဲ့ ပေါ်တာသုံးစွဲမှုများကိုတော့ ထည့်သွင်းပြောကြားခြင်း မရှိပါ။ (၂) ဘဏ္ဍာရေးနှစ်အလိုက် နှစ်စဉ်ဖြစ်ပေါ်ခဲ့တဲ့ သေဆုံး၊ ဒဏ်ရာရ၊ စစ်ဆင်ရေးအလုပ်သမားများစာရင်းကို ဒေသအလိုက်၊ မြို့နယ်အလိုက် ပြုစုထားပြီးဖြစ်တယ်လို့ ဆိုပါတယ်။ ဒါပေမည့် စာရင်းနဲ့ အရေအတွက်ကိုတော့ မပြောပါ။ (၃) စစ်ဆင်ရေးလိုအပ်ချက်အရ အသုံးပြုခဲ့တဲ့ အလုပ်သမားများဟာ တာဝန်ထမ်းဆောင်ခြင်းကြောင့် ထိခိုက်ဒဏ်ရာရရင်၊ မသန်မစွမ်းဖြစ်ရင်၊ သေဆုံးခဲ့ရင် တည်ဆဲအလုပ်သမားလျော်ကြေးဥပဒေအရ လျော်ကြေးငွေများ ရပိုင်ခွင့်ရှိတယ်၊ တပ်မတော်ဆေးရုံများတွင် ဆေးကုသခွင့်ရှိတယ်လို့ ဖြေပါတယ်။

ဗိုလ်ချုပ်ကျော်ညွန့်က ယခင်တုံးက စစ်ဆင်ရေးအလုပ်သမားများကို စစ်ဆင်ရေးတွင် သေဆုံးခဲ့လျင် ၇,၂၀၀ ကျပ်၊ ဒဏ်ရာရခဲ့လျင် ဆေးအဆင့် ၁၀၀ ရာခိုင်နှုံးကျလျင် ၁၀,၀၈၀ ကျပ်နှုံး၊ ကူဖော်စရိတ်အဖြစ် ဆေးအဆင့် ၁၀၀ ရာခိုင်နှုံး၏ ၂၅ ရာခိုင်နှုံး အပိုဆောင်း ထောက်ပံ့ခဲ့တယ်လို့ ဆိုပါတယ်။ ကာကွယ်ရေးကောင်စီ၊ အထူးအမိန့်အမှတ် ၂/အထူး/၂၀၁၂ ဖြင့် ၂၀၁၂-၂၀၁၃ ဘဏ္ဍာရေးနှစ်မှစ၍ သေဆုံးလျင် ကျပ် လေးသိန်းခွဲ၊ ဆေးအဆင့် ၁၀၀ ရာခိုင်နှုံးကျလျင် ကျပ် ၆ သိန်းနဲ့ ကူဖော်အဖြစ် ဆေးအဆင့် ၁၀၀ ရာခိုင်နှုံးကျ ထောက်ပံ့ငွေရဲ့ ၂၅ ရာခိုင်နှုံး (ကျပ် တစ်သိန်းခွဲ) ပြင်ဆင်ထောက်ပံ့တယ်လို့ ဆိုပါတယ်။ ဗိုလ်ချုပ်ကျော်ညွန့်က "ကျန်အကူအညီအထောက်အပံ့များ ပေးခြင်းမရှိပါဘူး" လို့ နိဂုံးချုပ် ဖြေကြားသွားပါတယ်။  

ဒါကြောင့် ယခင်တုံးက ဆိုတာ ၂၀၁၂-၂၀၁၃ ဘဏ္ဍာရေးနှစ်မတိုင်မီကာလအထိ ဖြစ်ပြီး ဦးစိုင်းသန်းနိုင် တင်ပြခဲ့တဲ့ ခြေပြတ်ခဲ့တဲ့ ကျော်သုသုနဲ့ အစ္စလမ်အမျိုးသမီးလေးတို့ကို သူတို့ဘဝတွေ ပျက်စီးသွားတဲ့အတွက် တပ်မတော်က  တစ်ဦးကို ၇,၂၀၀ ကျပ်စီသာ ထောက်ပံ့ခဲ့ပြီး အသက်ဆုံးရှုံးခဲ့ရတဲ့ ဦးအုန်းမောင်မိသားစု၊ ကိုကျော်ထွန်းမိသားစုတို့မှာတော့ တပ်မတော်ရဲ့ ထောက်ပံ့ငွေ ၁၀,၀၈၀ ကျပ်စီသာ ရရှိခဲ့တယ်လို့ နားလည်ရမှာပါ။

ကြေကွဲစရာပါ။ သူတို့ရဲ့ ဘဝတွေ၊ အသက်တွေ၊ မိသားစုတွေ၊ အနာဂတ်တွေကို ဖျက်ဆီးပစ်တဲ့အတွက် သူတို့ကို တပ်မတော်က ပေးတဲ့ ထောက်ပံ့ကြေးက ကျပ် တစ်သောင်းမှ အများဆုံး ဖြစ်ပါတယ်။ ဒါတောင်မှ ဘာလျော်ကြေး၊ ဘာထောက်ပံ့ကြေးမှ မရခဲ့သူတွေ အများကြီး ရှိပါသေးတယ်။ စစ်မြေပြင်မှာတင် အသက်ဆုံးရှုံးပြီး လူမသိ၊ သူမသိ ပျောက်ဆုံးသွားကြသူတွေ၊ စစ်မြေပြင်ကနေ ထိခိုက်ဒဏ်ရာနဲ့ ထွက်ပြေးပြီး နယ်စပ်ဒေသက ဒုက္ခသည်စခန်းတွေမှာ ခိုလှုံပြီး ဆက်လက်ရှင်သန်ကြရသူတွေ ထောင်ပေါင်းများစွာ ရှိကြပါသေးတယ်။

#ဦးစိုင်းသန်းနိုင်၏ အဆိုအောင်မြင်ခြင်း

၂၀၁၄ ခုနှစ်၊ စက်တင်ဘာလ ၂၄ ရက်နေ့ ပြည်သူ့လွှတ်တော်အစည်းအဝေးမှာပဲ ဦးစိုင်းသန်းနိုင်က မေးခွန်းမေးခြင်းအပြင် အရေးကြီးအဆို တင်သွင်းပါသေးတယ်။ သူ့အဆိုက (၁) စစ်ဆင်ရေးအထောက်အကူပြုဝန်ထမ်းအဖြစ် တပ်မတော်သားများနှင့်အတူ လိုက်ပါဆောင်ရွက်ရင်း အသက်၊ ခန္ဓာ၊ ပစ္စည်းဥစ္စာများဆုံးရှုံးခဲ့ရသော ပြည်သူများ မနစ်နာစေရေးအတွက် ထိုက်သင့်သောအသိအမှတ်ပြုမှု၊ ဂုဏ်ပြုလက်မှတ်၊ ဂုဏ်ပြုလွှာတို့ကို စီစစ်ထုတ်ပေးရေးနှင့် ယင်းတို့၏ ဘဝအဆင်ပြေစေရေးအတွက် ထောက်ပံကူညီမှုများ ပြုလုပ်ပေးရန် မူဝါဒ သို့မဟုတ် ဥပဒေပြဋ္ဌာန်းပေးရေး အဆိုနှင့် (၂) ပြည်သူများ သေကျေခြင်း၊ ကိုယ်ခန္ဓာစွန့်လွှတ်ရခြင်း၊ ပစ္စည်းဥစ္စာဆုံးရှုံးမှုနှင့် ဆင်းရဲဒုက္ခရောက်နေရခြင်းမှာ ပြည်တွင်းပဋိပက္ခ လက်နက်ကိုင်တိုက်ခိုက်မှုများကြောင့် ဖြစ်ပေါ်နေရခြင်း ဖြစ်သဖြင့် ပြည်သူများ၏ ဆန္ဓနှင့်အညီ ယနေ့ငြိမ်းချမ်းရေးရရှိအောင် ကြိုးစားဆောင်ရွက်နေချိန်တွင် ပစ်ခတ်တိုက်ခိုက်မှုများကို သက်ဆိုင်သူများမှ ဦးစွာ အမြန်ဆုံးရပ်ဆိုင်းပေးရေး အဆိုများ  ဖြစ်ကြပါတယ်။

ဦးစိုင်းသန်းနိုင် တင်ပြတဲ့ အဆိုများကို ကရင်ပြည်နယ်၊ ဘားအံမြို့နယ်ပြည်သူ့လွှတ်တော်ကိုယ်စားလှယ် ဒေါ်နန်းစေအွာ (ဖလုံ-စဝေါ် ဒီမိုကရက်တစ်ပါတီ) နဲ့ ပဲခူးတိုင်းဒေသကြီး၊ ကျောက်ကြီးမြို့နယ်ပြည်သူ့လွှတ်တော်ကိုယ်စားလှယ် ဦးညဏ်ဆွေဝင်း (တိုင်းရင်းသားစည်းလုံးညီညွတ်ရေးပါတီ) တို့က ထောက်ခံဆွေးနွေးကြပါတယ်။ ဦးညဏ်ဆွေဝင်းက သူ့ရဲ့ မဲဆန္ဒနယ်ဖြစ်တဲ့ ကျောက်ကြီးမြို့နယ်မှာ ဇန်နဝါရီလ ၁ ရက်နေ့ကနေ ဧပြီလ ၁၃ ရက်နေ့အထိ ၃ လကျော်ကာလအတွင်း မြေမြှုပ်မိုင်းပေါက်ကွဲမှု ၁၇ ကြိမ်ဖြစ်ခဲ့ကြောင်းနဲ့ သာမာန်ပြည်သူတွေဟာ နေ့စဉ်သွားလာနေထိုင်လှုပ်ရှားရင်းကနေ မိုင်းနင်းမိလို့ သေကြေ၊ ပျက်စီး၊ ဒဏ်ရာရနေကြရကြောင်း၊ ကျောက်ကြီးမြို့နယ်အတွင်းမှာ စစ်ဘေးစစ်ဒဏ်ကြောင့် ကိုယ်လက်အင်္ဂါချို့တဲ့ရသူပေါင်း ၃၃၃ ဦးရှိပြီး အစိုးရသစ်နဲ့ တိုင်းရင်းသားလက်နက်ကိုင်အဖွဲ့များ အပစ်အခတ်ရပ်စဲရေးဆွေးနွေးနေတဲ့ ကာလမှာတင် နောက်ထပ် ၁၀၀ နီးပါး ထပ်မံတိုးပွါးလာခဲ့ကြောင်း တင်ပြဆွေးနွေးပြီး အဆိုကို အတည်ပြုဖို့ ထောက်ခံပါတယ်။

ကာကွယ်ရေးဝန်ကြီးဋ္ဌာန ဒု-ဝန်ကြီး ဗိုလ်ချုပ်ကျော်ညွန့်ကလည်း ဒီအဆိုများကို တပ်မတော်မှ လေးလေးနက်နက်ထောက်ခံကြောင်း ပြောပါတယ်။ ဒါကြောင့်မို့ ဒီအဆိုများကို ၂၀၁၄ ခုနှစ်နှင့် စက်တင်ဘာလ ၂၄ ရက်နေ့မှာ ပြည်သူ့လွှတ်တော်က ကန့်ကွက်သူမရှိ၊ ထောက်ခံအတည်ပြုလိုက်ကြပါတယ်။

ဦးစိုင်းဝင်းနိုင်တင်ပြတဲ့ အဆိုနှစ်ခုကို ပြည်သူ့လွှတ်တော်က အတည်ပြုပြီးတဲ့နောက် ပြည်ထောင်စုအစိုးရက ဆက်လက်အကောင်အထည်ဖော်ရမှာ ဖြစ်ပါတယ်။ အဆိုနှစ်ခုအနက် ဒုတိယအဆိုဖြစ်တဲ့ "ပစ်ခတ်တိုက်ခိုက်မှုများအမြန်ဆုံးရပ်ဆိုင်းရေး" ကတော့ နှစ်ဖက်စလုံးက လက်နက်ကိုင်တပ်ဖွဲ့များအားလုံးက သဘောတူရပ်စဲမှ ဖြစ်မှာမို့ နိုင်ငံလုံးဆိုင်ရာ အပစ်အခတ်ရပ်စဲရေးစာချုပ်ကို အစိုးရ၊ တပ်မတော်နဲ့ တိုင်းရင်းသားလက်နက်ကိုင်အဖွဲ့များအားလုံး သဘောတူ လက်မှတ်ရေးထိုးနိုင်တဲ့ အချိန်အထိ စောင့်ရမှာပါ။ ဒါပေမည့် ပထမအဆိုဖြစ်တဲ့ "စစ်ဆင်ရေးအထောက်အကူပြုဝန်ထမ်းအဖြစ် တပ်မတော်သားများနှင့်အတူ လိုက်ပါဆောင်ရွက်ရင်း အသက်၊ ခန္ဓာ၊ ပစ္စည်းဥစ္စာများဆုံးရှုံးခဲ့ရသော ပြည်သူများ မနစ်နာစေရေးအတွက် ထိုက်သင့်သောအသိအမှတ်ပြုမှု၊ ဂုဏ်ပြုလက်မှတ်၊ ဂုဏ်ပြုလွှာတို့ကို စီစစ်ထုတ်ပေးရေးနှင့် ယင်းတို့၏ ဘဝအဆင်ပြေစေရေးအတွက် ထောက်ပံကူညီမှုများ ပြုလုပ်ပေးရန် မူဝါဒ သို့မဟုတ် ဥပဒေပြဋ္ဌာန်းပေးရေး" ကိုတော့ ပြည်ထောင်စုအစိုးရနဲ့ တပ်မတော်က ဦးစားပေးအစီအစဉ်နဲ့ အကောင်အထည်ဖော် ဆောင်ရွက်ပေးလိမ့်မယ်လို့ မျှော်လင့်မိခဲ့ပါတယ်။ ဒါပေမည့် ဒီဆောင်းပါးကို ရေးနေတဲ့ ၂၀၁၅ ခုနှစ်၊ ဇွန်လအထိတော့ မျှော်လင့်သလို ဖြစ်မလာသေးပါ။

#ဦးစိုင်းသန်းနိုင်မှ ဒုတိယအကြိမ် ဆွေးနွေးခြင်း (မေလ ၁၄ ရက်၊ ၂၀၁၅)

ဦးစိုင်းသန်းနိုင် တင်သွင်းတဲ့ အဆိုနှစ်ခုကို ပြည်သူ့လွှတ်တော်က အတည်ပြုပြီး ၈ လလောက်အကြာ၊ ၂၀၁၅ ခုနှစ်၊ မေလ ၁၄ ရက်နေ့မှာ ကျင်းပတဲ့ ပထမအကြိမ်ပြည်သူ့လွှတ်တော်၊ ၁၂ ကြိမ်မြောက်အစည်းအဝေး၊ ၄၆ ရက်မြောက်နေ့မှာ ဦးစိုင်းသန်းနိုင်ကပဲ ကာကွယ်ရေးဝန်ကြီးဋ္ဌာနကို သူတင်ထားတဲ့ အဆိုများ အကောင်အထည်ဖော်မှုအခြေအနေနဲ့ ပါတ်သက်ပြီး မေးခွန်းမေးမြန်းပါတယ်။ 

ဦးစိုင်းသန်းနိုင်က သူတင်သွင်းခဲ့တဲ့ အဆိုနှစ်ခုအနက် "စစ်ဆင်ရေးအထောက်အကူပြုဝန်ထမ်းအဖြစ် တပ်မတော်သားများနှင့်အတူ လိုက်ပါဆောင်ရွက်ရင်း အသက်၊ ခန္ဓာ၊ ပစ္စည်းဥစ္စာများဆုံးရှုံးခဲ့ရသော ပြည်သူများ မနစ်နာစေရေးအတွက် ထိုက်သင့်သောအသိအမှတ်ပြုမှု၊ ဂုဏ်ပြုလက်မှတ်၊ ဂုဏ်ပြုလွှာတို့ကို စီစစ်ထုတ်ပေးရေးနှင့် ယင်းတို့၏ ဘဝအဆင်ပြေစေရေးအတွက် ထောက်ပံကူညီမှုများ ပြုလုပ်ပေးရန် မူဝါဒ သို့မဟုတ် ဥပဒေပြဋ္ဌာန်းပေးရေး" အဆိုနဲ့ ပါတ်သက်ပြီး ပြည်သူများ၊ အထူးသဖြင့် ကာယကံရှင်များနဲ့ ၎င်းတို့ရဲ့ မိသားစုဝင်များက စိတ်ဝင်တစား မျှော်လင့်စောင့်စားနေကြပြီး ပထမအကြိမ် ပြည်သူ့လွှတ်တော်သက်တမ်းအတွင်းမှာ အကောင်အထည်ပေါ်လာစေချင်ကြတာမို့ သူ့အနေနဲ့ လွှတ်တော်မှအတည်ပြုပြီးတဲ့ အဆိုများနဲ့ ပါတ်သက်ပြီး (၁) နိုင်ငံတော်မှ မည်သို့ စီမံဆောင်ရွက်နေသည်၊ (၂) မည်သည့်အဆင့်ထိ စီမံဆောင်ရွက်ထားပြီးဖြစ်သည်ကို သိလိုပါကြောင်း မေးမြန်းပါတယ်။